盈翠軒 (Under Renovation)

首先我哋喺ig holiday smart見到呢度有飲茶放題，相入面環境又好食物又高質，於是就網上俾錢book位一去到環境同上有好大差距，同up dum 酒樓冇分別，天花又黃又發霉，一去到企咗好耐都冇人理，之後先問我哋有位未食物質素方面，所謂任食，原來蝦餃燒賣每人最多兩隻，蒸籠又黑又發霉，所有燒味食物都係凍嘅，最後叫咗木瓜凍，又酸又苦，其他蒸嘅食物我覺得都還可以啦，算正常但係同一時間，隔離有枱客人反映有碟餸有酸味，職員即刻除低口罩試味，話冇酸味，重點佢係推緊垃圾車，衛生意識好有問題而價錢係每位128, 同平時飲茶都差唔多，都算平嘅😅😅

最近很多宣傳攻勢的大閘蟹放題。真心的，如果只為食大閘蟹而來，大多會後悔。首先早已說明大閘蟹是3-4兩，所以一定不要期望太高。而蟹羔情況也沒有保證，當晚只吃了4隻，只有兩隻有少爆羔情況。而套餐食物，中規中矩啦，可以再食👍:桂花糕、炒飯ok👌: 鮑魚、燒鵝、椒鹽豆腐；失望👎: 花膠浸時蔬(沒有花膠)、鮮蟹肉燕窩羹(沒有燕窩)點心放題: 剛坐低想下單點心，男侍應(應該係稍高級的)便叫我們先食套餐先，有很多食物，怕我們吃不了…… 再過一會，找另一女侍應，成功下單。但只屬一般酒樓水準，原先以為尖沙咀區，應該會稍高一線吧！但事實真的不似預期，味道真的非常一般。很多人說這裡的服務態度很差，我認為還可以，部份女侍應其實不錯的，只要不抱著"尖沙咀質素"去衡量，用一般街坊酒樓水準去看待😅，其實還算可以。只係下單，有時真的有點亂，經常有漏單。

首先，係新假期見到尖沙嘴100分鐘大閘蟹放道，d廣告相好正常，見連加一$438位，Cp值很不錯，就去試一試。（利申，之前有去過鴻星$398兩皇一后/ 滬江$608位/ 龍苑$498位/ 十里洋場$980兩位...）即係$438都係近市價，我會期待今晚觀食物是正常質素，都唔算過份。話哂係尖沙咀唔係路邊喎....然而，今晚真係嚇死我，老實說，我係應該起身走人唔好夾硬食落去。因為實在太唔衛生啦。我一見到d蟹已經無哂胃口。大閘蟹👎🏼👎🏼👎🏼👎🏼👎🏼👎🏼👎🏼👎🏼👎🏼👎🏼新假期話足両爆糕，生日有一隻5-6両。咁第一輪上嘅蟹一次有四隻，一隻目測四両、其餘三両。打算拆繩時見到條繩黑色....已經知出事、甩咗繩、隻蟹一睇就知完全無沖過水、個殼呈黑色、有好多污垢。(omg....fyi大閘蟹中含有大量泥沙及水中的有害物質，如果沒有清洗乾淨就食用的話，很容易對胃腸產生刺激，引起噁心、嘔吐、腹痛、腹瀉等腸胃不適現象。)好啦，咁坐底咗無計、就試一試啦，唉大開殻、明顯4隻有兩隻死咗、唔新鮮...到極點。未死嘅三両、乜味都無...我真係忍唔到，叫咗個女侍應1號黎問佢你哋d蟹又無洗成個殼都係泥咁樣會食壞人，作為一間中

話說琴晚book咗8:00，7:53達，當時問阿姐係咪會直接上大閘蟹，阿姐答我係⋯過咗25分鐘都冇大閘蟹上黎、就舉手問下～～但店員都係選擇性睇唔到你咁，到睇到時～阿姐即大大聲講‘’你唔出聲，我點知你⋯‘’態度極差，叫咗3次阿姐鬧足我哋3次，笫3次真係忍唔到，同阿姐理論，服務態度極差⋯個阿姐叫阿雲，仲有就係啲大閘蟹其中有2個係壞嘅～～貴公司如不再注重員工質數，只會越來越差⋯⋯

