盈翠軒 (Under Renovation)

依間所謂大閘蟹放題完全係呃人！啲人服務態度勁差，問佢加野食要個樣冇個樣，部長仲要講粗口我都未講完全係趕客，啲野食認真麻麻，所有餸出左一次再要就係咁dum你波鐘話整緊未有係咁話自己做到踢哂腳啲蟹根本唔係任食，個半鐘上左十隻都冇！好心冇咁多蟹就唔好呃人入黎依間野伏到爆，絕對係真實依評冇唱衰佢自己買大閘蟹番黎都煮都冇咁嬲！啲蟹好細隻，仲未係氣候，啲蟹腳完全冇肉，啲菜冇樣野可以讚....碟碟都唔好食，收人3百幾蚊一位俾啲咁既質素部長唔該你檢討下自己態度同做法，你啲態度認真唔得！

家人見到上面條link既介紹，就約好一齊去試試呢個大閘蟹連其他7樣菜既100分鐘放題套餐。用餐當日早上打去餐廳卜枱，餐廳話分兩輪，一輪6點一輪8點，咁我地就卜左當晚6點嗰輪。六點正準時去到餐廳，見到已經有半數入座率（但未見有任何野食係各人既枱上）。經理安排我地坐低後，我就問侍應點樣叫野食，佢就話你話“上得”就可以開始，總之7：40就交枱，咁我就話“上得”，嗰陣6：05. 第一樣菜上了，係一人一隻大閘蟹，但嗰陣已經係6：20（所有客人都同我地一樣）. 之後侍應開始自動陸陸續續上埋其他7樣菜（唔洗特別同佢地講，佢地自己會上曬每一款菜一次先，之後如果想再食可以叫侍應再加返你想要嗰款菜）. 我明白餐廳唔想客人浪費所以話要見到客人每食曬一隻蟹先可以再落柯打加返一隻蟹，我地亦照做，但落完柯打“加蟹”後，等左成15分鐘先有第二隻黎，之後第三隻黎既蟹都係一樣要等咁耐。基本上每一枱客人都有同侍應催單。我明明明碼實價黎食，點解要食到好似係度乞佢地比蟹食我咁。。。我地7：20再落柯打加蟹（想食第4轉蟹）,侍應係應左我地，但最終我地到到夠鐘都冇人拎蟹黎。剩係拎張帳單黎。。講返食物質素，我地4人食左3轉，即係食

又到食大閘蟹的季節，係尖沙咀中港城有間放題又平又抵食，先賭為快。 平時$3xx幾又點食到燕窩羹，鮑魚，燒鵝同主角大閘蟹，仲可以任食大閘蟹，雖然起初上大閘蟹有啲慢，每次只可以人頭蒸一隻，建議平日去食會好啲，起碼唔會太多人。論環境選尾論雖然好似食唔到好多好野，但勝在小人訂位，冇咁迫。其次酒樓本身處於中港城，一般入夜後都冇咩人黎。食物方面，可能因為尾論關係，一入座就上左2隻蟹，羹同黃金豆腐，可惜可能時間擺得耐左凍左小小，不過值得一讚係員工服務十分好，會主動同客人講有薑茶，雖然薑茶上得快。最尾飲就一定凍晒，臨尾我叫員工幫我換另一杯熱辣辣薑茶，真係覺得食完6~7隻大閘蟹都抵。

請都唔會再嚟！！！服務超級差，大閘蟹剛上檯凍嘅，菜未齊急急上甜品，食物質素超差，鮑魚仲要壞嘅，成檯蟹殼都冇人收碟！大閘蟹實質上菜數量與廣告不符，店舖光頭姓夏光頭職員仲要以超惡劣態度吹埋單！而且唔熟悉自己推廣單張內容仲要同容拗！！！

禮上往來，今次到我請，去了平台的「盈翠軒」。我也是第一次來這裡飲茶，吃後有驚喜，人均價錢也只是上次日本餐的一半，幾抵食 (以下是三人份量)。點心勝在即點即製蒸，全部熱辣辣。「鮮蝦菜苗餃」$28「潮州粉果」$24，夾起上來粉皮軟腍腍，也不會穿皮，沾些潮州辣椒油吃，正悏心意：「水晶蝦腸」$33，皮薄餡爽彈都有做到：「椒鹽玉龍豆腐」$58，用百福豆腐切粒炸脆，椒鹽味可以再加強：「脆皮燒腩仔」$68有別於正立方體，師傅採用打橫切，賣相立時麻甩了不少。肥與肉相間，是冰燒三層肉無誤。芝麻皮甚脆，一大片要分兩啖食，可享受到門牙咬開脆皮的快感，加些黃芥末増味，麻甩度再加多兩分。菜就反而麻麻，「油鹽水浸菜心」$88調味沒問題，炸蒜子也香，可惜菜心用料不濟，太粗太老。「家鄉魚鬆炆米」$78吃後感是可番兜，或者瘋狂到一個人來飲中午茶也可以啊，叫兩籠蒸餃，計埋茶錢都係 $60 有找，仲平過出去食碗雙拼牛肚米粉。呢間酒樓，在平台好似與世隔絕咁，晚市上班族放晒工就無乜客，都值得中午來支持一吓。

