真心一隻雞

Open Now

Now Closed

玩咗大半日，真心攰到一個點😅 好需要食返啲嘢補充身體，保持正能量😎 天氣咁凍，好想飲個熱湯暖吓肚🔥 我哋誤打誤撞嚟到「 #真心一隻雞 」 ，一間位於 #登龍街 嘅 #過江龍 #韓國餐廳，試吓新派嘅 #韓食 🐣星期日嘅晚上八點，餐廳裡裡外外都人頭湧湧，湊熱鬧嘅感覺令人特別期待☺️ 韓式湯麵/飯配雞🐤熱辣辣嘅 #韓式鍋麵 加咗 #韭菜 同 #辣椒粉 喺面，配上斬件嘅白雞半隻，雖然明知唔係鮮雞肉，不過味道同材料都幾豐富🤤 搞到我哋都忍唔住encore多一個飯餐，一於吃個飽🤤🤤豬肉配豆腐辣湯飯🐽呢個係我每次入韓國餐廳必叫嘅食物😉 香辣嘅湯底，撈埋啲豆腐一齊入口，燙熱嘅口感簡直係一流☺️ 而豬肉片對我嚟講只係附加材料，味道還可以😗雖然呢餐都只係一啲普普通通嘅菜式，不過我都幾享受餐廳呢片韓式氣氛，非常溫暖🔥 而且餐廳嘅服務員大多數係外籍人士，突然有種去咗韓遊嘅感覺！如果只係食麵餐或者飯餐嘅話，喺銅鑼灣嚟講價錢都算係貼地，大家有機會可以嚟試吓！📍 真心一隻雞（銅鑼灣）登龍街28號永光中心地舖

從來未試過喺呢度寫食評 但今次真心忍唔住。 今日喺呢間野叫左2個餐，個雞湯飯入面只有幾粒雞碎，好在個湯仲叫熱。但個辣炒豬肉飯超唔掂，個湯同飯只係微暖，個飯仲要好硬.....以每個$88嘅價錢真心接受唔到！

見新開嚟試吓，點止中大伏🤮🤮嗌咗一個燒肉套餐，出邊餐牌見到係生肉點知上到嚟係幾舊熟咗嘅豬肉（睇到都覺得奇怪）簡直係欺騙消費者！lolll諗住可能好食啦，點知超難食🤮🤮🤮啲肉超級鞋～完全食唔落俾572食幾塊熟左嘅豬肉🤮食左幾塊即刻走🥱好難食！！🤮🤮🤮真係未試過食燒肉係上熟肉😂😂😂真係第一次見lol真係難食到第一次比差評送俾我食都唔唔食

2個人食$4xx個套餐，0性價比，唔明點解抵食...隻雞應該係BB雞，超細隻，又鞋，又無味。湯底好鹹，無咩雞味。菜得幾條，仲要莫名會有啲沙律菜，究竟係for生食定落鍋。雖然前菜泡菜、芽菜係可以添加，個鍋仲有幾舊年糕同4小片薯仔，但真係唔係好夠2個人食飽....加錢買個刀削麵，但原來係半個烏冬...唯一覺得稱讚嘅，係佢個醬汁。p.s. 個人認為如果真係想提供牙線棒比客人，應該要獨立包裝，唔應該直接暴露空氣當中，仲要求其攞個兜裝住就算。

同老婆兩個人去食晏。一人叫咗一個「半隻雞湯刀削麵」。上菜時，睇個樣好似好好。但係食落就知中伏。每一嚿雞，無論係雞背定雞胸，包括雞髀位，都好鬼死鞋。而且冇雞味。嚴格上嚟講，係冇乜味。個湯底完全冇特別，出品有如連鎖式快餐店，無心機煮，得少少鹹。其他配菜都唔見得出色。豆乾正正常常。鹹鹹地冇乜特別味。碟醃豬肉一萬個鞋。乾過美珍香塊豬肉乾。唯一碟泡菜叫食得落肚。老婆婆問我係咪新鮮泡菜，我食咗好耐，都評論唔出佢係咪新鮮醃製。不過泡菜算係OK，應該唔係罐頭貨。