秋風起，蟹腳癢，持螯賞菊，正是時候。終於等到秋風送爽嘅季節，代表住大閘蟹宴盛又要來臨啦！我地早左成個月book盈翠軒嘅大閘蟹及點心任食宴，每位連加一雜費為$438，評價如下：食物水平：大閘蟹任食，每次食完一盤之後可以請侍應再上一盤，大閘蟹送到嚟時候都係新鮮熱辣，每隻都好多蟹膏，但係size就略嫌細隻左少少(順帶一提，當月生日嘅朋友可以獲贈一隻4-5兩重嘅大size大閘蟹，份量較普通大閘蟹大一半左右)。點心除左鮑魚之外，其他都係任嗌，基本嘅點心好似燒賣、燒味、菜餃、鳳爪、椒鹽豆腐等等都有，任君選擇。味道嚟講不過不失，一般茶樓水平。環境：室內環境比較細，樓底亦都較矮，無一般大酒樓果種闊落嘅感覺，所以觀感一般。服務：一般。尤其係啲侍應阿姐，我地每次食完一輪大閘蟹，想再添嘅時候，佢地好似一臉唔樂意咁，好似要求佢地咁先有下一輪，呢一點真係非常失敗，打開門做生意，你寫得任食嘅話就無論如何都要提供到相應嘅服務，點解好似為難你地咁樣？係咪想啲客人個個食兩隻就收工，跟住又唔食點心，你地就滿意？咁樣嘅服務質素，係做生意嘅大忌，因為已經輸左口碑。總結：整體嚟講，性價比唔算高，食物質素只係大閘蟹叫做好食啲之外

到左十月又係大閘蟹嘅季節，之前係屋企食過一次心思思又想食，咁岩見到有團購優惠只需$368，諗住都幾抵，加上套餐包7道粵菜同20款點心任點，就打去問下先買卷 （卷需另加每位$20茶芥同埋加一服務費）變相去到每人頭需另加$58，不過都比餐廳本身價錢平，4位以上仲送紅/白酒一支，不過當日佢話冇哂，就比左支氣泡酒我地。當日我地卜左6點（因為卜位個陣佢得6/8點比我簡，我地早左十分鐘到佢地都未開門，咁就等左陣先入左去，一去到佢會先上左7道粵菜嘅其中一部分，之後再上大閘蟹，咁第一轉就系1隻乸其他全部都係公，膏吾算好多，仲要7隻公入面有兩隻係吾新鮮嘅🤢到第二轉嘅再上都系全公，呢次有好小小嘅，相比第一轉係多左少少膏，不過都係一般，到想再食嘅時候有問佢可吾可以要兩隻乸，部長：下，冇嫁喎，廚房有咩就咩嫁啦🙄ok fine~唔緊要，咪食下點心囉～順帶一提，蟹佢地係會蒸好哂一盤拎出黎再用布蓋住，我明咁樣係可以上菜上快啲，但係我地由第一輪食嘅蟹已經係暖而唔係熱，放耐小小腥味就會出黎（因為6點呢個時間得6-8枱）所以蟹消耗時間較長同埋食黎食去都係公就係咁解😑7:15左右開始有7-8成台坐滿，乸就開始出黎，我地當然

見到tap now有大閘蟹放題，仲$368。諗住試下，點知覺得都幾伏，唔會再去幫襯。首先，佢寫住有點心任食，點知原來唔係自己點，係要等佢蒸完先推出黎 每款可能得5籠 啲車又唔係周圍推 坐得遠既人根本拎唔到，由6點開始食到8點，啲點心車只出過黎3次，咁都叫任食？佢仲學人寫住話點心多達20款，你每次出得個3.4款，2個鐘入面只係出左3次車。有啲仲重複，何來係20款？第二，叫大閘蟹無得叫公或者乸，因為我地淨係食公。我嘗試order 2隻乸，都唔俾，見到其他枱既人食緊乸，個侍應仲要態度好差，話無得揀，好似求佢地咁。其實有好多間都可以俾人揀。第三，態度差，原來枱下面俾左個啤酒筒俾我地放殻，完全無人提過我地既情況下，所以啲殻放左係碟上面，之後有個女既服務員態度好差咁話我地做乜唔倒落去筒到，其實我完全唔知有個筒，你可以用好啲態度去叫我地倒掛😅如果大家諗住去試既話，好多都好過呢間。唔會再去😀簡直令人失望

從來未食過咁難食嘅大閘蟹放題，食十隻蟹有三四隻都係臭嘅，其餘六七隻啲蟹膏又水又散，仲有啲苦苦地，冇一隻係正常嘅味道。出蟹嘅時間都唔太耐，中間有大約10分鐘停咗一停，但如果啲蟹係好味嘅我都接受到，但越食就越激氣，因為冇一隻蟹係正常味道，浪費時間又浪費金錢，大家都食到一肚氣。即使任飲嘅薑茶都係冇乜味道，只係好過飲水咁解。從來未試過食大閘蟹放題食食吓已經唔想食😡。補充，另外佢仲有一大碟菜，蟹肉羹，鮑魚仔，炒飯，一份雞同甜品，有時會有啲點心喺出邊俾你自己攞，呢啲都唔太難食，不過而家嘅主題係大閘蟹放題，我通常都唔會食咁多其他嘢，留肚食大閘蟹。

