象泰 (Closed)

屯門新開左一間叫象泰嘅泰式餐廳，幾日前就去咗同朋友試下😛 餐廳環境都好舒服，適合一班朋友慢慢傾偈食👍🏻 睇完menu發覺好多都好吸引，所以都叫咗唔少食物😛個菠蘿海鮮炒飯炒得一啲都唔油，仲有好多海鮮，菠蘿亦都好Juicy。🤤月亮蝦餅炸得唔油，啲蝦一啲都唔霉，亦好彈牙，份量亦都好多。泰式金邊粉炒得好香，好多配料， 上面仲有蝦添，不過啲蝦就冇蝦餅啲蝦肉咁彈牙。但係個金邊粉炒得好好食。串燒叫咗半打，三雞三豬。串燒汁好香。雞肉都算嫩而豬都唔韌。👍🏻生菜包同飛天炒通菜都有少少辣，唔食得太辣嘅要留意返啦😉至於咖喱麵包軟殼蟹嘅麵包份量好多，軟殼蟹就可以再多少少，因為真係好惹味😋。黃咖喱好香，下次我一定試埋青咖喱。🥰

今日一行四人黎到象泰食晚餐，食咗好多款小菜，好滿足😋咖喱麵包軟殼蟹🍞🦀 $168個咖喱係黃咖喱，仲可以跟自己喜好轉青咖喱或者紅咖喱。🥰今次個黃咖喱辣得黎帶少少甜味，點麵包食一流。麵包份量真係好多，基本上枱枱都食唔晒🤣，所以四個人嚟食share就最啱。唯一有少少缺點就係軟殼蟹得4件，每件半隻。四個人就只分到一人一件。月亮蝦餅🦐 $88蝦餅同出面泰式餐廳嘅蝦餅唔同，佢似係有塊薄餅皮夾住啲蝦滑，餅皮夠脆，蝦肉彈牙，都幾特別😋。再點埋泰式醬都唔錯。串燒🍢 $88/半打我哋就叫咗三豬三雞🤤雞肉都算嫩滑，佢個沙嗲醬有花生香又有沙嗲味，好惹味🤤。豬肉都唔韌，都算唔錯。馬拉盞通菜 $58有少少辣，如果唔食得辣嘅就唔好叫啦。生菜包🌮 $78份量都幾多下，都係有少少辣，豬肉碎肥瘦適中，用生菜包黎食就最正👍🏻菠蘿海鮮炒飯🍍 $98好足料，有好多海鮮，例如魷魚，青口，蟹柳，蝦等等。啲菠蘿好新鮮好多汁，個飯唔會炒到乾晒，不過佢啲飯唔係放落個菠蘿殼度就變相無咁保溫🤭泰式金邊粉🍲 $78個粉唔會炒到好乾身，係我鍾意食嘅有少少鹹少少甜又少少辣。

今天和家人來這家泰國餐廳吃晚飯，我們三人叫了六個菜：例牌海南雞值得一試，份量多，雞肉嫩，泰式辣醬超正。蒜蓉包，黃金色的蒜蓉包以磚塊的形式上桌，每條都有厚度，吃下去外脆內軟。黃咖喱炒花甲，咖喱醬偏甜，蒜蓉包沾咖喱吃，味道不錯。若果花甲份量能多一些更好。馬拉盞炒通菜，個人覺得炒得不錯，不會像其他餐廳那樣鹹，有些少蝦醬味最喜歡的是泰式青檸尖吻雨十分驚喜，魚身滑嫩，配上泰式辣湯越煮越入味，辣得過癮，我覺得這是最好吃的一道菜最後還點了椰汁西米糕，可能雪得太久，西米能彈牙一些更好

