James Bonbon Bakery

Open Now

Now Closed

😅味道一般價錢卻不一般👎，服務態度又差👎，比錢消費都仲要比人黑面🌚。禁啱同朋友經過見佢啲嘢睇落幾吸引就想試下新野，順便支持下本地消費。買咗幾個麻糬波波同布丁杯嘅嘢，因為我同朋友第一次試佢個布丁杯，想拎多個匙羹share食試下，全程都唔該前唔該後，都仲要咁惡，貼錢買難受，不可一不可再🤡🙅‍♂️🙅‍♂️我知你有權唔俾，但唔洗無咁禮貌咁串😒🌚👎👎👎👎👎👎👎👎👎👎👎👎

上網話呢間麻薯波波好好食，又見咁多人排隊，經過會有人龍，所以見無野做就去排下隊。但食過覺得好普通！個麵包皮要即刻食先脆，隔多一陣就已經軟哂。味道又同普通麵包店既麻薯波波差不多，如果要再排隊買就不了。

睇咗其他食評，所以唔敢有太大期望。嗰日啱啱經過，本身好鍾意麻糬波波嘅我係好奇心驅使之下走咗去排隊。可能因為唔係好多人等嘅關係，店員態度正常。除咗基本口味，仲有當日新鮮出爐嘅唔同口味貼咗出嚟。我買咗紫薯、芝士粒粒、開心果柚子麻糬波波，加一個開心果布甸。包裝為成件事加咗唔少分，睇到唔同顏色嘅麻糬波波，摸落手仲係暖嘅，心情莫名好起黎。我一直拎到中環先至食，所以麻糬波波扁+塌咗係正常，意料中事。一打開個袋有好大陣香味，我即刻攞起顏色鮮艷嘅紫薯波波咬咗一啖，質地十分煙靭，唔太甜。口味呢樣嘢好個人，我比較鍾意淡口嘅，所以對於我嚟講味道OK。芝士粒粒口味正常，反而開心果柚子有驚喜，裏面有酸酸甜甜嘅柚子醬，好香同麻糬波波好夾。開心果布甸冇乜特別，但係上面鋪滿咗好多開心果果仁碎，布甸質地柔滑。如果我下次經過，應該會再幫襯。

哩間店地方淺窄，帶住小朋友千祈唔好去，因為店員會趕哂你啲小朋友出街，不停意思你阻住佢做生意，明明小朋友都行埋一面，都唔可以，要趕到佢地出店先得，太差了，以後都唔會去

我日日都會經過James bonbon次次都見到好多人排隊🤣我有次經過都好想食見到d麻薯波波熱辣辣🤤好新鮮😍😍見到仲有有好多款味道～我今次就簡左菠蘿皮麻薯波波食落去，好脆因為新鮮嘅，加上即刻食，所以好好味下次都要再買先😋

買完嘢用八達通俾錢，冇嘟一聲，我問吓店員，是否已經俾咗錢？店員支吾以對⋯⋯，回答我：未收到錢，你拍多一次卡。之後我去地鐵站檢查一下，原來收咗我兩次錢！😡😡😡我問店員的時候，見店員的表情已經怪怪地、鬼鬼鼠鼠，可能見我帶住小朋友，論論盡盡。我第一次買，就呃我錢。10幾蚊都呃我錢。八達通又冇嘟一聲，大家真係要小心。咁樣都幾好喎，日日啲生意都做兩倍。唔係錢的問題，條氣真係好唔順。大家要小心。如果真係要買，要俾現金，要有收據。

Passing by Causeway Bay Pennington Street and of course dropping by the famous monchi ball ball bakery for some goodnesses. I thought I was one of the luckiest that no need to be queued as many of the reviews must have mentioned about the crazy queue outside the narrow pedestrian. Once I stepped in, the cashier yelled at me saying only allow one person coming into the bakery if purchasing monchi ball ball; if anything else, welcome to walk in. I was kind of embarrassed because I have no clue abo

在銅鑼灣鬧市，小店面積很少，所以店外長期出現人龍。設有多款口味的麻糬波波，原味、菠蘿包、朱古力、伯爵茶、開心果、抹茶，蘋果等等每款售價定位相當進取大約15至$20/件，雖說味道不錯，但實在有點貴。

朝早去開附近，諗住買啲麵包做早餐，呢間平時我見好多人排隊，呢日可能早，所以無人排，但我無買到最多人買嘅麻薯波波，只係買咗少少麵包，可能唔係招牌嘢，麵包好普通，無話特別好味。

聽講呢間bakery麻薯波波好出名，重話成日排長龍，6點幾收工見冇人排隊，即管一試。冇留意價錢，要咗三隻口味總共六粒，埋單$90，真係有啲估唔到。照俾錢睇吓佢有幾好食。原味同芝士味道平平無奇，質地OK，反而綠茶蘋果吉士有驚喜，估唔到麻糬入面有餡，唔太甜，吉士creamy，茶味濃，係好味嘅。整體嚟講都係偏貴，仲要排隊一定唔會再買。同埋就咁隊晒落一個袋入面返到屋企已經壓扁晒，咁嘅價錢應該要改善吓包裝。

