地元酒場

Open Now

Now Closed

週一晚約咗兩位靚女一齊去睇小迷兵，發現戲院附近有間「地元酒場」做緊網上訂座可享買一送一生啤優惠，所以就決定睇戲前飲返幾輪順便醫醫肚。樓上酒場隱蔽於一幢舊樓內，撳完一個鐘仔又一個鐘仔，極之神秘。小店四周非常到題地貼滿日本清酒嘅布簾、招紙同標籤，就連水吧位置都遮住哂。半梳化式散座嘅枱櫈較矮，地方淺窄，講真坐得唔係咁舒適自在。飲品項目共有兩頁半。講明係為歡樂優惠而訂座，埋位第一時間當然係要先啤一啤佢啦！一頁中文版點菜紙每次落完單都可以繼續用，咁都係環保嘅一種。牛舌芯（$58）、黑豚五花腩（$38）：半厚身嘅牛脷堅韌難咬，反而同碟上嘅五花腩串肉汁豐沛，爽脆香口得多！汁燒雞頸（$28）、日本雞皮（$26）：左邊手嘅汁燒雞頸油光閃閃，爽潤有彈性，可謂整晚之最！相反地，隔離嗰串雞皮偏乾同硬，毫不香脆，勁韌皮。日本雞尾（$48）：脹卜卜嘅雞尾賣相就得，咬落都算爽，弊在當中有陣餲味，飲咗兩輪啤酒都仲食得出，極為失色！雞腎（$24）、安格斯肉眼（$58）：黑墨墨嘅雞腎件扁平硬實，唔得爽口，完全唔掂擋！厚肉啲嘅安格斯肉眼又肥又多筋，牙力少啲都咬唔開。唐揚豆腐（$58）：炸至金黃嘅豆腐粒外層鬆化酥脆，豆腐餡心

近年唔少小店相繼結業，今日決定唔幫襯連鎖店，改為支持一下有心經營嘅小店呢間小店位處銅鑼灣嘅鬧市中心，但又有種寧靜嘅感覺，好似一個隱士棲身鬧市之中。店內以不同酒標及酒樽作裝飾，燈光有氣氛，感覺都適合約會😆店內格局分露台位或普通堂座，想要高啲私隱度嘅亦有一間細房提供。清酒list 聽店員講會定期更換，按時節提供不同款式平時鮮有飲清酒，不過既然呢度係主打清酒，即管嘗試一下，店員都有根據筆者口味要求推介適合嘅清酒。飲清酒唔少得揀清酒杯嘅環節，比飲啤酒多一份儀式感，哈哈食物種類以日式串燒為主，款式以小店嚟講合理，未必有太多刁鑽嘅選擇但大路嘅款式都有。串燒有焦香但又唔會太乾，味道屬水準之上。個人推介安格斯同雞肉棒。安格斯多汁夠牛味；雞肉棒加咗「月見」，肉嘅香味加上蛋嘅鮮甜，即刻更加吸引。同店員傾開，呢排生意無可避免都係差咗但好彩仲有班熟客支持著。雖然今次係筆者第一次嚟呢度食，但聽到旁邊兩枱客人都同店員有講有笑，相信確係熟客，證明有回頭客支持。整體而言，小店食物質素良好，外圍環境稍舊但內部氣氛不錯，位置方便，屬可再訪之選👍

有朋友從外國返嚟 特登揀咗間適合慢慢坐喺度飲酒既日式居酒屋🥳 餐廳店舖好隱蔽 喺波斯富大廈2樓 如果唔係熟人帶路都真係唔識路🙈餐廳環境超chill😍 可以選擇坐入邊或者外邊 外邊嘅景色係望住銅鑼灣街道景色 好有feel😍 話明係酒場，梗係要叫返幾支清酒飲🔸純米吟釀 山田錦飲落好有果香、花香味😍 但係又唔會太dry 強烈推薦呢支清酒🥰 價錢都係$490有成720 mL🔸雨降介紹支酒個牌仔寫明有香蕉味 飲落又真係😂😂 價錢稍為貴少少 $520都係720mL , 不過都係鍾意上一支多啲🙉🔸芝士年糕飲清酒，當然要叫佐酒小食🥰 超級軟糯口感嘅年糕，加上內裏流心芝士真係絕佳配搭 作為煙韌控嘅我表示好好食😍🔸鱈魚乾超級香同埋脆嘅鱈魚乾 點買沙律醬食真係一流👅👅🔸免治雞肉棒30幾蚊一串都唔係平🙈 但係好鍾意食免治雞肉入邊嘅雞軟骨 同埋有大大隻雞蛋黃+醬汁 點埋蛋漿一齊食，真係好出色😍😍雖然唔係試咗佢好多款食物 因為主打今晚都係飲清酒😂 所以食物都係佐下酒 不過佢完全唔會趕你走 俾客人喺度坐成晚吹水 不失為聚會既好地方

