京味居 (Closed)

世界杯決賽後，幾位食友請假休息﹝早響丫，一齊請周圍去周圍食嘛﹞。藍月電郵找飯吃，選擇由原本的韓國菜，變成了來這裡吃北方菜。數數手指，原來已兩年有多沒來，上次來已是第一次參加Openrice的聚會，時間過得真的快。店子也是老樣子，六個人，坐了八人的檯，也不覺得鬆動，因為左右隔離的檯都擺得幾密。時值午餐，加上藍月吩咐落，要叫得輕巧一點，加上人不夠睡眠，是吃得不會多的。只叫了山東燒雞、拍小黃瓜、砂窩津菜、炸醬麵、嫩雞煨麵、蝦仁炒飯、鮮肉翠瓜餃及羊肉餃各十隻。菜色是一貫的粗枝大葉，份量十足，不過食友最後也能把所有食物掃光，無怪我說有LQ在，都似似地男士Lunch似的。山東燒雞是手撕雞，醬油味足，亦下了花椒及辣椒，雞肉雖然口感一般，但涼涼的作為炎夏冷盤，很不錯；拍小黃瓜清清地，夏天的黃瓜爽脆，加點蒜蓉及醋，也很美味，是最喜歡的夏日前菜之一；砂窩津菜要了大窩的，真的好夠份量，一人兩碗也綽綽有餘。湯底鹹香湯料亦足，有鹹肉、豬肚、津白等等，食友同說都幾足料。大窩盛惠60蚊，都食得過；專兄隔晚已說想吃炸醬，這裡的炸醬偏甜，麵是自家手打，但太腍又不夠咬口，他不太欣賞；炸醬麵太腍，嫩雞煨麵就不夠腍，可以再糊

上周突如其來,來個即慶飯局,喂喂喂在中環四人平食中菜,天氣麻麻唔坐排檔,就去左京味居.剛好連我在內,四個都未試過,挺有新鮮感.來到都係點幾味,不過一定要有羊,價錢相宜,求其點也不會肉赤.星爺見到隔離檯的鹵豬手幾得手,又叫.京燒羊腩呢味例牌,其他求其都得.先來一個涼伴三絲,在悶熱天氣下,作為京菜頭盤,絕不會死錯人.京燒羊腩外表燒得很香脆,肉質亦很嫩,但唔夠羊味,失色少少.醬豬手真的不錯.很爽口,加上秘製醬汁,非常醒胃.羊肉餃售清,白菜豬肉餃也不錯.但我更愛土瓜灣巧興的出品.煎鍋貼,嫌外皮過硬.Cicely同閒遊兩人意猶未盡,繼續追加菜式,小籠包,鱔糊,麻婆豆腐統統唔係京城之光.不過一樣吃得過癮,高興便是,理得佢係咪"I..I...I was born in Bejing"四人埋單唔洗四百,在中環黎講真係好經濟.一客餃子十隻都差不多$30,比起土瓜灣,又貴三成.這是中環嘛.當然啦.

朋友生日, 10 個人0黎叫到一檯0野食:- 京燒羊肉: 據聞係招牌菜, 賣相真係好似樟茶鴨XD 乾乾0地, 羶羶0地, 皮脆肉嫩, 非常好食!- 蔥爆牛肉: 鑊氣夠勁, 牛肉好腍, 好好食; 最驚喜係連d 大蔥都好食, 唔會有蔥0個隻澀澀0地0既味!- 鱔糊: 極油膩(不過都預0左), d 芽菜澀澀0地咁味, d 鱔條就ok 0既.- 糖醋魚: 一向唔多鍾意食中菜0既朋友不斷係咁夾XDDD d 魚肉好有咬口又好滑, 面層炸粉唔算厚, 加埋d 酸酸0地0既汁真係好得.- 砂鍋雲吞雞: 雞湯好足料, 味好濃, 個人覺得鹹0左d; 雲吞就普普通通.- 鍋貼: 呢個麻麻, 無乜味, 層皮亦過厚.- 小籠包: 呢個都麻麻, 無乜湯汁.- 銀絲卷: 呢個整得好好, 入面好多絲, 唔似得坊間其他餐廳咁整一碌無絲的長形饅頭就算! 甜甜0地咁, 好好食!- 蔥油餅: 整得乾身, 脆卜卜, 入面好多蔥, 不過味道唔strong, 幾唔錯.- 奶油津白: 好鹹... 個人唔太鍾意.- 高力豆沙: 甜度適中, 熱辣辣好好食.- 豆沙鍋餅: 竟然唔油膩又唔太甜! 幾驚喜.- 拔絲香蕉: 唔太甜,

