快樂蜂 (黃埔天地)

Open Now

Now Closed

突然之間想食呢一啲快餐店諗緊究竟食麥記KFC 好咁啱快樂蜂就喺我面前出現如果講食炸雞嚟講我覺得快樂蜂嘅炸雞係三間快餐店之中做得最好佢係啱啱好啲肉非常之滑一定唔會炸到乾晒皮同埋可能佢因為好多人買所以買嘅時候都係啱啱好新鮮好呢一間餐廳係源於菲律賓曾經喺香港開過一段時間之後就全線結業係近呢幾年先至再開返我去菲律賓旅行嘅時候都專登去快樂蜂幫襯個心態係諗住總店一定係更加好食！點知係非常之失望食過兩間，兩間都係勁乾啲肉係非常之「鞋」

食炸雞就要認住呢隻蜜蜂🤣紅磡分店環境企理都坐得闊落，點餐嘅店員中文英文都可以，出餐都算快。今次我哋就買外賣，返到屋企都一樣係咁好食！一向聽聞來自菲律賓jollibee既炸雞係最好食！今次叫兩個叫一人餐。每份有兩件炸雞，炸雞好大件，同埋一定係外脆內嫩，好多肉汁，啖啖肉絕對唔會炸到乾爭爭！仲會配埋一個蘑菇醬畀你點。C4餐仲會跟個蘑菇飯，所以就一定夠食！另外，欣賞jollibee飲品種類多，除咗汽水之外仲可以揀朱古力,檸茶,檸水。朱古力味道都幾好飲，特別冬天嘅時候真係暖笠笠！以後想食炸雞都會專登過嚟買！

Jollibee 靠炸雞打出個名堂。世界各地都有分店，成日聽人講好食都未試過。今日路過終於都可以試下~~平時快餐店多數都冇咩特別裝修~~估唔到Jolibee都裝修得幾有設計感。叫咗兩個c4餐。每份餐有兩件炸雞，一件雞髀一件雞胸，仲有蘑菇飯同埋一杯飲品。炸雞金黃色的外皮，勁酥脆。雞肉內部非常嫩滑，令你唔食唔停口！就算雞胸都唔會鞋，真係整得幾出色！Jollibee的炸雞調味都幾啱香港人口味，唔會太鹹，仲會附上Jollibee特製的醬料。蘑菇飯既蘑菇汁都幾香濃，幾好送飯。食埋碗飯，份量就啱啱好。以後就多一個快餐好選擇！

夜晚餓餓哋去咗Jolibee食個快Dinner，一向都好鍾意食佢哋嘅炸雞，又脆又滑又大件，比起某啲連鎖品牌好食好多倍，而且價錢夠晒親民，如果冇嚟過嘅一定要去試返次。今次要咗兩個一人樂脆雞餐，分別為C2同C4。佢會包兩件樂脆雞，然後再跟一個主食連同飲品。雞件可以要原味或者係辣味，嫩滑多汁，肥美好味道。主食方面要咗薯條同埋蘑菇飯。薯條炸至酥脆可口，點埋蕃茄汁一定會死。蘑菇飯嘅份量都OK，唔多唔少，醬汁配白飯，唔覺唔覺就清晒。飲品就要返普通嘅汽水，Gur一Gur✌️

Jolibee x mas set 2人餐 $158📌📌📌好耐未食過記憶中都係好食嘅今日同屋企人見個面因為小朋友鍾意食快餐鍾意食炸雞見到佢哋有Christmas set 😎入去試吓酥脆雞塊 （細；1份）🍗 💯 一口一啖脆卜卜，裏面嘅肉質較為乾，另一種口感都幾好食薯條 (大；1份)🍟 樂脆雞 (4件)🍗💯外面脆卜卜，入邊超級鮮嫩，爆汁，好好食😋肉醬意粉🍝份量足夠，肉醬做得好好，每啖好滿足香芒蜜桃批 (2件)🥭🍑 香甜脆口，暖笠笠嘅，推薦 👍🏻青檸梳打 (2杯)🍋‍🟩🥤好飲

