JOL Cacao

Open Now

Now Closed

今日朝早心血嚟潮，走咗入去親嚐下觀塘嘅手作朱古力店，嗰種豐富嘅朱古力選擇，真係醒神到不得了😎。先嚟個「70%手工朱古力奶」，滑溜溜嘅口感，啱啱好嘅甜度撞擊味蕾，一啖幾乎可以感受到啲可可豆嘅純正味道。再試手上嘅「雲蛋多士」，睇落簡直夢幻得嚟。啲雲蛋輕盈得好似雲朵噴泉喺個心坎噴發，個多士係咁嘅鬆化配合蛋黃和微鹹嘅芝士，講真，如果唔係啲雲蛋有少少偏鹹，做得到滿分。不過，話晒話，「香蕉朱古力蛋糕」就真係另一番滋味。啲香蕉入面迷住心機，每一啖嚟個濕潤而且鬆軟嘅口感，加埋啲朱古力，簡直與世無爭🤤。整體嚟講，呢間店嘅手作朱古力乜都有，仲有心意十足嘅甜點同飲品。如果你喺觀塘走失咗，記得走落去嗰家店，滿足下你嘅味蕾同甜品夢🍫✨！

好似想趕你走 唔想賣野比你咁野飲又唔好飲 自己諗清楚先好幫襯現場睇落好混亂 賣到40幾以上一杯 我睇黎完全唔值至小以前係太古城時更值 因為更企理 同埋唔洗受氣 不過個時我就未飲過

悠閑的天氣適合來一杯朱古力！😌呢句說話係朋友講嘅🥸我對朱古力都冇乜喜好，但朋友熱情滿滿咁話請我飲，所以我憑直覺，叫杯海鹽朱古力特飲😁試下估唔到手工朱古力味道的確唔錯！非常濃郁，而且冇平時出邊沖朱古力嗰種假，朋友真係冇推介錯！

早兩日碌碌下ig ，見到哩間手工朱古力小店JOL CACAO @jol.beantobar 😍 身為朱古力狂熱分子嘅小妹梗係要去拜會一下啦！佢嘅朱古力全部都係手工製作，由坦桑尼亞可可豆製成，我一口氣買左幾款產品☺️📍果仁朱古力 可選榛子/腰果/士多啤梨乾/ 杏脯乾，我選左腰果。70%朱古力微微苦澀味、海鹽嘅味道、香口腰果層層遞進🥰 📍禮盒裝外層為可可仁，內餡為原粒腰果或紅莓。口感豐富，朱古力味濃郁，好容易令人一粒又一粒咁食晒😂口味可選: 70% 原味/ 70% 原味(紅莓)/ 伯爵茶(腰果) /香片(腰果)/ 咖啡(腰果)/ 玫瑰(腰果)📍片裝朱古力片裝朱古力同樣咁好味道！獨立包裝的，方便攜周圍帶出去食👍🏻口味可選: 62% /70% /78% /70% 腰果/70% 紅莓/70% 南瓜籽📍排裝朱古力呢款我揀咗椰糖做既朱古力，椰糖係屬於低升糖既健康糖，糖尿病病人都啱食🥰📍純朱古力粒可以用嚟沖嘢飲，烘焙，整甜品等，亦都可以直接食。我打算整朱古力甜品用呢！

一入到去已經聞到濃濃既可可味, 因為呢度既所有朱古力製成品都係用可可豆去整, 所以特別濃郁🤤 呢度主要係做唔同既朱古力產品, 所以除左飲品, 仲有唔同既禮盒可以買到👍🏽 呢度有唔同朱古力既飲品可以揀, 熱飲同凍飲都係同價😚香片朱古力🍫($36)呢個配搭比較少見, 原本仲怕朱古力味會蓋過左茶既味道, 但係反而出黎既效果唔錯, 香片清香既味道同朱古力味幾夾, 仲有少少蓋過左朱古力既味道🙃 飲落係勁順滑， 完全同平日溝粉既唔同, 今次我地叫凍飲又唔會有冰粒, 但係又做到冰涼既效果, 用原粒可可豆整出黎既朱古力果然係唔同😋今次都係因為朋友先發掘到間咁好既店, 如果鐘意朱古力既朋友我覺得都可以試下😙

香港提供bean to bar 朱古力嘅小店唔多，更加唔好講依次嘅workshop!真係第一次見證成個流程！店主好細心禁喺workshop入面介紹曬成個bean to bar 朱古力嘅製作過程：由去除豆殼，到調溫，再去製作平時食嘅朱古力，環環相扣！好多機器平時根本唔會接觸到，例如winnowing 就會用到專門嘅機器！店主選用Tanzania可可豆，味偏果酸（red berries, fruity)，今次有機會試到原製可可醬！好濃滑，cane sugar嘅甜味同可可嘅酸味完美混合，再加以調溫，便是好朱！平時街外多數朱古力workshop一係就係試味會；一係就係將來貨朱古力熔左佢倒模或者加工。今次有得食、有得玩，特別開心🥳仲識到啲朱古力朋友！不過唯一要改嘅可能係人手磨豆果部分，磨完都成唔到漿，倒模都無用🙈磨極都係粉，可能店主下次要諗下計仔。Workshop包左一個下午茶餐，有朱飲有包食，其實真係好貼心🥰因為workshop都有四個半鐘頭，要食啲野補充體力💪🏿

