京味居 (Closed)

之前食過好多次都覺得唔錯, 尋晚食左九菜水餃, 肉絲炒拉面, 炸饅頭同拔絲香蕉水餃雖然d皮厚d, 但足料抵食, 一定叫的肉絲炒拉面的拉面係北京風味, 有哨口的, 油份重d, 不過香口炸饅頭反而普通, 唔係好脆拔絲香蕉食過咁多地方呢度係最平最好食, 其他好多地方都係好貴或者跟本拉唔到絲, 但呢度$28大大碟, 又正宗,正~

今日lunch 嚟左呢度食, 因為一個人所以淨係叫左"羊肉搶湯麵", 雖然唔知咩係"搶", 不過我竟然...竟然比我飲曬d湯. 太好味喇, 下次會試其他野.

今年只係過左一個月，我就已經去過兩次，你就知道有幾好食。我稔我舊年都黎左八次。京燒羊肉　－　＄４０　（細份）依然好味，佢無王府咁多肥肉，味道無咁"穌"，連我個老豆唔食羊肉既都食都唔停得口。手廝雞菜飯　－　＄３２　好正，我咁多個朋友食過都話正。ｄ雞既味直滲飯內，ｄ菜飯又多菜，又大碟。ｄ雞係燒過既，個皮好有醬汁味。窩貼　－　＄３８　（１２只），煎得好"混巡"，唔會有一弗煎"loon"一弗冷冰冰。蘋果/香蕉拔絲　－　＄２７（～８舊）香港無乜邊道食到水準咁好。

聖誕節同屋企人去中環睇燈飾，媽媽話想去中環的橫街食D有特色的舖頭，所以我就帶佢o黎呢度。一坐低老豆立即叫碗上海湯麵，可能是京菜關係，所以上海湯麵不太正宗，粗麵過諗。又係我例牌的擔擔麵，麵身同樣唔得，而湯底亦一般，沒有正宗的麻辣味。細妹叫的素炒拉麵，反而唔錯，炒得唔乾又唔油，麵比一般北京拉麵較粗身。京燒羊肉-皮脆肉嫩，比起做冬去"儂"食的京燒羊肉，無論水準同價錢真係差好達。咕嚕肉-唔多掂，好重油"益"味，而且炸粉又多。一場o黎到，當然要食水餃啦，前後叫了三款，當中以羊肉餃最為好食，因為夠羶又夠羊味，其次是白菜，另外芹菜亦好香。媽媽覺得水餃皮算做得不算，餃子包得結實，不會鬆散，而內裡湯汁亦不少。最後甜品係拔絲蘋果，真是見佢係雪櫃拎個蘋果出o黎即整。可能即製關係，又熱又脆，比起泰豐廔好食，食過幾次泰豐廔的拔絲蘋果，都是較硬，呢度做得較為鬆化。總體來話，雖然味道一般，不是十分好食，但5個人食了9樣野唔駛300蚊，真係食了一個又平又抵的聖誕大餐。

四個人去食, 每人大概$60, 仲食得很飽!必食: 京燒羊肉, 超脆皮! 手撕雞菜飯, 味道非常好! 高力豆沙, $24有8個, 入口香脆,咬落鬆軟, 口感一流! 香蕉拔絲, 香港很難吃到, 做得非常有功架!好似食麥芽糖咁!若果大家要食裝修和service, 咁就兩樣都欠奉, 不過我覺得食野最緊要係味道和價錢是否合理!

我本身在中環工作，所以間唔時會到此店食中午飯。雖然唔太好食，但勝在平。有晚一行十人，正要在附近開飯，便第一次於晚上光顧。不幸開始．．．果度的啊姐，樣樣都話你十個人一定唔夠食，全程sell你一定要大份至夠。我地話唔係食得太多，D 侍應就話一定唔夠，我地好堅持，幾乎同佢地嗌交先至可以將部分菜轉作細份。D野來到，嘩！碟碟大到不得了，一定要25人先食得完。同老闆講，話佢地亂寫菜好浪費食物，佢竟然話：「呢度D野咁平，係咁；唔係就冇錢赚。又冇人叫你信我D伙計！」呢D咁無恥說話，真係第一次聽！

睇番d相先發現自己無寫過依間，用我有限o既記憶o黎寫番先~ 上次跟openrice一行十二人o黎依度開餐~ 環境係舊式菜館，坐就唔會坐得舒服，但叫做夠光猛~十二人叫o左:冷盤: 拍小黃瓜，醃青蘿蔔，滷驢肉，白切豬肉- 依幾樣唔會失手~芫爆散旦- 即係羊肚，幾特別，味道ok~糟溜桂魚片- 最失望o既一味~ 雖然酒糟味幾香，但魚唔新鮮，個sauce係勁開粉o既獻~ 醋椒魚湯- ok~冬瓜羊肉水餃- 對我o黎講，再酥d會好d~ 京燒羊肉- ok~ 又係再酥d好d~榨菜肉未配叉子燒餅- 又係無可能失手o既一味菜~ 肉丁炸醬拉麵同大滷拉麵- 得個鹹字.....高力豆沙- OK~ 有誠意，但有待改善~ 我自己就唔會再去.....Photo album:http://community.webshots.com/album/156264426XznjSQ