#慶祝 #聖誕🎄 12月係姐姐嘅生日，auntie平時咁錫Lisboy同照顧得咁好🥰生日嘅日子當然唔使佢做家務同煮飯🎂我哋就安排咗一日唔使煮飯出去食菲國出名嘅炸雞Jollibee😋估唔到依家仲有聖誕set可以食🎄😋正呀！🍽️ 聖誕派對二人套餐 $158Xmas Set 🎄🎉2人餐都好豐富，有樂脆雞（原味/辣味）X4、意粉 / 咖哩飯 / 芝士肉醬意粉 / 蘑菇飯（大） X1、香芒蜜桃批 X2、酥脆雞塊（細） X1、薯條（大） X1、青檸茶梳打 X2😋因為我哋帶咗Lisboy出來一齊幫Auntie慶祝生日🎂所以就叫咗唔辣嘅炸雞，Jollibee啲炸雞好脆，咬開啲肉汁仲流晒出嚟，好Juicy😍同平時食嗰啲普通炸雞係唔同㗎🍗芝士肉醬意粉🍝好大盒熱辣辣😋正🎉仲可以試吓佢哋嘅香魔物同批添，甜甜蜜蜜🥰sweet～Lisboy仲可以薯條放題加食炸雞🍗 Auntie都覺得呢個生日餐好滿足🥰🎉

人氣菲律賓快餐店最近推出全新聖誕二人餐，包含兩款開胃小食、主菜、甜點同飲品，價格親民，食物即叫即整，新鮮滾熱辣，約埋另一半簡簡單單食個晚餐嘅都係個唔錯嘅選擇呀。樂脆雞有四件，可以自行選擇原味或辣味，雞鎚雞胸各二，外層炸至酥脆可口，肉質嫩滑啖啖肉，咬落Juicy，點埋經典蘑菇醬汁可增添口味。另有雞塊，細細一件方便食用，皮亦唔算厚😌主食可以揀意粉、咖哩飯、芝士肉醬意粉或蘑菇，店員推介咖喱飯，飯同醬汁分開上十分貼心，醬汁濃郁，濃稠度適中，撈飯一流。薯條係幼身嘅，口感味道同M記差不多，但冇咁鹹。甜品有香芒蜜桃批，份量係蘋果批嘅一半，外皮金黃酥脆，內裏爆漿，酸酸甜甜咁好開胃，大人小朋友都啱食。而飲品要咗青檸茶梳打，飲落清爽夠解膩，比起汽水更加值得點。

💖 快樂蜂 (黃埔天地) (紅磡)✨紅磡黃埔天地百寶坊(第3期)地下G1B號舖〰️〰️〰️〰️〰️〰️〰️〰️〰️〰️〰️〰️〰️〰️〰️〰️〰️話說我咁大個都未食過快樂蜂，次次行過都見到好多人排隊，難得今日老公放假我哋行過見到冇乜人就入去試一試🥰C2 2件樂脆雞配指定美食及中汽水 $49C4 2件樂脆雞配蘑菇飯及中汽水 $49樂趣雞有得揀辣同埋唔辣，我哋就揀咗一辣一唔辣🫶🏻我同老公一致認為辣嘅嗰一款會比較惹味🤣，但係唔辣嗰一款就比較襯佢嘅雞醬❤️。炸雞嘅外皮好香脆，入邊嘅肉質好嫩滑，仲好多肉汁，好Juicy🤤。對比起K記還要好食得多😽蘑菇飯細細個啱啱好，都幾多蘑菇片🍄‍🟫。另外指定美食就有得揀薯條/薯蓉/白飯，我就揀咗薯條🍟。薯條同平時食開嘅快餐店好唔同，淋身少少但係好香薯仔味👍🏻想繼續睇我分享唔同嘅嘢就𝓯𝓸𝓵𝓵𝓸𝔀 𝓶𝓮 @gladysmamalife如果大家有其他餐廳推介可以𝒟𝒾𝓇𝑒𝒸𝓉 𝓂𝑒𝓈𝓈𝒶𝑔𝑒📩

朋友很喜歡吃，但我一向少吃炸雞，但因為她說我一定要試試，好吧就試一次。簡簡單單叫了兩個餐，都是有兩件雞和配一個小食。雞都頗大件，沒有縮水。我發現不點醬汁已很好吃，而且雞件很juicy，有點surprise 。小食揀了蘑菇飯和薯蓉。感覺上叫蘑菇飯划算一點，因為夠飽，不過蘑菇可以再多點就好了。我另外加了雞的醬汁撈飯吃，也很好吃。薯蓉很實，夠真材實料，不會很稀。終於明白為什麼這麼多人話好吃，真心是好吃的。

