渣哥一九九六 (Closed)

途經九龍灣德福看到新開張的渣哥，衝著港姐開的旗號試試。店鋪供應香港常見的街頭小吃，這次嘗試了渣哥手抓餅，配料有牛油栗米、火腿、煙肉、肉鬆和芝士；即叫即製，下單後要等10-15分鐘。熱騰騰的手抓餅，每一口都咬到配料，融化的芝士剛好當成醬料，令手抓餅不會太乾口；配料十足但價錢有點偏貴。

對「渣哥一九九六」的認識，限於它是由香港小姐譚小環開的店。最近它進駐了九龍灣德福廣場，就來增進一下對它的認知吧。以同類型小食店來說，它的門面裝潢相當很光鮮。人手亦頗足夠，一人專責收銀，另外的二三人負責處理食物。「渣哥一九九六」主打港式街頭小食。除了餐牌所示的燒賣魚蛋，也有蛋治之類較飽肚的食品出售。筆者點了碗魚蛋嘗嘗。對比起其他賣街頭小食的小店，「渣哥一九九六」的定價確是有一點偏貴。不過，考慮到它位處的地點和租金，如此的定價也是無可厚非的。10元8粒的魚蛋甚為彈牙，也有一定魚香味。筆者點了辣味，辣汁中帶有絲絲蒜香，相信是「渣哥一九九六」的秘制醬汁吧。香口之餘，也是令人越食越有辣勁。最令筆者讚嘆的是職員的禮貌。從點餐到取餐的過程，職員都是笑臉迎人的。筆者曾光顧過一兩家小食店，店員都是語氣態度偏差，令人卻步。今次遇到禮貌員工，進食的心情也更愉快呢。

趕住上堂 又唔想食得太飽費事飯氣攻心 上上下堂釣魚就唔太好 😂所以都係買d小食 填飽少少個肚算德福入面好少呢類型嘅小食店得便利店 或者係茜X喺呢度同呢個位開 係極聰明嘅決定🤔叫咗腸粉餐 落單哥哥好好心咁提一提 問有無醬要走我就緊係要多醬😂入面有四五個伙記 個個都好忙做緊野咁但唔知點解好似無乜效率 手腳比較慢🤔可能唔熟手啦都等咗成十分鐘一開多醬都唔係好多醬最後都係要自己再加豉油同甜醬(上圖係我自己加咗勁多醬🤣）腸粉得半盒 唔夠滑 同埋好幼身😅唔係好掛得到醬魚蛋燒賣各四粒魚蛋都彈彈地牙 不過偏向硬而燒賣就比較粉如果唔係有醬同豉油都真係麻麻🤔總括就係可能期望太高 我expect會係再好味d😶

今日午膳不大肚餓 就去了渣哥買腸粉魚蛋燒賣餐當午膳 魚蛋是彈牙的 個汁少少辣 都幾惹味 燒賣是煙韌的 但有少少蒸了太耐的感覺 但口感也是我喜歡的 不會太淋 而腸粉是很滑 頭抽豉油是惹味的 如肚餓就份量太少 但味道是令我不斷篤入口吃的整體來說 魚蛋最好味 跟著是腸粉 然後是燒賣我會再去幫襯

突如其來的放早，令我可以有時間掃街、逛街🤪，哈哈！渣哥是近月新開的小食店，開業以來早晚返放工時間都經常要排隊，難得今天放早，時間鬆動，就排隊試試啦！排隊落柯打有效率，職員服務態度友善。等候約3-5分鐘後，熱騰騰的燒賣就到手了。豉油一點也不咸，反而很香，又有少少甜味。燒賣好吃，魚茸（不是一團厚粉）很煙軔，加上一點點甜豉油，份外好！餐牌價目清晰👍🏻選擇款式不算多，但貴精不貴多。下次可試試其他小食！