呢間我成日黎食﹐試過﹕擔擔面--調味調得好好﹐香味同辣味有層次﹕辣味岩岩好﹐唔會太搶﹔唔會好重花生醬味﹐但又唔知點解咁香wor。所以雖然明知飲埋D湯唔健康﹐都忍唔住囉炸醬麵--好香﹐但唔及擔擔麵好食雞絲粉皮--正常﹐多花生醬﹐我本身鐘意食呢度菜蒜泥白肉--幾好燻魚--我係燻魚怪﹐但印象中呢度D燻魚麻麻韭菜餃--正﹐真係皮薄涵靚!小籠包--都好好﹐入面有上湯﹐比得上阿拉麵館﹑金滿庭o個D﹐但平成截bor($15 4-5個)雖然D主菜好好味﹐但呢度對我黎講最吸引就係D甜品﹕拔絲--香蕉比蘋果好食﹐原本以為D香蕉咁整法會太甜﹐但係又唔會wor,幾清甜。上菜熱辣辣﹐開心到震﹐你知啦唔係太多地方有拔絲食架嘛!仲要咁平wor!($28,8-10舊)不過記得要即刻掉晒D拔絲落水﹐否則會'chi'響隻碟度。豆沙窩餅--$10大元一大塊﹐平到笑﹐又好食wor.Title 'A貨C價'係抄唯寧對呢間野既評價﹐我諗唔到更好既形容。唯一美中不足係服務麻麻﹐最近好似有DD改善﹐不過黎呢D地方都唔求有咩服務lu.

搞事之作。要的是羊肉搶湯拉麵：落單後隨即聽到廚房開鑊「嗖嗖嗖」的泡製我碗羊肉搶湯拉麵，離遠已感鑊氣十足。羊肉搶湯拉麵，是蔥爆羊肉煮濃湯後再加拉麵一齊煮，所以湯少、香味濃郁又惹味；可惜，嫌今天的羊肉不夠膻，蔥又不夠...拉麵頗彈牙，但與北京酒家的一比，色澤不夠討好之餘，也較散和不夠煙靭。總言之，地道製法，精彩價格。

之前行過想食,今日終於有機一試.一入到去,唉..有陣味,都唔知點形容..陣味好怪,臭臭地,又唔係油煙味,已經令我對間野d形象麻麻.兩個人叫0左一個白菜小餃麵($25),麵太淋身了,湯又係冇咩味,好好好淡,餃子本身ok,overall唔可以叫好食. 個糖醋魚菜飯($33),都冇咩特別,d菜飯唔油囉,夠多菜囉,不過d魚係淋的,一定係炸定0左好耐,唔怪得之,叫0左野食,一分鐘都唔洗就黎到啦!!!唉..試食失敗...

今天約了一個很久不見的朋友，想不起到那裹吃晚飯，又來了京味居試下未吃過的菜式，今次已是第三次來，上兩次也没有出食評，所以必定要寫一篇食評以供分享。今天叫了以下幾款菜:1. 京燒羊肉($40) - 羊肉香脆没有騷味，一貫高水準，但今次上枱時稍稍不夠熱；2. 芜荽爆牛栢葉($40)-京式干身爆炒牛栢葉没有醬汁，跟粵式做法不同；3. 芝蔴蝦($28) - 香脆可口是下酒佳品，上枱時熱度十足；4. 蝦子乞答豆腐($28) - 菜牌上没有的菜式，是伙計推介的精選，豆腐面塗上厚厚的蝦子然後蘇炸，豆腐有解酒功能，是另一下酒小菜好選擇；5. 兩枝獅威啤(每枝十二元)之前兩次來吃過這裹有名的鎮江肴肉及醉鷄及葱爆羊肉也很好食，鎮江肴肉的肥肉部份晶螢通透，完全没有油賸的感覺，是本人欣賞的一味冷盤。現在感到滿意又不昂貴的食肆實在不多，這是其中一間值得推介的，如果裝修一下店面，坐得舒適一點就更加好了！

我因為睇到openrice的食家們對依間食店的好評所以先專登同朋友去到中環試菜!(平時真係唔會去...)地址都唔算太難搵,但print張地圖跟住去會好dd去到同想像中差不多,很簡單的舊式店,但很有會食到一種隱世美食的味道?!環境都算乾淨, 人不算多(我很怕要同人搭枱)最值得讚既係大部分餸菜都分細/中/大, 可以因應一數叫唔同size唔使擔心因為人少試唔曬喜歡既美食!果日叫左既野食大既如下:京燒羊<< 真的很不錯,個feel有d似鴨?!雞油雙蔬<< 沒咩特別,但朋友好喜歡糟溜魚塊<< 好香好滑, 值得一試!拔絲香蕉<< 材料新鮮, 都算ok, 但係d糖漿凍得太快!(果日去食都係為左依個, 食完感覺係好值得!)好似重有一樣野...但忘了整體來說, 價錢其實都算抵, 而且d野可以選細size試多幾味! 雖然有ddd遠, 但我一定會再去的!!p.s 第一次寫食評... 有d亂來... 請見諒