中午入座，店舖只有3-5枱客人就坐，冇店員招待，要自己搵位坐！一間餐廳只有三名員工，基本上都係唔理人！ 寫左點心放題紙， 等了好耐先有店員收！但係，每一輪點心出到黎都係放到去同一張枱， 好鬼死奇怪！有其他人問店員，店員就話那張枱係正價收費！但係，過左一陣，那張枱依家整張枱都係點心，放都放唔落，店員放完點心，就大大聲對住那三人講仲有一車！之後，那三人就話，點解叫3隻，就黎3籠，係唔係玩嘢！女店員就大大聲聲話係！ 仲話吃唔完，要按散叫，正價收費！那三個人就話張點心放題紙，單位寫隻，佢就上籠， 分明係亂咁收費！然後，那三個人就報警，要警察到場處理！見到依一幕，我都即刻埋單走人！ 冇下次！

星期日中午入坐，門口己沒有人帶位，自己坐下一張3人枱，枱只有一張點心紙因為任食，故點了二十幾樣，燒味都點左7碟點燒賣時都問係咪上3粒最後埋單變左散叫!職員話任食是另一張點心纸我話坐底你地又無問，加上枱只有一張點心纸，同埋點二十幾樣點會吾係任食!然後仲死撑最後趕時間照付!

今天週未，同朋友下午在尖沙咀行行，行下商埸 ，看有甚麼特價嘢買下，吃下Tea，因之前BooK了晚上在尖沙咀這間吃點心放題，未到放題時間可入去座，今次晚上吃的這間點心放題，同朋友晚上吃過幾次，中午吃過1次，中午放題點心的味道同晚上一樣有水準，到6時吃放題時間可上去座，叫了鮑魚鳳爪，鳳爪好入味很有鲍汁味，上湯龍蝦伊麵，龍蝦好爽口，伊麵很有味，椒鹽鱿魚鬆，好香椒鹽味同脆，鎮店燒鵝，鵝肉嫩滑皮脆，油香，豉椒炒蜆，蜆肉適中豉椒味，五層燒腩仔，燒腩厚身同皮脆，炸物，點心同甜品，大粒同滑和鮮甜

任食可以什麼都無，点心由入座到走都没有，晚上我訂6点半我去到，到入座我馬上点菜，入紙時問我可以上送的海鮮未，我答可以，到海鮮上時就說没燒鵝，再說没炒蜆，点心沒人做不要試

今日係6月21號星期一夜晚我哋三個人都不發奇想想試一試盈翠軒呢個$228全包宴，睇睇宣傳呢係見到$228啦全包上湯龍蝦伊麵一碟，蠔皇玉掌扣鮑魚，清蒸沙巴仔一條，而呢三樣係淨係可以嗌一次嘅啫，另外點心全部任食嘅，包括有豉椒炒蜆豉椒炒青口蒜蓉龍躉包片時蔬，蝦餃燒賣XO醬炒蘿蔔糕，豉油王海中蝦，仲有是日嘅靚湯，同埋燒鵝燒肉叉燒等等，先講一講個上湯龍蝦伊麵，個龍蝦好似好大隻好彈牙好好味伊麵都係唔係硬，啲麵好掛啲湯好好味，同埋個鮑魚呢都係好大隻同埋好煙銀好好味，另外呢條魚呢都係好滑嘅食得出呢都係好新鮮嘅，豉椒炒蜆呢都係好味，仲有可樂汽水啤酒係任飲嘅，而呢餐呢我覺得呢係值回票價嘅

This restaurant locates right at the middle of city. It opens everyday at 10am when most of other similar places are still not in operations. We saw the poster at the entrance for dim sum buffet and other promotions. Although the dim sum buffet looked quite nice but we decided to go for the a la carte menu.We ordered the shrimp dumplings, steamed vermicelli roll with shrimp, tripe, spring roll, taro duck feet wrap and stir fried chilli pepper. They all were excellent in terms of freshness, taste

呢間嘢原來收費海鮮價，10月頭嘅$328/位去到12月頭嘅418蚊/位👎我10月尾打電話book11月中去食 , 職員表示$328/位優惠價已經做完喇，最新收緊$398/位，點知去到食之前兩日再打電話來確認訂座，職員表示收費已經調整去到$418/位😑食物方面有餐牌上面既8款食物任叫任食大閘蟹🦀全部二両半左右，有膏但無乜香味，值得一讚嘅係無死蟹，上蟹速度可以再快啲，可以唔需要客人三催四請先肯上蟹🤦‍♀️頂級蟹肉燕窩羹無燕窩，脆皮燒鵝皇皮唔脆，成碟燒鵝凍冰冰嘅👎 反而8頭鮑魚有驚喜，可以叫多兩碟回本👍😊其他食物方面不過不失，一般普通酒樓貨色， 不過絕對可以食飽你。