無大量宣傳但依然很有人氣的餐廳！本人真係超級鍾意食韓國一隻雞所以每次去韓國都一定會吃的~（孔陵一隻雞, 陳元祖一隻雞 等等）呢間不論味道還是氣氛上都跟韓國很接近~店員大部分都是韓國人(泡菜都好好食！！！叫左三人分量一隻雞 $428

一班人聖誕節嚟到銅鑼灣，想揾好嘢食但周圍都排晒隊，咁啱經過呢間外面好有韓國feel嘅食雞餐廳，見唔多人排隊就揀咗呢間。平時食開辣嘅雞煲，好少食啲唔辣嘅，唔食得辣但又想食韓國菜，呢度都係一個唔錯嘅選擇😀🐔#닭한마리（#一隻雞）：我哋叫咗個set，一隻中size嘅雞煲+有5隻餃子送，可以加各類toppings。開頭以為隻雞好細，但食到尾就覺得其實份量都唔少，5個人都夠食。湯幾好飲，入面啲浸淋咗嘅薯仔幾好食😋至於配料方面，我哋只係揀咗年糕同刀削麵。刀削麵望落去好似烏冬，但配雞煲又幾好食😻 其實店內有推介話最後要食粥，不過今次冇食，如果下次再嚟嘅話真係要試吓🤤而美中不足之處，就係咁有韓國風嘅餐廳竟然冇酒飲🥲 希望遲啲會有🤣

專程去銅鑼灣試呢間真心一隻雞 冇令我失望🥰星期一收工去 排左兩/三檯 好快就到我地🏃🏻💨4個女仔 叫左👧🏻👧🏻👧🏻👧🏻- 大size 雞🐓- 追加白菜- 追加粥- 跟餐有6隻蒸餃🥟- 單點薯仔煎餅- 2個野飲先講價錢 埋單計埋加一$860 💰4個人都飽到上心口 所以覺得抵食雞嘅湯同醬料 都可以話同韓國食一樣（如果醬料入面嘅椰菜絲可以加嘅話會更開心）我就唔係好食得出係冰鮮雞定新鮮雞不過雞胸肉唔會嚡 （建議食左雞胸肉先 朋友之後先食雞胸肉覺得嚡左） 雞髀肉好滑 正蒸餃皮薄餡多 好食薯仔煎餅煎得唔夠脆 而且冇剪好上黎 又冇比鉸剪 食起上黎冇咁方便最後食嘅粥 店員會幫手整 一倒料落去就有好香嘅麻油香 我地心急想食 所以覺得煮得唔夠淋 變到好似潮州粥咁下次去會比啲耐性 等佢煮多陣再食🤣

🥢香港終於食到正宗韓國蒜味一隻雞湯鍋，記得以前冬天去韓國真係凍到癲，食到熱辣辣又暖身嘅蒜味一隻雞，真係超級幸福，除咗鍋仲有BBQ 燒肉提供，Lunch Time Set 都好抵食，所以午飯時間好爆場。店舖由Oppa 親自主理，店員都係韓國人，成間店都充滿韓國風味，真係一秒飛到韓國食鍋嘅感覺，而家天氣涼涼哋食就最啱🥢鐘意呢到嘅泡菜係自家新鮮醃製，味道清新爽口，係會有食唔停嘅感覺，蘿蔔 , 泡菜及青瓜泡菜都非常入味又夠脆1️⃣Dakhanmari Set 真心蒜香一隻雞$420 冬天最啱食就係湯鍋，湯底飲落係清清地嘅蒜味，會越煲越濃，湯鍋入面仲有年糕，雞肉可以點秘製醬汁特別惹味，特別食法可以加入佢地嘅泡菜，變成泡菜鍋，最後可以加埋麵條，或者煮韓國粥2️⃣排骨餃子 +$60可以加配韓式排骨餃子，餃子係自家製，即叫即蒸外皮薄身，肉餡豬肉味香，餃子控表示可以一口接一口咁食，非常滿足3️⃣Dakdoritang Set 韓式辣燉雞 $440韓國嘅辣燉雞亦係最鐘意嘅韓式美食之一，辣醬味道嘅燉雞，醬汁味道香濃惹味，辣辣的好暖身，雞肉帶辣味更加香，最後加入拉麵或者炒飯，炒飯炒到微焦，有紫菜香又夠鑊氣4️⃣薯仔煎餅 +$

