香港賽馬會滿貫廳

Open Now

Now Closed

初到滿貫廳，座位對住跑道，風景很開揚；特別的在桌上的筷子架有馬會徽章圖像，很別緻呢！鼓油炒麵不是很油膩的，蓮藕餅也不錯噢！甜品方面👉士多啤梨凍榚及木瓜雪耳糖水很爽。午茶後行去隔離的賽馬會博物館展館很特別👉有個馬場模型很趣緻，打卡好位置；還有些很有趣的男女人像👉初時我以為是廣告宣傳影片；在細問下，原來是新科技👉當您走近人像時，那些男女人像會跟您說話👉講馬經呢！這次是我難得經歷噢！🤣🤣🤣

跑馬日，放工嚟食個飯，感受下現塲熱鬧氣氛。這裡小菜，甜品都很不錯。牛柳磨菇不會被茨汁搶其味道，仍可以保持各自原味，味道互相配合，大廚之作，讚👍。甜品 石榴珍珠，楊支甘露版本，將芒果換了石榴，另一種嘗試，石榴味與柚子味道很夾，也很喜歡喔！

有朋自遠方來，特別安排在這裏晚餐場地寛敞，窗外景觀impressive ...老火例湯，章魚豬展湯，足料，似住家湯，味道醇厚，無落味精，大家都飲多兩碗酸辣魚頭粉皮，菜式幾創新，粉皮是自家制，有嚼口，魚頭頗多肉，酸辣湯，醒胃，酸辣味啱啱好燒鷄，有水準，皮脆肉嫩咕嚕蝦球，好好食，蝦球新鮮，又大隻，又爽口蝦乾雜菜煲，淡淡滲透蝦乾的香味，清清地，吾咸芒果布甸，精彩甜品，杧果汁、及另外有花奶可自己添加在布甸上，杧果汁好特出大家吃得好盡興

和同事們即興去馬場食貴價好西，此處點心出名有水準，午餐時間也全場爆滿呢!  我們點了各式各樣的點心~ 蝦餃燒賣牛肉一定唔少得，肉質彈牙的蝦好新鮮。馬拉糕也是必叫item , 黑糖味香濃甜度適中，鬆軟無比。熱騰騰的不得了豆腐，真心推介超好味真的不得了。春卷，燒雞都是炸得鬆鬆脆脆的，而雞肉肉質十分嫩滑。

上禮拜六，朋友請我去依間餐廳。佢地話無味精，所以好有期待。果然係好好食。朋友叫左好多野食，有炸蝦，北京填鴨，粉絲煲。胡椒豬肚煲都好好食，豬手好淋。朋友介紹嘅馬拉糕話好出名，好鬆化，好好味。不過有少少甜。依餐晚餐好滿足

小編不嬲都好鍾意嚟呢度飲茶。呢度座位幾寬敞，環境好，個景靚，大落地玻璃對住個馬場。不過夏天黎坐近玻璃可能會熱啲😂 因爲中午時份太陽會曬入黎。呢度嘅點心九成都好食。小編尤其鍾意食蝦餃同蝦腸。兩個點心個皮都好晶瑩剔透，薄薄地包住啲蝦，好鬼正 蝦餃啲蝦大大粒，有啲汁咁，唔會好乾，好正。 蝦腸啲蝦好大隻，點埋豉油食好滿足呢度嘅炒粉麵好大份，啲料都好足，睇下啲牛肉多到😂 但價錢方面又唔會好貴，都算抵食。呢度啲蛋撻都好食，不個個酥皮有時會厚左啲同燶左啲。個蛋好香，唔會太甜。燒賣大大粒，好香口，中間肉汁好多。牛肉球都好大粒，亦都好新鮮。

同亊請食慶生晚飯，剛剛有大閘蟹菜式推介炭燒肥叉燒，肥瘦適中，有咬口，味道不錯蟹粉多士，勁多蟹粉鋪滿多士上面，好鮮甜，多士香脆蟹粉炒鮮奶，蟹粉味道好鮮，蟹膏豐富，混和幼滑鮮奶，每一啖都咁好味黃金蟹膏軟殼蟹，旦黃及蟹膏鋪滿整隻軟殻蟹，甘香鬆脆，不太油膩，好吃旦白龍蝦球，龍蝦肉結實，但調味非常咸，失手之作薑蔥雲吞撈粗麵，大量薑蔥，好新鮮，雲吞皮薄餡靚 - 蝦及肥肉比例好，彈牙，麵質軟硬適中，大家搶住食呀好滿足的一餐