匯聚讓朱古力愛好者瞬間迷醉的各式手工朱古力、朱古力奶、可可茶及糕點 身處工廈的小店JOL Cacao因著質素及價位相宜而漸獲人氣 店主憑藉對朱古力的熱愛而學習相關知識及製作技巧，烘焙、研磨等步驟都一手包辦 不過觀塘本店僅營業至2月底，其後會轉變為工場，另預計3月於太古誠品開店 等不及，那就坐言起行，趁著就近又可堂食時一訪，嚐嚐友人推薦的香醇朱古力吧 雖為小本經營，但除了單以可可濃度作分野，JOL Cacao更推出多款加入茶元素的產品 就如眼前的鐵觀音朱古力　$36，朱古力奶基底以自家磨製的朱古力漿加牛奶製成 未至於絲滑，卻是稠度適中，又不過膩得過份，甜中帶酸而不至澀 在濃郁深邃的可可香氣包圍下，還是可以一下子嚐出鐵觀音的獨特茶味，甚是討喜

上網見介紹話觀塘工業大廈有間賣一粒粒手工朱古力及朱古力奶的小店😍朱古力奶有不同可可濃度可選，70%到雙重朱古力奶；粒裝朱古力有5款口味，原味、伯爵茶、綠茶、咖啡、玫瑰，並標榜天然無加入現成味粉，而自己磨製食材粉e.g. 咖啡豆粉，同時每粒朱古力均可食得出可可豆嘅原味。店主係國際朱古力學院修讀嘗味證書，然後自己研究做朱古力😌本身上網睇見勁多人試朱古力香蕉蛋糕😍但點知......觀塘店嘅朱古力飲品會營業至2月尾，3月會轉為朱古力工場，朱古力要預訂冇得即場買😞但太古誠品分店3月開張，可以繼續是朱古力和飲品👻👓 70% 朱古力奶 S $30 凍+$2自家製朱古力奶嘅鍊制過程係店生預先將朱古力漿磨好後放到恆溫櫃凝固成朱古力磚，當客人落單就將朱古力磚切碎，再加入法國牛奶煮成朱古力奶。好香濃朱古力味但唔夠奶味，質感比較稀身唔夠稠，入口有朱古力嘅甘甜味，但完全唔似70%朱古力唔夠醇厚回甘味，同平時70% dark chocolate差好遠，甚至飲落朱古力味同伯爵朱古力味差不多唔太大分別，建議可能直接飲100%或雙重朱古力。整體來講算係杯好飲嘅朱古力，不過如果以依個價錢黎講佢未達到一杯高質可可奶嘅要求，

朋友識得店主，較早時曾到過小店開party，主要係食下飲下嘢，果陣已經真心覺得不錯👍🏻。朱古力飲品款式都算多，特別在店主親自烘焙可可豆，整成唔同味道嘅朱古力再沖調而成，香港少有。最特別係伯爵茶朱古力，岀面比較少見，朋友的咖啡同綠茶朱奶據講都話好ok， 濃郁程度簡直就好似食咗一排朱古力落肚😂可能我見識少，我真係未見過店內的可可茶同埋可可仁朱古力。原味、伯爵茶、咖啡、綠茶仲有玫瑰全部都不錯，一食落時未必太岀，但aftertaste慢慢滲岀嚟，而且帶有點點朱古力特有的酸味，好有誠意嘅🍫😋，包裝都唔差，幫襯小店好過畀錢買大牌子～～～店內賣朱古力和party set為主，可以walk-in買，但如果做回禮、散水果d就真係要預番d時間，仲有遲啲可能會搞workshop。我見店主一腳踢真係粒粒皆辛苦，加油喔💪🏻💪🏻

之前跟大家提過中環歌賦街的bean to bar手作朱古力店飲74%液態朱古力🍫，今次跟大家介紹‪觀塘工廈‬另一家新開的bean to bar手作朱古力店。除有多款口味的手作朱古力粒，飲品有手工朱古力奶&可可茶，還有牛角包🥐、飛碟🥪、多士🍞等咸食供應，雖然單位內座位不算多，但是個可以Hea的小cafe格局☕️店主一人獨力製作，所以請預備每樣食品製作須時，「70%手工朱古力奶」🍫入口算滑，70%對我來說是朱古力飲品最好的濃度，不太甜、也不過於酸苦，朱古力味香濃，會嚐到帶酸的aftertaste，可惜店家太忙碌，未有機會請教是用那一種可可豆製作，但以這價錢飲到手調朱古力算是難找😃想不到朱古力店也能吃到「雲蛋多☁️」，即叫即焗製，賣相精美😍雲層量多，一切開多士🔪，流心蛋黃🍳湧泉而出，多士夾著一層芝士🧀，本來是個不錯的組合，但可惜蛋白雲層調味過鹹，如果這個可以改善就更好了😃再試了「香蕉朱古力蛋糕」，落單前剛剛店主在烘焙中，新鮮製起，雖然是mini版的小蛋糕，但香蕉味很有驚喜，而且質感鬆軟🧁💓如果有大size會更滿足！總括而言，小店是值得支持一下的😊

