江南瀨粉 (福榮街) (Closed)

出深水買電話卡 準備星期日反內地玩 行過見到話自家制瀨粉 就心思思試下佢 ！！！叫左個大大碗鮮制瀨粉 有11定13個餸！！！我再加左個鵝腸 同凍檸茶 先講左個檸茶先 有4片算唔錯 茶低濃而不澀 正爆！！！！ 鵝腸 爽 干淨沒冇異味！！！,必點！！！墨丸 彈牙 入面仲有粒粒墨魚粒！！好食！！！豬潤 咬落有水潤感 唔係干扁硬！！必須點！！！！水餸 爆多木耳絲 冬姑 同虾粒！！又係要點的！ 重點來了瀨粉 比平時在酒樓食的不同 粗點 口感有點粉 是不同的感受！！值得再食！！！like爆 反而佢慨麻辣就相對普通！！不麻的 還要加2元 可以考慮清湯/蕃茄湯低！！唯一一個可以改善的地方！！！！埋單70蚊 仲要2個人人食抵

深水埗多好野食就係人都知，但呢間真係令人好深刻。之前未食過瀨粉，以為同普通或連鎖經營既米線鋪差唔多，但呢間係我食過咁多間最正既麵店。選擇眾多，各種配搭都符合到大眾既口味酸辣鮮製瀨粉(牛腩，牛丸)$42酸辣湯底唔錯，牛腩雖然得兩舊但都勝在夠哂大舊，亦都又嫩又入味，加埋牛丸都唔少既份量，成碗食落好飽肚，好滿足！大大碗鮮製瀨粉$49呢碗大大碗有齊肥牛，豆卜，水餃，牛丸，墨魚丸，豬肉，魚皮餃，豬潤，魚蛋，貢丸，片頭，生菜，腐皮。大食既呢碗絕對係不二之選，瀨粉彈牙不在話下，一次過食到哂咁多種食材，價錢唔算貴，重要每款水準都唔錯，無得頂！酥炸雞翼$28個皮炸得好脆，啲肉同時好嫩，加埋甜酸醬係絕配。酥炸蝦卷 $28蝦肉做餡，加小小菜同粟米，每條都大大條，好抵食

近近地，行完黃金試食門口阿姐話自製湯地，瀨粉又真係好似未食過好食瀨粉咪試下叫左雞翼同青瓜小食個雞翼好正，皮脆肉靚，下次黎會再叫青瓜就一般般，叫左一瀨粉一米線酸辣湯底好一般，唔推薦麵唔錯，個羅白好甜好甜，，店入面有十大必食，下次要遂一試下

在公司附近有間麵店，同事介紹說抵食又大碗，今日專登來吃，來到都幾乾淨，而且坐位都好舒服不迫，餐牌上有同事講的大大碗瀨粉，仲要寫鮮制都幾特別而且都是$49仲可加飲品，當然就叫了一碗，來到都見到勁多料，魚皮餃同水餃都幾足料皮都薄身，豬潤軟熟，肥牛和豬肉肉質都不錯。瀨粉口感的確好滑身好味道，仲要份量十足。魚蛋，貢丸和墨魚丸都幾彈牙，木耳絲夠爽口，而且菜方面都不少，有豆卜，生菜和腐皮，食完成碗堅飽肚，再加杯凍檸檬茶，茶底都不錯而且檸檬夠酸又大杯。原來這裡仲有其他食物而且價錢都好抵食，下次可以再來吃過。

行過見到有間食瀨粉嘅鋪 🤓店員仲話佢地嘅瀨粉係自家製 🤔諗起兒時經常食，於是拉埋2個姨媽走左入去食 😅其實佢唔係淨係得瀨粉，仲有米線同薯粉揀 😏湯底可以揀清湯，蕃茄湯，酸辣/麻辣 湯 （不過要加錢 🤔） 我地叫左酸辣湯，冬菇，鮮蝦雲吞 米線。同埋大大碗瀨粉 😂😂 先講下碗酸辣湯米線 😃酸辣湯底夠酸夠辣 👍配料都幾足 🤗冬菇唔會炆得太咸，都算厚肉而且大細岩岩好 😆鮮蝦雲吞有4 隻，食得出係自家製 🤓入面食到有蝦仁 🍤👍米線夠爽滑，唔會浸到太淋 👍仲有幾塊雲耳送 😅大大碗瀨粉 😂反而呢個相比之下就有d失色 🙊湯底我地要左清湯，冇咩特別但冇味精 👌配料有生菜，水餃，墨丸，貢丸，豬肉，牛肉片，豬潤，腐皮，豆卜，魚皮餃。👈各一塊 😂聽落好似好多咁😂但其實每樣得一小舊（生菜都得一片 😂），以$49黎講有d唔值 🤔但瀨粉又真係幾大碗嘅 😂😂😂呢一碗我冇咩點食，淨係食左d粉 🙄（因為姨媽們唔食得辣 😝）個瀨粉佢話係自家製，又真係比平時食開個d粗身同大條 🤓有d似粗身嘅薯粉 😆食落質感同我想像中嘅瀨粉完全係兩回事 😂😅我諗佢叫薯粉會更加切合 😅但姨媽們都話整體配料普通，冇咩特別。整體黎講都算唔錯 👌👍