冇得去泰國，咁唯有食住泰國菜先。叫左個二人餐，可選三款菜($238)📍黃咖哩牛筋腩煲唔辣，但好香咖喱味，入邊有三色椒同牛筋腩。牛筋腩食極都仲有，非常之足料。📍炭燒豬頸肉豬頸肉真係冇得頂，燒極都非常之嫩口，唔會柴。而且肉質彈牙。📍泰式菠蘿海鮮炒飯隻碟同埋個菠蘿皮好有夏天嘅感覺。有好多唔同嘅海鮮，加上菠蘿粒、腰果同肉鬆，成個炒飯有酸甜鬆脆嘅口感。另外，用套餐價加咗個冬陰海鮮湯($68)冬陰功味非常之濃郁，又酸又辣嘅感覺真係好過癮，但呢個湯個人應為就偏辣。而且加咗原隻大蝦入去，令個湯更加鮮味。

位置隱匿既泰店，性價比超高，又平又好食，咖哩牛腩飯，炒金邊粉，冬陰錢金邊粉，全部都好好食，強烈推薦此店! 已經去過好多次，下午茶勁抵食，午餐都正，又唔收加一，屯門少有既高質店。

服務態度好好，上菜速度好快，我地叫左個二人餐$238，唔駛加一，揀三樣菜式，非常大碟，又好好味，唔知係咪食得太飽關係，我覺得咖喱麵包蟹有啲滯，唔推介！再加$68 冬陰功湯，野飲都係半價！

屯門不少美食，而V city 附近嘅雅都花園商場內有間又平又正宗嘅泰菜餐廳就非常高質，呢個商場雖然好舊，但前排大裝修，二樓有一半空間改咗做Food Court,而呢間餐廳就係起Food Court嘅盡頭，都有小小隱憋。餐廳都好大間，檯與檯之間有充足距離，疫情之下，食客可絕對安心食飯。（1）炭燒豬頸肉$78原爐上，肉質juicy ,配合個甜酸汁，超正！。（2）印度薄餅$32呢個單食又得，配餸食又得，好香口！。（3）招牌去骨豬手煲$98-呢個必食，豬手煲到好淋，好入味，好多骨膠原😊。（4）蝦醬通菜$48好大碟，菜好新鮮，好惹味，好好食。總結來講呢間餐廳算係CP值幾高。因為佢啲嘢幾抵，食物水準不錯，坐得好舒服，好適合同啲朋友嚟傾計食飯。

這晚放學後去到屯門雅都吃晚飯，過了一個暑假就翻新好了，多了食肆選擇朋友說想吃泰國菜對我來說，吃泰菜不可缺少的冬蔭公！這個冬蔭海鮮湯選用原隻大頭蝦，蝦肉新鮮彈牙湯亦很夠濃郁，酸酸的很開胃，也非常足料。很有驚喜的泰式豬頸肉生菜包！豬頸肉調味得很惹味香料很足夠又不會過䶢！包上生菜健康點減輕heavy的感覺。大大條烏頭明爐上菜！價格合宜，真的非常豐富多肉。味道酸酸辣辣。魚肉新鮮嫩滑屯門區高質泰菜，吃得超飽飽

年尾約左朋友行街，同朋友喺屯門行下街，突然想食泰國餐，就上網搜尋一下附近有咩泰國餐廳啦。見到有人推介呢間泰國餐廳小店，咁就一於去試吓啦😉我哋有三個人，叫四人餐又太多，所以我哋就叫咗二人餐。二人餐已經包左三款菜式，都夠我地三個女仔食😘佢個二人餐（可選三款）$218 飲品半價我哋揀咗呢三樣：象泰去骨海南雞（半隻）🐔、網包鮮蝦炒金邊粉🦐、泰式肉碎生菜包🥬象泰去骨海南雞（半隻）🐔佢去埋骨上碟，真係食得好方便，佢既秘製泰式辣汁都好正，我哋成碟食晒🤪網包鮮蝦炒金邊粉🦐佢個網包真係好靚，炸得脆卜卜，金邊粉配埋檸檬汁，味道真係好夾😉三個女仔食份量啱啱好😙泰式肉碎生菜包🥬呢個就有少少辣🌶略嫌生菜唔夠包，肉碎一粒粒炒得味道啱啱好，仲可以用嚟撈金邊粉食添啊😉百香芒芒芝士沙冰$36 🥭火龍果芝士沙冰$36兩杯嘢飲都幾大杯，最鍾意係佢地芝士奶蓋，同埋都會食到啲肉粒，半價跟餐都幾抵😉

