江南瀨粉 (福榮街) (Closed)

講起瀨粉，大家都應該唔會陌生，成世人點都食過下。坊間好似冇乜餐廳主打瀨粉，今次就介紹下尼間打正旗號賣瀨粉嘅餐廳。平時嘅粉麵店，座位都比較擠逼。尼間餐廳就相反，座位好闊落，坐得舒服。舖面光猛，再配合簡約嘅裝修，比一般粉麵店少一份焗促嘅感覺。食物選擇好多，好難揀！唯有揀樣最多餸嘅大大碗鮮製瀨粉，咁就樣樣都可以試到😂再加左碟唔係間間粉麵店有嘅白灼鵝腸同酥炸雞翼。上菜速度一般，可能係同鮮製瀨粉有關？🤔大大碗鮮製瀨粉真係大大碗，兩個人食都綽綽有餘！入面包羅萬有，有肥牛、水餃，豬潤等等。其中我對豬潤、魚皮餃同豬肉嘅印象比較深刻。魚皮餃味道鮮美，外皮有咬口，餡料豐富。豬肉用上豬腩肉，餣得入味。豬潤厚身，入口滑溜，冇腥味。坊間好味嘅豬潤買少見少，喺尼度食到真係幸運！酥炸雞翼上枱熱辣辣！外皮炸得酥脆，內裏仲有肉汁，要小心辣咀！白灼鵝腸就有少少令人失望...份量唔算多，當小食就還好嘅。鵝腸夠厚身，夠爽口，可惜油脂唔夠豐富，冇鵝膻味，嚴格尼講係淡味得滯。好彩附上嘅葱油好惹味，一齊食就比較好啲。整體尼講，尼間餐廳係水準之上，可以一試！

今日試左深水埗區一間瀨粉店, 點左個魚皮餃水餃鯪魚球清湯瀨粉。瀨粉比一般街市買果啲比較粗, 有口感, 少少似米線, 清湯味道OK, 配有少量花生, 芽菜, 木耳絲, 鯪魚球新鮮彈牙幾好食, 魚皮餃穩陣之選, 水餃是夏日瘦身版內含大部份係木耳絲, 3樣餸各3粒, 外賣加兩蚊, 共$48。凍飲加$9, 無叫到, 自己另外去7仔可以買支大汽水。

深水埗出名多野食，尤其黃金商場附近，每次黎到依度，都要諗好耐，因為有太多選擇，豬膶麵、蕃茄手攪麵、清湯牛腩等等。今次就試咗間叫江南瀨粉。朋友話依間自家製，味道同出面唔同。舖頭裝修簡潔燈光足，最緊要地方乾淨。我就叫咗白灼鵝腸牛腩瀨粉，朋友就叫咗肥牛加鯪魚球米線，仲推介酥炸雲吞。必食推介首選招牌瀨粉，瀨粉係老闆每日人手製作，半肥牛腩煮得非常入味，仲有一種入口既溶嘅感覺，鵝腸又非常爽口，雲吞即叫即炸，綾魚球魚味十足，清湯入口鮮，絕無味精。每樣食物老闆都落足心機，加上每樣配菜最贵都係十元，真心值得推介。

今日早收工來到深水埗行黄金，順路當然要食下附近未食過嘅食店，住過兩年深水埗都未有一間食店可以見過名就吸引到我食，想不到也有例外，作為瀨粉控的我一見到江南瀨粉就連Menu都唔駛睇就入左來🤣食店鋪面乾淨，空間感不錯，下午五點幾食個早到的晚餐，自由度更是一絕👍入到去最吸睛的一定是那塊「本店十大必食」的牌面，無論牛腩、豬潤、豬手、水餃、雲吞及牛肚都係我嘅至愛，Menu用紅色油筆落單，環保又方便👍最重要係下午茶送熱飲或豆漿，凍飲只需加$3!先選鮮製瀨粉$24入來嘅目的當然一定要點新鮮自家製純手工瀨粉，湯底有四款選擇:清湯味、蕃茄味、麻辣味及酸辣味除了清湯其他需要加$2，第一次就先食清湯試一試味道，自家製瀨粉如年糕一般的彈性，又如長條形的銀針粉，比一般瀨粉粗身，但仍維持瀨粉那種滑溜感，粉身亦有米香味，撈上香蔥花生後試一下湯底不錯。柱候牛腩$10，兩大舊又粗又淋身的牛腩絕對推介，牛腩味入味濃厚，與附近標榜牛坑腩的粉麵店有得比較👍，點了牛腩會讓湯底有腩汁味，讓清湯不至於太清淡。另一必食的是黃沙豬潤$10爽口嫩滑又新鮮，有別於同區食過的豬潤，大塊味濃，與牛腩互相輝映淋身好味。必食的小食，酥炸雞翼 $28

