日本黒毛和牛焼肉 牛太 (錦薈坊)

Open Now

Now Closed

放工後去食下午茶當午餐，本身好期待終於有時間食飯，見之前無食過打算試下呢間。然後職員落錯單，本身想食雞豬，結果嚟咗牛舌，當初唔清楚客人想落咩單都無問清楚。講完仲要比個勁無禮貌嘅態度，完全歉意都無，另一職員後嚟先至換咗碟豬肉，但之後仲要連張order 紙都收走埋。本身只係想依下肚，居然食到一肚氣，最後食曬枱面食物，埋單走人。但咁樣都仲好意思收加一，都幾諷刺，呢間永遠唔會再幫襯，成世人去過咁多間要收加一嘅餐廳，呢一間一定係最唔值得比加一嘅餐廳，超失望。職員比出嘅態度就係客人錯曬，自己無錯咁。唔緊要，附近都有燒肉店，無必要食佢。更何況荃灣旺角，甚至$100-130都已經食到好食嘅日本豬雞肉，連我唔食嘅牛都有，仲要多好多選擇，味道係食得出好味，呢間計埋唔值嘅加一係300蚊起，真係唔值得，如果一家人食計落其實真係好唔抵幫襯

8:26p.m入坐，120分鐘燒肉放題帶位店員冇講清楚10p.m收工要交枱10:03一位肥中年女士員工行埋嚟話:用餐時間到啦，要交交枱未反應過嚟佢就已經收緊枱面未食嘅食物張單顯示嘅時間都係8:26p.m-10:26p.m帶位員工完全冇提及過咁身為顧客梗係以為10:26p.m交枱佢仲反問:乜帶位員工冇講入座嘅時間會食唔夠兩個鐘咩？如果入坐前有提及，完全係冇問題，本身都係唔中意阻人收工問題係冇提及過，就直接行埋嚟收野趕客，真係好冇禮貌囉其他店員都好有禮貌，唯獨呢位肥中年女士員工態度極差反映完比佢知，帶位員工冇提及入坐時間會食唔夠兩個中，該員工只係唔出聲繼續收野處理問題嘅方法同態度都極其惡劣本來用餐感覺、其他員工服務都感覺幾好結果臨尾嘅肥中年女士員工令到第一次幫襯，亦係最後一次‼️$1032嘅晚餐，因為呢位肥中年女士員工以及冇講清楚規矩導致不歡而散，亦變得不值得臨尾香嘅燒肉放題體驗

我一向唔寫食評！早兩日同朋友黎食！叫咗個$469！可能我哋叫平嘢啦！態度差到不得了！佢哋有個好細嘅沙律吧⋯⋯大家小心！喺污糟到爆！跟住拎咗罐汽水！好聲好氣問：有冇飲管！「佢話冇！叫我就咁飲或果度有杯！叫我倒落杯度飲！」我想問小朋友或者化咗妝果啲女仔唔洗飲啦⋯⋯醬料要比錢！甜品只係得軟雪糕，餐前小食得薯條。最緊要佢話係日本和牛！但咬唔開囉！我都唔知埋單$幾千蚊食過乜！最緊要要受果班侍應氣！

夜晚8點幾同幾個朋友諗住黎試下尼間日本和牛放題 reception姐姐話可以食到10點半 9點9last order我地就入左去啦 坐低叫左兩轉野食左一個鐘左右唔係好對路 見到廚師開始執野 樓面都做緊清潔 不過見落到單我地都冇理 但係落完單冇耐就見到佢地係到討論 隱約聽到原來今日係9點3 last order 之後冇耐就有個男員工 應該係經理黎 就同我地講要last order而家落埋佢😅雖然係佢地講錯左時間 佢有話照比我食到10點半但係個場面極為尷尬 搞到食都食得唔舒服 甜品都冇咩食就走左…野食黎講總類唔算多 主要都係食和牛同海鮮 食得出係日本和牛 但係建議下次夜去最好要問下清楚用餐時間 避免d咁尷尬嘅情況影響食慾🤦

