翠園 (荃新天地) (Closed)

早前因為American Express 信用卡推廣活動原因，去翠園有折扣優惠，所以就去左食晚飯。美心系列既中菜，相比起美心皇宮，我prefer翠園，佢以fusion中菜為主題，今次叫左個花膠餐，兩位起，首先要講講果個鐵板叉燒，熱辣辣既鐵板，上菜果陣淋上叉燒汁，沙沙聲，叉燒變得更香口，中西合璧既idea，有啅頭。翡翠蟹肉瑤柱羹，我其實對羹麻麻地，中規中矩啦。鮑魚汁扣原隻花膠，花膠算大隻入味，鮑汁濃郁。上湯大花蝦伊麵，花蝦都算大隻，伊麵既汁都算濃。仲有個甜品，紅豆沙，都算普通啦，呢個套餐用AE卡係抵食👍🏻

今日天氣轉涼，心思思想食蒸飯，之後就揸車岀去荃新天地飲茶🫖《翠園》。下午二點左右拿飛，已經好多人排隊等位，大約10分鐘就入得去，環境舒服，枱與枱之間距離唔會好近。我今日叫左個孖寶(鳳爪排骨飯+潮州蒸粉果)❤️鳳爪排骨蒸飯真係好好食，飯粒粒分明，軟硬適中，軟綿綿的，水同飯比例控制得剛剛好👍，排骨好滑又淋，唔會好韌，老人家無牙都食到，鳳爪都好岀色，蒸鳳爪肉質軟腍香口，排骨同鳳爪肉汁滲入啲飯到，真係好好食😋⋯⋯天氣甘凍，個人食完暖笠笠！🥰💛懷舊鵪鶉燒賣，呢個懷舊點心唔係度度有得食，見到有即刻落單。呢個點心工序非常多，亦好考師傅手藝。餡料有雞肉，豬肉，蝦同冬菇，非常豐富，一咬落去，食到鵪鶉蛋, 之後就係雞豬餡料，最後底部有一隻蝦，層層遞進，口感非常豐富。最後仲食到冬菇清香。💚潮州粉果，個皮好好食，唔會癡牙，餡料主要係沙葛多，我就一般般！😎柚皮牛柏葉，老公有讚冇彈，爽滑又淋，柚皮吸飽了湯汁，香甜美味。我冇食，自己唔食牛😛😇豬腳薑，豬腳唔夠淋，姜好老，有渣，不過個薑醋汁好好飲，唔會乸喉，好香醇👍

相約咗班舊同事食晚飯，同事話黎翠園食晚飯。我們一行八人，但是其中有一個同事突然要加班，嚟唔到所以變咗七人。當我去到嘅時候，同事已經order咗啲食物呀。因我遲咗嚟，我唔知有乜套餐食，同事order咗兩個一模一樣四人套餐。是否沒有六人餐，我就唔知喇，因已order咗。四人套餐有魚翅、蘭花炒瘦肉加兩隻蝦、燒鵝、石斑仔、菇類炒豆苗和一個齋菜 ,即係double 菜。我的天呀點解會咁樣柯打。味道除咗個魚翅之外，其他都係一般冇特別，而且味度比較鹹，結果我飲了好多水。是否臨近冬至，啲餐牌係咁㗎。整體嚟講，我唔覺得好食囉。

翠園食物一向高質，見到佢嘅花膠餐，即刻好想食，個set係兩位起的花膠🔸️大花蝦全日套餐 (每位$218）鐵板叉燒翡翠蟹肉瑤柱羹鮑魚汁扣原隻花膠上湯焗大花蝦伊麵精美甜品鐵板叉燒醬汁味美， 熱辣辣鐵板可以保持叉燒温度，而且叉燒屬半肥瘦，配上秘製醬汁更好味蟹肉瑤柱羹每人一碟上，蟹肉唔係太多，不過不失花膠都幾大隻， 都係每人一碟上，炆煮入味，鮑汁味濃伊麵配一隻大花蝦，每人一碟上甜品係咖啡糕，味道唔錯，甜味適中

飲茶嘅嘢越普通嘅點心就見到依間茶樓嘅成績當然明白好多茶樓都係中央工廠製造然之後去到茶樓廚房先至整熟佢但係依度食到嘅都算係咁樣啦不過不失基本嘅味道有齊而且都食到食物係新鮮嘅所以又想飲茶有冇地方去不妨可以試試佢

