茶皇殿

Open Now

Now Closed

Weekend夜晚約人出嚟食飯環境算舒服因為其實已經吉咗大半個場但係上菜乜都漏叫個半值set漏飲品漏糖水員工櫃檯西口西面食千幾蚊嘢貼錢買難受怪唔得大把人返大陸算啦味道其實係唔差食材都好可惜樓面員工超唔掂完全唔識冧客真係祝你好運！

星期一至五，晚市有特價。是日星期六，但我點單時一直覺得係星期五，以為有$1特價，所以落單時同侍應講：'‘要$1乳豬’‘，佢都無糾正或者提醒我😡個阿姐仲推薦海鮮+小菜，話抵，其實2個人根本食唔到咁多最後2個人消費$528重點係味道好一般，龍躉2味一啲都唔好食，雪藏貨。乳豬有莊味😤😤😤

我係住附近嘅，呢間酒樓前身係明星酒樓，一大班員工個個都好似已經厭世唔想做咁，响果度飲茶，基本上都係自助式，因為根本都無侍應睬你。後來裝修又換咗呢間茶皇殿，服務係好咗一排，最近唔知係咪又搵以前嘅員工，打回原形，好心講句，唔夠人，請到嘅員工真係又老又無心機，衛生意識低，服務態度差，個廁所本身裝修後整靚咗，而家唔到5年已經又殘又污槽。無得揀只有呢間酒樓，真係食一次嬲一次。

男朋友媽咪生日，嚟食佢嘅生日飯⭐️.✨鴻運燒味大拼盤 & ✨頭抽三皇走地雞個大拼盤有：燒肉、叉燒、油雞、燒鴨、青瓜👈🏻。我最鍾意燒肉‼️好欣賞個燒肉好少肥膏，少有嘅瘦肉😍叉燒好食；雞鴨入味.✨豉油皇海生蝦好似軟殻蝦咁，我就咁食埋啲殼，唔錯.✨紅燒竹笙海皇羹好特別，裡面有好多「蝦仔」，質感+味道上 就好似翅咁.✨順德脆奶卷拼金磚豆腐簡單講就係炸鮮奶同炸豆腐，我最鍾意呢個‼️整得好好食😋👍🏻外皮好酥脆 鮮奶同豆腐本身嘅味仲保留到😙😙.✨清蒸大紅東星斑OK啦，我覺得魚味好似冇咩🤔.精美甜品: ✨杞子桂花糕聞落好香，食落甜甜地 幾清新，質地上好似jelly咁，有種微微煙韌感😳🙈.✨萬紫千紅泡田園蔬 ✨瑤柱蛋白炒飯 ✨XO醬翡翠螺片我冇食到 所以比唔到食評🙈😂不過聽佢地講「萬紫千紅泡田園蔬」啲菜、「XO醬翡翠螺片」嘅螺片係幾好食。.其實我覺得食物係普通嘅，不過都係自在有個氣氛 有個環境聚下餐🤔服務員都幾好嘅，主動同老人家傾計💬

蝦餃燒賣、蒸叉燒包、蝦腸粉都係冇咩特別啦～同普通茶樓嘅味道差唔多😗😗Umm蝦腸嘅擺盤可能特別少少🤏🏽而自己最鍾意個炸魷魚🦑‼️魷魚炸得好酥脆，少少辣🌶️，咬落個魷魚都幾脆身 幾有咬感（呢道菜式比我扣分嘅位 就係上菜時間過長，已經食曬所有嘢+hea咗一陣 都未出呢碟魷魚，催單又冇用，準備走嗰陣 先黎上菜🤨）

7:30入開茶開咗15分鐘，7:44落單，嗌咗三樣嘢一隻乳鴿、粉絲牛肉煲、仲有啫啫唐生菜，8:00嚟咗一隻乳鴿，等到去8:30完全冇嘢食到！只見廚房不斷出菜，全部都係一圍圍嗰啲龍蝦伊麵乳豬嗰啲。態度極差

中午光顧呢間連鎖式酒樓，當時7成滿客人，酒樓員工由上至下啲服務都係咁。沖茶等10分鐘，叫伙記收點心紙又等10分鐘。上菜時，碟放一半枱面，紅豆糕嚟到居然好似俾人咬咗一啖咁。最攪時係，所有伙記明明見到你，都扮見唔到，去扮做其他嘢。香港再係咁，唔好話俾新加坡趕過，其他二線城市都贏唔到呀。