同朋友去完黃金商場買野後就去附近餐廳食下午茶。好少見到有鋪頭自家手工製嘅瀨粉，所以決定去試下，支持下呢啲心機作！可以以車仔麵或者套餐嘅形式選擇。前者有得自由揀麵底，湯底同配菜。我揀左片頭魚蛋酸辣瀨粉。配料除左有韮菜，芽菜，蔥花之外，仲有少見嘅花生同芝麻，增添一層香味！酸辣湯底醒胃，魚蛋片頭彈牙，有鮮甜嘅魚味。瀨粉每條都粗幼不一，有口感，糯軟兼並，有淡淡米香🤤🤤牛腩牛肚牛筋瀨粉餐，分量十足！牛肚彈牙，牛筋夠淋，牛腩肥瘦適中，一碗滿足牛魔王嘅三個願望😏下午茶時間仲有豆漿送添！

好耐冇見過小同啦, 我問佢想去邊度食野, 佢就話想試呢間好耐啦~~其實我自己本身麻麻哋中意食瀨粉, 但朋友想食, 我就上openrice睇下啦😂睇到其他blogger影嘅相先知原來江南瀨粉同喺出面食到嘅瀨粉好唔同㗎, 見到啲相即刻心心眼, 好期待去試下😋之前食飯時間經過成日都見到好多人, 今次一點半後去終於都有位。但其實我哋坐低左之後, 餐廳又滿晒人😂😂睇下餐牌有咩好食先~~睇到個menu, 實在有太多野想試, 所以我哋決定兩個人share一個大大碗鮮製瀨粉, 再加多份酥炸蝦卷小食😋😋😋我哋揀左清湯湯底~大大碗瀨粉, 材料超豐富😍😍幾欣賞佢用個羹載住啲配料, 可以自己揀唔落蔥/花生👍🏻👍🏻有個小驚喜係佢個豬肉, 但佢唔係用普通嘅豬肉片, 而係有心機煮過嘅豬肉粒粒🤩佢哋嘅瀨粉比米線粗啲同煙韌啲, 食落個口感幾得意, 清湯湯底好鮮甜, 唔會覺得重口味😋鳳城水餃好大隻, 餡好多, 有大大粒蝦肉, 好爽口, 木耳絲好爽脆, 好味😋😋酥炸蝦卷, 炸得啱啱好, 外面個腐皮炸得好脆, 咬落去會聽到chap chap聲, 點埋泰式辣醬仲好食, 酸甜少辣, 蝦肉好新鮮彈牙, 仲有少少栗米, 好好味😋😋😋

究竟瀨粉係邊到傳入嚟㗎呢？🤔成日經過呢間”江南瀨粉”，一直都想試下，但次次經過嘅時候又唔想食，呢日終於想試下🤣🤣。以粉麵米線舖嚟講，佢環境算非常好，夠光猛，而且都幾闊落唔會背脊貼背脊。由於第一次食，所以就想試款招牌嘅大大碗鮮製瀨粉($49)，湯底叫咗麻辣小辣(+$2)。我同事就叫咗碗兩餸嘅，我除咗餸多(有13款喎)，麵底都特別多。👍🏻👍🏻👍🏻唔食得辣嘅我覺得呢個小辣湯底愈食愈辣🥵，因為佢唔係胡椒果隻麻味，而係有啲辣椒🌶️皮碎，另外亦油咗少少，食到尾段我真係忍唔住要加杯凍豆漿(+$5)，唔係好大杯亦無咩特別，但啱啱好解到辣。🥵🥵🥵🥵🥵講返瀨粉先，佢個份量真係好多，我最終食唔哂🙈。店員姐姐仲不斷向街坊街坊介紹係手工鮮製的，可能因為手製嘅關係，所以粗幼條條不一，不過其實無乜所謂，反而仲得意，但瀨粉略嫌煮得唔多淋。但佢同燒鵝瀨嘅瀨粉唔同🤔。佢餐牌寫有成1️⃣3️⃣樣餸，但我都無數下係咪真係樣樣齊🤣，每樣有少少都唔錯乜都食下，丸類就大路嘢啦，但鳳城水餃同魚皮餃就幾好食，啲蝦🦐幾鮮，聽聞呢兩樣係自製的。另外有豬潤、豬肉絲、肥牛、木耳絲、豆卜等等，但生菜🥬食到尾索哂啲湯，辣到咳死我。🥵🥵🥵但佢話瀨粉湯底本身已

