東京和食SUN (Closed)

22-9-07 (六) 晚餐最近這裏有一個北海道花咲蟹宴，菜式包括:特式沙律: 沙律汁不错。蟹肉蒸蛋: 蒸蛋很滑，味鲜甜。蟹肉忌廉甲羅燒: 這個不太懂欣賞。冷嘗花咲蟹: 蟹蓋有很多膏，非常甜美。蟹腳肉厚，覺得味道比長脚蟹好。蟹肉釜飯: 不錯。蟹肉味噌湯: 材料豐富，味濃但不鹹。雪糕:芝麻雪糕和紅豆雪糕比較，較愛红豆雪糕。

環境：因為有訂檯，坐卡位，十分舒服，是傾偈的好地方。整間餐廳的設計也很好。檯很多，但完全不覺侷促。食物：份量算少，但很美味，也有特色。雖然有點貴，但很不錯，我們二人去吃，叫了下列東西1. 燒小牛排：牛肉很新鮮多汁，用小火爐自己燒也很有風味2. 焗白汁海鮮：好好味，配蒜蓉包和腸仔3. 魷魚生薑燒：十分大隻4. 鰻魚蜆肉釡飯：味道普通，但因熱辣辣，所以好吃5. 壽司招呼：很好，很有禮貌。推介！值得一試~~~~

朋友冇飯開，諗起搵我食飯，適逢本蟲也沒約，因此二話不說就答應。由於事出突然，所以求其去食通天揀一間。以往印象中覺得依間幾好，價錢亦唔算貴(至少應該比隔離山葵平)，見佢又有位就入依間。是日大家都唔算肚餓，所以只係叫小食，首先係吞拿魚豆腐，賣相非常別緻，魚生蓉放滑豆腐之上，再附送一、薑、芝麻同醬汁，口感唔錯。跟住係一個火炙壽司盤，雖然味道同觀感都好好，但百幾蚊食五舊就真係覺得幾貴。另外一個卷同菠菜玉子豆腐就冇乜特別。整體講，食物質素都好好，而且包裝上碟都好美觀，但份量就好似比舊時少，而價錢就反而貴。到底係經濟好我點菜時重手定係佢不知不覺加價就不得而知。環境方面，佢裝修都幾幽雅，適合一愛較靜同要私人空間食客，服務方面都算不過不失，不過以後點菜都係要睇清楚菜牌先唔會失預算。

難得星期五晚老公陪食飯，我選咗這間我哋去過的日本餐再幫襯，記憶中係樣樣野都ok。一睇d壽司價錢真係眼都凸，如uni壽司$110，貴過壽司廣差不多一倍。最後叫咗什錦壽司、加州卷、和牛火鍋和可樂。壽司都好新鮮，但d飯就又硬又散！如果散叫真係好唔低食。火鍋一上，我就問個經理，這4片肉應該是豬肉吧，我叫的是牛肉喎！她諗一諗，這是牛啊。我說這粉紅色的肉是日本黑豚肉吧。她諗都唔諗，就話係牛。我唔想再同佢嘈，搵咗serve我哋個waitress，再問。佢又係諗都唔諗話係牛肉嚟。我哋煮一片看看，煮完肉係白色的，再食一口，都好確定係豬。我真係求個waitress check check。佢攞咗碟肉去問第二個經理。睇到個經理，左睇右睇，最後仲要攞去問廚房，才有答案：係豬肉嚟！個waitress道歉話幫我哋換過曬，我話唔需要咁麻煩你只需攞碟肉去換就可以啦。結果，哈，返嚟碟牛肉只得3片，好cheap啫！相裹有4片牛肉的。係佢哋攪錯牛同豬，攪咗咁耐，結果係要我哋d客人蝕俾佢，豬同牛價錢相差咁遠！咁唔專業嘅日本餐廳(連牛同豬都分唔開)，仲收咁貴，又唔係好食，真係非常唔值得試。

第一次來這間餐廳吃飯感覺很好在這工作的人態度友善吃得很舒服食物都頗袖珍的但很好吃如下:1.三文魚刺身2.吉列海鮮什菜3.牛油果軟殼蟹圈4.日式牛肉煱5.長腳蟹釜飯最好吃的是4.

明天是本小姐的生日..早約定了家人一起到文華Buffet...於是老公就跟老婆提早了一天過生日感謝老公四出尋找特別的館子為我慶祝~偏愛日本菜的我們今晚就來到這裡...1. 雜錦燒肉($96..超值)．分別為牛舌心．小牛肉．羊肉 牛舌心是爽爽的．沒有羶味．口感很討人喜歡　牛肉的肉質新鮮．夾雜著一些雪花．很Juicy．加上特配的醬汁．酸酸甜甜．惹味　羊肉．只吃了一口．本人怕羶味．卻嚐不到一些羶味2. 鹽燒鯖魚($58..又是超值) 跟魚一丁的開邊燒魚口感不同．這裡的肉較豐腴．魚肉很滑．很不俗．但感覺較膩3. 牛肉玉子斧飯($??... 忘記了) 就是一個斧飯吧．沒有甚麼特別．但水準可以．唯一不足是不及鍋飯的飯焦多..haha4. 火砵有機野菜($42?? 差不多吧) 很普通的菜..但熱熱的吃也不錯..只是我想吃菜吧..味道很不錯..就像和民般點菜分吃...價錢只較那裡略貴..環境舒適..當然還是跟訂檯有關..不會受到人騷擾..服務一流...侍應都很有禮貌...是個Fine Dining 的好地方...留下美好的生日回憶..結賬: 294．

