定食 Doraya (士丹利街)

Open Now

Now Closed

平時諗唔到食咩嘅話，我都會去呢一間丼飯店，佢有好多款吞拿魚丼飯，完全係吞拿魚控嘅天堂🤤店入面係簡單嘅木系裝修，但坐位唔算話好闊落，正正常常咁啦。🌖 深海池魚他他丼定食見佢除左吞拿魚之外，仲有一啲特別選擇，就嗌嚟試吓。深海池魚都幾新鮮，佢本身就有獨特嘅口感同味道，但冇三文魚/吞拿魚果種油脂味，比較清爽，再加上佢哋撈咗特製嘅他他醬汁，令到成個丼飯更加清新。整體黎講係幾好食👍🏻🌖 醬油潰吞拿魚丼定食呢個醬油潰吞拿魚丼嘅味道好好，新鮮嘅吞拿魚用醬油潰特製，唔洗點任何其他醬汁都已經好入味。入口有吞拿魚獨有嘅油脂味，份量都好足👍🏻📍 定食 Doraya中環士丹利街11號Stanley 11 7樓🧧人均消費$200@hea4_food

每次想食丼飯，第一時間便會想起Doraya。吞拿魚刺身可以話係店舖的招牌，而且佢地提供的吞拿魚種類好多，有藍鰭吞拿魚魚腩蓉，吞拿魚扒，赤身，中腩，大腩。雖然價格不算便宜，但刺身質素絕對對得起個定價。🍙 藍鰭吞拿魚扒丼加温泉蛋定食 Bluefin Tuna Steak Bowl Set ($153) 👅: 93.8分吞拿魚扒有驚喜！ 本身擔心呢個部位會唔會太瘦，嚟到先發現原來有齊三款肥瘦不同的吞拿魚扒，最肥的兩塊食落口感很像拖羅，而所有魚扒都有輕微炙過，令魚油香氣更突出。強烈建議加温泉蛋，蛋黃味很重，仲可以增添白飯的濕潤感，連香葱和芥末一齊食，非常可口。🍙 火燒平目魚 + 藍鰭吞拿魚赤身定食 Burnt Flatfish Sashimi & Akami Sashimi bowl Set （$178) 👅：88.7分如果不太愛吃吞拿魚的朋友，不妨一試平目魚，亦即係左口魚，炙燒過的平目魚油脂感非常重，入口即溶，配上脂肪較少的赤身，可以平衡返個油膩感。每個定食都會附上味噌湯，茶碗蒸，漬物。除了丼飯外，店舖還提供不少小吃和日本時令食材，例如，白子，和冬天當造的秋刀魚，大家預算充足的話，不妨一

平日中環食日式餐廳定價都偏高。這間位於士丹利街的Doraya，刺身丼飯價位由$100中起，性價比非常高。店裡坐位不多，而且不接受預約，當天午飯時間排隊人數很多，我跟朋友排了差不多40分鐘才能入座。我叫了粒粒海鮮丼定食 ($148+10%)，珍珠米飯上面擺滿了三文魚、三文魚子、吞拿魚等，每款刺身都非常鮮美。除此之外，定食還有一個蒸蛋碗、味噌湯和一個小沙拉等，味道都很不錯。整道菜的味道非常清新，讓人食欲大開。另外我朋友各點了**特選海之幸壽司丼定食 ($168)**及** 吞拿魚大腩小丼 ($188)**，賣相都很美，他們都一致好評。總體來說，這家日式餐廳提供的定食非常不錯，每道菜都有自己的特色，而且價格也很實惠。如果你喜歡日本料理，不妨去試試看這家餐廳。

慶祝同事生日，所以就食好啲啦☺️因為地方唔算大，所以呢間午餐時段都多人排隊。餐廳裝修簡約，環境舒適。 一坐低，店員就放低沙律前菜啦👍海膽蔥伴藍鰭吞拿魚小丼 $178 👑內附冷烏冬、茶碗蒸、前菜。海膽同吞拿魚蓉一啲都無馬虎，海膽係完整咁放上丼飯，非常新鮮鮮甜👍肥美既吞拿魚蓉配香蔥撈飯食，非常滋味。丼飯係細size，但有跟一碗烏冬/蕎麥麵，所以男士都會夠食既。而茶碗蒸蛋香嫰滑，仲有雞肉係蒸蛋裡面。整體性價比高👍