天氣開始凍，要食啲暖野保暖☃️ 食韓國鍋物好啱同朋友們share! ⭐️燉雞湯Set 配薯仔煎餅: 燉雞湯食得出本身材料嘅味道，雞肉夠嫩滑，份量都幾多🙌🏼 沾上辣甜醬汁 幾惹味😋配薯仔煎餅: 煎得軟糯🥔 食得出本身薯仔嘅味❤️+$38 刀削麵: 口感煙韌彈牙🥟蒸餃子$43 (4隻): 特大餃子好飽滿😆 有泡菜及豬肉口味!

每次去到首爾也會去食一隻雞煲，簡單、好味、地度、又經濟！真心雞煲進駐銅鑼灣登龍街（近波士富街，近電車路方向入去），我仲以為開到嚟香港。原來係無關係的。不過都係韓國人主理的。都保留返簡單一隻雞火煱，但可以加其他嘢入去，最後叫多個飯，加上紫菜做返個粥，美好收尾！😋我哋三個人除了叫咗一隻雞外，加咗d 薯仔、年糕、番薯麵、拉麵、薯仔煎餅、－份粥，仲跟加了一份雞。🤩😋我哋點入座，好彩可以提早訂位。7點多後已經要排隊等位啦！個人對個雞煲同個粥有一定的情意結，都會再去食！（當然首爾嗰個好食啲！😅）但呢個都係可以解下我的「相思之苦」！😝個薯仔煎餅又真係值得－試，但不要隔咁耐先至食，佢上菜嘅時候煎到脆卜卜！個拉麵都好好食！

🍲 清湯一隻雞 ($360)湯底一開始飲落去清甜鮮香，每啖都充滿雞湯嘅精華，唔覺得膩，不過煮耐咗味道會變得偏重少鹹。雞肉雖然嫩滑，但未至於驚艷，整體感覺中規中矩。鍋內已附帶少量年糕同薯仔，兩個人啱啱好，如果食量較大可以額外加飯或粥底。🥟 泡菜餃子拼豬肉餃子 ($43)餃子夠大隻，餡料飽滿。豬肉餃子香味濃郁，肉質紮實，整體表現好過泡菜餃子。泡菜味稍為單薄，食唔出特別風味。如果對餃子興趣唔大，可以考慮試其他。💡 Forking Tips:1/ 呢間餐廳適合鍾意熱辣辣雞湯嘅朋友，但味道未去到驚艷程度，諗唔到食咩嘅話可以一試2/ 暫時只限現金交易，可能有啲唔方便CP值 ★★★☆☆味道 ★★★☆☆服務 ★★★★☆

值得一試的韓式雞湯麵。留意到登龍街開咗一間韓式湯麵/飯店。一心去試吓☺️。 叫咗 set lunch 鷄絲湯麵。個set 包kimchi 和1種小吃。加了$20 點咗 Korean dumplings x2。雖然個湯底和雞絲沒太大的驚喜。不過麵、店員說是刀削麵，口感幾好，不知不覺食哂成碗麵。今日全日落雨，食完碗麵又幾舒服 👍🏻。我反而覺得個韓式餃子好味，肉同菜都好均勻，皮又薄，又夠大隻，好滿足！另外、kimchi 是生泡菜，份量夠，味道也好，爽口（是微微偏酸哪種）。After lunch 店裏人不多，坐得幾舒服。會再光顧。