夜晚同daddy食晚飯，佢提議去象泰食，因為有串燒。去到量體位入座，要隔枱坐，而每枱都再有隔板，好安心。雖然話有串燒，但我哋竟然無嗌，因為套餐好抵食，二人餐有3款都係$238。 我哋叫咗烏頭、生菜包同咖哩牛筋腩，再散叫咗海南雞飯俾大小姐，同埋叫多份蒜蓉包用嚟點咖哩。最先上枱嘅係黃咖哩牛筋腩，可惜肉唔熱，只係微暖，同店員反映之後，佢拎入去再煮，5分鐘就成煲嘢滾住上，成件事唔同晒。 黃咖哩唔辣，夠香，煲仔細細但好多料，真抵食之選。生菜包偏鹹，少辣，肉碎份量一般，但生菜就好多，仲好新鮮。蒸烏頭好好味，配菜又多，浸到條魚入晒味。海南雞飯（例牌），無骨，啱晒大小姐，雞好滑又唔太肥，油飯份量好多，足足兩碗，可惜有啲硬。呢個蒜蓉包真係不得之了，又香又熱，食落去外脆內軟，就咁食都好好食，真係必食推介！二人餐可以半價叫飲品，酒類除外，揀咗柚子茶同椰青（椰青唔記得可唔可以用半價），柚子茶太多冰，兩三啖就飲完。同場加映花生劇場：入座後等落單等咗好耐，因為有客人叫咗套餐但要用openrice 85折coupon，全間餐廳去服侍佢哋。係！openrice 無話套餐唔用得coupon, 但套餐個餐牌寫住呢，我默默

屯門雅都商場開咗food Court好耐， 一直都冇試過。發現到佢有一間泰國菜餐廳，喺food Court入邊，佢哋晚餐仲有做優惠，望入去餐廳都見有好幾台食客，啲嘢食又好似幾好，就去左試一試點左一個二人餐咖喱麵包軟殼蟹，麵包好香脆，二咖喱汁加左雞蛋，所以咖喱汁特別濃郁同香。麵包吸收左咖喱汁之後特別香。咖喱汁份量啱啱好， 唔會食到最後嘅時候冇晒咖喱汁，因為加咗蛋嘅關係，個咖喱汁唔會水汪汪，特別厚。去骨豬手煲，上枱嘅時候個煲仲好熱治治聲，豬手係滷水過又去咗骨，又唔係好肥，但豬手始終都有少少脂肪同骨膠原可以接受。最驚喜係佢下邊用嘅菜心係去咗皮㗎，好脆嫩，覺得佢哋都幾用心。整體味道唔錯最後嚟到泰式明爐烏頭魚，佢個烏頭魚用了好足，魚上邊有一啲泰式肉碎，好驚喜魚嘅下邊有左一啲粉絲，食到後期先發現，吸晒所有湯汁，好好味。佢嘅魚調味唔錯。好特別食飯有口罩送，餐廳仲俾咗碟我哋放口罩，仲有紙巾，都覺得佢幾用心對客人。😀整體來講，我覺得呢間泰國菜性價比好高，味道條配得唔錯，都幾抵食

無得飛周身唔聚財？唯有頂頂癮食餐泰國菜就當飛左一轉Bangkok喇✈️🇹🇭🔸生蝦刺身生蝦刺身擺盤好有特色用shooter杯盛載住紅紅綠綠既秘製醬汁均勻地沾滿每一隻生蝦🦐刺身新鮮彈牙配上酸酸辣辣既醬汁好過癮🔸小食拼盤想一次過食盡泰國特式小食就不得不點呢個有齊蝦餅、春卷、雞翼同串燒既小食拼盤樣樣都有齊一人一件唔駛爭🔸椰青海鮮焗飯堆積到成座山咁高既椰青海鮮焗飯帶來視覺既震撼香濃既白汁混雜左椰子既香氣配上海鮮炒飯非常邪惡之餘亦都好有東南亞特色🔸豬頸肉啫芥蘭煲（馬拉盞）喜歡濃味既朋友絕交唔可以錯過呢道熱辣辣香噴噴既煲仔菜 🍲惹味既馬拉盞配上炒得爽脆既芥蘭苗食落口完全冇渣正呀👍🏻

