香港賽馬會滿貫廳

Open Now

Now Closed

是夜一行十人的飯局，有外國回港的，有久未見面的，吹水會難得算齊人，一起到馬會聚餐。主持人早已預訂，並定好菜譜，我們只要乖乖的坐著等吃。醋汁涼瓜瓜肉爽嫩，醋汁不會過酸，清新醒神。正值大閘蟹當造，就連前菜亦有混入。主持人千叮萬囑吃時小心蕩口，果然一咬下墨魚丸，裡面的蟹粉是峰湧而出的，極之流心！脆鱔冰爽，充滿話梅味，酸酸甜甜醒胃得很。 單看菜名，我們都在猜甚麼是黑皮雞？縱菌炒蝦球？上桌時一眾人等才恍然大悟，原來是沒有雞的，黑皮雞縱菌是這種菌類的名稱。不覺有何特別的味道，蝦球倒是炒得夠彈口。 全晚最出色的首推這鍋魚湯魚腐。湯有魚香，順滑味美。魚腐更是外層脆而中間軟，口感一流。湯裡還有斑片，十分豐富。 接著的梅菜乾烤一字骨，一眼看到已知不夠乾身。梅菜太少，部份肉更是咬不開的，令人大失所望。 幸好其他的菜式都不差。杏汁腐竹泡芥菜膽的杏汁勁香，芥菜膽完全不苦，跟滑嫩的腐竹甚為相襯。 炒飯吃不出甚麼野菌味，帶子細細粒粒的，似有還無，反而驚喜在於飯是脆的，切合脆米飯的名稱。 薑茶湯丸薑味香而不嗆喉，湯丸是麻蓉餡，煙煙靭靭，吃後很舒服。 本身已不太喜歡吃薩琪瑪，可幸這個薩琪瑪很脆，而且不過甜，然而兩款甜品

和朋友到馬場一遊，選了這間作為晚飯的地方。地方尚算寬敞，其實和一般的酒樓差不多，優點是落地大玻璃對著馬場的景觀比較殺食吧。叫了餸菜後，食物其實一般，但收費也不算太便宜，可能始終是馬場的餐廳吧。再者餸菜的甩漏頗多，例如漏單，什菜煲忘記落鹽等。。。整體感覺不太好。。。如果這個價錢，理應要有更好的服務吧。。。

第一次去馬場唔係倒錢係去食野。今次黎到滿貫廳第一時間係覺得個境好正。星期日黎食雖然冇馬不過有片綠草係面前感覺真係唔同Ｄ。真係唔好意思，Ｄ食物相都係比人食到７７８８咁，呢個波菜quiche冇出面果Ｄ咁油，唔會只係得蛋味冇其他味，算唔錯。呢粒野係bacon包住olive，味道好特別，入面酸酸地，外面就咸咸地，估唔到咁match! 越南春卷就一般冇咩特別。唔出色，不值一提，可以唔食。grilled 三文魚，上面有一層厚芝麻，鐘意食芝麻就岩曬，同埋呢個應該係全場最有益，有好多omega 3 又有healthy fat 係芝麻入面。beef wellington係英國成日食的，呢個牛肉唔算太淋，而因為太多油既關係，個皮都比Ｄ油整到淋曬。其實味道ＯＫ的，不過係口感差Ｄ。spinach puff，其實我都幾鐘意食又肥又脆puff pastry，呢個細細粒，岩我去頂癮呀！Coffee mousse cup　甜點唔錯wor! 呢個mousse夠滑，唔會太甜，加埋個朱古力杯黎食真係好正。呢個係chocolate mousse　中間加一粒jelly 咁既野，係好食的只不過個底係好似cookies 咁，太硬啦