早前打風 開心多一天假期 就同朋友去左荃灣翠園嘆下點心 己很久己想去試吓, 服務很好 好快就有位了, 馬上叫了五六様喜歡點心, 依家逐樣分享一下：蝦餃d蝦好大隻 十分彈口 好新鮮鳳爪大隻 配以用汁剛剛好 不多不少更有我最喜歡的鮮蝦腸粉 爽口又大隻嘅鮮蝦 怎能抗拒潮州粉果 好多材料 大大個 好有口感百花釀魚肚 食落爽口 好有魚味 好值得推介芋角更是一絕 香口又飽肚 非常好味最後品嚐珍珠雞 熱辣辣 香噴噴 真係十分滿足啦加上地方舒適 服務不錯，下次再有空一定再約班朋友一齊來食過。

朋友邀約去翠園晚，因為有張coupon，正價滿$300可用$100。於是我這個香港人，專特搭港鐵去到荃灣赴約book位分兩個時段，因第二時段太夜，我哋揀咗6:30-800時段，90分鐘首先我哋点呢度出名嘅燒腩仔，但可惜賣哂，無得食。跟住嚟嘅红燒豆腐，味道好寡，豆腐竟然有酸味唯有退返俾佢。另叫一個炒鲜奶賣相一般，食落金華火腿死鹹又唔鮮，帶子好明顯雪藏貨，死實實，無嚟味道，重要切割兩半，成個菜剩係好油同好滯蟹肉就無，祇得一粒粒嘅蟹籽，元貝味道正常，整體味道一般。义燒肉質唔錯，幾冧用coupon埋單，都要三百幾，但真係唔好食總結：荃新天地翠園地方一般，首先環境嘈吵，唔夠人手，經常待慢食客，上桌混亂，食物唔夠熱，質素又，除咗個义燒，呢度啲嘢食全部唔及格執筆至此，不禁懷念以前嘅翠園🤔，曾經尖沙咀星光行係我嘅至愛飯堂……估唔到呢一、兩年，翠園啲水準一直下降，嘢食會變得咁差，實在令人大失所望！

琴晚去沙田翠園食龍蝦伊麵，差唔多$400一碟，比得1隻龍蝦仔我食，呢個酒樓好個去槍，我問經理話呢隻加拿帶龍蝦有12-13量重，我睇同我去洒店放題任食差唔多大隻😤

依家嚟翠園食嘢，滿$200就會有一張$100 coupon，嗰張coupon當你係主餐牌食滿$300就可以減返$100，但一定要係晚市！所以今晚就特登嚟呢間度食啦，兩個人叫咗兩個餸 一個就係炒鮮奶，同埋另一個黃金倉魚😍 平時好少會喺街度叫倉魚，因為屋企成日食，同埋價錢相對上來講好平，今次呢個$188，但係佢煮得好有特色😍 自己覺得好好食，可能因為我鍾意食鹹蛋🤪🤪 另外嗰個炒鮮奶，都炒得好滑見喺OpenRice咁多負評，但食落又幾okay☺️

以前間中都會嚟翠園飲茶，因為呢度環境幾好，坐得舒服，食物雖然係貴少少，但係比較精緻同好食。不過事隔一年左右，食物已經變得麻麻，可能轉左供應商或者廚房師傅🤔🤔下次未必再嚟🤷🏻‍♀️🤷🏻‍♀️餐廳都幾進取，座位放得幾密。記得之前佢哋嘅珍珠雞係好好食，有紅米。不過宜家直頭個樣都變咗，係三隻打開咗乾爭爭/四四正正嘅珍珠雞，係有啲失望嘅。不過我見其實佢都有好多瑤柱絲，但味道普通啦🙂🙂一籠四粒既鮮蝦菜苗餃其實整成三隻飽滿嘅餃咪好地地囉，而家整成三角形咁，外皮就變得比較厚，做唔到超多餡料嘅豐富口感叉燒酥普通。試吓新野，牛油果明蝦角，都幾得意，鍾意牛油果嘅都可以試試😄😄

恭喜發財！今日大年初一一起身就去咗翠園同屋企人飲早茶～新年梗係要嗌番啲有意頭嘅食物啦！嗌左「盤滿砵滿」。有魚肚、蠔鼓、髮菜、白蘿蔔、冬菇同腐竹，超足料！😍新年必食意頭餸——髮菜蠔鼓（寓意「發財好市」）！魚肚厚身，夠腍，彈牙有口感，好似綿花🧽咁吸收曬d汁，每咬一啖d汁都喺口腔內咇曬出黎～😋白蘿蔔好甜，juicy多汁，無渣。冬菇煮得夠腍，好香～腐竹，富足，厚薄適中有口感，夠腍唔會太硬。新春點心由即日起(初一12/2)供應到年十五(26/2)，要食就要快啦！🤩祝大家新嘅一年事事順心，萬事勝意，身體健康！🧧🧧🎉🎉🎊🎊

