翟道翟 Tuk Tuk (Closed)

哎喲喂！今日去咗間泰國餐廳，真係搞得我食指大動！開始嘅青木瓜沙律實在太正👍🏼，酸酸辣辣嘅味道掂過天秤，隨後上場嘅炭烤串燒簡直係炭香味四溢，一串接一串，仲有肉質鮮美嘅燒雞翼，咬落去皮脆肉嫩，真係滿足！翻新泰式嘅「馬拉盞炒椰菜苗」，呢個勁惹味，吃落去個菜仍然保持咗啲爽口感⚡️，佢將泰式風味發揮得淋漓盡致。跟住個白冬蔭煮肉硯，湯底清爽之餘，嗰陣芬芳噴鼻，我隻舌頭忍唔住一次次去撈啲湯，肉硯就更加唔使講，每隻都彈牙得嚟又juicy！講真，喺呢間餐廳食嘢，呢個味道、呢個感覺，真係幾正宗，正到我都想即刻飛去泰國！食物嘅味道濃郁過足戲，真係有種「食咗仲想再食」嘅衝動。最後，服務員嘅笑容同貼心服務，絕對喺我心目中加分💯，撳個讚嘅，搞到我想即刻再去一次。🍽️🌶️🇹🇭

今日下晏食咗個海南雞豬頸肉飯 份量少已經算 收69，埋單問老細冇野做 仲要人等，問佢有咩payment 無禮貌到一個點，食屎都唔會再食。觀塘大把餐廳唔需要比錢受氣，想受氣食屎可以試吓既

今次嘅美食探險，我來到咗一間泰國小店，真係有種彷彿踏入咗曼谷小街嘅感覺。喺度，我隨意叫咗班蕉包金條，啖啖香脆，包裹嘅蝦仁鮮美得嚟唔油膩，真係一試難忘。咬落去嘅時候，外皮嘅脆勁同裡面嘅鮮嫩，簡直係完美對比，好味到停唔到口！當然，點可以錯過傳統嘅泰式青木瓜沙律？條絲爽口，酸酸甜甜嘅調味，完美釋放喺每一啖之中，仲有啲微微辣添，正到不得了，食一啖又一啖，根本停唔住！最後嚟咗碟咖喱蟹，滿滿嘅椰香撲鼻而來，一夾開肥美嘅蟹腳，咖喱醬汁裹住蟹肉，入口即溶，味道豐富而唔覺膩，重點係，佢嘅辣度剛剛好，啱晒像我咁唔能夠食得太辣嘅人。食完之後，仲熱氣騰騰咁送上一壺香茅茶，搭得好就係咁回甘，餐後舒服到一個不得了。總之，今次食得好開心好滿足，泰式美食，下次還會再來！🥘🥗🦀

自己一個找東西吃找着就找到這間泰式餐廳一入去環境都幾寬敞座位都幾多 坐咗出餐位附近當然要點泰式海南雞飯 再加一杯涷泰式奶茶都只係$50蚊($47+3)先出飲品後出食物 效率好高其實都算大碟 有四至五件雞口感都幾嫩滑 仲有雞腎添醬汁有辣椒 所以有少少辣杯泰式奶茶 茶底不算太濃仲有幾舊青瓜添 都幾爽口這間回頭率都幾高 可以再試位置都很容易找 喺M記前面加上服務質素都好好店員有禮期待下次可以再試其他食物 仲有好多好多嘢食㗎 哈哈

唔伏亦冇咩特別，份量取勝，$40蚊冇咩好講，塞飽自己就算🙏・・・・・・・・・・・・・・・・・・・・🍜 雞絲貢丸船河 HK$42・味道：湯底比起正常船河湯底冇咁鹹同重味，雞絲冇咩味，貢丸正常冇雪味但都冇特別。係份量取勝～・口感：雞絲少鞋，貢丸正常，河粉算滑。・・・・・・・・・・・・・・・・・・・・🤰性價比：中～🤰9衝度：可試～🤰結論：之前食過一次餸嘅份量再多啲。btw堂食價錢貴一倍，建議外賣自取！・・・・・・・・・・・・・・・・・・・・

