彩翠軒酒家

Open Now

Now Closed

今日竟然要OT，喊出嚟，喺OT之前就同同事一齊食個靚飯先至返Office繼續搏殺，去到附近嘅呢一間海鮮酒家，四個人叫咗四個餸，小菜抵食，份量OK，重點係其中一款同日本清酒做配搭嘅西檸芝麻蝦，都係$108啫，已經配左一杯生原酒。西檸芝麻蝦酸酸甜甜好開胃，送飯一流，但估唔到配酒亦都幾夾，不過食唔太出芝麻嘅味道，清酒上到嚟亦都夠晒凍，好啱男士品嚐，但飲呢一杯清酒會有一股果香吟釀香氣🤪另外幾位同事表示，陣間仲要返工就唔飲酒啦，鄧佢哋可惜，因為冇得試一下同日本清酒做嘅配搭。只係，一杯落肚，之後好快又要繼續返公司搏殺🙂

今日嚟到大角咀舊區呢頭好搶眼嘅歐陸建築呢度嘅彩翠軒海鮮酒家，都有返幾年歷史咁，次次嚟呢度食飯都覺得呢間平靚正，今次都唔例外，而且竟然仲有少少驚喜俾我，就喺呢度推出左同sake做pairing嘅菜單，菜單上應該都係呢一間海鮮酒家嘅招牌，分別係豉油王海蝦、西泠芝麻蝦、以及涼瓜炆頭腩。我自己就對豉油王海蝦情有獨鍾，而且今次仲配左一杯sake，相當有趣，先講豉油王海蝦，海蝦份量唔少， $100左右真係好抵食，食每一隻蝦都要大大力啜曬佢面頭嘅汁先捨得剝殼，而配呢一杯若葉純米原酒幾醇厚帶點清爽。我自己對佢呢一種配搭10分支持，轉變一下亦不妨一個唔錯嘅決定，下次一定試吓去其他配搭，重點係價錢唔貴😂

年初一到他家嘆茶，只因先生平時在這裏吃早餐～後返工，方便煎年糕發財豬利橫財就手發財粥牛肉腸粉新年選懷舊～好兆頭點心，煎年糕～不甜好好味，橫財就手～豬手，好多膠質～美容，味道不錯，牛肉腸粉，我的之愛，每次喝茶必點，發財粥～好緬！時日消費共198元，比平時貴一點，新年期間能理解，因疫情限制2人，酒樓不是好吵～熱鬧！不錯選擇！

服務：人手不足，所以有時漏單，要叫幾次，但d阿姐咁忙都仲態度好好，街坊feel嗰款蟹：有膏，不過唔大隻炒飯：無味。建議唔要，留肚食蟹鮑魚：幾大隻，必encore菜：可以唔食燒鵝：好食，皮脆薑茶：夠薑，必encore桂花糕：ok100 分鐘任食：其實是可以坐100 分鐘，但會20 分鐘前會last order, 不可以再叫野食，但自己要留意時間，職員不會提你。所以好多食客想落單時，才發現已cut 單，有好多誤會。建議在poster寫清楚。

新手食蟹 唔係好熟點食蟹，食完第一隻就比樓面個阿叔鬧，係咁話食得唔乾淨建議食蟹唔係好叻既就唔好試而間🤕🤕之後我有嘗試食乾淨d 但個樓面阿叔次次要三催四請先肯再上蟹。雖然係放題，但比樓面個阿叔故意為難，最後100分鐘食得幾隻蟹仔🦀食物方面，雖然我唔係食開蟹，但都覺D蟹都冇咩黃 又乾又苦苦地🤢整體黎講，服務態度差❌環境一般😷野食又唔好食💢性價比極低🚫400蚊左右既大閘蟹放題有好多其他更好選擇✅

滿心期待去食大閘蟹 book左5個要分兩台點知等半個鐘先有一張台搞到有兩個走左冇食到，人地遲黎都可以入先得我地最後入，真係唔知book位既意義係邊，點知啲蟹又奀又小膏，啲膏一啲都唔香，跟住個大廚炒飯，佢黎到我真係唔覺係炒飯，同白飯冇分別，大廚炒飯真係笑左，同個平時墊碗底嗰隻碟裝住就算，個花膠白菜舊花膠成舊膠咁，跟住個燒鵝叫左幾次都唔黎，最後唔等走左，埋單400，真係跌左都唔想益，落樓下食個茶記就仲好過。

一班親戚朋友一齊食餐飯，order 左個套餐，認真唔錯，碟碟都好大碟。龍蝦伊麵本身味道好普通，但佢隻龍蝦大隻又多肉，可能係我地好彩。另一樣要讚嘅係隻乳豬，大細適中，唔會太細仔，但又唔係超齡豬，肥同肉嘅比例剛剛好，皮又脆卜卜，好正。之後仲有條清蒸龍躉，好大條，多肉，啲肉都係剛剛熟，唔鞋，不錯。其他餸菜都係正常水準，就唔遂一介紹啦，總之就食到好飽。之後我都有再去食呢個餐，感覺變化好大，隻豬，龍蝦同魚都細左好多。

媽媽生日， 媽媽喜歡中餐， 所以選擇左彩翠軒先講下環境，坐得舒服， 每張枱之間仲有空間， 唔會太迫。 其實我係貨左幾舊先影，因為一上枱就比家人一人夾左1舊。蝦好大隻，好爽脆西蘭花都好新鮮~正條魚好大條，好新鮮 ~ 唔會蒸得太老， 肉質岩豐好 D豉油撈飯好正。 拎黎蒸魚果d蔥都very good ~睇相都知抵食夾大件。熱辛辣辣上枱， 咕嚕肉外皮有炸過，仲係脆， 啖啖肉， 炸粉唔會過厚。菠蘿雖然係罐頭菠蘿， 但都唔會令到整碟餸失色。配菜青椒都炒得好好食，岩岩好熟非常推薦咕嚕肉食飽飽之後有紅豆沙贈送， 依家唔係間間酒樓都有。煲得一d都唔馬虎，起沙，甜度適中今餐媽媽生日飯食得好窩心啊。