下午茶食厭了大X活，今日回到自己小時候生活的福榮街搵野食，發現呢間瀨粉主題嘅店鋪。小弟係五邑人，細個都成日食瀨粉，加上有下午茶優惠，免費送飲品，所以即刻決定入去一試。店面都闊落，我搵左個好似日式拉麵店咁樣嘅吧檯位坐，中式粉麵嘅醬料都一應齊全。好似X記車X麵一樣嘅招牌推薦同點餐方式。環保方便。下午茶時間食量有限，雖然想試多幾款推薦美食，最後揀左三款最想食嘅，同埋當然要試主角瀨粉。送飲品真係好體貼，畢竟平時食粉麵都冇餐飲或者要加好多錢，有返杯嘢飲真係令成個進餐體驗升級。餐飲黎先，熱辣辣即沖菜蜜。瀨粉上了，配菜鋪滿面，睇唔到瀨粉XD湯勺有花生、蔥同芝麻，雖然筆者全部都食，但如果有個嘢可以分開裝唔食嘅就好了。撥開配菜，可以見到有芽菜同韭菜嘅湯底入面浸住嘅粗瀨粉，成支筷子咁粗。食落表面有粘勁、索湯；內裡彈牙爽滑，湯底鮮甜仲有牛腩嘅腩汁味，相當配合。鮮蝦雲吞，有鮮濃蝦味，亦有豬肉碎，牛腩2大舊（應該話2條啱D）肥瘦相間，唔會乾唔會鞋，牛味同香料味都很突出。不愧係推薦菜式。筆者最愛嘅豬潤，可以話喜出望外。本身見到三大塊又厚已經好興奮，咬一啖爽脆鮮嫩，睇個咬口完全熟透，唔會煮過龍鞋口，而且調過味，絕對

平時唔想諗食咩都會揀南記譚仔，但食得多都想轉下其他鋪，見到 openrice呢間都有幾多好評，所以入去試下，點知竟然咁伏六點零鐘黎到食 冇咩人 叫左個大大份瀨粉 同 牛腩米線， 首先個大大份瀨粉 寫明有13樣餸，但黎到少左幾樣，如果唔係 share 食都唔知少左餸，一個人食既真係睇清睇楚先呀。可能廚房係新人先放少左啦 但個場都冇咩人，上碟之前都唔睇真啲真係講唔過去至於啲餸真係好普通，魚蛋有腥味，牛腩 牛肚 唔夠入味唔夠淋 ， 唯一好少少係個鳳城餃子， 但其實都係一般般，去大部份既粉麵店都食到。以50蚊黎講 同樣係深水埗 西九龍中心已經可以食到更好食更平既野，所以呢間店都係可一不可再啦。

深水埗一帶有好多特色餐廳今日行過見到呢間江南瀨粉啲粉望落好似特粗米線咁同平時既瀨粉有啲唔同 所以就同朋友入去一試啦Menu同平時車仔麵店一樣 有得自己揀配菜當然亦有已set好既 如果有選擇困難症 都可以揀到最夾既配菜落左單 先見到 原來有十大必食唔好講笑 我同朋友就話OT夜食飯當晚我地9點 餐廳都人來人往 好受歡迎呢枱面有唔同醬料 俾大家自行再調味King size 同普通size 既分別 king size個碗係大啲架 不過小妹影相技巧不材大大碗鮮製瀨粉：有丸有餃有菜有豆卜有牛肉 好豐富呢瀨粉每條粗粗的 無米線咁滑 但就好有咬口一試就愛上了魚肉春卷魚皮餃清湯瀨清湯有淡淡魚湯味 好飲 飲完唔會好口渴店員好細心 如果唔記得要走青都唔怕魚肉春卷 啖啖魚肉 魚皮餃有咬口 塊餃皮真係見到有魚皮架 唔係街買貨比我想像中更好食又平又抵食之選