第一次來晚餐，食物普普通通，遲訂位安排坐在路邊位，所以連唯一吸引(馬場景)都享受不到。叉燒淋上玫瑰露，甜甜地都好林，但無乜味個人覺得，叫左炸羊件都ok，薄薄地噤，牛河算大碟但都一般，另不個蟹肉煎米都特別的幾好食，但應該都未必會再來，因未有什麼特別菜式吸引。

因為有買一送一嘅優惠，加上未試過去快活谷，所以就是去滿貫廳。因為係網上訂位，所以去到直入，唔需要等位。佢有一set嘅套餐，價錢係$470一個人，因為係買一送一，即係埋單係$470，訂位嘅時候入信用卡資料，就已經俾咗錢啦，所以去到食完就走得。因為係之前一晚先至訂位，所以窗邊位冇晒，剩係得番路邊位，離見到馬場嘅地方有啲距離，所以有有啲失望，跟住同侍應講，睇下可唔可以調窗邊位，不過訂滿晒，佢就話睇吓食完一輪之後，如果有客走咗，就幫我地掉位。最後都坐咗一陣窗邊位，總算不負我哋特登過去快活谷嘅。食物方面，見到係精心製作，不過其實菜式同沙田嗰邊嘅差唔多，但係價錢呢就貴差唔多一倍，所以如果為咗食嘅話，就去沙田會比較抵喇。燉湯係冇得揀嘅，裏面有隻菇同埋有一大粒乾瑤柱，所以都幾好味、幾香。小食方面就揀咗乳豬同埋鴨，乳豬個皮好脆，鴨呢就冇咩’騷‘味，不過啲肉就覺得實咗少少。然後揀咗蒸三黃雞，隻雞好嫩，不過啲皮就比較肥，所以都係決定唔食皮，啲汁都好有鹹味，送飯就好好味啦。另外一味主菜，我哋就叫咗雜菌牛柳粒炒牛柳粒，配埋介辣醬，好惹味。不過我哋冇叫，菜所以就覺得太多肉，都好頂、好滯。最後配上甜品，揀咗芒果布甸

小編已有好一陣子未有造訪過「滿貫廳」，今晚與家人聚餐，再有機會試試其水準。 「翠玉西施鴛鴦瓜」以精緻的賣相做亮點。縱橫交錯而成的翠玉瓜球確實美觀，輕蘸和式胡麻芥末風味不錯。西 (施) 瓜的細膩感稍遜一籌，配搭微酸帶鹹的醬汁味道有點怪。 一份湯品供四至六人享用，一行十二人同時試了「清保涼」及「萬壽果杏汁燉白肺」兩款湯品，水準未見驚喜。尤其是杏汁白肺湯，雖然湯質稠厚，但杏香偏弱。 「燒鵝」肉厚味濃富肉汁，讚！ 「蜂蜜柚子蝦球」外層鬆脆，蝦肉爽實，味道不俗。「祕製農家豆腐」出品挺滑，外加肉碎正合小編心意。 「菠蘿咕嚕肉」炸煮得鬆軟，甜酸汁稠厚味道理想。 「堂煮"阿檬"粉絲煲」以蟹肉蟹皇混煮粉絲而成，在瓦煲的熱力摧谷下份外惹味。 「堂煎原條鯪魚」屬手工菜，評價中規中矩。「蒜蓉炒菜心」及「椒絲腐乳唐生菜」出品惹味，菜蔬翠綠鮮甜。 「砂鍋方魚蝦崧蠔仔泡脆米飯」最吸引的是粒粒脆米，配搭肥美的鮮蠔評價正面。 「芒果蓉布甸」製作用心，屬出色美味之作。 「壽包」比正常體積略小，蓮蓉口味只屬一般。同屬中式甜點的「馬拉糕」口感鬆彈，評分比「壽包」佳。 整體而言，「滿貫廳」的食品水準普遍不俗，但較以往少了一份

馬會中菜，滿貫廳是有點名氣。今日和朋友有興致，順道慶祝，就決定：不貴不點；只食好野。首先都講下環境。馬會大家都知係高級地方，所以座位都不太迫。待應都是特別有禮。因為隨時有個名人是座上賓！打開menu, 其實都係一定是海鮮最貴。咁想點龍蝦；點知賣清！唉，就點三頭鮑魚。上到黎，size可以。食落口感煙”un”，幾好唔錯。之後點了避風港炒蟹。隻野遊水，好大隻，成3斤。廚房做到好有鑊氣，肉好鮮甜，多肉，但可以再辣一點。然後，點什麼呢？講到貴野，唔洗講，東星吧！因兩個人，叫了一條中型約1斤半重，清蒸！咁做法最岩游水新鮮東星囉！魚就好鮮好肉，又夠滑。但個人口味，中意個豉油再甜點，會更好。食到太飽，非常滿意既一餐。埋單兩千。不算貴。