深水埗美食款式多不勝數 ～今日係深水埗就比［手工制］三個字吸引左啦！尼間瀨粉店裝修係一般餐廳枱式無咩特別～我同男朋友一人叫左一碗瀨粉～話哂招牌ma我叫左碗酸辣粉瀨粉～餸有竹笙同牛根 湯底唔係話好特別正常貨色不過瀨粉就真係好特別wo ~ 口感似韓國年糕咁煙韌～好特別wo 同埋牛根好淋好入味又好好食wo(不過鍾意食爽口牛根既人就未必鐘意）本人超鍾意食淋牛根既～正！男朋友叫左碗大大碗乜都有既麻辣湯底～我唔係咁食麻辣所以覺得好麻😂😂餸好多有個鯪魚肉球好好食白魚蛋有陣腥味我覺得不過男朋友話尼d係真正魚蛋先有既味道今餐我都滿意架 ～好大碗又抵食👍🏻👍🏻最緊要尼間既瀨粉口感我係出面食唔到👏🏻👏🏻👏🏻

深水埗一向係小店集中地，野食又平質素又唔差～係深水埗買完野之後有啲餓，見到「江南瀨粉」依間鋪仔，平時都中意食瀨粉既等就二話不說去試下～依度點餐係用marker係menu上面畫，古色古香haha因為我有幾款餸唔係好食，所以我就自己點菜，叫左一碗麻辣瀨粉配鮮蝦雲吞同酥炸雞翼依度既麻辣好惹味，唔嗆得黎又好香口～鮮蝦雲吞應該係人手包出黎，粒蝦都唔細粒架～酥炸雞翼好抵讚！係即叫即炸，皮脆肉嫩而瀨粉食落同快餐店既唔同，佢食落似係狗仔粉多啲，但係食得出啲米香味，幾掛湯而友人就叫左大大碗鮮製瀨粉，貪佢價錢唔貴又多餸！入面有成13款餸架，一個大男人到最後都食唔晒～下午茶時間更加抵既就係，送豆漿！另外凍飲只係加三蚊～每人五十蚊唔洗就食到飽一飽，要多啲支持下小店啊

喺香港食米線或者重慶酸辣粉嘅地方有好多，但係好少聽話有得食瀨粉對於好鍾意食唔同種類粉面嘅人來講，有得試多一樣唔同嘅面當然係好事啦所以見到呢間鋪頭嘅時候就覺得好新奇有趣店面簡潔舒服我哋嚟嘅時候有啲晏所以唔算好多人喺Facebook打卡仲送你一杯凍檸茶點左個乜都有嘅面，覺得最好食係佢嘅豬潤，一啲都唔覺得佢粉！個主角當然就係碗瀨粉啦！好少何食啲面會有咁彈牙，同銀針粉俾佢更加煙銀，口感其實好過癮，而且佢吸收晒碗湯嘅精華令佢味道好香炸鮮蝦卷亦都好出色！外脆內軟係基本，而且佢嘅蝦肉好彈牙配埋個酸辣汁真係無得輸

深水埗係我成日搵野食既地方 呢間店經過多過一百次 但總係覺得深水埗太多美食 未輪到佢住！諗起瀨粉 我諗好多人都會諗起燒鴨瀨我入呢間小店前都係咁諗但係當碗麵黎到既時候 同我既想法有出入叫左蕃茄湯 牛腩 鯪魚球 蘿白 春卷麵質同我地平時食既唔同 較粗身 似係手做 因為好粗幻不一 感覺似烏冬 同紅薯粉既混合體。湯底 清清地 都夠味 配料就不過不失 蘿白夠林 牛腩夠味唔想食太濃味既都可以黎試下見到其他食評話呢度瀨粉係原自佛山 有機會都想探究下。我都係鐘意食 燒鴨瀨多d 哈哈