放工同朋友 出咗去深水埗黃金逛逛, 未行街前先醫肚啦,  朋友話深水埗區有間手制瀨粉幾好, 就在黃金隔離好近, 咁我哋就去咗 江南瀨粉餐廳, 在店舖門面已有好多食物圖片, 佢哋有瀨粉, 紅薯粉及米線加埋配菜望落好醒胃,就我哋就入咗去食晚餐, 店入面裝修好古色古香及都幾乾淨架, 座位也舒服, 坐咗一陣已差不多滿座, 以平日晚上來講都咁多客應該口碑不俗.  餐廳的所有粉底價錢$24 - $26, 可任加多款配菜, 而每款配菜價錢由$5-$10, 任君選擇, 如想要經濟咁$29已可食到, 真係好抵呀. 我就叫咗 招牌-鳯城水餃清湯瀨粉 , 水餃入面有一隻蝦, 蝦肉好新鮮好實兼好彈牙, 加埋雲耳絲包住仲入晒味, 瀨粉味道有點像粗長銀針粉 滑劣劣 好有咬感, 粉浸咗係湯入面索晒啲味…,掂呀,  而朋友就叫了墨丸豆卜清湯瀨粉, 佢話墨丸非常彈牙, 咬落還有肉汁及墨魚香味, 最後我們加點了腐乳通菜, 今天食得好飽, 下次要試下佢哋招牌牛腩和豬手, 見隔離枱有點已溜口水!!

之前同朋友覓食，見到深水埗呢間餐廳幾特別又幾多人就決定入去試下。由於我地嗰日好肚餓，所以就叫左好多野食😋我哋總共叫咗兩個瀨粉丶兩個小食丶兩杯嘢飲。第一個瀨粉，我哋叫咗麻辣鮮制瀨粉，呢個係有少少辣嘅，再配左魚肉，水餃，白灼鵝腸，韮菜，白菜，我哋比較鍾意個水餃，有好多餡。第二個瀨粉，我地叫咗清湯鮮製瀨粉，有牛筋、豬膶、魚蛋、片頭、生菜、木耳絲。我哋比較鍾意呢個配搭，因為豬膶唔會太肥，成個配搭亦都唔會太濟。小食方面，我我哋叫咗酥炸雲吞同酥炸蝦卷。不得不說，我哋真係超鍾意食佢嘅小食，因為好爽口，但又唔會太熱氣。嘢飲方面，我哋亦都叫咗凍奶茶同凍檸檬茶。佢嘅奶茶真係好推薦👍🏻，好滑但又唔會太甜，大家都不妨去試吓。

終於食到「江南瀨粉」。次次同朋有黎呢度都俾其他野吸引左..朋友又鐘意食前面果間「某記」...今日自己一個..就入左黎..我食粉麵呢..好鐘意食咩都有架.要我揀餸.真係好難丫...呢度有碗咩都有既..唔洗諗...13種餸...上餐果刻真係好大碗丫..份量好足..13款餸除左丸外每樣都有小量咁..丸緊係每樣一粒...食緊既時候..聽到旁邊果個伯伯問佢個孫..👴🏻我叫左三餸...你呢👦🏻我叫左十三餸...👴🏻咁咪好貴👦🏻貴你一蚊乍無錯..三餸都$48..十三餸$49....雖然佢唔包飲品...但加埋飲品$58....呢度落單都環保架..用抹得黎既白板筆.係餐牌畫...落完單抹返就得....有下次既餐廳

江南瀬粉點菜嘅時候，我係有猶豫過，到底叫瀨粉好定米線好既然人家咁大個招牌表明係瀨粉，咁無理由咁唔俾面人唔叫人地嘅瀨粉試下嘅於是叫左原汁牛肚、柱侯牛根、潮州魚蛋、雲吞加瀨粉這個瀨粉同我以往認識嘅瀨粉有啲唔同，不是爽到彈牙的，是略為腍身的，同比較粗湯頭很可口，一口一口的飲，不知不覺就飲曬了重點飲曬成碗都唔口渴柱候牛根同原汁牛肚正常發揮，正正常常無咩特別雲吞反而有驚喜，是有一種老麵檔的味道這碗瀨粉，我吃不完