Video
Exit C1, Kowloon MTR Station, Exit A1, Tsim Sha Tsui / East Tsim Sha Tsui MTR Station, Exit L5, Tsim Sha Tsui / East Tsim Sha Tsui MTR Station, Exit F, Austin MTR Station
continue reading
Telephone
37092288
Opening Hours
Mon - Sun
10:00 - 22:30
Public Holiday
10:00 - 22:30
Public Holiday Eve
10:00 - 22:30
Above information is for reference only. Please check details with the restaurant.
Recommended Dishes
首先我哋喺ig holiday smart見到呢度有飲茶放題，相入面環境又好食物又高質，於是就網上俾錢book位一去到環境同上有好大差距，同up dum 酒樓冇分別，天花又黃又發霉，一去到企咗好耐都冇人理，之後先問我哋有位未食物質素方面，所謂任食，原來蝦餃燒賣每人最多兩隻，蒸籠又黑又發霉，所有燒味食物都係凍嘅，最後叫咗木瓜凍，又酸又苦，其他蒸嘅食物我覺得都還可以啦，算正常但係同一時間，隔離有枱客人反映有碟餸有酸味，職員即刻除低口罩試味，話冇酸味，重點佢係推緊垃圾車，衛生意識好有問題而價錢係每位128, 同平時飲茶都差唔多，都算平嘅😅😅
continue reading
最近很多宣傳攻勢的大閘蟹放題。真心的，如果只為食大閘蟹而來，大多會後悔。首先早已說明大閘蟹是3-4兩，所以一定不要期望太高。而蟹羔情況也沒有保證，當晚只吃了4隻，只有兩隻有少爆羔情況。而套餐食物，中規中矩啦，可以再食👍:桂花糕、炒飯ok👌: 鮑魚、燒鵝、椒鹽豆腐；失望👎: 花膠浸時蔬(沒有花膠)、鮮蟹肉燕窩羹(沒有燕窩)點心放題: 剛坐低想下單點心，男侍應(應該係稍高級的)便叫我們先食套餐先，有很多食物，怕我們吃不了…… 再過一會，找另一女侍應，成功下單。但只屬一般酒樓水準，原先以為尖沙咀區，應該會稍高一線吧！但事實真的不似預期，味道真的非常一般。很多人說這裡的服務態度很差，我認為還可以，部份女侍應其實不錯的，只要不抱著"尖沙咀質素"去衡量，用一般街坊酒樓水準去看待😅，其實還算可以。只係下單，有時真的有點亂，經常有漏單。
continue reading
首先，係新假期見到尖沙嘴100分鐘大閘蟹放道，d廣告相好正常，見連加一$438位，Cp值很不錯，就去試一試。（利申，之前有去過鴻星$398兩皇一后/ 滬江$608位/ 龍苑$498位/ 十里洋場$980兩位...）即係$438都係近市價，我會期待今晚觀食物是正常質素，都唔算過份。話哂係尖沙咀唔係路邊喎....然而，今晚真係嚇死我，老實說，我係應該起身走人唔好夾硬食落去。因為實在太唔衛生啦。我一見到d蟹已經無哂胃口。大閘蟹👎🏼👎🏼👎🏼👎🏼👎🏼👎🏼👎🏼👎🏼👎🏼👎🏼新假期話足両爆糕，生日有一隻5-6両。咁第一輪上嘅蟹一次有四隻，一隻目測四両、其餘三両。打算拆繩時見到條繩黑色....已經知出事、甩咗繩、隻蟹一睇就知完全無沖過水、個殼呈黑色、有好多污垢。