今天好開心，午餐試新野無中伏。同事想食泰國菜，所以選了翟道翟。我叫了海南雞飯拼豬大腸，同事叫了海南雞飯拼串燒豬肉。豬大腸煮得淋無騷味、雞肉嫩滑。再配特制豉油醬汁，咸味及鮮味啱啱好。$69仲包飲品，茶、咖啡之類。另外每天供應健康飲品，泠熱同價。今天供應洛神花茶，感覺好養生，味道酸酸地有些似利賓納。座位坐得舒服，空間不算太逼，餐食款式又多，味道又好，侍應服務都幾好。難得同事一致贊好，這間會成為我們的泰式飯堂。

朋友至遠方歸來，預早book定到此餐廳吃飯。因為大家都唔係住觀塘區，所以唔熟路，位置有點難找。但去到餐廳環境都算舒適，空間感也算闊落，我們一行六人一起去那兒聚餐，當天唔算太多人，較原定時間可以坐得耐一點，一邊食一邊傾偈。食物有部分偏鹹，喜好濃味者會較喜歡，燒鷄做得出色但較鹹，拼盤炸物口感不錯，好味，冬陰功都算嘢味，唔食得辣嘅朋友就要考慮吓，食完個口好有感覺。整體感覺算不錯，服務很好也很周到，算是不錯了。

好食指數:🌕🌕🌕🌗🌑Cp值:🌕🌕🌕🌑🌑•自選船麵• $60+9 (Lunch)佢有得揀唔同湯底: 冬陰湯底、船湯底、船湯冬陰鴛鴦湯底)我係揀咗船湯底的😂😂😂再配豬頸肉湯底幾濃！有啲似香港人口味！(幾好飲的😂😂😂)豬頸肉同船麵正正常常Lunch嚟講唔難食都唔係話好特別, 但無野想食都可以去呢間試試！👍🏻👍🏻Ps 比埋個金邊粉大家望望~位置真係唔係幾顯眼, 同埋夏天去都比較熱d

唔想成日都去九龍城食泰國嘢所以今日去呢間試吓，環境同招呼都算係ok 嘅，但一間食肆始終要整好啲食物先至緊要。首先嚟個金柚鮮蝦沙律，味道一般，幾舊柚子肉同三隻細過一蚊嘅蝦，又冇其他蔬菜水果香葉或配料，收八十幾我覺得唔扺。點咗燒雞，同燒豬肋骨，兩樣都偏甜，我覺得隻雞其實係焗嘅，所以唔會有燒烤味，但係佢啲外皮又唔香，還好雞肉仍juicy 有味。個豬肋骨佢話佢係炭烤但小弟一啲都唔覺！叫咗一個蝦醬肉碎炒飯，同一個原個菠蘿雞肉炒飯, 兩個炒飯都炒得好濕，其實唔可以講得上係一個炒字，蝦醬肉碎真係搵唔到肉碎，我懷疑可能係納米肉碎。菠蘿炒飯，啲菠蘿係新鮮又香嘅，但係個飯本身好差，啲飯又濕又淋，啲雞肉又冇味又乾，其他配料如肉鬆、臘腸、提子又少！呢個菠蘿炒飯係我廿年來遇上嘅最差嘅一個菠蘿炒飯。呢間嘢整體上所有餸菜都有一種偷工減料嘅感覺。整體上唔會反感，但係一定唔會再去。

平時好少去觀塘，今日去見客，之後食個快飯就要返公司做嘢😵‍💫所以隨便揀一間就入左🙈🛎 $59 海南雞飯份量正常～雞肉似普通白切雞，肉質算新鮮但冇海南雞個種油滑感🤔點埋佢個豉油都幾好食飯粒比較濕淋但我覺得以呢個價錢黎講，包湯包野飲，都算係咁啦🤣🛎 跟餐 季節靚湯冬瓜湯黎，有少少冬瓜粒，都幾清甜🛎 跟餐 熱飲揀左熱泰式奶茶取代平時港式奶茶既澀，泰式奶茶就係多左種甘甜味，不錯！🌐 環境/服務環境都乾淨闊落，好多卡位我估午餐可能想做多啲生意，所以佢無論落點、上菜、埋單都好快手直情係秒速😂所以趕時間既話食呢間好岩！