擒日同男友去朋友既party 前,去soho 區"hair", 諗住平平地, 就去左"京味居".叫左:1. 京燒羊肉(小) - $402. 炸醬麵- $223. 手撕雞(小) - $344. 蔥油餅- $12(total: $98)首先都既係手撕雞, 入面有爽脆既青瓜, 雞件撕得好大舊, 而且汁料好多! 似滷水汁~ 唔似第二到既味道, 不過都幾好味~ (可能咁先係正宗啦!)之後就係炸醬麵, d 麵無我想像中咁彈牙, 而炸醬味道濃淡適宜, 好滿意!再哩就係羊肉... 非常失望! 可能佢呢到既先係正宗既做法,但係... 實在太乾太鞋... 都幾大碟, 食唔晒!蔥油餅- 絕對唔係上海舖個隻餅左, 而似一個個雞派咁大架! 入面包著好多蔥, 但蔥既辣味過火, 唔易入口. 我地兩個一人一啖, 就放棄左...總括哩講都幾失望...服務生唔係熱情,但都叫幾有禮貌. 除非係熟客, 否則老闆係會用一副完全無禮貌既樣對你!d 相唔太靚同埋係我地食到尾既時候先醒起! SORRY!

平時食lunch 去開快餐店,今日想食豪的,去食上海野, 呢頭無咩選擇,就去左京味居食。都唔係第一次幫趁, 不過未叫過客飯,咁就叫左回鍋肉客飯,京爆牛肉客飯,麻婆豆腐同炒鱔胡,加多個酸辣湯。上菜時先知賴野, 原來客飯係碟頭飯,唔係分開既,不過叫左都無辦法啦, 好在味道都o.k.,不過係怪怪地。到鱔胡上,食左一啖,嘩,自問都食得腥味,但都腥到無法入口,好肯定係的鱔出問題,馬上叫個待應了解下, 但係佢態度好差咁問返我地"的鱔係咁味架啦!!" 我話真係有的唔同, 唔信你可以試下, 佢話"我唔試架,咁你想點呀?", 佢老闆係旁邊聽到, 不單止唔了解下件事,重大大聲話"今日賣左好多碟啦,都無投訴!!"大佬呀, 呢的係咩服務態度呀,我地唔係食野無錢比要搵的野出呢批評既人呀, 我只係覺得的食物出左問題想講比佢地知, 客氣的既就換過一碟, 唔係咪客氣的解釋下囉, 結果未食完都走人, 發誓以後唔去!!!

應該是我吃過全港最好味的京菜味過比北京的京菜更好食果eel好正, 連我這不吃eel的人也食得津津有味, 就知好正.個燒肉又係好棒. 正正正走之前記住吃拔絲蘋果. quality比美北京的. 又唔貴bor. Yeah !PS: D 伙記好好傾gar tim

早幾日老婆同囝囝仲有斑親友接放工,原本想去港大校友會,點知要8:30pm後至有位,好彩有openrice好友指點,唔駛四圍走.三鮮水餃:唔係湯上,咁仲好,皮滑,餡鮮,最早清瘋狂四碗麵:1)蝦仁煨麵:無試,唔知點,不過最後至清,都睇黎唔多得 2)炸醬麵:個人鐘意食炸醬幼麵,點知佢用粗麵,水準一般,炸醬料淡口左d,唔夠濃味,要加d豆板醬先好食. 3)雞煨麵:我無食,不過老婆同囝囝話好食,即係等如味精多. 4)雪菜肉絲麵:好足料,但係湯底就一般蒜泥白肉:肉比較'鞋',可能切得厚左,雲南風味館好得多,但係用粉皮舖底,飽肚d.賽螃蟹:好滑,夠熱,將d旦撈起食,好正鴛鴦菜(唔係好記得名):勾芡汁太厚,蓋過d菜味,唔掂!炸里脊:即係炸豬脊肉,送酒會幾好,不過好熱氣!

佢既京燒羊肉好正!價錢又ok !

中環京味居食左: 京燒羊肉, 三鮮水鮫, 山東手撕雞.全部味道可以, 但部份京燒羊肉超級肥及多羔!

今日上堂前有時間黎左呢度食野入到去真係眼花潦亂唔知食咩好本來打算食餃子但後黎又想試下上個食評所指o個個擔擔麵上到枱真係好大碗呀味道不錯但我嫌佢唔夠花生味唔夠濃郁有d失望但講真以$22黎講真係交足功課下次我一定要試下佢d水餃先得!

兩個人...食左:雞絲粉皮(細): D醬超好味...黃瓜好脆...好正...好好味...雖然話係細...但係都好大碟...鮮肉翠玉瓜餃(10隻): 從未聽過用瓜黎做餡...仲要係我鐘意既翠玉瓜....好特別....所以一見到menu 有就即刻揀左佢....餃入邊好多汁...D肉同翠玉瓜D味好夾....好味...擔擔麵: 冇得彈呀....超好味...係我食過咁多擔擔麵之中最好味既.....雖然只係order 左三樣野食...但係每碟份量都唔少...飽到去到玉葉門口都返轉頭....真係再食唔落任何野啦....加多兩杯豆漿...埋單都只係$85....唔加一....超抵食....