今天終於經過這間銅鑼灣人氣麻糬店，見只有3-4個人排隊，立即加入行列，選了四個不同味道，付款時竟然要$70，隔著透明包裝袋一看，賣相完全不值，有些扁扁的。惟有希望好味啦！肉鬆菠蘿包紅豆吉士 葵花籽開心果 紫薯 整體來說，沒有麻糬應有的煙韌質感，只是放入不同餡料就賣到$20一顆，有點似日式泡芙，卻又賣相不佳。性價比低，試過就算冇下次了。

-記得有一排突然好出名的James Bonbon Bakery麻糬波波😊咁岩路過先發覺原來開左係銅鑼灣某個轉角位置～今次見到唔算多人排隊，就去買嚟試吓😀（見之前咁出名）-每款麻薯波波價錢由$10-$20一個不等😌原味波波$10菠蘿皮$10伯爵茶$10朱古力$10抹茶味$10特別口味玉桂蘋果🍎$20粒粒朱古力🍫$15葵花籽開心果$20粒粒花生🥜$20香甜粟米片🌽$15朱古力脆脆$20榛子麻薯$20路過鋪頭果日見到出左以上咁多款口味，我就每款口味買左一個返去試😆俾錢果下先覺得，原來都幾貴下🥲香甜粟米片味都幾突出味道和口感同想像中都差不多🤨除左特別口味係其他店鋪無之外，其實食落口感無咩分別😂不洗特別排隊去買，如果路過想食可以買幾粒試下，如果要排隊就不值得🙃-食之前叮返熱會好食啲😌-Name🏠: James Bonbon Bakery Location📌:銅鑼灣邊寧頓街9-11號登龍閣地下C1號舖(港鐵銅鑼灣站 F1 出口, 步行約3分鐘)價錢💰:每款麻糬波波由$10-$20不等

☹️ 嚴重overrated ⚠️ 天價麻糬波波一直聽聞James Bon Bon 好出名，見唔使排隊就決定試下。總結係性價比低，細粒又賣得貴，鍾意食麻糬波波嘅會好失望☹️ 📌 香甜粟米片 $15/粒 👎🏻面頭有粟米片同糖粉，that’s it📌 芝士味 $15/粒 ⛔️有芝士粒，唔濃芝士味，普通📌 朱古力脆脆 $20/粒 ⛔️中間夾住朱古力cream同美祿波波，但係啲美祿波波已經淋晒，一啲口感都冇，個麻糬皮仲要塌晒📌 肉鬆菠蘿油 $20/粒 🆗足料，明顯見到有粒狀牛油，肉鬆同牛油味道幾夾，但菠蘿皮嘅存在感冇好明顯📌 花生粒粒 $20/粒 🆗入面有花生醬同粒粒，食落冇咁乾，花生味濃📌 葵花籽開心果 $20/粒 👎🏻開心果味好淡，唔明點解要落葵花籽@@Generally 質地似普通包但偏韌，係見到配搭有驚喜同心思，有特別口味，配料落得足。⚠️ 但！係！⚠️性價比真係好低，又做唔到麻糬波波特別嘅口感🥴，但就keep住麻糬波波嘅size，要成$15-20一粒🥵。如果好好食嘅，真係唔介意畀貴啲，但佢絕對唔值 🙅🏻🙅🏻🙅🏻結論：今次當交智商稅，下次唔會再買 🫡 ❌

第一次和朋友在 James Bonbon Cafe 試完 世一菠蘿麻糬泡芙 後一試難忘，決定再來人氣的 James Bonbon bakery 試他們的招牌麻薯波波。😋今日人龍比較短，好快就買到新鮮出爐的麻薯波波。麻糬波波外脆內軟，口感煙韌。😍 職員仲細心提我唔好封實裝麻糬波波的密實袋，以保持麻糬波波香脆的口感。👍🏼 我個人比較喜歡伯爵茶口味，茶香芳香馥郁🌱，又唔會太甜。另外綠茶 🍵及香濃朱古力味亦都值得一試。😋

以麻糬波波一炮而紅的 James Bonbon Bakery，除了原味之外，還提供了伯爵茶、抹茶、朱古力等特別口味，當中比較特別的菠蘿皮麻糬波波，將港式菠蘿包的甜酥皮放於麻糬波波上，脆皮為煙韌的麻糬波波增添口感，難怪每次出爐都吸引不少人購買。James Bonbon Bakery’s pineapple bun mochi pop is a must-try, featuring the sweet and crispy topping of a Hong Kong-style pineapple bun with the chewy Mochi Pop. No wonder it's always a crowd-pleaser!