聽屋企人食完深水埗江南餐廳，話呢度啲奶瀨粉相當唔錯 ，好有特色。於是乎有時間就過嚟試一試。點咗一碗清湯奶粉，自己可以配搭唔同嘅餸 送就冇乜特別好講，基本上都吾錯，但係佢嘅瀨粉真係同出面嘅奶瀨粉唔一樣。我屋企係中山人食開中餐山奶瀨粉.呢度嘅瀨粉係絕對有中山瀨粉嘅特色。可以話基本上係一模一樣。 今時今日有用心做食物嘅小店已經越嚟越少，呢度嘅瀨粉真係自家製，所以我咁少寫食評都好想推介一下 。希望更多呢啲用心做食物嘅舖頭可以能夠繼續經營落去。等多啲人試到真正用心做嘅美食。

呢間店好方便，十分近地鐵站。我2:30到餐廳，估唔到呢個時間都咁多人食，差唔多滿坐。叫野食係自己劃紙既，劃完後比D呀姨，呀姨態度好親切！我叫左個清湯米線，冬菇，魚蛋，魚片，蘿蔔，同埋凍檸蜜好健康既感覺，哈哈！個米線好快就黎到喇，熱辣辣，好新鮮咁！清湯湯底係好清淡既，感覺冇乜味精，飲完都唔會口渴，如果嫌太清淡就自己加辣油啦！冬菇好大舊，有好厚度，都好入味，就算要$10 有啲貴，但都覺得值。魚蛋大大粒，好彈牙，絕對唔係粉，有魚香味架。魚片都係彈牙，有魚香。蘿蔔超大舊，夠林同入味。我係一個米線愛好者，有時最怕太硬或太林既米線，但呢間既米線真係軟硬適中，好滑。以上評價絕對冇誇張，我一定要返去再食，下次要試番茄湯底！

2019年5月3日（星期五）網上得知餐廳自家製江南瀬粉，慕名而來！時間尚早，唔使等位就可以入座清湯黃沙膶、鯪魚球瀨粉（$42）餐飲凍檸茶（$9)三料（魚皮餃、水餃、鯪魚球）紅薯粉（$46）+凍檸茶（$9）見到有靚靚辣椒油，就索性叫咗清湯瀬粉。江南瀬粉有別於酒樓嘅瀬粉，個樣雖然似米線，但明顯係粗壯同挺身好多，食落質地其實有啲似銀針粉食物上枱，竟然係葱粒、花生同芝麻最搶鏡！鯪魚球魚肉香蔥比例恰到好處，又爽又香，正！一邊食，一邊見到青葱、花生碎同芝麻，感覺好清新，開心到震❤️再食豬膶，首屈一指，好食到不得了！鐘意食又怕唔熟，過熟又唔好食！阿廚好犀利👍切薄大塊豬膶，正宗黃砂膶，鮮嫩滑，多汁鬆軟，冠絶粥粉麵飯界別，必食！意外發現，唔單止辣椒油正，香醋醇厚係佳品。上湯清甜，應該無落味精，飲完唔口喝

大食鬼上身，今晚要食埋宵夜先可以安落瞓。 深水埗真係好難泊車， 所以隨意就泊喺街邊看住架車食野就算啦。 今次試咗呢間江南瀨粉， 鋪頭好多圓枱， 冷氣亦都好充足。最正就係自己落單比夥記， 啱曬啲宅男宅女。瀨粉係沾米粉做成嘅， 比較粗身， 入口都好爽滑。 食物嘅選擇都有好多， 淨係湯底都可以揀清湯味、蕃茄味、麻辣味同酸辣味…… 老公揀咗清湯味，我就揀咗麻辣味。 嚟到嘅時候我覺得清湯係正啲， 非常鮮甜。餸菜方面我哋食咗墨魚丸、豬膶、 鵝腸同水餃。 墨丸食得出係手打嘅， 十分爽口。 豬潤真係好出色， 起曬沙而且唔老， 鵝腸不過不失， 水餃就一般啦。