如果唔係有家人住附近，呢D酒樓仔，真係絕少會去。在一開始，部長給了我一張黃色的菜單，但五分鐘後，卻跟我換了張價錢貴了、菜色少了的藍色菜單。原因係就快過節，要用新菜單。果下我有點上左賊船既感覺。最後，因為㪚叫太貴，所以我叫左個$3288既圍菜，好老實講，道道菜的味道也不錯，而且份量足料，如果唔係一開始發生左換茶單的不愉快事件，我估我會再去的。但揀餐廳，除左食物之外，服務也很重要。所以，埋單之後，我決定以後都不會再來。

呢間吾起眼既酒樓係奧柏御峰既一樓。吾係因為我去過樓上二樓既薩利亞食野。我都無留意到呢間酒樓既存在。所以我地就去呢間酒樓試下，我地一點半左右去到，酒樓吾算好多人，可以自己搵個位坐低。有好多款點心紙，好多吾同佢拼拼點心，自己望下有咩想食啦。嘻燒賣：呢個燒賣混左魚肉既，所以價錢平啲。好大粒，熱辣辣咖。味道都吾差燒腩卷:入面包住燒腩肉，好入味，但食落又吾油喎。個汁好好食！值得一試腐皮卷:炸到好脆卜卜，一啖咬落去，有汁吾油既，夠哂熱好食韮菜角：我原先以為係類似煎餃甘。原來吾係，係好大件，入面包住韮菜同魚肉。我個人覺得因爲太大件，韮菜吾夠多，一般叉燒腸：皮吾會好厚好粉，都滑，好食鳳爪排骨飯:好食，啲飯一粒粒咖，仲要用小煲仔上，賣相好特別。飯吾會太硬，只覺得啲肉好肥，好多軟骨，差啲。。總括泥講，覺得吾差。所有點心都算用心製作，好夠熱。而且坐得舒服，人吾會好多。。下次都可以再泥

在大角咀飲早茶試過好多間,黎間最啱我同太太口味,而且次次都有位坐,唔駛等位,而我地次次都係點果幾樣點心,因為食極唔厭蝦餃,皮薄,蝦肉彈牙,ㄧ個字講晒-好味不小心食左兩隻先記得影相燒賣又係好好味道影相唔夠食果位快,又比人食左隻椰汁饅頭,我個人對饅頭麻麻地,但太太好喜歡食,又比佢食左粒先影到相鮮蝦炸腐皮卷,我最喜歡食哩個點心,個皮炸得夠脆,點埋喼汁,好好味呀,不過食剩ㄧ件先記得影相最後係鳳爪,哩張相係最完整,好冷靜,冇食過既情況下影既,味道亦不錯這間店常常去,下次會記得相機食先

2月26早上約11點同朋友一同二人去飲茶 店內環境尚算舒適， 點心價錢都合理 ，我們叫了 共八個點心 大約十分鐘 就出曬都非常之快捷。 但點心籠 清潔就一般 鳳爪排骨飯份量比較小，蝦餃可以， 肉質 較鮮甜爽口彈牙 ，流沙奶皇包 入面好多咸好夠熱 ，陳村粉蒸排骨分量好足夠 ，豉汁蒸鳳爪 味道就爭少少，有一些雪藏味道 ，小籠包 好大個蛋肉質乾身 ，香脆蓮藕餅 皮脆夠爽口唔多油值得一讚如果店舖入面可加多一兩個人手招呼就比較好啲 傢俬 用具 都萛衛生。

由於年三十各有各忙，所以我們一家提早年二十七(12/2)食團年飯。由於不想浪費時間選擇什麼菜式，所以選擇了套餐（半席）。乳豬皮脆肉嫩，不太肥翡翠花枝蝦球味道適中，蝦球彈牙無雪味脆炸蝦球皮夠脆，但無蝦味瑤柱甫味道偏淡，但用翠玉瓜代替節瓜口感欠佳鮑片花菇扒時蔬味道幾好，但一食就知道是螺片不是鮑片脆皮燒雞皮脆肉嫩海班肉質鞋，豉油味淡燒鵝有近髀位肉嫩，其他位置肉質較乾身及鞋壽包內有咸蛋黃，幾好食由於價錢算合理，性價比可以，但質素一般，如果臨急臨忙沒有訂位食飯，這酒樓都可以接受

帶左呀b去大角咀公園玩，途經奧柏御峰見到開左間酒樓係到！！就入去醫一醫肚，食飽有氣有力先去玩了！我地叫左好多款點心shane黎食，d點心賣相就還可以但味道就強差人意了燒賣得個份量大，完全係好睇唔好食仲有多款點心都唔夠熱 炸物又偏油 總括黎講非常失望，食完今次唔會再有下次

團購諗住家常便，冇驚喜，但結果喜出望外，員工有禮款待，食物有水準，尤其京式菜螃蟹及大廚炒飯，另外，紅燒乳鴿、斑球炒時蔬、沙拉骨都值一試！班球炒時蔬諗住一樣餸，結果係斑球兩味，很足料，甜品水果就以紅豆沙及橙，橙夠鮮甜，食完成餐飯，十分滿足！