(omg....fyi大閘蟹中含有大量泥沙及水中的有害物質，如果沒有清洗乾淨就食用的話，很容易對胃腸產生刺激，引起噁心、嘔吐、腹痛、腹瀉等腸胃不適現象。)好啦，咁坐底咗無計、就試一試啦，唉大開殻、明顯4隻有兩隻死咗、唔新鮮...到極點。未死嘅三両、乜味都無...我真係忍唔到，叫咗個女侍應1號黎問佢你哋d蟹又無洗成個殼都係泥咁樣會食壞人，作為一間中菜廳....有冇過份d?女侍應1號：喔、你唔好食呢隻咪得囉...之後我好嬲、佢叫咗坐樓面收錢嗰個黎答我，結果？女侍應2號（超大聲）：係咁㗎！我哋d蟹唔會洗就蒸、百幾隻喎！點洗呀？！出面其他酒店餐廳都係咁㗎啦！人人都係咁㗎！我回佢我食過好多間真係未見過有餐廳見到d蟹係咁、我話我又唔係要求R著數，既然有顧客投訴，你係咪應該同廚房或公司反映、而唔係係度大聲夾惡？女侍應2號：喔喔（傲氣地行開）真心之後已經唔想再掂佢所有嘢食...一諗到佢哋d衞生就想🤮🤢埋單走時女侍應2號仲問我：靚女唔嗌d點心？🌚：你d蟹已經嚇到我無哂胃口啦👩🏻：喔唔好意思內心：（🌚不如執咗佢啦）其他嘢食.....唉、九流之中的九流蟹肉燕窩羹👎🏼無蟹肉無燕窩，係一粒都無，得蛋白生扣8頭南非鮑正常鎮店脆皮燒鵝👎🏼又油又肥，塊皮唔脆仲見到一條燒過嘅毛..黃金椒鹽豆腐正常上湯花膠浸時蔬👎🏼凍嘅，手指尾size嘅花膠都見唔到。大廚炒飯無要度，已經想走啦桂花糕正常大家如果想冒住生命危險黎食就試吓la, $438位食垃圾：）
continue reading
話說琴晚book咗8:00，7:53達，當時問阿姐係咪會直接上大閘蟹，阿姐答我係⋯過咗25分鐘都冇大閘蟹上黎、就舉手問下～～但店員都係選擇性睇唔到你咁，到睇到時～阿姐即大大聲講‘’你唔出聲，我點知你⋯‘’態度極差，叫咗3次阿姐鬧足我哋3次，笫3次真係忍唔到，同阿姐理論，服務態度極差⋯個阿姐叫阿雲，仲有就係啲大閘蟹其中有2個係壞嘅～～貴公司如不再注重員工質數，只會越來越差⋯⋯
continue reading
秋風起，蟹腳癢，持螯賞菊，正是時候。終於等到秋風送爽嘅季節，代表住大閘蟹宴盛又要來臨啦！我地早左成個月book盈翠軒嘅大閘蟹及點心任食宴，每位連加一雜費為$438，評價如下：食物水平：大閘蟹任食，每次食完一盤之後可以請侍應再上一盤，大閘蟹送到嚟時候都係新鮮熱辣，每隻都好多蟹膏，但係size就略嫌細隻左少少(順帶一提，當月生日嘅朋友可以獲贈一隻4-5兩重嘅大size大閘蟹，份量較普通大閘蟹大一半左右)。點心除左鮑魚之外，其他都係任嗌，基本嘅點心好似燒賣、燒味、菜餃、鳳爪、椒鹽豆腐等等都有，任君選擇。味道嚟講不過不失，一般茶樓水平。環境：室內環境比較細，樓底亦都較矮，無一般大酒樓果種闊落嘅感覺，所以觀感一般。服務：一般。尤其係啲侍應阿姐，我地每次食完一輪大閘蟹，想再添嘅時候，佢地好似一臉唔樂意咁，好似要求佢地咁先有下一輪，呢一點真係非常失敗，打開門做生意，你寫得任食嘅話就無論如何都要提供到相應嘅服務，點解好似為難你地咁樣？係咪想啲客人個個食兩隻就收工，跟住又唔食點心，你地就滿意？咁樣嘅服務質素，係做生意嘅大忌，因為已經輸左口碑。總結：整體嚟講，性價比唔算高，食物質素只係大閘蟹叫做好食啲之外，其他都係一般般。如果有其他餐廳提供大閘蟹任食宴，可能揀另一間會比較好。
continue reading