位處銅鑼灣時代廣場對面 非常方便👍🏻日本居酒屋既格局 地方雖小但幾好坐✌🏻播著流行既日本歌曲 仲有戶外座位主打飲日本酒 🍶而且酒單仲會定期更新 每次去都試到唔同既酒店員非常友善 仲會詳細介紹下每款清酒 就算唔識飲都可以學下野😋食物質素都好相當不俗 串燒小食都好味😋😋最推介以下幾款小食:明太子雞翼, 燒牛舌蕊, 雞軟骨, 豚肉餃子🥰日本酒:舞美人 好特別 同其他日本酒完全唔同 檸檬酸味突出🍋田酒 果味十足 JUCIY 好易飲👍🏻加茂錦荷札酒 淡麗D 配野食一流😁方便指數: 4/5 環境指數: 4/5回頭指數: 4.5/5地址: 銅鑼灣波斯富街83號波斯富大廈2樓D號舖

係銅鑼灣經過見到無數次但係無衝動去試。同朋友去飯罪佢提議呢間咁就一於去試吓啦。去到waitress 好細心, 係小見的good service！不過地方比較細環境都ok…嗰日我哋主攻洒肴，煮物，揚物。串燒只叫了翠玉瓜同雞翼…乾。都係麻麻。不過其他漬物就有驚喜。值得推介味淋魚干居酒屋唔錯嘅選擇

發現了銅鑼灣超正居酒屋🏮-地元酒場，有不同既串燒同日本清酒🍶飲。當日去到已經full哂，小店主打清酒，聽講會按時轉酒list,而且大部分都得一二枝！好多日本美食可以選擇而且都好好食！我自己會推薦以下1）燒飯團🍙配漬物-佢地燒到整個外皮都脆卜卜，又唔會過咸，今次既漬物係醃蒜（我未食過）真係超好食！我覺得呢種飯團好多都好咸同好大陣火槍燒過既味，但呢度完全無呢二個問題，必點2）啤酒薯條 🍟（我地encore左二次既食物）呢個係新鮮炸出黎，佢超熱同好脆身而且好惹味，我覺得非常之值得一點同關注（我想無限點）3）雪魚乾-平時我唔太食既野，但呢度做得好出色，佢係one bite siz配埋沙律醬,脆卜卜似薯片,又有味林個種味,送酒必備同幾特別😆4）月見雞肉棒-我覺得每間居酒屋第一樣必點既一定係呢項，因為佢地都會有唔同既做法，同埋唔同既調味，佢地呢度係用醬油撈左雞蛋，同後雞肉棒棒外表偏脆身，咬落去都幾juicy 同埋雞軟骨都偏多，甜甜地配埋醬油蛋汁岩岩好5）燒牛舌-佢地用左厚切黎燒，配左七味粉同鹽，唔會太蛋調味既一項，但燒得岩岩好唔會太韌但食到牛油香味最後超讚既一樣就係，老闆娘會細心推薦清酒，會跟據你

朋友推薦黎食既居酒屋，樣樣野都好食！店員既態度亦都非常之好，上菜速度算係快。餐廳係時代廣場隔離既老式大廈入邊，電梯非常有懷舊感，同朋友行完街過黎坐下都唔錯。D嘢食隨便叫亦不會中伏，六點前埋單仲有折添，下午黎食就至抵啦！呢間絕對係朋友聚會之選，我地黎既時候落雨所以坐左係室內，下次會試試陽台位！同朋友仔吹吹風食串燒一定好chill！我地仲叫左Sake飲但我唔記得係邊隻，甜甜果香味，同串燒好㗎推薦：生蠔，免治雞肉棒，雞心，味增大腸（基本樣樣都好食！！）

