JC Room (Closed)

第一次食呢間jc room，望個門口以為係cafe，望下餐牌原來係食西餐，反正諗唔到食咩，就去試下。點左個牛扒同埋帶子紫薯飯，個牛扒好大件，鮮嫩又多汁，配埋個自製香草牛油，真係一絕，個份量大到自己一個都食唔晒。另外就係個紫薯焗飯，甜甜地幾好味，不過有d膩，2個女仔叫左2個set dinner都食唔晒。

發現元朗呢排開左好幾間新西餐廳，星期日晚上諗住試一試。由於係星期日，怕太多人唔想等位，所以碰碰運氣打電話卜位。可能小店係元朗區都仲係新，即日中午打電話去卜晚上8點兩位都卜到。晚上於用餐時間跟住openrice既地址去搵，原來JC Room 係承接了Chef's Stage 舊鋪位。去過Chef's Stage既都知道鋪仔細細，只容納到12人。不過好在晚市用埋格離茶記個鋪位，叫做多番d位。格局裝修同舊chef 無咩大分別，如果爆場都會坐得幾迫。唔講以為餐廳只係改左名做jc room, 係同一個老闆營運XD經過好奇心查證後，唔係同一個老闆黎咖!! 職員都好NICE, 第一時間比MENU同水。麵包籃落左單之後會有麵包籃送上。有脆脆麵包條同小方包，小方包有少少莓乾，兩者一脆一軟熟，配上咸咸地既芝士醬，喚醒味覺。食完個二人份量麵包籃，職員會主動問你要唔要refill麵包，麵包係好味，不過要留肚食main course。餐湯點主菜加 $35可配餐飲+餐湯/沙律，加$20可配menu上各甜品一客。是日餐湯有兩款，我地加左一個煙肉豆蓉湯。湯比較厚身，有質感，啖啖都食到煙肉碎同豆蓉夾雜其中，味道唔會偏咸

假期家庭日，當然係要一家人出來找吃啦！發現哩度開左間新店，一於試下~ Brunch Menu 蕃茄濃湯很濃蕃茄味，而且好多蕃茄粒粒，不過口感就唔係咁滑，夏日炎炎，如果係凍飲就好啦！ 凍MochaNot My order, no comment! 熱 Capuccino啡底唔夠濃，味道偏淡 Egg BenedictHollandice Sauce打得好靚，水煮蛋生熟程度適中，沙律菜新鮮而且爽甜。 Egg Omlette材料很足，蛋煎得好香。炸魚薯條等嘅時間有啲長，但個魚好滑而且無雪味，炸漿唔厚，但唔夠脆~以小店來說無論是用料和賣相可算是用心製作的，可能因為新開，所以運作不太流暢，期待下次再去會有更好的出品！！！

遲來的一篇食評(之前餐廳open Rice未有戶口)悠閒的大假就嚟放完，見報紙話勝利牛丸不敵貴租😱，一心走入去元朗送別，點知男友話其實勝利牛丸唔係執笠😓，仲有分店繼續經營，所以只係買咗磅牛丸就走咗，過埋去恒香買老婆餅，佢就話不如返出市區，我咁艱辛搭成個鐘巴士入嚟梗係想周圍行下，咁岩之前在FB見到有間新餐廳開張，就捉咗佢過去試試。小店定價比一般低，香港已經好少有，我一定會再來支持，加油👍🏻👍🏻

已經第二過來食喇，之前新開張時同男朋友食過覺得幾好味抵食😍，今日見過開嚟探朋友再來試試星期六丶日先有的Brunch ，兩個人見落大雨走唔到食咗三個餐再加甜品，點知埋單都係二佰幾咋😱，最衰唔係咁近我屋企，😭如果唔係應該可以成日過嚟⋯⋯