2007-08-02弟弟收到這裡的promotional coupon﹐9:30pm 後入座有8 折優惠﹐難得昨夜有點事﹐9:30pm 剛剛好﹐所以就去試試喇。心想這麼晚吃飯不用訂位了吧﹐怎知原來都好滿座﹐去到剛巧有人走﹐所以要等他們收拾好才可以入座。先要了個house cold sake (180ml $32)﹐用冰水浸著﹐不太夠凍﹐一大敗筆也。因為弟弟不太肚餓(等我的時候他已和朋友去HH﹐吃到半飽了)﹐所以不是點了太多食物。要了個Usu Yaki Pizza 和風辛辣銀魚薄餅($48)﹐很和洋式的感覺﹐都是大路的日本甜甜的醬汁﹐不是我喜歡的味道﹐不過弟弟卻很欣賞。不過那脆脆的薄餅底當時吃薄脆來吃也不錯的。喜歡吃炸物的他當然點了他的最愛﹐天婦羅﹐這是他每次必點的菜式﹐分別只是要雜錦天婦羅還是野菜天婦羅。這次要了雜錦的﹐有3 隻都不算太小﹐又都算彈牙的蝦﹐還有其他海鮮如﹕帶子﹑魚塊﹑尤魚﹐和野菜﹐大大小小不下十件﹐才賣$78﹐實在算幾抵食。我則點了個Yokubari Set 精選什錦燒肉($96)﹐有羊肉﹑牛肉和牛舌心﹐是給你一個小爐子自己燒的﹐不過這個爐好麻麻﹐在燒期間起碼停了3

21-7-07 (六) 午餐想試這裏的釜飯，又来午餐。T : 三文魚親子釜飯Ｌ: SUN 特製烘焙什錦海鮮配伴野菜沙律釜飯味道不錯，打開時香氣四溢，調味適中，合T 的口味。海鮮沙律原來是一大碟份量十足的海鮮飯，另外配一小碗沙律，比想像中濃味得多和重份量。海鮮飯其實和芝士焗飯相似，沙律不知加了怎麼調味，有些辣。

中午一行五人到這裏開餐\，因為有訂位，給了一張寬敞的長枱，否則恐怕連位也找不著，服務也很好。五個人叫了六個set，再另叫牛油果軟殼蟹卷和吉列蝦卷。牛油果軟殼蟹卷和吉列蝦卷先送上，每樣有六件，很受大家歡迎。豪華八菜便當:八小碟賣相精緻，其中鵝肝及刺身較出色，還有很滑的烏冬、天婦羅炸蝦和芝麻雪糕(另有綠茶和紅豆可選)。海膽甜蝦壽司碗飯:材料新鮮味美，下次我要試。日式牛肉火鍋:牛肉份量不少，其他配菜也美味。鐵板澳州西冷:肉質和味道都滿意。唐揚雞伴生准山配燒三文魚: 炸物很香口，三文魚有兩小塊。北海道風羊肉鐵板燒伴温室蕃茄沙律：這個上次吃過，推介給家人，果然大家都鍾意羊肉有羶味。

來這裏午餐，叫了北海道羊肉鐵板燒伴溫室番茄沙律和鐵板野菌牛肉卷。兩個套餐都很夠份量，有白飯、麵豉湯、沙律和生果。羊肉很美味，特別在羊肉有羊羶味，很喜歡，又鮮味又香口。牛肉卷則頗失望，牛肉包着鮮菇片等，本來不錯，但問題是牛肉本身無味，靠醬汁幫忙才較為可口。沙律汁很清新味美，沙律菜也很新鮮。服務也很好，滿意的一餐。PS 用豐卡有九折。

尋晚同左家姐去試呢間~叫左個鵝肝配法國麵包~幾好~咬落去d鵝肝會湧出黎~牛油果軟殼蟹卷~ 一般啦~螢光墨魚~唔~ 第一舊怪怪地~因為唔知佢有d咩湧出黎~感覺好似會"bi"一聲~ 食落都ok既~ 但唔會再試~'魚有'魚刺生~ 好味~幾爽^^ 但係家姐話食落好似好飽肚甘~ 個種感覺難以形容~ 下次都會再叫~spicy salmon~ 見到好失望呀~ 佢面頭個d似炸魚皮~d salmon仲係熟既tim~ 叫個陣無為以~我地以為係魚生~不過口感都ok~仲有一瓶sake~幾純~ok! 埋單$330~都食到好飽~好滿足呀~^^