十二月是個開心的月份，假日效應人人心情特別靚，腦海中不在計劃旅遊、就是籌備派對，媽打級的，會為冬至家聚花心思，香港人住所細小，大家庭多半會外吃，找個適合的地方亦是一種挑戰，幸福的我從來不需費神，家中自有人擔當。 今晚來到跑馬地馬場中菜廳，飽覽馬場全景的滿貫廳，雖然屬於馬會會所但公眾開放，任何人皆可以光顧，而且好似非賽馬日仲有泊車位供應，馬會平日賺咁多，俾多少優惠客人都應該！如果是會員，免收加一服務費及另有專用泊車場。 滿貫廳亦非一間隨便做的軴場餐廳，反之，曾獲不少烹調比賽的奬項，而且不時舉辦大江南北菜主題菜式吸引客人，經營認真，水準向來不俗。 我們選擇滿貫廳的另一主要原因，是因為貴賓房有張可容20人的大枱，這個真的要俾我們當家一個 like。 她亦已為大家議好特色菜式，四前菜、四主菜、一湯一飯及兩款甜品，分量十足，大家極之滿意及飽肚。 前菜薈萃 前菜薈萃，四款前菜一齊上。 糟香鵝肝 : 豐腴幼滑； 蔥油象拔蚌仔 : 香鮮味兼備，象拔蚌仔鮮爽； 九製陳皮骨 : 都幾香； 五香澳洲和牛面頰 : 最好味，非常嫩腍入味。 原個椰皇花膠筒葛仙米柱脯燉螺頭湯 見到原個椰皇就開心

地點在A入口，係最近銅鑼灣的出口，非常方便。同層旁邊是賽馬博物館還有手信店值得一看。可能係開業最久既中菜廳，門口中式裝潢好有睇頭，門口旁邊就是洗手間（全層只有一個）比較小格數但非常乾淨。食物質素比起其他餐廳例如月貝凡，永勝冰室，先駿廊都是普通不突出，但是價錢都比起以上貴，不值得。還有青年人會較悶。

家人生日, 只想好好地吃一頓家常便飯, 座位望著跑馬地馬場, 寧靜自在。看了openrice滿貫廳大多食評都是大魚大肉, 我只想說其實這兒的小菜水準十分不錯。杏汁白肺湯 ($278)十分足料, 真是用白肺去煲, 而不是外面一些使用白瘦肉代替。木瓜令杏汁湯十分清甜。可以夠6個人分量~我們3人每人飲了2碗~燒腩仔 ($108) 聽說是這裡的名物, 果真十分脆, 是用新鮮豬肉做, 而不是急凍豬肉。值得推薦!口水雞 ($208)沒有骨, 肉質十分幼嫩, 美中不足是比較油~ 但味道取勝!芝士焗大蝦伊面 ($188)這是6月份的廚師推介, 真的沒有錯, 芝士味香濃, 沒有蓋過蝦的鮮味。值得一提是服務十分好, 侍應總在你附近為你服務~還點了炒秋葵但吃了已沒拍照呢~家人的個人資料已刪除, 以保障私隱, 單據供各食友參考~

今天uncle回來，小的就和長輩来個聊八卦的飯局。滿貫廳是馬会唯一開放給公眾的中餐廳。 食物質素一向都有保證。今天六人點了九味。其中不乏精彩菜式。※ 冷盤鵝肝： 有鵝肝獨特的香味入口，即化※ 豉油雞：皮脆肉嫩※ 椒鹽南瓜花：很特別的蔬菜， 有點像 沾上了炸漿的洋葱皮※ 木瓜燉豬肺湯: 奶白色的湯很甜.湯料的豬肺非常香滑※ 特色菇菌坑腩煲: 坑腩很嫩※ 五花肉煲：很入味※ 冰梅脆鳝球：清甜的話梅醬配脆鳝球一絕※ 滑蛋炒蝦球: 大份量，蝦又大又多!※ 香煎鹼水粽: 香口，不太甜，第一次吃，很特別!滿貫廳坐落於 跑馬地 馬會歷史博物館旁邊，很容易找!