在廣告看到全日皇帝蟹宴+90分鐘燒鵝鮑魚放題? 皇帝蟹我知道是以人數去安排並非無限量任食但點知原來講好的鮑魚也只得一隻鵝亦是得4份1隻仲有其它所講的燕窩羹, 炒飯‧ 浸白菜，椒鹽豆腐‧ 無一樣係任食，仲要錢，從末試過任食/放題係咁樣囉再講食物質數，蟹唔夠熱、有Ｄ水，豆腐淋，其它無一樣好食真心覺得伏了

講開盈翠軒的點心放題, 我們由從前買團購訂位開始食, 到今日直接行入去食;由總價每人90幾元食到今次每人126元;由每人限定1粒蝦餃和1粒燒賣, 食到今次每人限定2粒蝦餃和2粒燒賣,我們前後都幫趁呢間盈翠軒幾年了.如果係食得多又食得快的人, 這個點心放題係抵食嘅,加上今次除了一直有的點心外, 還多了燒味及一些貴價些的小食,以126元計都是值得一試的.我們今日是打風後第二日的星期四中午來食, 眼見每枱只坐2人都坐了7成客,不過現在生意真的難撈, 和以前比 服務員人數已縮減到一個極點,全場只有男部長1人及女收銀1人, 只見他們忙到滿場飛,所以我們入座時也沒有人得閒來幫我們量體溫新增的燒味及特式小點係好食的, 不過前提係要即整後即食,因為好多係油炸的點心, 凍咗就變得唔好食.今次第一輪點心12:46入單, 叫咗16樣點心, 但部長通知燒腩仔已沽清,所以想食燒腩仔的人就要早些入座.前後15樣點心在13:12已全部前後送到,這第一輪點心質數十分好, 一食就知道係即整的.第2張單都是15樣點心, 在13:15入單, 但今次就很耐先俾1個點心,例如13:24的粥例如13:41的鴨舌例如13:45的貴

炸物完全唔掂，粉漿多過啲餡，叫左xo炒蘿白糕。，好似食梗上海年糕咁，未試過食咁煙韌既蘿白糕。咸水角係番炸再番炸，咬左一啖已經擺返低。咁既市道下仲要做唔到水準絕對無下次，祝佢好運

星期日中午假期 不能出外 太熱又不想行街 在家更熱 飲茶太貴 便去了這間 其實自從疫情出現 很多KOL都熱推各大 飲茶放題 有些不到100但電話十年打唔通 似是廣告 有些百多元看似抵食們加茶錢和硬推小食及加一小費便過二百而且星期日又貴很多 這間最有良心 星期日126全包 開始不抱期望 點知服務好得不得了 座位任你選 最怕些地方客人去食要規定你座位 先說食物有些可能預蒸所以不到10分鐘便有 們有些炒粉點心還是要等一下十多分鐘吃著等也很快 出奇地這間的香片很滑不會甘苦 比很多茶樓好太多 越沖越有味兒 都沖了67次了 可惜是地點比較遠頂層也不易找出那是第五座還好走對方向馬上找到

因為見到香港01有介绍尼間，話飲茶好抵食，我就同我朋友都係好鐘意飲茶既人，所以就Book左檯去食。初頭以為一定會好多人，但係去到只係見到幾檯有人，係行緊去我地張檯既時侯，已經望到d檯已經唔多乾淨，個心已經驚緊會唔會中伏…我地一開頭叫左炸野先，好多粉，咸水角勁難食，之後就叫例牌廣告話好食既蝦餃、燒賣同粉果，真係失望，好耐未食過咁低質素，D蝦又霉，燒賣又一陣怪味，D粉果皮又厚，到甜品…都係勁普通，無特别，雖然話只係食90分鐘126蚊唔好要求甘高，但係基本禮貌待客之道都無，到差唔多90分鐘個陣有個光頭中年肥阿叔話夠鐘wo，話：你都知食90分鐘架啦，我地依家要收野架啦。就咁講我地無話唔走，但你係五分鐘內催左我三次，仲要一個唔該都無，茶水即刻收哂，仲不停催，仲唔理你檯面有無野食未食完。你話你好多客要我地快點走我會明白，但係你已經無咩客，都係為左留住客人先做尼個promotion，但你地依家又要趕人走，態度又勁差，點會留到客？我真心覺得喺尖沙咀大把好野食又唔貴，重點係態度又好，至少唔會食到一肚氣。講真，我真係以後都唔會再來尼間野，平都無用，食到一肚氣！

