茶皇殿

Open Now

Now Closed

叫了八樣點心，四樣十分鐘已到，剩下四樣，等了三十分鐘也來不了，當然已立即追，但居然説來緊，好吧，過多了十分鐘都是没來，到這裡不用多説，你們懂。這家酒樓真的没有誠信，我已跟單追補了，效果是零，費/廢。

約埋朋友黎個中午茶，我地叫左五個點心，有豉汁蒸鳳爪，山竹牛肉球，蜜汁叉燒腸，香煎蘿蔔糕，燒汁釀茄子，連埋兩位茶芥加埋一，總共$200。食物質素味道不錯，落完單好快就送到，送食物來的嬸嬸們友善又有禮貌，環境舒適，服務員態度也不錯。

我原是這間茶樓的常客，每個月也幫襯幾次，近一個月去了四次，有三次服務都非常差。第一次：我點了叉燒酥，其他點心已來並吃完，我問侍應：叉燒酥還沒有來，他們檢查也不檢查說：這個時間沒有叉燒酥的了。於是我說：我是一小時之前點的。他們回答：唔關我哋事。跟住就行開咗就行開咗。第二次：也是叉燒酥，這次更離譜。我點了叉燒酥，他們亂出了煎堆仔給我。我對他們說：沒有點。他們指著出點心的紙說：是你自己點的，但上面明明印著叉燒酥。於是擾攘一輪後，發覺原來當天沒有，但他們卻不告訴客人，並亂出點心。第三次：我點了蓮蓉包，但遲遲還未來，於是問落單的侍應，她卻騙我說：不關她事，因她是剛回來，但明明剛才就是她跟我落單。我再落一次單，這時落單的才過來說沒有蓮蓉包。我問她取回原先的單，她卻拿著後加的單說：你是剛落的。還指著電腦告訴我：你們已取消了原先的蓮蓉包。我回答：我唔知喎！她又是那一句：咁唔關我事。已給他們解釋機會，但每次都換來：唔關我事！

用餐後遭到不禮貌對待真是令人不快。尊重與禮貌是我們社會中的基本價值觀，每個人都應該受到尊重。遭受不禮貌對待讓人感到受傷和困惑。新年樓樓自己同事落錯單還要對顧客黑面，都幾佩服距靜係坐係度收錢都可以做到黑面，又唔係特別忙。

去到冇reception 招呼 又唔帶枱單又有甩漏 比錢受氣咁唔怪得知晚市起碼空一半枱以上啦仲要咁多空枱都可以入漏單忙嘅話冇得講會體諒咁多個人睇果十幾張枱都睇唔晒真係趕客垃圾鋪生意少係有原因 咁大間酒樓啲人做野咁樣啲野食唔差架 鄧班廚房慘 廳面咁樣………………………………………………………………………………

啲包送到上黎係凍嘅，流沙奶黃唔識流沙，$40四隻蝦餃但粒粒痴住曬啲皮甩曬出黎。下次真係唔好貪近，等得耐又貴又難食，基本嘢食要熱上都做唔到，更加唔好講有幾好味🤮🤮

住喺安達邨嘅人都知道選擇不多，尤其是茶樓食來食去都係呢間。其實這間餐廳啱啱才裝修完畢，仲改咗名，但係食物同未改名前，基本上分別不大，質素也是中上。呢度首推就係燒味。叉燒乳豬燒鵝，全部試過水準都有驚喜。而且經常做優惠，好似一蚊乳豬就深得街坊歡迎！燒味以外，其他嘅菜式雖然選擇唔算多，但係每一味都大大碟，火候亦都十足！龍蝦餐亦算抵食，有興趣的話可以試試。而且地方都幾大，人流未算好多，所以都坐得好舒服同親朋戚有聚會就啱晒。

今日去搵朋友， 朋友帶我去新開的茶皇殿飲早茶。 當日早上10點左右到， 都6-7成客人，自己入座簡位。 我地簡近玻璃窗位置。 我地叫左4人叫左10碟點心左右。 埋單$280左右。當日所有點心都不錯， 特別係粉果 同 車打芝士蝦春卷味道比出面其他洒樓出色。 粉果皮做我好好👍🏻 。 另外春卷裹面的蝦幾爽口。

昨天去安達探望朋友，夜晚落樓下新開酒樓食飯一行8人，唔使排隊就有位👍👍原來有做一蚊雞優惠8個人剛好可以叫一隻，咁我哋就叫咗隻燒鵝，上菜已經覺得賣相已經好靚，色澤均勻食落去皮脆肉滑，味道不錯希望keep住水準，下一次過嚟探望朋友嘅時候都可以食得翻

點心選擇比較多，味道亦都唔錯，最喜歡佢果個雪茄春卷，另外叫左一個肉絲炒麵，呢個就麻麻地，成個面底鹼水重，食咗小小，三個人叫左一個炒麵+8個點心，埋單要成$350其實都幾貴下，大家可以考慮一下