一行三人去飲茶, 服務真係幾差首先伙計眼見舉晒手入單都唔理行左去, 一個好似高級小小擺緊位都要走來接單, 都唔知收個10%加一服務費服務左D乜.講番野食先.... 咸水角幾脆 - 係餡小左D, 唔錯!牛肉腸粉 - 皮好薄牛肉唔小, OK!櫻花蝦潮州粉果 - 料好足, 小小櫻花蝦幾特別口慼, OK!豉汁鳳爪 - 味道好濃, 唔算辣, 鳳爪夠淋, 正!胡椒豬肚 - 唔太辣豬肚夠淋咸菜爽, 湯辣辣地, 飲完冇口渴, 唔錯!椒鹽魷魚鬚 - 外皮好香脆, 魷魚爽口, 必食!脆皮豆腐 - 外皮勁脆, 內裡豆腐香滑, 食唔停口! 要小心豆腐好熱...竹炭流心包 - 包夠熱奶皇流心唔夠流, 不過都OK食物尚算合格, 不過服務拖得好低! 要進步需要改善服務!

過時過節叫佢啲餐，到叫咗先至同你講呢樣冇果樣冇叫你改！好似老馮要改咁仲覺得自己好啱🥲幾千蚊一肚氣又唔係特別好食😖職員又唔係好禮貌簡直係貼錢買難受😖呢間嘢真係🙃🙃🙃

我係叫外賣 喺點心檔到外賣我叫一個點心佢哋嘅職員喺我面前將我要嗰份點心俾咗其他人，然後同我講話冇晒我要嘅點心啲態度差到爆我非常之唔推介嚟呢間食 環境好好 位置好好 但係個別員工語氣差到爆，好似我欠咗佢咁 我去嘅時候係朝頭早去七點幾 如果你哋係喺入邊食，咁我會推介你哋入去食，因為入邊嘅職員都好好，如果你哋係外賣拎走我非常之唔推介，尤其是係點心姐姐着住白色衫企喺海鮮檔前邊門口，右手邊嗰個阿姨態度非常之唔好呢個就係我嘅推介

叫左5樣點心，有4樣都食唔既，淨返果一樣係燒賣，無黎到但照開單。最後係收銀攞返現金。首先個場係算大既，但入到去絕對無人理你。自己揀枱，到開茶時先問你幾位，跟著又叫你調位。屋邨酒樓黎講，佢算係中高價，可能旁邊起左d新私樓，見佢都算進取既。做生意，收錢無問題，有返咁既野比人食就得。腸粉算係最好，但鼓油凍既。另外大家留意返，叉燒包下面隻碟本身係腸粉碟，成碟鼓油照cup上去。其實張枱都重有位，再唔係收左佢都得，真係服左佢。

晚上7點半點菜時，初初話乳豬優惠買晒，轉頭又話有，上菜途中又話無乳豬，咁即係點？無論乜嘢侍應叫都唔理你，當你透明，個場都唔係多人；明明見到燒臘檔入面重掛住隻乳豬，擺明你入座叫咗餸就求其比啲你唔想要嘅優惠，氹人入局後話知你！永無下次。

剛剛想入去飲茶，㩒飛仔排第二，無死啦，行埋去，門口知客已 大叫 “排埋一邊”, 跟住有熟客就叫入，空枱一大堆。當然吾放生客入啦。吾怪得無人排隊啦。 原來大家都知咩事。 知客 就 為黎緊 嘅 年糕quota 同 利是 舖路。叻人祝生意興隆

We came here during lunchtime. There were a lot of people inside. Everyone was in a rush. The food quality was so so, and the price was quite expensive. We didn't order a lot of food but we had to pay around $100 per person. I hope there would be other better options in the plaza.

話說今日嗌外賣 叫4個餸 叫咗半個鐘頭 佢哋cut咗線 然後就嬲得制上去講 個經理都好冇禮貌 個店長完全冇理過任何問題 重新叫一次都算啦 然後我問個經理點處理 個經理竟然問返我轉頭我可以點處理唔通你叫我炒咗佢 冇嗰個餸唔係問題 唔應該cut線 仲要話係電話自動cut線 嗌個外賣都一肚氣