同朋友喺屯門準備走之前去左雅都商場搵嘢食🧐最尾揀左象泰呢間泰國菜🐘🇹🇭 印度薄餅🇮🇳擺入口仲好熱辣辣🔥外皮煎到又薄又脆，入面又煙煙韌韌，不過無嗌到咖哩點尼食，榴槤波波好鬼正😜見未食過湯食嘅金邊粉😐所以就叫左個冬蔭海鮮湯金邊粉🧡橙紅嘅冬蔭海鮮湯味道酸酸辣辣，椰奶味較重，唔會好辣，椰奶同香茅嘅香氣十足，而且當中嘅海鮮用料都幾豐富，有青口、魷魚🐙大蝦🦐仲有雜菌🍄金邊粉好掛汁，非常惹味😋泰國千層糕，件件都幾大件👍🏻椰汁味好濃🥥甜度大慨七至八分，偏甜左少少，但都好煙韌同幾好味🤤鮮椰青亦都係必嗌飲品之一🤩椰青水清甜冰涼❄️解膩又解渴，而且仲有唔少椰肉可以挖尼食吃😝Apple Cider🍏呢款果味酒精飲品勁易入口，蘋果嘅甜味加上好有氣又夠凍☺️飲落好清新

今日好想食泰國菜，所以去左屯門象泰，聽講呢間唔錯！喺雅都商場一樓，都搵咗一陣先搵到。泰式明爐花甲鍋呢個鍋嘅配料真係好充足！上枱嘅時候芫荽鋪面，攞羹一撈，嘩！勁多肉碎、雞髀菇、粉絲及香料配菜、湯底酸酸辣辣、但係酸辣得來帶點清、感覺無咁濁，原來佢真係用咗梅係湯到！好驚喜！唔同出面其他，用調味料溝出來的。泰式生蝦有兩種顏色： 綠色同橙色擺喺shooter 杯好特別、用薄荷葉點綴，蝦面有辣椒🌶️同生蒜🧄點綴同調味、一齊食好好味！蝦身就浸落醬汁、索晒味😋，新鮮又好味！ 原隻椰青頭海鮮焗飯原隻椰青已經令人期待！焗飯有青口有蝦有魷魚🦑有蜆、飯好有椰汁香、比較滑身！仲有紅蘿蔔粟米🌽蠶豆，令到飯好香甜！呢間泰菜製作真心好用心！ 冷盤熱鍋都好正！👍🏻

早排瘦編係疫情未咁嚴重嘅時間，同友人去左屯門雅都商場food court搵野食醫肚，因為去唔到泰國嘅關係，唯有去食下泰國野醫肚啦。😭-瘦編揀左依間叫「象泰」，一聽就知道係食泰國菜啦。餐廳裝修好有泰國風味，以木枱木凳為主。前菜我先叫左烤蒜蓉牛油大花蝦($156)，一黎到已經嗅到好香噴噴，牛油蒜蓉永遠都係最佳組合！另外，廚師好細心，係開邊大蝦，所以食落好輕鬆！飲品叫左個椰青，好大好鮮甜。🦐-主食就叫左食泰國菜必備嘅泰式菠蘿海鮮炒飯($98)，裏面好足料，有齊提子乾、腰果、青口、蝦仁、菠蘿等等，色香味俱全。仲有見到隔離枱食緊好吸引，所以即刻叫嘅招牌焗黃咖喱麵包軟殼蟹，軟殼蟹好鬆脆香口，黃咖喱連埋麵包食一流。👍🏿-味道評分▶️🌕🌕🌕🌕🌗 (4.5)抵食評分▶️🌕🌕🌕🌕🌑 (4) 回購評分▶️🌕🌕🌕🌕🌗 (4.5)-➡️ 象泰 (屯門)📍 屯門屯門鄉事會路112-140號雅都花園1樓商場118-127號舖