見到好多飲茶放題，但都超級難book位剛見到有間直接訂位咁就ok，心諗飲茶應該衰極有限啫，點知。。。。。。地理位置都方便，普通一間小型中式店鋪坐位都算寬敞舒服，服務員禮貌都很好但最可惜啲食物😫126元，90分鐘任食點心虎皮尖椒，這不是春卷，黃金煎堆仔，椒鹽鴨舌，牛肉腸☝️全部嚟到都係凍晒😫蝦餃，燒賣，蒸排骨，鳳瓜，時菜蒸豉魚球，金錢肚，魚肚鮮竹卷，黃金椒鹽豆腐，☝️D部分都熱辣辣出晒煙不過D質素就麻麻地喇尤其是鮮蝦菜蒸苗餃🤮🤮🤮夏威夷木瓜凍😫點心真係好難有腐評，如果有得既話，真係連普通酒樓點心都不達😫

其實好耐前已想試下呢間嘅點心放題，近排嘅疫情下好多間酒店中式酒店都有做點心放題優惠，但呢間係最平，啱又周末就決定試下。本來諗住咁嘅價錢都唔會有咩要求，都諗住嘢食會麻麻哋，但係相反係有 d 驚喜，首先叫咗限定每枱只有兩隻蝦肉燒賣及蝦餃，材料都好足，蝦肉夠大，另外叫咗魚肚，魚肚好食，鮮竹卷都足料，但佢個湯幾入味，好好飲 😋，蒜香雞翼都好味，但唔係啱炸起，山竹牛肉都可以，Total 食兩個人食咗廿幾籠點心 😅，只係細咗 d, overall 嚟講呢間嘅點心同其他嘅煎炸食物都唔差，個人覺得好過去飲茶 d 酒樓一籠都要廿幾三十蚊啦，服務嚟講就無咩服務，但就唔會完叫都唔理你，咁嘅價錢都唔會 expect 得太多喇。

近期好流行點心放題，大部價錢都係$2XX⬆️位左右。但係呢間係尖沙咀區既酒樓任食點心90分鐘$126。。抵唔抵食就要試試佢先知😎book左兩點去到滿晒人。不過有枱埋緊單所以都好快入得。睇睇有咩食👀蝦餃同燒賣每人一件，有十幾款點心、小食、甜品、重有燒味同粥粉麵。其實都幾多野食。交左點心紙。大概10分鐘左右有野食。先黎蝦餃，粉果、鳳爪、鮮蝦腐皮卷、魷魚鬚、叉燒。魷魚鬚香口野味好快清左一半。叉燒唔肥肉質鬆軟🤤蝦餃大粒，蝦肉彈牙鮮味陸續有黎既XO醬蘿蔔糕、燒腩仔燒腩仔脆卜卜點心馬拉松式上枱。有熱度有速度🤣到尾聲食甜品啦原個馬拉糕，味道唔錯，不過再軟熟D 就更好！木瓜凍、桂花椰汁糕、煎堆仔木瓜凍，清甜木瓜加奶凍既合體。賣相討好又美味食物質素唔錯，上菜快，個半鐘邊食邊傾計都夠時間食晒。唔係大胃王都輕易食到回本。抵！😎*食得晒先好嗌，做個惜食香港人*

今次我哋一家幾個人加埋親戚，去咗尖沙咀中港城間盈翠軒食點心放題，都係$118，有成43款點心任食😍。因為daddy 喜歡食中菜點心，而且放題時段 係11:00 - 16:00，限時得90分鐘，所以我哋揀咗12點半去食，叫咗第1 round 都好有質素，但係蝦餃同埋燒賣，每人只可以叫一次得一粒，但其他都可以任叫任食😝😋。所有點心都係即叫即蒸架，所以我哋等第1 qround 黎到，就即刻寫好張點心紙叫埋第2 round ，不過食2 round 都已經好飽喇🤣🤣🤣。

在 社交平台上見到介紹午餐任食點心都是百多元，便約朋友去試，但是朋友訂了晚上套餐+任食點心，因為她想食燒鵝，而且套餐之燒鵝是任食，還有鮑魚 2 隻，龍蝦半隻，總共有 8 樣菜，只需要 2 百多元，都值得一試。酒樓感覺不像在尖沙咀，像屋村內之細酒樓格局，服務員質素也不好，點心是每段時間推一車出來，坐在厨房出口，自然會優先取點心，當然服務員不希望其他位置之客人取不到點心，只能對客人說下車啦，奈何每次都是下車，能看出服務員不會安排 😡。叫服務員加添燒鵝時，真是要三催四請(應該是視乎什麼人，我見隔幾張枱之客人，服務員是主動加添燒鵝)，而我們生客就要碟內沒有一些燒鵝剩餘，就算是肥油都不能剩，我知不能浪費食物，但是要視乎情況，一句講服務態度超差。但是燒鵝超正，其他食物都好食，如果要去第二次就真是要諗諗 🤔