是日同家人再嚟到馬會會員餐廳進餐，幾乎每年都會嚟一次 今次選擇午膳，歎茶食一盅兩件。點心叫咗啲大路嘅燒賣，春卷等，味道ok。鹹點我最鍾意鮑魚雞粒酥，夠熱辣辣又鬆脆，面有幾粒細細切粒鮑魚，都算足料，不過醬汁可能太香濃搶咗啲鮑魚味。。另外义燒餐包焗得好香，夠鬆軟，賣相亦吸引。淨係點心似乎未必夠飽，於是我哋叫碟蛋白瑤柱炒飯，份量足夠大碟，唔會太重鑊氣，瑤柱同蟹肉亦豐富，物有所值。值得一提嘅係壓軸甜品，尤其係極其大舊高身嘅馬拉糕，外型十足十圓頂建築物嘅設計，每份都份量十足，味道偏甜，質地鬆軟，食一件已經飽晒 (但又未去到滯嘅程度)。杞子桂花糕就係三款甜點入面我最鍾意嘅，賣相討好晶瑩剔透，桂花清香，甜度恰到好處，杞子亦增添層次感。至於流沙奶皇煎堆仔就有啲名不副實，因為唔夠流不過煎堆皮都好煙韌，奶皇亦夠甜，都幾好食。其實馬會嘅食物同出面比冇咩特別，最好食係環境: 望住出面廣闊綠草如茵嘅馬場，心情都靚啲 (尤其今日天色甚佳) 真係多謝波士好介紹haha ~

客席主廚及團隊帶來廿五道菜式，一頓晚餐豈可全試，意猶未盡，七人中四人，是晚再度光顧。預留了周二未能嚐到卻又口啤不俗的菜式。冷盤－岩寺西鄕紅花藕 (4.5/5)紅花藕來自徽州，據說外皮為褐黃色，體形既短亦粗，可知營養豐富，因此含澱粉亦較多。面前的紅花藕切半月形，褐色有光澤，桂花糖汁滿碟，藕身之洞醸了白色的糯米，而頂部有桂花糖留下的花渣。見賣相已知香甜，入口綿綿軟糯，清香微甜，剛好喚醒味蕾，迎接陸續推出之大菜。祁門中和湯  (4/5)徽州傳統地方菜肴，源自民國時期祁門最大一家名為中和樓之酒家，因而得名。雞湯熬的泥黃色湯頭，內有許多白色粒粒疑似豆腐之湯料及少許蔥花，喝之，味道鮮甜醇厚，原來白色粒粒有韌性，是豆腐干粒，亦有絲絲蟹肉。看小咭簡述，果然用老雞熬成湯頭，湯料包括小河蟹肉、河蝦干、龍灣白幹、績溪茶笋及金錢菇。料清卻味濃，滋味。黃山養生茶 (3.5/5)果然如茶一般黑褐色，上層顏色清一點，而下層聚底見湯料如茶葉，味道似燉湯，有藥材成份，完全符合養生湯水之風格，可吃湯料有黑色的石耳及烏雞件，清中見真味。實以黃山烏雞熬成湯頭，材料有養生雙石：山澗石耳及石斛，及枸杞子。味道不及中和湯滋味，但亦

食肆偶爾邀請客席名廚到訪，確實能為店子添上色彩，既收宣傳之效，亦可多做生意。跑馬地馬場內的滿貫廳，三月尾請來安徽省名廚，為客人烹調清素淡雅又充滿生機的菜色。今次盛會，馬會在擺設及餐單方面皆費盡心思，有別於從前只在平常餐牌上加幾頁編幅的菜式。走到馬場食廈大門，已見有成人身高的宣傳易拉架，海報以黃山為背景，徽府宴為題，三款名菜作主打，設計簡單直接。踏出電梯，即見披雲徽府宴由來之詳述，不妨細閲一番，以增趣味。食肆入門處同樣放置了詳盡菜式介紹之文章，原來每道菜皆有一個故事，未嚐已心動！簡直難以置信，是日菜單竟然編輯至如古書一本。幸好，我們可以請侍應解釋詳情，不用讀書！男侍應亦的確熟悉餐單，要點及建議盡述。其實我亦早已備課，昨晚致電訂了幾道名菜。明清乃徽商史上鼎盛期，發源于古徽州的徽菜，講求重油、重色、重火功，充分表現徽州的富裕及人民講究養生之理念。以現代的言語來說，就是要吃得健康。故事講完，美食開始，我們一行7人，3道冷盤、7道主菜、2款甜點及一支名酒，因為有會員優惠，每人$350，實在超值。冷盤一：歙縣王村觀音片 (3.5/5)非常有特色的一道，是用黃山地區獨有的野生木本植物腐婢樹葉特制而成