以前成日到酒樓食瀬粉，同朋友行街見到呢間主打瀨粉嘅店，又夠鐘提早食晚餐😂😂車仔瀨粉😂 想要咩餸自己揀都要預先set 好嘅俾大家揀，好岩唔識睇中文嘅朋友參考😂但我地兩個太有選擇困難症，同埋唔太肚餓，所以我地叫大大碗share同一個小食share.如圖見，除左碗大，啲餸都有好多，水餃潮州魚蛋貢丸墨丸豆卜菜豬潤等等，多到食唔唒，好彩兩份粉。 個湯好清，平時唔飲湯底都飲左好多啖；而瀨粉好特別！同細細個食半透明嘅瀨粉唔同，食唔返以前味道。呢個係白色長長的，似米線但好彈牙，有少少似魚麵嘅口感。 好清我地都好鍾意。而香口墨魚餅炸到金黃，入面堅有墨魚粒 ，配上無敵嘅酸辣醬，好好味。最近有新嘢玩，打卡有小食飲品，但我地點完先發現，下次先黎玩～每人除開岩岩好$40有找～抵食六點幾都禁有人氣，不得了。呢度樓底高同夠光猛，好舒服 👍

今日係深水埗行街。行到好肚餓，但唔想食咁貴。於是去左食粉面。見到好似新開，就入去試下。餐廳空間大，坐得舒服。見到餐廳必食既野。實在太多，唔知叫咩好。叫左碗大大碗鮮製瀨粉。果然好似過橋米線咁大碗。好多材料，見到都好開胃。食材齋睇就知道新鮮。叫左清湯湯底。原汁原味先食到材料既味道。首先試下個瀨粉。瀨粉口感同平時食既唔同。平時個啲好狡猾，夾都夾唔到。呢個易夾。而且比較粗。口感比較飽滿。瀨粉有彈性，索左清湯，味道特別好。應該係自己製既瀨粉。好好味。水餃大粒又新鮮。咬落去好香。好鐘意呢個味道。好新鮮又彈牙。豬潤整得好滑。唔會粉粉既質感。真係好高汁。墨丸重墨魚味。爽口。之後叫左杯豆漿。食咁熱既麵要有杯凍豆漿先得。凍豆漿真係好舒服。之後再叫左個酥炸雞翼。雞翼炸得皮好脆。又好香。點左辣椒醬食真係好開胃。雞肉又啱啱好。呢個雞翼炸得真係好好味。仲要有5隻。先28蚊。抵。下次再黎。

🔥麻辣瀨粉🤤首先講番佢唔係呢個港式既全透明瀨粉😜佢係一樣滑嘟嘟既半透明有少少少煙韌感，重點係岩晒我呢個老人家咁煙韌得黎仲咁易咬😍😍😍! 係一個易咬版既紅薯粉+銀針粉咁😋係台灣既米苔目咁！好似上緊粉麵小學堂咁🙈所有識既粉麵都要搬晒佢出黎🤣個麵底要24蚊食完都算夠飽😁冇話有空虛感🙈當然有更多我都歡迎！麻辣加2蚊🔥呢度有4/6/8/10蚊餸簡，同波波每人都叫左30蚊餸，叫左鳳城水餃 ❤️好多爽脆木耳絲😋如果可以再大隻啲就好喇😆😆😆魚春卷就晒為偏甜，都係比較喜歡南記既魚春卷🤭鲮魚肉煎餅比個瀨粉更煙韌彈牙更有咬口😎仲要唔腥，浸左湯都好一陣食唔到脆邊，下次問下可唔可以分上食埋煎脆左既效果先👻豬手係淋到一個點🤤就好似食夠晒時間既豬腳薑咁，都唔駛用力，一夾啲肉就分離晒😍岩晒老人家✌🏻鵝腸係已清肥膏個種，感覺冇咁易爆血管😈爽得黎仲係老人家我可咬到既程度😛而牛筋就一舊淋一舊爽咁👉🏻👈🏻同魚皮餃都係一般，下次再試其他餸😝有感呢度會成為我同波波既食堂☺️PS:食食下見FB like+share 就送青瓜或飲品，要左個青瓜😂係唔辣齋酸個種🙈唔是我的口味但都好爽脆既☺️