味道清淡，細細碟可吃多幾款，正是我們愛到此吃東西的原因。愛吃濃味者不合。燒豬頸肉salad with vinagrette sauce (ok)Tempura Soba in soup (gd!)三文魚親子飯(住家feel)芒果蝦sushi (Very gd!)牛油果軟榖蟹sushi(gd!)Dessert Trio (TOOOOOO SWEET LA!!!)我覺得是晚Sushi最好吃。其他食物保持水準，但lady washroom 清潔水準保持唔到呢！

係time square睇完戲都已經7時多...一心想去峰壽司食鵝肝壽司...點知點知去到都要排成60多張枱唔喜歡等既我都係在無奈之下去左老闆預先訂既東京和食...一入到去見到有鵝肝壽司即刻成個人開心曬件鵝肝都幾大下...不過我就覺得可以再煎濃少少就會再可以迫多d油出來..當然都係咁好味啦..成$76/2件再叫左個海鰻蜆仔飯...都幾得意上枱之後仲有一個計時器再放多一陣才可以開蓋再放入醬油..味道都唔錯有幾多飯焦下..不過我覺得唔夠多醬油比較淡味.最後再叫左個蟹腳菠菜鍋(唔太記得個名)都係用爐上啦...味道都好正有好多蛋汁用來配飯食就一流; 其實我都唔知此鍋係咪要燒到個蛋全熟變成蛋餅才食至岩..不過我自己比較喜歡有蛋汁又未全熟既...因為portion細...2個人食完都唔覺太飽...再order左個帶子壽司試下...點知應該係溜單啦..等左成10分鐘都無就cancel啦...好彩宜家用hsbc有15%off所以每人都係$100啦...味道係唔錯...不過portion太少啦... 最後再叫左個蟹腳菠菜鍋(唔太記得個名)都係用爐上啦...味道都好正有好多蛋汁用來配飯食就一流; 其實我都

生日飯。原定計劃，是去造訪謝斐道某日本食店。奈何電話長響無人應，費事煩，結果匆匆在這兒訂了檯子。這兒環境非常不錯，雅緻，空間尚算寬敞。我們先叫了五個dishes。。。想不到份量真的是如此精緻~~吉列拼盤- 冬菇幾夠鮮味。未知其他如何。炸蠔得兩件。一盤三串共九件。加州卷- 六件，幾清淡下。炸海老卷- 六件，這個很香口，趁熱吃非常好，人人讚。豬頸肉飯- 朋友們認為飯很好吃，我就覺得味道幾淡；口感卻很不錯。據朋友所講，豬頸肉麻麻地。"窩"內有不少飯焦，可惜餐廳給我們的那個"筆"的設計不能讓我們把飯焦撬出來。這個飯，一個女仔份量，四個人齋傾不夠飽，結果再叫一個鍋燒烏冬。這真是我吃過的鍋燒烏冬之中最迷你的一個；朋友話齋，一個女仔吃兩鍋也未必夠飽! 烏冬可以。配料是波菜，兩塊日本魚蛋，一隻蝦天婦羅。傾了兩個多小時，我們叫埋單，侍應卻是拿著一個小小的，面頭插著蠟燭的tiramisu過來，太surprised太感動了。餐廳不收切餅費，又肯幫我們在飯前三四小時預先把個蛋糕雪定，讚。埋單沒有想像中貴，不過我想我們也不是太飽。趕下場去~~~

人大了，收到的紅色炸彈數量漸增，很可惜，白事通知亦同時增加，珍惜眼前人，這句話也真沒說錯。今晚的我，笑得特別開懐，希望可藉着輕鬆的氣氛，令妳忘記傷痛。五位女同學，算算也相識了近15年，希望下一次聚首的原因是開心的。很久沒來這裡，對上一次應該是三年前。今晚重來，餐牌沒大改變，令人失望。食物種類不算多，大家都好像有點小病，隨便點了數款較清淡的菜式：- 蟹肉菠菜蛋($75見圖)，半生熟蛋和菠菜味道十分配合- 鹽燒油甘魚($53)，油脂豐盈，皮脆肉滑，正！- 豬肉Shabu Shabu($68)，豬肉有點鞋- 豆腐紹菜卷($58)，每人只可分到一小口，貴兼無特別- 三文魚石頭飯($69)，味道還可以，飽肚之選- 雜錦壽司(七件$146)，只有一件是刺身，其餘都是熟食。帶子刺身壽司肥美鮮甜，唔錯；燒鰻魚&豬頸肉壽司朋友們話OK，燒鵝肝壽司極大件，我們掛住傾計，放涼了才分來吃，這價錢算交足功課整體上份量少，唔抵食，只適合細食如我們的女士用餐。Service不太完善，例如熱蜂蜜的杯是痴立立的；我們坐塔塔米位，當然要除鞋，要上廁郤懶得幫我們找回鞋子，要換上他們的拖鞋。Draped in sorrow,