估唔到今時今日喺銅鑼灣呢一個都市旺區， 竟然隱藏著一個咁有趣嘅大廈， 未上到去地元酒場， 淨係搭嗰部五六十年代，拉門趟閘式升降機已經令人覺得時空交錯。 入到酒場裏面， 日本風嘅設計，地方細小， 但又有露台， 又有包廂， 真係有一種身處日本嘅感覺，不過露台外面對住繁華嘅時代廣場， 正正又將我拉返嚟香港， 感覺真係好夢幻。 酒場我見係由兩位女士主理， 食物以下酒菜為主， 飲品當然係以清酒掛帥。 喺呢度你可以試倒好多唔同嘅清酒牌子， 食物方面，選擇唔會太多， 但味道都算中規中矩， 十分推介薑蓉豆腐， 簡簡單單， 但味道出眾。 價錢方面， 三人消費， 三小時下來， 又飲又食， 埋單大約二千蚊。 不便宜， 但亦唔算貴。 咁有特色嘅酒場， 還是值得一去

日本居酒屋既感覺.播住熟悉既日本音樂.地方雖小.但都幾好坐.係BOOK位要早D BOOK!!佢既酒LIST每次都唔同.仲可以一合咁叫~可以試到好幾款酒!!店主好好.會介紹下每款清酒既特式🍶而且佢既食物質素都好有保證!!👍🏻串燒小食配酒一流😍最中意佢既啤酒薯條.明太子雞翼同腐皮.各種串燒都好惹味😋💥明太子雞翼💥明太子腐皮💥燒牛舌蕊 .雞皮.雞軟骨.五花腩💥吉列豬排💥燒熒光魷魚乾💥豚肉餃子💥炒野菜💥啤酒薯條💥雞皮餃子

連台灣朋友也喜歡在場的客人也很高質適合二人聊天一定再去👍🏻👍🏻👍🏻👍🏻最喜歡吃：燒明太子雞心燒一夜干豚肉包蠔 juicy枝豆送酒一流點了溫上的sake由店員推介，不錯。環境氣氛很好 都很好

Halloween 當晚到訪，即興約咗男朋友係銅鑼灣見面，下午即時喺OpenRice book枱，搵到呢間係港島區但係氣氛好好嘅小店，有室內同室外，我哋揀咗坐室外，因為比較適合較高嘅人坐，同埋天氣都唔熱，好舒服！店員好熱情好friendly，整體感覺中上！因為未食晚飯所以叫咗好多小食：羊架 安格斯牛 牛舌 煎餃子 炸雞 炒野菜 雞泡魚乾 玉子燒 明太子釀雞翼 等等，口味偏重但好味！推薦鍾意飲日本清酒同朋友兩至三個人傾偈的晚上！ 要注意只係收現金或者轉數快！

平時我比較少飲日本酒，即使飲一般都係試比較易入口嘅梅酒。今次就同朋友專程搵一間可以試到唔同款式嘅清酒嘅居酒屋，試下唔同酒之間個分別🤤地元酒場係一間位於銅鑼灣嘅唐樓嘅樓上鋪，店鋪面積唔大，想食嘅朋友最好事先book定枱🤣店舖有唔少款式比較少見嘅清酒選擇，而且menu會跟據時節變化，岩晒想試唔同款式嘅顧客。✨写楽 純米吟釀($160 / 180ml)飲落微微帶點甜味和水果嘅香氣，都幾易入口。✨天鷹 特別純米 （$130/ 180ml)據說係適合秋天飲嘅純米酒，飲落口感非常清爽，我個人更偏好呢支。除左酒外，居酒屋嘅小食味道都唔錯😋價錢中等，都值得一試。

Happy Friday 去飲下酒放鬆放鬆！ 地點有少少難搵，係一幢大廈2樓，而且大廈的電梯是舊式的，十分懷舊，而入到酒場氣氛不錯，食物質素亦ok，螺、玉子燒幾好食，推薦大家試試！惟酒唔算特別抵飲，1xx 兩個人每人2-3杯就飲完了，留意番杯係比平時的小，樓下有照片給大家參考！這裡也是個放工放鬆的好地方，但記得要book位，因為位子不是太多！

小店經營。有多款清酒。店主挑選生酒地酒好有特色。小食用心製作，餸酒一流。座位唔多，梳化好有住家feel。邊飲邊食好似去咗日本居酒屋。氣氛好relax, 三五知己傾計一樓。

清酒牌子出面比較少見 價錢亦合理 老闆可以講到唔同清酒既分別 可以請佢介紹串燒造得唔錯 唔會乾柴 推介五花腩，雞尾同雞軟骨！ 調味剛好小菜既白味噌煮大腸連蘿蔔都好味 大腸無臭味唔會咸但仍然有味噌香坐位唔多 建議事前book左枱先