同同事一行六人在京味居吃，之前己吃過一次，大約都只係六七十元左右，算唔錯的一個選擇（在中環計），環境當然不算好，不過尚算整潔。最緊要推介係京燒羊，我覺得其實同好出名的鹿鳴春差不多，不過就平好多了！但係其實食味都差不多。另外一客糟溜魚片都係叫人吃不停口，叫了一碟細，但係一伙兒都太多吃了，整到唔夠吃。不過個人好欣賞佢哋的酸梅湯，唔甜又香，真係比足十分，但係同事P就覺得太酸，我又唔覺喎！最後係想叫大家唔使叫呢度啲餃子。唔好食，皮太厚．．．．

京味居的食物其實不錯，麵是比較普通，可試試榨菜肉末+ 牛肉餡餅，一流！水準和鹿鳴春的"牛肉餡餅"（忘記是否正式名稱）相近．另，小籠包也很不錯！

昨日下午往中環看醫生，之前專登留番過肚去呢間嘢到試吓，唯靈及劉健威先生係以往嘅專欄都大讚佢哋，心諗應該OK啩....一進店內，差唔多一個人都冇，可能因為過晒食飯時間la。先叫一杯豆漿，淡而無味，亳無豆香，我真係俾澳門頤德行嗰D豆漿寵壞咗，係香港點都飲唔番相類似嘅水準。因為諗住睇完醫生去食件dessert，所以只係叫咗碗招牌大鹵麵。所謂大鹵麵係將一pat有蝦、海參絲、豬肉等嘅海鮮獻淋响D麵條上，係地道嘅北京麵食。一睇個麵就有D失望，份量係夠多，但個獻似乎太薄，不夠濃；再用筷子一翻，D蝦細得似蝦米，海參絲份量亦少得很；D五花腩肉又唔爽，得過肥字；最重要就係D麵竟然一D都唔彈牙，同普通街邊貨毫無分別，更遑論跟上次响荃灣麵棧食到嘅比較la....>.<唉...大失所望..食食吓重俾D獻淥親個嘴...>.<

有晚放左工落左中環搵食３個人叫左山東手撕雞飯，京燒羊肉，水餃，芝麻蝦同埋拔絲蘋果京燒羊肉其中一ｄ部份太肥芝麻蝦ｄ蝦肉唔夠彈牙，但食落好香口拔絲蘋果最有驚喜,又脆又鬆化，只索價28元,實在超值總括黎講都算食得過

31 March 2006 (Fri) - 晚飯好朋友帶我黎呢度食晚飯，入到去有陣臭味，我知道呢種味代表住呢間嘢既歷史，因為通常啲老店都會有呢陣味！叫咗：1. 山東手撕鷄(小$20) - 見好似好多人叫，都幾好味，唔乾2. 京燒羊肉(小$40) - 相信呢個又係出名菜，好味，唔太蘇，啱晒我呢啲唔太食羊肉既人食3. 南翔小籠包(五隻$15) - 唔得，唔怪得冇人叫，皮厚冇汁4. 糖醋肉骨($32) - 實情就係咕嚕肉，ok既5. 白飯兩碗+豆漿兩杯(每樣$5蚊，加埋$20)食咗都唔駛$130，好鬼飽好鬼抵，本來我朋友呢度既拔絲蘋果同香蕉係非常好味，但係我哋兩個叫得太多嘢食，好鬼飽，所以食唔落，冇叫到，佢話都幾大碟架．．．可惜，朋友話下次再同我食過！

今晚終於和朋友一起去吃燒羊肉了，真是好好味啊！我們一行6人，點了燒羊內、炸菜肉末、叉子燒餅3客、賽傍蟹、沙窩律白、山東手撕雞、拍黃瓜、羊肉搶麵、高力豆沙、豆沙窩餅、山喳茶。雖然每樣都是要小碟，但份量都非常足，結賬只雖HK$295-，真是超級超值。

Went to 京味居with colleagues for lunch yesterday. We have ordered different kinds of noodles, sweet and sour fish with rice, dumplings to share. * 酸辣湯is quite nice, $12 for a bowl. * 排骨湯麵, the soup base and 排骨is good, would be nicer if noodles are more chewy!! * 川鹵麵, 有好多料(pork, shrimp, vegetable, egg, sea cucumber).* Very look forward to 拔絲蘋果, but there is some strange seasame oil smell (not seasame, it's really the smell of seasame oil).In conclusion, a nice place for lunch in Central Distr