最近在到公司的途中，有家小食店開張，名叫【渣哥1996】。其實名字一點都不陌生，早在銅鑼灣開了它第一間店，令人認識因為它的老闆……過氣港姐冠軍譚小環，憑她的成功而赢得最美麗魚蛋妹的稱號。分店開到九龍灣當然要試下！每天早上總有一堆人等，為的是買份醒神早餐！小食店位於人來人往的地舖，選址一流！小食店只做外賣，店內有4至5位員工，人手充足。早餐有A~J選擇，主要有腸粉、燒賣、蛋治，$18~28 早餐包杯熱飲，不叫得特別平。早餐以外還有其他選擇，都是童年時的街邊小食。【咸牛肉厚蛋治 $28】賣相似荃灣嘉樂冰廳的出品，同樣是蛋厚而且咸牛肉及雞蛋分開處理的。不過 【渣哥】的咸牛肉蛋治都不夠嘉樂冰廳厚，但呢份蛋治真係名乎其實厚蛋治。 咸牛肉及雞蛋分開處理，沒有混在一起。而且蛋太多缺少了咸牛肉的味道。【渣哥】奶茶一入口苦澀味道太過厲害，真的接受不了。原本想試下樽仔奶茶，但經過幾次都見不到樽仔奶茶……不知道什麼原因。早餐杯奶茶對筆者及不少香港人來說非常重要的提神工具。美味奶茶比美味的早餐更加重要……因此這裡的奶茶質素絕對筆者是否再光顧有直接關係。

腸粉好滑，燒賣魚旦亦很出色，燒賣沒有腥味,魚旦好彈牙，食落去唔會有奇怪味道，魚旦醬汁亦好吸引，價格比一般小食店略為貴小小，但以食物質素來說，值得俾依個價錢。佢地既碗仔翅足料夠味，外面好難再食到了我係幫襯九龍灣分店，分店員工亦親切有禮細心，值得表揚👍🏾。。。

這店在九龍灣開了分店，終於可以一試聞名的腸粉了。點了15蚊的腸粉跟著見到心愛的煎釀三寶，於是又叫了一份腸粉稀疏地放在發泡膠盒底，半滿都沒有，有點失望 ，希望它的味道可以取回多些分數，試了一口，滑是真的很滑，但並不爽口，每一條腸粉亦都太幼，所以吃起來沒有口感。煎釀三寶揀了兩件茄子，一件豆腐，一件魚蛋和一條蟹柳茄子很多汁，沒有煎得太乾， 豉油亦都相當美味 ，甜度適中 ，豆腐有點硬，煎得太耐了，魚蛋是普通的沒咖哩的魚蛋 ，不是特別製作出來，蟹柳有點硬，要仔細品嚐，才食得出他是一條蟹柳。埋單35個大洋，以小食來說是相當貴。

德福小食舖吾多，呢間新開小食店見冇咩人排隊就試下啦，點左腸粉套餐，有腸粉魚蛋燒賣。腸粉係最好食夠軟滑😋醬料都好味唯一吾好就係份量吾多。魚蛋夠辣但吾彈牙，燒賣都係像食麵粉甘，2樣都麻麻😕

家人話樓下間ice cream 店執左，開左譚小環間魚蛋。一家人都感到很奇怪，不過附近有間戲院，確實可以有很多生意，又係去搭shuttle bus 必經既路口，所以很多返工人士幫襯。星期日終於等到冇咁多人，唔駛排隊，下午茶落街「篤」串魚蛋。睇既人多，買既人少$10 有8粒魚蛋，呢個價位算係咁～～ 以為係curry fish ball, fish ball 唔彈牙，又細粒，普通過普通。都算了，食魚蛋既神髓係個汁！但唔係curry, 係似麻辣，但又salty! 我好鐘意食spicy, 都覺得唔好味！不倫不類！

不得了！未試過食街頭小食可以食到後悔25蚊，撈麵套餐，撈麵+4粒魚蛋+4粒燒賣。如果貴得黎好食都可以接受，又貴又難食，執左佢喇！撈麵，福麵+豉油+福麵包粉，凍既，粉唔勻。做法好簡單，一早淥定個福麵，到有人嗌喇，唔駛整返熱架，加粉加豉油，撈兩野，起菜魚蛋，可能係各有喜好，但我真係唔好呢隻質地，好實淨。原價10蚊8粒。燒賣，普通野，唔值原價15蚊8粒。我幫你交租唔緊要吖，你唔好咁過份吖，仲差過ok7仔！如果你係行過口痕，見明星效應想試下，你呢d叫助長歪風！麻煩你行多兩步幫襯ok，對自己好d！亦對其他人好d！呢間野真係早執早著！