約咗朋友喺觀塘食飯，想食泰國菜，於是嚟咗呢間泰式餐廳。面積都幾大，座位亦寬闊，坐得舒適👍🏻 清邁辣肉碎生菜包🥬泰菜必點！一上菜已經好香，辣辣哋好惹味，仲有有淡淡嘅檸檬汁🤤 鹹肉炒芥蘭芥蘭脆口清甜，一啲都唔老唔苦。鹹肉係五花肉，肥而不膩，用嚟炒芥蘭令成碟菜好入味👍🏻 羅望香葉燒雞🐓有驚喜😋即叫即烤，熱辣辣。燒雞加埋香葉味道好特別，雞肉嫩滑唔鞋口。 香葉鹽烤魚🐟都係即叫即蒸，盲鰽魚肉質結實得嚟嫩滑，就咁用鹽烤突出魚嘅鮮味。或者點泰式酸甜醬汁，又係另一種風味。 蒜蓉包 / 酥脆雲吞🥖麵包搽上大量蒜蓉，好香口。其他菜式太出色，酥脆雲吞相對就冇乜特別😂

已幫襯好幾次，最正係咖喱大蝦，個汁好香辣度，適中。海南雞肉質好滑，起骨後方便小朋友食，送飯一流。個肉蟹粉絲煲的粉絲炒得好味，但係隻蟹就細隻啲。環境叫做乾淨企理。可以追加的泰國菜式。

餐廳好闊落枱與枱之間唔會好近我地坐卡位好寬敝🥳觀塘都有兩間分店食物都好大份👍🏻價錢相宜.🌟泰式鮮蝦金邊粉 $88金邊粉炒得好乾身👍🏻又唔會痴住一舊舊酸甜味好開胃❤️‍🔥芽菜好爽口但蝦好少 又冇鮮味🙈.🌟冬蔭公蝦湯 $88湯一直煲住唔怕擺得耐凍左🔥湯底酸甜味較出唔係好辣落左好多香料去煲但真正食得嘅料就較少🙈蝦同菇都係少啲.🌟珍多冰 $28椰子味唔太重似係落得過多水同糖水😢煙韌一條條果啲太長冇切開所以唔係好飲到.📍 翟道翟 Tuk Tuk (觀塘)觀塘駿業街56號中海日升中心1樓A號舖

今日係公眾假期嚟食因為公眾假期 好多餐廳都冇開見佢有開就入咗去試下聽講佢地個青咖哩好出名但係我同朋友都唔食得辣所以就冇嗌到午市套餐都係60-70蚊就有交易都唔錯👍🏽打工仔嚟食個午餐🥣有配埋一杯飲料🥤嗌左熱洛神花茶 酸酸甜甜好解膩🥳🥰➿豬頸肉船麵 $60麵底揀咗金邊粉 粉就偏幼身 幾滑 好易入口😙豬頸肉份量好多 差唔多有成8-9件 🤑食極都仲有 完全唔孤寒🙀🫶🏼肉質唔會好難咬得開😝又有咬口之餘唔會好肥🤡😽麵仲會配埋啲蔬菜🥬夾埋黎食好fresh 好清新🤭仲有炸蒜同蘿蔔 蘿蔔好入味😍索曬入面啲湯汁🥸🥳好食：🐽🐽🐽🐽➿鮮菠蘿海鮮炒飯🍍$73菠蘿酸酸甜甜中和返炒飯嘅油膩感😗配埋海鮮令到層次更加豐富🤩😚雖然食到底都會有啲油🙁建議同朋友share 咁就剛剛好🫡😬好食：🍍🍍🍍🍍

喺觀塘返工lunch有好多選擇，今日同事話想食泰國嘢就選擇左呢間翟道翟泰國餐廳，去到都等咗一陣 超多人排隊，不過入座都算快。我哋叫咗湯麵 辣肉碎煎蛋飯 海南雞飯，秒速就上枱每個餐都有一杯嘢飲同一碗湯，食物味道中規中矩，$50至$60人均消費，間唔中想食下泰國嘢，呢間都係唔錯選擇