開會開到好攰，lunch time 要食返啲comfort food 叉下電。定食 doraya 在中環士丹利街的新店，環境舒適，座位比尖沙咀和銅鑼灣店寬敞，食物質素亦能保持水準。推介火炙左口魚裙邊和拖羅定食，油香豐富，平日很少吃澱粉質的我，都可以撈晒成碗飯，大滿足。定食套餐還包括前菜、麵豉湯、茶碗蒸和南瓜沙律。南瓜沙律非常有驚喜，好味。平日午餐在中環二百幾蚊可以食如此高質的日本料理，實在是性價比非常高的選擇

今日同同事去呢間餐廳食午餐。雖然餐廳唔大，但係好多人喺度等位。餐廳簡約裝修，環境不錯。我叫咗雜錦壽司飯套餐，一上枱賣相好靚，顏色鮮艷，有三文魚、油甘魚、雞蛋。魚生都好新鮮，飯有少少酸味，好食👍😋

第一次嚟中環分店，我以為佢只有尖沙咀一間分店。中環分店闊落好多，裝修又靚好多，最重要就係星期一至四晚都會有免費嘅沙律吧提供，當然你唔好諗住啲沙律係貴價嘢，但都算係一個bonus。照舊我叫咗一個拖羅魚蓉どん定食，超級好味道。下次會嚟中環分店食，因為尖沙咀分店坐得真係唔舒服，食完你就會即刻想走。依度啲侍應服務亦好好，尖沙咀嗰邊啲侍應會唔係好想睬你。下次諗住試忌廉蟹餅， 40幾蚊有四舊好似幾抵下。但其實佢價錢都有少少貴，如果平返少少就好好

同朋友係中環做完瑜伽順便食埋晚飯先返屋企，我又諗唔到食咩好，所以朋友就提議食日本魚生丼飯，佢仲話介紹我食呢間係全香港最好食嘅，令到我都十分大期望😋朋友推介識佢嘅自選魚生丼飯，可以自由配搭自己想食嘅魚生。我揀咗香蔥藍旗吞拿魚腩蓉、甜蝦他他、三文魚，另外我仲加咗火炙平目魚 $192配菜有蘿蔔竹輪、海鮮蒸、麵豉湯、酸黃瓜整個晚餐都十分滿意😝我最鍾意食佢嘅甜蝦他他同火炙平目魚，前者10分鮮甜，後者充滿着有香味，唔小心就食曬成個飯😝

銅鑼灣「定食Doraya」由佢Day 1 已幫襯，性價比一向高，但基於坐得太迫，日日排長龍，所以好耐冇去過。得知中環開了分店，第一時間去試吓。地方真係寬躺好多，相當新淨、整潔，椅子下也放了basket 給客人放隨身物，冷氣頗強力的。店員超有禮貌，不停添茶，感覺到那份如日本人的親切感。藍旗吞拿魚扒丼定食$143 配壽司飯價位絕對完勝，赤身級數的吞拿魚扒，切得唔算特別厚身，但吃下也有口感。將魚略為燒過，魚油更容易地散發出來，魚味濃而帶出微甜，仍是高質。冷蕎麥麵$68蕎麥麵富小麥香，有彈性，夏天食感覺好清爽。香煎牛舌片$48薄切仍不失它的美味，已可然調味，不會韌。清酒煮蜆$68蜆肉就削咗少少，正常。整體價錢不貴，CP值不錯。

好耐無食啦星期五晚3個人去 7:30pm去到 要齊人入座餐廳唔多大枱 但又不停放2人枱入去見到好多相鄰嘅2人枱前後腳食完 但就只係不停入2個人咁如果分開2個 1個咁拎飛 可以坐隔離之餘 應該可以快好多入最後等咗成個鐘頭睇咗成個鐘頭menu 糾結咗好耐有好多藍鰭吞拿魚嘅丼飯 大拖、中拖、赤身、吞拿魚蓉 又可以揀炙燒而我….鐘情大腩🦦吞拿魚大腩丼定食 $240$240有成9-10片 價錢上已經跑出咗 質素算中上啦唔能夠話好驚艷 但油份都幾重幾香 夠滿足藍鰭吞拿魚四色丼定食 $228蜆肉味噌湯 +$10還好啦茶碗蒸就中規中矩香煎牛舌片 $48依個幾surprised好嫩又夠香 仲要份量都幾多所有嘢都還好啦