星期六來到屯門市廣場，食和牛放題！雖然價錢唔算平，但係和牛真係件件都好正！掃描二維碼點餐，先來一次全和牛宴，每碟只可以點兩件！咁掃完一輪之後，我哋五個人好快趣就要再整多一輪！再加一啲海鮮；如魚鮑魚呀，帶子呀，扇貝，蝦等等！咁樣好豐富就再食咗第一輪人；跟住出去食雪糕，食紅豆冰，啫喱飲，麵豉湯等等！和食唔同嘅任飲，如汽水，烏龍茶等等嘅飲品，真係食品極之豐富！之後再嚟多一次全和牛宴，再加雞肉同埋羊架！羊架每次只可以點一件！咁就試下辛辣同埋香草羊架，辛辣果然夠辣但係好惹味！羊架肉質鮮嫩十分之林滑！如果中意食羊嘅，真係不二之選！用餐時間限制在90分鐘之內，所以好快趣就夠鐘喇！再點多碗烏冬東同埋豆腐，再嚟多個雪糕同埋甜品！咁就已經差唔多啦；而服務方面亦都相當周到同埋有善，值得再嚟幫襯！只係掃描二維碼方面，只容許一個人去掃描和落單！第二個人再掃描噤之前嘅人就會畀人踢出嚟！真係比較麻煩，希望有遲啲會改善！

同朋友聚舊，希望去一間不太迫不太嘈的餐廳，早前行過錦薈坊見到「黑毛和牛燒肉」，望入去空間感很好，夠光猛，於是订位試下。入去前要選餐目，我地一行4人，對有選擇困難既我地，真糸一大難题，原本我對牛不太認識，ken經理為我地耐心介紹了餐目，终於揀好。原本以為跟其他烧肉店差不多，但當打開menu下單，發現好幾頁也是牛，真的長知識!每一件的份量剛好大小，而且烤了一整晚也没有換網，我們發現這家的爐火設定大细很好!甜品有軟雪糕，日式甜品，而且有T字的茶，经理介紹他們的果汁汽洒，配埋烤肉很不錯。因為餐廳很光猛，而且很易找到枺布，所以我感到很整潔，尤其欣賞筷子套/湿纸巾包裝，跟餐廳浮世繪配成一套，很美!服務亦很好，很小食燒肉店會有職員主動換碟，而且職員很細心上菜，務求我地在座每一位都可以夾到，跟一般餐廳為上菜而上很不同，我地也感到意外。這次所有朋友也很開心，環境舒服，食物质素很好，服務一流，性價比高。

2月27日到店，諗住全店主打和牛，所以用最低嘅門檻級別$469試一試，一坐低侍應就話：「QR code落單，嘢飲就出邊攞！」如是者，老公出咗去攞嘢飲，一坐低就發現有烏蠅仔，之後就到我出去攞咗嘢飲返嚟，咁坐低點啲肉啦，咁就發現枱面只得鹽同胡椒之外就冇其他啦，冇其他醬汁可以點嘅，食咗三四轉肉之後發現人哋張枱會有點將兜，原來喺出邊囉，但係職員又冇講，咁都唔緊，可能我心急冇睇清楚。主要係想講！當晚我嚟嗰啲叫做和牛，眼見同食落口都唔覺得係和牛，仲要係靭嘅咬唔開！！！另外有啲有筋嘅！其實燒肉我都食過幾間燒肉，從來冇試過食和牛會食到有筋又咬唔開囉！就算 和牛燒耐咗，都唔會靭都咬唔開嗰種！仲要第一下燒嗰啲肉係黐住個網好實，燒兩三轉，先至唔黐網！到last order嘅時候，店員同我地講有咩就落埋啦，聽完就已經即時落啦，點知無得再落，同店員講嘅時候，店員都口述落番。總括嚟講成餐飯都過千蚊食和牛，點知貼錢買難受！相比起人地唔係和牛都仲好食過呢一間！