快樂蜂係九龍都好多間分店, 今日係黃埔行完街後經過想食~ 坐左係梳化卡座，好耐無食lu原來餐單而家有意粉同飯類. 都好多選擇.兩件辣樂脆雞配蘑菇飯中意食辣選左辣味炸雞，拎住隻雞脾食好熱(即叫即炸)，肉質超滑而且味道鹹香.蘑菇飯好食~漢堡扒飯餐(升級檸檬茶特飲)漢堡扒飯份量都大, 個飯好大碗. 漢堡扒唔會過乾.中環蘭桂芳很有氣氛既泰菜餐廳好特別. 平時泰菜餐廳通常都比較光亮，但依間餐廳結合埋酒吧，環境係較為昏暗好岩飲酒閒談天既飯聚.員工亦係外國人. 餐廳晚上有好多顧客光顧.

呢一間餐廳真係兒時回憶！今日同老公經過黃埔，就入左去回味一下，意粉就成日食，今日我地都叫左兩個樂脆雞套餐C2餐：兩件樂脆雞配指定美食，我就揀左薯蓉，好香滑，口感細膩，食到新鮮薯仔嘅味道，好味！我揀呢兩件樂脆雞係唔辣嘅，熱辣辣、皮脆肉嫩！因為雞本身唔辣，所以要沾醬汁一齊食，唔錯C4 餐：兩件樂脆雞配蘑菇飯我老公揀左兩件辣嘅樂脆雞！樂脆雞火辣香脆又可口，皮脆肉嫩，仲食到雞肉嘅肉汁，辣度適中，仲越食越惹味，配埋味道濃郁嘅蘑菇飯，好飽肚餐廳舒適寬敞，上菜速度快，餐廳店員服務態度好友善，抵讚！食物價錢都好合理

佢地啲雞係新鮮炸起架，熱辣辣~外脆內嫩，而且好Juice配埋獨家醬汁一齊食真係超正👍炸雞有辣有唔辣我就推薦食辣炸雞，其實唔算特別辣，不過就夠哂香口惹味，唔食得太辣嘅人都食到

今日黎食快餐店炸雞既天花板，平時講笑會叫佢做女僕炸雞，因為來自菲律賓，吸引好多工人姐姐幫襯，今日食黃埔分店，見到一半都係本地人，相信係打入香港多年已經有唔少忠實粉絲近排新推出咗咖哩酥脆雞飯同芝士肉醬意粉，睇落都幾吸引，不過今日超餓就揀咗個C4餐，有兩件炸雞配蘑菇飯，可以揀辣或者唔辣，落完單火速就有得拎見到炸雞仲有點冒煙，拎上手好熱係新鮮出爐既，外皮炸得酥脆香口，肉質幼嫩多汁，仲可以點佢秘製既Gravy汁，令味道更加有鮮味蘑菇飯真係好耐無食，食落相對淡口健康，唔會重鹹味，飯粒算分明唔會癡埋一舊

今天真的想不出要吃什麼，於是決定選擇快餐來解決我的用餐問題。剛進店裡，裡面的人數並不算多，於是輕鬆點了一份樂脆雞餐，並搭配肉醬意粉。這些雞塊看起來是即點即炸的，熱辣辣的，咬下去非常Juicy，完全不會感到乾柴。至於肉醬意粉，味道偏甜，對於我一個人來說，份量真的相當足夠！醬汁的風味也非常不錯，整個餐點的整體表現都在中上水平，算是一個相對較好的快餐選擇。

終於有時間嚟快樂蜂食 ... 火腿蛋班戟三文治下午茶時間跟餐有杯飲品只係 HK$24 真係抵食之選 ~~ 火腿蛋班戟三文治唔係太大個，但係幾足料裡面除咗有兩片火腿和隻煎蛋，仲有片車打芝士班戟三文治甜甜地，甜蜜鬆軟杯熱奶都唔錯，幾啱我口味