價錢💰:100～400好味程度😋⭐️⭐️⭐️⭐️ ⭐️環境⭐️⭐️⭐️⭐️服務⭐️⭐️⭐️ ⭐️回頭率⭐️⭐️⭐️⭐️今日約咗舊同事出嚟見吓面朋友介紹我位於中環既分店😍其實間唔中喺網站上面都有見到人介紹🥲今日終於有機會親身嚟到朝聖一下啦我哋二人叫咗唔算多嘢食～最令我食過返尋味既仲中羅魚蓉飯👍🏻👍🏻👍🏻真係忍唔住要俾返幾隻手指公佢 吞拿魚入口即溶 吞拿魚勁鮮甜 勁香魚油 令我越食越開胃😊另外仲叫咗一個炸物天婦羅擺入口仲係辣嘴熱辣辣☺️呢一款亦都係我每一次去食日本料理必定點嘅菜式！我朋友叫咗一個火燒比目魚拼三文魚井 啲比目魚簡直好食到世界級別 食落口直頭感覺到啲魚油喺我個口到爆出黎👍🏻👍🏻👍🏻👍🏻最後我哋仲叫咗一個三文魚頭三文魚嚟到相當大份 食完兩個井仲擔心食唔晒 點知唔覺唔覺都食得晒 總括嚟講呢間餐廳CP值極高 係一間超級有水準嘅日本餐廳如果大家都有興趣就快啲訂枱試吓啦

Visited Doraya Central several times, good value for money lunch sets, many options to catering different guestsThe sashimi was fresh and the portion size of the set was moderate, service was friendly, it is a great place for lunch!But make sure you reserve enough time for queuing as no booking is available for lunch

今日同同事食lunch 12 點準時出發 12:15 左右到 岩岩好最後一台入到 呢間長期lunch time 都要一早到 因為比較細間已經係第二次食 今次叫左第二樣野 一個combo set 上菜速度一樣咁快 叫左個冷烏冬配魚蓉飯冷烏冬加上秘制汁加少少wasabi 同蔥食 透心涼前菜有個南瓜蓉都幾好食 應該隔一陣會換 同上次唔同 仲跟左個日式蒸蛋 好多料最後而且最出色都係吞拿魚蓉飯 唔知佢點整 但個蓉配日本sushi 飯真係絕配 一定要叫呢個餐百幾蚊 高質 可惜坐唔得耐 食完要走 仲有好多人等緊

Doraya咁多年口碑相信唔需要特別介紹😜 不過雖然開咗一段時間但似乎唔係好多人知佢哋中環有分店 據說老闆係做日本食材生意 所以不乏高質新鮮海產😍 主打當然係吞拿魚 唔知點揀可以叫藍鰭吞拿魚四色丼定食 有赤身 大腩 炙燒大腩 同吞拿魚腩蓉🤤 星期一至四晚仲有自助沙律吧 絕對超高性價比🫡  YEAH!!!!!! 📸 1️⃣ 藍鰭吞拿魚四色丼定食($228) 2️⃣ 火燒平目魚&藍鰭吞拿魚扒丼定食($188)

*✲ﾟ*。🐟高質呑拿魚丼🇯🇵Bookmark 左呢間勁耐 終於食到喇😆我食左藍鰭吞拿魚扒丼定食配日本溫泉蛋😍吞拿魚扒微微燒過 每件都係厚切 份量都幾多 魚生新鮮肥美好正🤤建議要加溫泉蛋 撈埋飯好好食😋定食配沙律、漬物、茶碗蒸同味噌湯 好豐富😝下次一定會再encore🤗我係去中環分店 呢度lunch time 冇得book位嘅😢座位大約得20-30個 12點半之後𨋢口已經迫滿哂人 真係好多人食 要早D去先食到🙈-✨ 藍鰭吞拿魚扒丼定食配日本溫泉蛋 ($158)
+10% service charge-📍 Doraya #定食のどらや @doraya.cnt▫️ 中環士丹利街11號 7樓▫️ 尖沙咀厚福街8號H8 6樓▫️ 銅鑼灣駱克道451-453號駱克大樓