Video
13-min walk from Exit B, Tai Wo Hau MTR Station
continue reading
Telephone
26269068
Opening Hours
Today
07:00 - 22:00
Mon - Sun
07:00 - 22:00
Above information is for reference only. Please check details with the restaurant.
今日（28-11-2024 Thur）同老公開始放幾日假整嘢，朝早我哋就同亞姨一齊食個早餐，由於之前茶重殿派咗優惠券，咁我哋就嚟飲茶啦。由於已經過咗繁忙時間，所以唔使等位，我哋睇完menu，就要咗1set $42.80同2sets $33.80嘅點心套餐，有：1. 鮮蝦黃金雲吞嚟到時只係炸雲吞，我哋話冇叫，侍應只俾張出菜紙我哋睇話有叫。我哋就叫人，亞姐話叫主任，我哋叫到喇，佢攞單睇，話有，就係鮮蝦黃金雲吞。原來個名唔同，我以為鹹蛋黃雲吞咁特別。講返呢個，佢係炸得正常靚，脆卜卜，內裡蝦仁爽口彈牙。5分2. 香煎蝦米腸喺炸兩同佢之間揀，老公揀呢個，上到枱冇豉油冇醬跟，叫亞姐落，佢拎出嚟加，點知只加少少，孤寒到呢。之後食食吓，有第二轉送菜車停喺喥，我叫有豉油，就叫佢哋加多啲。呢個食落ok,煎得好，口感都好好。4分3. 軟糯合桃包造型似合桃，食落，個皮係軟糯，餡竟然係半液體同有合桃粒，感覺有少少怪。味道就淡淡地。2.5分4. 懷舊素翅餃口感同味道都正常，但好似冇乜素翅。3分5.-6.姬松茸鮮竹卷同香煎蘿蔔糕都係口感同味道正常。3分價錢：今次有張點心同茶芥目錄，睇到茶芥每位$9.00，只可用早市消費滿$60.00當$6.00用嗰張優惠券，所以連加一後原本$151.00，減咁後係$145.00。上次食評係2024年9月18日刊登嘅呢篇：https://www.openrice.com/zh/hongkong/review/%E5%86%87%E9%A0%90%E7%AE%97-e5688749
continue reading
未試過去一間酒樓，以為好多優惠，睇完餐牌都唔明係有乜嘢平。又話出名係燒鵝食落好似食燒鴨咁？叫咗碟蒸鱔，細細粒肉有薄肉隻碟又好大，真係好大碟囉？又話係王牌炒飯，未試過啲炒飯咁差囉！非常十分之失望，唔會再去幫襯🤬
continue reading
已經係第二次黎幫襯啦，第一次因為啲買單唔比我碌卡，然後食物要乜冇乜，搞到我唔過200，差幾蚊，所以唔比，但係都係自己問題啦，冇得講，但係今日係我叔想試吓，所以一齊去左，今次仲垃圾過第一次啦，冇得唔爆粗，落完嘢食，都係好多話冇，究竟係真係冇，定係唔想做？隔離檯都係到爆粗，因為都係要乜冇乜，然後樓面完全搵唔到人，叫左加水，都冇人理，後邊又加左單，等左至少半個鐘都冇上，然後要張出單紙睇吓，見到依家先幫我落單，激到死，買單時候係到話廚房出單機有問題，但係點解唔同我講聲？要我自己出聲先講？咁樣邊有服務？仲要收服務費？垃圾酒樓，不如上家，轉人啦
continue reading
天文台剛好掛八號，大家相約晚飯，友人提議屋村商場試新店，反正免費泊車，都算方便⋯⋯朋友見街市有平價海鮮，本想來貨加工，於是5點幾致電食店，店員語氣不耐煩，話價錢已貼在門口，自己過嚟睇，電話唔方便講⋯⋯親身攞得海鮮過來，就唔使睇啦！難道嚟到門口睇完先去買海鮮之後朋友又叫筆者問問關於是否收開瓶費，第一句店員話唔收，之後又改話要收$50，最後我們都決定唔帶酒來，反正正直將會打風大家飯聚後還有節目⋯⋯蜜汁柚子骨$98~份量少，其實可以用細一點的碟就冇咁著眼，由於解凍未夠全面，有點失色。蓮子八寶冬瓜盅$168~店員落力推廣冬瓜盅，夏日炎炎都是一個好選擇。豉油皇炒麵$88~未見乾身，濕濕油油，還有進步空間。順徳煎焗魚雲$118~煎得過火，深深色，新開店舖，油的質素有待改善⋯⋯香辣 孜然牛肉$88~孜然粉蓋過一切。乳鴿$198($68/隻)-友人喜吃乳鴿，於是點了兩隻，炸得過火有點柴，最後都有吃淨。海鮮孖寶$198(美國桶𧐢配小炒王)先來講韮菜，每啖都咬落有渣，豐富纖維⋯⋯美國桶𧐢，中規中矩南乳炆齋煲$98~淡淡的，南乳味未夠突出整體來說作為屋村酒家，而且還是新開店，給食客感覺未算吸引，平均每人$230,這個價位及質素，同區有更多更好的選擇。
continue reading
放左工同同事Chill，搵間坐得舒服既酒樓，又唔限時，近近地去石圍角既酒樓。酒樓環境好舒服好乾淨，綠色椅子，很悅目。6點時入座唔係好多人，7點就爆滿，可見街坊都好鐘意呢間飯堂。 酒樓餐牌選擇好多，星期一至四仲有一蚊雞優惠，我地都唔執輸，嗌左個一蚊乳豬。上菜速度都好快，乳豬份量都唔少，又多肉，抵食! 之後仲叫左唔少餸菜，有椰子雞湯，份量足以5個人份量，又足料，好滋補。 又叫左涼瓜排骨、小炒皇，蒸白饍，味道不錯，冇嘜味精，好適合一家人一起吃飯。 店員服務態度不錯，很快就幫客人換碟，而且仲問我地有咩需要。下次放工想同同事去Chill 下，可以黎呢間舒適既酒樓!
continue reading