知佢會開，很期待。。。諗住有車仔麵食🤤 亦又係午飯多個選擇！開喇開喇😍咁啱就係飽飽feel，可以食車仔麵！呢日好似係第一日開，都幾多人，行到埋去，噢！原來無車仔麵，一個麵餐就有，即係個隻好似係便利店食到個種。 但見到有蛋牛治呀！都係我所愛😍 再噢！中午時段係無嘅🙄 咁咁咁👉🏼👈🏼唯有要咗碗仔翅！腸粉同煎釀三寶。 個到個個都好似新手咁，人就多，但唔夠效率兼亂亂地🤔好了，終於回到公司，開餐😁打開腸粉。。幾好樣，食落好滑，都算好味，但好似貴咗少少，因份量好似少咗啲🤔跟住。。。三寶！豆腐乾了點，青椒同墨魚條ok啦，加上佢只係落咗椒鹽無落豉油🙄🙄味道大減😕😕好！到碗仔翅。。。失望！失望！首先一打開，好油咁，雖然係要落麻油，但都唔係咁嘅樣，再食。。。唉。。。無咩味嘅，細嘅都成廿蚊㗎😕唯一我覺得ok嘅，係用料都不錯！

返工放工想食啲小食填肚，响九龍灣地鐵站附近就只有7仔，OK 嘅劣質魚蛋、燒賣、撈麵 。苦候多時，終於有渣哥出手！香港人對街頭小食真係有少少情意結嘅！雖然都係魚蛋、燒賣、腸粉、碗仔翅，但有冇❤ heart 一食就知 - 渣哥係有 ❤嘅！今日見渣哥親自落單，流程快咗好多好多買嘢食唔駛排長龍，所以就試吓我至愛兩溝碗仔翅喇！碗仔翅（淨翅$20~$25，兩/三溝$30）價格比坊間貴少少，但高質 👍🏻而且佢係最接近兒時街邊小販嘅味道 😋，湯底有冬菇，木耳，粉絲，肉絲，材料十足！木耳切到粉絲咁幼，冬菇味濃，勾芡濃度剛好，屬湯羮濃度！唔似坊間用生粉勾芡杰噠噠。鯪魚肉爽口彈牙又滑嘟嘟，而且仲有魚味！加埋浙醋，胡椒粉，麻油，堪稱完美經典！食物質素好，但服務效率就真係……我今日放工人流少啲，點咗一碗兩溝都要就等足5分鐘以上，坊間實屬少見！如果係朝早返工時間就更誇張 - 落order 排隊等足10分鐘，等餐又等5分鐘……需知每日返工買早餐都係爭分奪秒嘛！如果可以改善到效率問題，我一定再幫襯試多幾款美食㗎！

今天終於係九龍灣德福都開了渣哥一九九六 @jargor1996⋯⋯ 我等了一個月啦！ 以後買早餐可以多一個選揀啦！ 今天決定 order 鹹牛肉蛋治同埋頭抽腸粉燒賣套餐，每份早餐都包一杯熱飲！ 當然叫了熱柚子蜜和熱咖啡啦！ 頭抽腸粉燒賣，價錢：26蚊味道非常好吃，頭抽豉油超正，腸粉又香滑，又夠熱！ 😘😘😘燒賣就有點一般，因為唔夠熱，希望遲啲會有改善啦！ 😔鹹牛肉蛋治，價錢：28蚊味道非常好味，雞蛋超級滑，又厚，又大份，超抵吃！🤩🤩🤩🤩🤩 不過飲品就有點唔可以，咖啡同奶茶非常淡味，不能接受！ 希望會改善吓！ 😳😳 渣哥店鋪其實是港姐冠軍譚小環開既，所以都有一定的出名！我本身吃過銅鑼灣，鰂魚涌，還有尖東果間，但尖東間鋪，早前已經 closed , 所以知道係九龍灣開，咪極為開心😃😋😋 評分：😍😍😍😍😍 味道💯 ：9/10價錢💯 ：9/10環境💯 ：10/10服務💯 ：10/10回頭率💯：10/10地點🏢：九龍灣偉業街33號德福廣場一期P41號鋪交通🚇：九龍灣站