位於跑馬地馬場的滿貫廳設有落地玻璃，可眺望整場賽事，環境高雅大方，光線光亮，枱與枱間空間足夠，唯獨不近地鐵，也許只可方便駕車的會員。馬會的中菜廳中也許滿貫廳最聞名，大廚數度參加比賽，皆獲殊榮。可惜二人飯局，未能品嚐得奬菜式，還是點三道家常小菜以作晚膳。 茶燻雞煙燻香樸鼻，賣相對辦。半只茶燻雞齊整地切成小件，喜見皮薄肉細件，想必並非打針肥雞，夾起看看，果然皮下脂肪極少，但皮肉容易分離，好不容易方能夾起皮肉同吃，大啖咬之，果然皮薄極香脆，輕咬即碎，皮質嫩滑卻又脂肪極少，可惜未能嚐到任何茶香！ 以現代科技，廚房內添置煙燻機亦為普遍，但是否有茶香可能尚要考技術，但雞只材料尚算可以，始終新鮮走地雞難求，水準已經是中上。取價$158，尚算合理。 土魷蒸肉餅家常小菜，難以出錯，但亦難以做得特別出色。這兒的並無例外，機碎的半肥瘦豬肉口感軟滑平均，蒸至剛好，適量碎小魷魚混合其中，水份並無過多，鼓汁味道份量恰當，肉餅上加上蛋黃及蔥好看亦增添滋味，蛋黃附近亦見蛋白並無加工清理添美感，喜見家常菜風範，佐飯一流，售$98。 花雕蛋白蒸阿垃斯加蟹腳個人口味，極愛吃花雕蛋白蒸蟹，喜蟹的鮮酒的濃香及蛋白之

放工便相約好友於跑馬地馬場滿貫廳慶祝壽星牛一，我們order了:          招牌菜片皮鴨(兩食)片皮鴨(有傳統片皮鴨和鴨絲伴生菜包，前者片皮鴨皮薄入口即熔，但唯獨是件數太少，食哂鴨後發現仍有兩塊面飽；後者除鴨絲外還有幾件燒鴨件，鴨絲伴生菜包口感一流，並不肥膩)火焰雪山炒飯(餐廳主打，外觀一流，以為是疏乎厘，壽星一切原來是蛋白和內碎菜粒炒飯，炒飯好乾身! 蛋白好滑好好味!)臘味糯米飯(寒冷天氣暖胃佳品，雖然比較細碟，但入面好足料，有蛋絲，臘肉和臘腸，味道不錯!)銀杏什菜煲(外觀不錯，但食不到銀杏味，唯一令人失望的菜式!)切腩蘿蔔煲(清湯切腩，牛腩不肥，好食!)小炒王(內有魷魚絲和蝦乾，炒得好乾，適合食香口美食的朋友)魚肚花菇小棠菜(魚肚好爽口，花菇和小棠菜煮得好好不太硬，老少咸宜!)話梅排骨(小弟覺得應叫話梅咕嚕肉，起初以為碟上的黑色部分是燒焦的排骨，原來是話梅，酸酸甜甜無冇乜骨，好開胃的美食!)壽飽(壽飽細細個，入口即熔，蓮蓉餡熱辣辣，上佳甜品)這裡環境一流可看到馬場跑道，如果今日是賽馬日可看見馬匹「奔馳」，很開心和盡興的一天，最後感謝友人的優惠coupon，百多元可以於馬場食