今日中午與同事四人分別買了伯爵茶朱古力、70%朱古力、雙重朱古力、海鹽朱古力、鮮奶咖啡。同事的鮮奶咖啡的奶味很奇怪，而店的招牌(?)朱古力更是酸的，喝了一口就喝不下去，從沒喝過這麼難以入口的朱古力，簡直有種中伏的感覺。最後是把$28倒進廁所。店主一個人製作，所以要等候五杯的時間也比較耐，然質素並沒有其他食評說的那麼好，嚴重的失望。一向都不寫食評，但這次真的忍不住要寫下。也許是我這次不走運，遇上變質(?)的朱古力，但讓朱古力喝出酸味也確實讓我大開眼界了。

一入鋪頭，就有一股朱古力香~我在menu前面望了一陣，老闆就話請我試一下原味朱古力粒，原來menu嘅朱古力飲品都係用手工朱古力粒製作。朱古力唔會太甜，雖然口感唔算好幼滑，但係朱古力味好濃。飲品同小食嘅價錢都唔係好貴，手工朱古力都係6蚊一粒，香蕉朱古力蛋糕仔就4蚊一粒，價錢走親民路線，小店果然係好heart. 我叫左double chocolate(regular),本身想叫大杯，不過老闆提醒大杯都真係幾大杯(真係好大杯，超佛心)，有可能會飲唔哂 ，所以我改左Regular size. Double chocolate 都係唔會太甜，好濃郁嘅朱古力香味，而且上面有可可泡，雖然飲左一杯，但都唔會好滯。另外，叫左煙三文魚碎蛋牛角包，牛角包行係細細隻路線，雖然外表一般，但係26蚊(跟飲品仲減5蚊)，有一大塊煙三文魚，蛋沙律，仲有酥軟牛角包，CP值都係好高。 人流暫時唔算好多，所以我留左兩個鐘溫書☺️，仲有free wifi好正~

係老人家我同波波一齊係香港飲過覺得最幸福既熱朱古力☺️波波係超超超超級鐘意❤️講真係非筆墨可形容既境界！真係要自己黎試下！.呢間野一打開門已經聞到成間舖係充滿住焗可可豆既香味☺️係幸福既香氣，入面有一粒粒既朱古力同飲得既朱古力買，仲有啲牛角包輕食🥐Menus 上面最吸引既一就係雙重朱古力同100%朱古力，問左店主有咩分別：100% 朱古力就係完全冇糖、雙重朱古力就係兩份既70%朱古力🤤我地試左個Double 朱古力，一入口係起香濃既朱古力完全唔會覺得甜，吞左之後仲有回甘🥰第一句就同波波講，我覺得自己好似番左澳洲咁，真係好幸福呀！係香港暫時冇嘢可以超越佢，真係十萬個推介大家黎呢間小店滙一滙呢個熱朱古力❤️

誤打誤撞入左一間小點睇中環境夠安靜，可以靜靜地睇下書還有手工朱古力奶，少許輕食。個店主一腳踢，食物製作需時，但坐得喺度都唔趕時間。欣賞店主用心製作用手工朱古力沖奶，好濃郁好足料感覺食左好多朱古力落肚好在用70%朱古力，不會很甜。支持小店

最近開始改變消費習慣，支持小店。早幾日同男朋友去觀塘工廈睇婚紗，咁啱搵到呢間高質手工朱古力店🍫。.唔好以為手工嘢一定貴。呢度嘅手工朱古力價錢相宜，每粒$6-$7，但質素好高，wedding party用嚟回禮應該幾受歡迎👰🏻🤵🏻。我最推介係伯爵茶味，佛手柑嘅味道同可可豆自然嘅酸味簡直係perfect match🥰！.我仲試咗佢哋嘅伯爵茶朱古力奶。味道香濃但唔會甜膩，加入牛奶口感更香滑😋。.可可茶以可可殻沖泡而成，味道清淡，帶微微可可香氣☺️。.呢次到訪小店另一個驚喜係佢哋嘅朱古力香蕉蛋糕。佢有香濃但好天然嘅香蕉味，口感亦比起一般麵包店賣嘅蛋糕仔更濕潤鬆軟🤤。.最後附上餐牌：