🎍🥀🌷🌸🧧大時大節放假，心情輕鬆，當然日日食好野😽。係屋企附近瘋狂掃貨後，經過錦華這間新開無耐的牛太，肚仔🥁🥁打鼓決定一試。餐廳裝修行🎎🎏日式風格，柔和簡潔，座位舒適。放題有幾款套餐可選，今次我們點了特上⚫️黑毛和牛餐@$629+10%人。4人用餐，有2個燒爐，不用打架🤭。一坐下，店家就上了一碟5款的和牛🐂，然後就自由發揮。⚫️毛和牛質素雖然不算超頂級，但都算牛味濃郁、入口軟滑，封門柳是我的至愛💕。海鮮有芝士蠔、青口、鹽燒大蝦和帆立貝，蠔比較腥，大蝦反而肉質鮮甜。重要既事 講3️⃣次，千萬不要錯過x3️⃣，❇️⚫️黑毛和牛火炙壽司，實在太美味！1️⃣0️⃣0️⃣🤤連吃6件還不夠🤭✔️🥬🍅沙律菜都擺得整齊，十分新鮮！燒牛舌，薄薄的，易燒又好味🤤飲品選擇多，汽水、清熱飲品、日啤和酒精飲品等。 ⚫️毛牛特上餐還可飲生啤，啤酒配燒肉，簡直絕配😈！甜品選擇就較少……店員上菜快，知道老人家動作比較慢。其實啤酒是自助斟，都仍然十分樂意幫我爸斟生啤，仲要攞埋上枱，服務態度好主動，👍細心🤝🫶。讚❗️整體這間餐廳環境舒適，食材都豐富，服務態度好，雖然價格貴一點，但下次會再來。☺️開開心心又一餐，人生得意須盡歡，跟家人食餐飯 就是一份簡單的

門口去到， 以為鋪細細，但原來走長方鋪路線， 自助區在最深處，近門口的就要走遠點啦～可以食得到黑毛和牛的會位一定不便宜，但其中有一個較低價位的可試試周邊的食物，就選最平的午餐來嚐嚐啊餐點未嚟時， 先去自助區先～ 有喝的都有不少選擇，還有近來大熱的樽裝茶飲，雖然不太環保但又的確討好既還有其他沙律、熱盤及甜品，除了肉外都是任吃啊～～ 菜菜很新鮮～～ 咖哩飯普普通通，如肉點不夠也可填肚吃之這是最平價的牛豬雞定點套餐， 每款有三塊～ 以一餐飯來計， 是夠量的， 豚肉要推介下，好彈牙另外重點講講係佢既甜品， 佢有兩款， 一款黃豆粉蕨餅 及雪糕～蕨餅一向唔係平價嘢，而家任食仲可以加埋紅豆蓉&白玉丸子，真係 不過嚐過後感覺略為淡味左唔夠甜 另一推介係雪糕，有牛奶及士多啤梨口味，我貪心啲一次過試晒兩個 質地不是說雪糕狀， 係類似冰類咁～ 士多啤梨酸酸的為肉類解油膩，好好味呀最後埋單連加一$131@ 快食60分鐘超滿足！

見食評寫到咁好 第一次試 所以今日選了$469和牛套餐。 當然集中點和牛各部位試試先 但整體八成唔似和牛（有圖有真相）只有一兩碟似和牛 每款只能夠點兩件 。 我哋經常周圍食和牛烤肉 但第一次會不停懷疑係唔係和牛 甚至要問上菜員工 是否和牛但她堅定說係🥴 整體不停俾人有小家嘅感覺如下：1) 我禮貌問飲管 。佢好堅定答：我哋支持環保唔提供飲管㗎！ 我： 好！我明咁我哋而家想要可唔可以畀我？佢好大聲 ：咁你堅持要我畀你啦🤮 (p.s: 望四周圍真係冇人有飲管， 唔想有乞嘅感覺請自備) 2) 望到隔離枱有四個醬 檯面有個牌介紹啲醬添 坐低已經十五分鐘都唔見有任何醬 就問職員攞 點知佢好大聲咁話： 你哋嗌$469個餐係冇㗎！呢啲醬係畀$689以上先會有！ (大聲到半個餐廳都聽到🤮) p.s 第一次覺得餐飯兩個人一千蚊原來係咁失禮🥺😭 我答原來冇得㗎喇。 佢仲要大聲話你要點枱面有醬油鹽同胡椒粉。🤢3) 然後叫咗三壼牛肋條 入邊有菠蘿冬菇同三舊青紅椒 得一條好短嘅牛肋條(第一次見棉花棒咁短） 因為我哋唔食青椒 但唔想浪費已經頭兩壺食咗 淨返一壺嘅青椒冇食到 佢來收碟時收咗 竟然轉回身跟住 再