其實馬場內的餐廳水準甚為不俗, 至少每次到訪 (通常於非賽馬日) 體驗均甚佳, 尤其以滿貫廳最為突出。於餐牌不太當眼處, 隱藏著這款神秘「名物」, 製作需時三十分鐘, 送到來時, 大家還以為是經典甜品 - 火燄雪山。原來這是一道單尾才對, 名叫雪山黃金屋 ($188), 外層由咸蛋黃和蛋白製成, 內層隱藏著的是炒飯, 鑊氣充足, 炒得乾身, 飯粒分明, 混以外層的雪山來吃, 既邪惡又滿足。

今天與家人轉移陣地到馬會歎茶，其實這裡不只是會員餐廳，除了賽馬日有最低消費. 平時公眾人士也可光顧。點心選擇款式不及其他酒樓的多種類，不過食物質素無疑是做得比別的好，最欣賞是燒味拼盆內的叉燒及燒腩仔，叉燒肉質很淋, 燒腩肥瘦適中。我們點了以下食物:菠蘿叉燒飽: 叉燒多汁, 菠蘿皮厚薄適中蛋撻仔: 酥皮好有層次，雖然品嚐時已凍了，但味道仍很好燒味拼盆(叉燒，燒腩仔及乳豬件): 叉燒肉質很淋;燒腩微暖，肥瘦適中; 乳豬就中規中矩。麵根鱸魚球煲: 鱸魚球份量大，魚球肉很質滑。蝦醬銀芽肉絲炒麵: 不太油膩，味道普通。馬拉糕: 熱騰騰出爐，做法可能改良了， 不像一般中式馬拉糕有很多發酵的小孔，不過仍然鬆軟可口。由於家人喜好炒麵, 因此把原本的河粉改了炒麵在烹飪前部長有跟我們提問炒麵是分開還是一起炒，對出品果然有要求。不過今天客人不少，要多次提示員工幫忙加水。在天晴的日子來到歎茶也很寫意，可以享受開揚的景觀，hea 一個中午。

最近因工作關係，到了跑馬地 Jockey Club 吃了一系列的 canapés。面對 270 度馬場靚景，心情就如同司棋姐一樣「天天天晴」！「蘇格蘭煙三文魚及蟹肉盒」全場最好吃的鹹點！三文魚油脂甘香，內裡包著全是鮮蟹肉，怎會不好吃？「秘製鴨肝釀迷你泡芙」鴨肝味不太濃烈，整體味道較淡。「烚帶子多士配牛油果及蕃茄沙沙」味道也不錯，帶子肉質甚彈牙，配蕃茄沙沙很清新怡人。「波士頓龍蝦雲吞伴香龍蝦汁」龍蝦汁鮮味濃，可味雲吞皮有點過厚。「秘製鴨肝香腸伴大蒜」不太覺有大蒜味，反而脆皮香腸鹹香，很好下酒。「迷你三文魚薄皮撻配荷籣汁」三文魚熟得過老，撻皮脆卜卜比魚肉還好吃。「迷你檸檬馬令撻」好好吃的一道甜甜！清酸檸檬配上軟綿綿忌廉及脆撻皮，我個人就吃了好多件，完全不覺膩。「朱古力紅莓忌廉杯」忌廉也滑，混上微酸的鮮紅莓，味道好之餘賣相亦討好。「鮮果紅酒啫喱」最味淡，100% 是吃那冰涼滑溜的感，不嗜甜者會喜愛這個啊！