$398外賣4人套餐龍蝦伊麵龍蝦新鮮，肉質爽滑鮮甜，伊面入味。粟米海鮮羹很夠熱，材料亦十足。魚香茄子咸香非常，茄子惹味。咕嚕肉肉質鬆化，甜酸度適中，外脆內軟。瑤柱蛋白炒飯炒得乾身，飯粒粒粒分明，簡單好吃。

今天與朋友到荃灣荃新天地相聚，無時限並無限添飲(茶)，茶樓是一個好地方，所以我們選了《翠園》，可能我們太晚去了，我們到達時已是十時許，快到十一時，早茶原來十一時要截單，並有時限離座，所以，我們最後放棄早茶，直接享用午餐吧！我們看見正價的點心，跟小食價錢差不多，所以今次我們就吃得精緻一點吧！《涼伴海蜇螺片》($48)這個有驚喜，螺片超級鮮甜，青瓜十分爽脆，海蜇也十分爽口，有簡單的調味。這樣本來已是不錯的了，但原來加上附上的胡麻醬，有胡麻香之餘，更有一點酸酸的味道，令整個小食的味道提升至另一層次。因為那份酸酸的味道，故多吃幾片也不覺有膩的感覺。《椒鹽魷魚鬚》($48)椒鹽魷魚鬚跟我想像的有所不同，小時候吃的，是有脆漿在外的，而這裡則直接落鑊。味道香口惹味，加上薄脆作伴碟，令口感豐富起來。隨碟附上喼汁，這些惹味小食，伴以喼汁，基本上不會太差。那是在酒樓吹水的恩物呢!~《五香炆牛雜》($45)這個牛雜十分惹味，是重口味的選擇，是下飯的好選擇(好可惜我們沒有叫飯呢!)。內裡有多款牛雜的部位，故有著不同的口感。《紅燒原件花膠扒》($68/位)這個花膠相對下都算幾食，因為午市大點都要$36，但這個花

朋友為我離開香港前最後fairwell請我吃飯，由於他想吃魚，見到翠園門口有提供吃魚的套餐。而且翠園是美心旗下的中菜館更加需要支持。這套餐很划算，498四人餐。有片皮鴨1鴨2吃，翡翠蒸沙巴龍躉仔，和兩個小菜任選。這價錢實在非常划算。小菜點了金銀蛋泡菜遠和馬蹄蒸肉餅。首先菜心非常清嫩爽口，一吃就知道很新鮮。加上金銀蛋陪襯下。實在是一道非常健康的小菜。蒸肉餅實在蒸得太好了。肉餅肥瘦適中，每一口吃下去都口感豐富。實在是我的最愛。片皮鴨絕對驚艶，從來沒見過片皮鴨那么皮脆肉厚，放在粉皮加上蔥條和片皮鴨醬一起吃實在人間最高享受。另外片皮鴨肉可以二吃變成鴨湯。說實話真的非常清甜。很久沒有喝過這麼清甜的湯。絕對值得一讚。最後來的蒸沙巴籠躉仔雖然魚身不大最多只有一斤重，但魚肉鮮甜淋上魚汁豉油實在美味到不得了。這套餐連茶錢加一最後579元。沒有因為特價而偷工減料，絕對貨真價實。而且這裏的服務員非常好，我們開了兩壺茶，也只收了一份茶錢.。拿外面小蛋糕來吃作為飯後甜品也沒有額外收費，實在誠意推薦。

有很久冇去嘆茶了，假期結束，酒店辦理退房手續後，乘坐免費巴士，到荃灣西鐵站落車前面就是荃新天地商場，翠園 我來啦午餐時間，客人多，幸好馬上有位了先奉上半碗香脆花生🥜，價值 $15 😀蝦餃，裡面全是🦐😋 、鲜蝦腐皮卷，皮薄 、香 、蝦粒 .... 惹味懐舊糯米雞 ，餡料：雞、冬菇粒、蛋黃🤗豐富口感煎籮蔔糕，濃郁籮蔔味道鮮蝦腸粉，滑滑皮，配甜豉油 👍叉燒飯甜蜜甜甜汁，撈飯一流，瘦瘦叉燒肉質嫩嫩哈哈😀似乎吃了很多蝦開心滿足的午餐🥣