屯門又有新開既日式燒肉放題店啦~襯佢新開張有九折~當然要去試下啦~😋😋😋(九折做到12月23日~午市或晚市都可以用架)👍👍今次我就揀左✅黑毛和牛特上燒肉放題($629/120分鐘)一開始頭盤哩幾款肉~真係睇相都知道好好味呀~😍😍😍▶️厚切牛舌▶️極上雪見肉眼芯▶️極上座布團▶️極上厚切肉眼芯▶️厚切特上辣椒肉扒全部都係十分鮮嫩~完全唔韌~食落仲要滿滿油香咁~🤤🤤🤤雖然頭盤只有一round~任點任食既部份~種類同質數一d都唔差架~除左牛仲有日本產豚肉~雞肉~羊架~海鮮等等既美食~咁我地當然主力食黑毛和牛系列啦~😋😋之前頭盤既厚切特上辣椒肉扒都有再order架~哩個▶️辣椒肉扒都係我大推之一~👍夠哂厚身~但食落一d都唔韌~而且佢既油脂分佈得幾平均~唔會太油膩~😋😋😋😋😋另一款私心推介既就係▶️厚切特上牛肋肉啦~特上牛肋肉相對地油脂比較多~食落更加軟腍juicy~但因油脂較多既關係~食到中後後段感覺就油膩左少少~😅😅另外佢仲有四款唔同既醬料比你去配搭唔同和牛嘅一齊食~點左醬料黎食~又別有一番風味~除左燒肉~哩個▶️黑毛和牛火炙壽司又係必點架~輕輕火炙過既黑毛和牛更加香口美味~😋海鮮方面~特大虎蝦大隻得黎仲好

日本黑毛和牛燒肉牛太， 最近在 屯門開了新分店， 屯門區嘅大胃王可以去食好嘢喇！ 餐廳佈置以日本江戶時代為主題， 好有特色， 主打高質燒肉放題， 選用日本出產黑毛和牛，配埋 QR code 落單， 快捷又方便， 地方相當寬敞舒適，讓人食指大動。放題有4款套餐選擇，價錢由$389 ~ $899。今日試咗日本產黑毛和牛燒肉放題套餐 $469 ，相當豐富共有 68 款食材任點任食，用120分鐘享用指定食材 ：▪上級日本產黑毛和牛▪ 燒肉 ( 豚肉、雞肉等 )▪ 海鮮 ▪ 沙律 ▪ 前菜▪ 飲品▪ 甜品上級日本產黑毛和牛 :薄切黑毛和牛牛脊肉、牛肋肉， 油花滿佈， 色澤嫩紅， 燒烤時， 陣陣肉香撲鼻而來， 肥油滴在爐端中，令火光更旺盛， 咬入時，肉質軟嫰，咀嚼時，油香及牛肉汁在口腔迴盪， 牛味突出 ，有入口即化口感。 薄切牛舌，燒至油光亮澤，嚼勁的口感，慢慢滲出肉香。 超喜歡壺漬果味牛肋骨， 賣相精緻， 入口柔軟細膩，十分 juicy， 還有淡淡的果香。海鮮 ：連殼的帆立貝，肥美飽滿 ，表面放上牛油，燒烤至剛好， 入口鮮味滑溜， 連同溶了牛油汁一起吃， 格外滋味。 大隻的海蝦， 燒烤後， 蝦