一早BOOK定位，今晚一家大細馬會聚餐。原本今晚個個心想必食片皮鴨，　但原來片皮鴨係要一早預定架。想食的朋友。記住留台時落埋單啦.雖然無得食片皮鴨.但係晚飯始終要繼續食.呢個鴨鬆生菜包好好味~~而且算係比較特別~呢個唔記得叫咩名, 不過好味~ 呢個連埋匙仔成個食架~無論賣相同味都OK~脆皮豉油雞.可能豉油浸住D.皮唔係特別脆.仲有隻雞比較細隻.中式牛柳. 一般之選. 不過佢用煲仔上,惹味D既. 但係牛柳比較難咬.最後籠仔馬拉糕.馬拉糕夠鬆軟~ 雖然最後先食~ 但都食得落.至於服務方便.話曬係馬會. 服務當然有禮.坐位都舒服. 今晚唔係賽馬日. 無馬睇.但係望住馬場都幾舒服.

So one day we received a flyer to say that some Chiu Chow chef from a famous restaurant in Shantou was going to set up at Moon Koon for 3 weeks. By Chinese definition, I am a Chiu Chow descendent even though my Mum is not from that province. And my husband's family, they are all pure Chiu Chows. So it seemed that it was our duty to check out this chef and his dishes.Moon Koon normally serves Cantonese food and dim sum at lunch time. During the promotion, they has a separate menu of the Chiu Chow

寫完團年飯，到開年飯。好幾年前黎過，對呢到有唔錯印象，食物有水準，環境無得頂，服務有質素，今次再黎，又試下水準怎樣。跟大隊，負責食，爽，寫下食過嘅幾款。頭盤係燒味兩小碟有叉燒同燒肉。叉燒睇落夠光澤，食落鬆化，帶點肥帶點焦，夠哂可口，呢到甜味就一般，不過肉味不俗，係有水準嘅叉燒。燒肉，皮夠哂脆，皮下有好少好少嘅肥，油脂剛好，肉質軟軟，咸度適中，不錯。兩款燒味都好食。主菜樣樣都有d，特別d想分享係個牛柳，夠哂軟熟，牛味強。杏汁腐竹豆苗，好香杏汁味，配埋豆苗出奇地夾，好食。鼓油雞，夠哂滑，個鼓油先係精華，送飯有蒸魚鼓油既效果。埋尾甜品有炸香蕉球同馬拉糕。馬拉糕係一籠上，好鬆軟，加上熱辣辣，飽到上心口到食左半籠，有功架。幾年再黎，環境無變，望住馬場，舒服。服務依舊高水準，比某些五星酒店更好。食物整體好好，可能比某d星星店更好。係很不錯既開年飯。

星期日既一點半，想係一個舒適既環境，坐得舒服甘食餐好而又唔洗等位既，肯比錢既唔會好難找~~ 再要飽覽馬場美境，同令人滿意既服務，非滿貫廳莫屬~~ 因有博物館既關係，而家既滿貫廳不再是「只限會員」，非會員既食家都無任歡迎。 餐廳其中一邊全部採用弧形落地玻璃，環境光猛亦飽覽馬場美境。 客家咸雞粥：粥底好錦，夠味，但我找不到"雞"既物體！ 炒腸粉：腸粉好滑，炒得夠香口！唔錯。 蒸牛肉：唔似一般酒樓要用好重既芫西味去僻d肉味！唔錯。 菠蘿叉燒餐包：餐包夠香同鬆軟，叉燒餡足料又夠juicy~~~ 蛋白瑤柱炒飯：較為通普，d飯夠乾身，飯炒到一粒粒。 香芒糯米糍：糯米糍外表望落紫紫地色，以為係香芋，原來個糯米糍既皮加左芒頭落去，既香又唔會甘漏！芒果餡有好大粒新鮮芒果，又香又甜又夠豪！整體都好好！認真好味~~~ 蓮蓉煎堆仔：蓮蓉無評價，但外皮唔夠 "煙un"， 有d失色，好在芝麻夠香口~~總括而言：呢度既出品唔會令你失望，但亦無驚喜，總之你唔會找到一樣食唔到入口既野！無論服務、衛生同出品既水準永遠keep係水準之上。