超開心超滿足的燒肉放題🥩，好味到吃完立刻想回訪🥹！前幾日去了日本過江龍🇯🇵人氣燒肉「牛太 GYUTA」屯門新店，店鋪裝潢以日本江戶時代鬧市為背景🎎，環境寬敞舒適，店員親切友善服務一流👍🏻！ 主打「日本產黑毛和牛放題套餐」，所有黑毛和牛均來自日本鹿兒島及宮崎的自家營運牧場🐮，和牛質素極高❤️，油花分佈平均，肉質細緻嫩滑🤤，好味到不得了😋😋😋！ 🥩黑毛和牛特上燒肉放題 120分鐘無限任食🤤星期一至四：成人$629｜小童$309星期五、六、日：成人$659｜小童$309 🐮頭盤特選黑毛和牛稀有部位，有極上雪見肉眼芯、極上厚切肉眼芯、極上座布團等等，非常高質🤤！ 😋任點任食部分任點任食選擇超多，總共78項食品，另有其他牛肉、日本產豚肉、雞肉、海鮮及前菜等等，Edel當然主攻黑毛和牛啦🤭！ 🥩黑毛和牛❤️厚切特上牛肋肉（燒汁/鹽）❤️厚切特上辣椒肉扒❤️特上牛肋一葉舟❤️特上牛肋肉（燒汁/鹽/蘿蔔蓉柚子醋）❤️特上牛脊肉（燒汁/鹽/醬油漬蒜片）❤️黑毛和牛火炙壽司❤️壺漬果味牛肋肉❤️角切黑毛和牛肉❤️厚切牛舌 🦐海鮮❤️鹽燒鮑魚❤️牛油蒜蓉燒廣島蠔❤️牛油燒日本產帶子❤️鹽燒大蝦 😋自助區有沙律吧、水果、泡菜、韓式醃蘿蔔

—新開張嘅日式燒肉店 環境光猛闊落 坐得幾舒適最重要可以嗌到成張枱都係嘢食同埋食完身上聞唔到有燒烤味日本產黑毛和牛 燒肉放題套餐($469)小試牛刀 要咗個入門級和牛燒肉放題包括上級牛肋肉/ 上級牛脊肉薄切赤身肉/壺漬果味牛助肉/ 厚切牛舌鹽燒鮑魚/牛油燒日本產帶子牛肉油花適中 望落紅潤粉嫩大火燒幾下就已經食得果然脂香軟腍 不知不覺食多咗壺漬果味牛助肉 帶果香更滋味海鮮類鮑魚預先處理咗 可以燒完直接食牛油帶子燒 蝦 都唔錯炸物小食都可以拎/qr code嗌沙律吧可以平衡返膩意牛乳雪糕 toppings紅豆蓉 白玉 抹茶蕨餅 好有誠意———————————————————日本黒毛和牛焼肉 牛太屯門屯隆街1號錦薈坊3樓338-343號舖

日本產黑毛和牛 120mins燒肉放題套餐 (68 items) Mon - Thu $469Fri - Sun , Public Holidays $499🥩 120分鐘日本產黑毛和牛任食任飲放題🥩🤤 任點任食： 任點任食！選擇多！有上級牛肋肉、上級牛脊肉 (可選口味 : 燒汁/ 和風京蔥醬 / 鹽)、薄切赤身肉、上級封門柳、上級腹胸扒、上級板腱肉、角切黑毛和牛肉、厚切牛舌、壺漬果味牛肋肉、海鮮類、日本產豚肉及雞肉、燒雞腎串、燒雞軟骨串、雙重芝味腸、骨付香腸，仲有激辛挑戰、日式前菜等！J妹推介！油脂豐富、入口軟腍即化的上級日本產黑毛和牛各部位！再蘸埋蛋味濃郁的日本生雞蛋，肉質口感更軟腍滑溜！🤤 亦推介鹽燒鮑魚、牛油燒日本產帶子、鹽燒大蝦，3款都鮮味彈牙又完全唔腥！🥗🍨 自取任食：有水果、泡菜、韓式醃蘿蔔、沙律菜、炸薯條、炸雞、味噌湯、白飯等等！(有醬汁供應可拌沙律 / 蘸薯條)甜品有英式窩夫、比利時班戟！更有日本直送的3.5牛乳雪糕、日本直送愛文芒軟雪糕，仲有抹茶蕨餅、紅豆蓉、白玉丸子、椰果、朱古力醬、士多啤梨醬及4款topping供自行加配！🥤 任飲：包括罐裝飲品 (汽水、茶飲