快樂蜂 (國都大廈)

Open Now

Now Closed

好耐無黎食過,今日唔係想食飯,就黎食下啦~~我最愛佢既肉醬意仲有呢個包叫祖樂堡,漢堡中間兩層牛肉塊，以快餐店的漢堡來說，算幾厚身亦不會煎得太乾身，而且有肉香味。仲有我覺得佢既炸雞比KFC好食,唔會咁乾,仲有肉汁~~

係香港開左之後我終於得閒去試！😂今日lunch去左買黎試，唔知關唔關外賣事，我覺得佢一d都唔香口，而且佢配既雞汁我自己覺得有d咸！d雞的確幾大舊下，但係我覺得無咩特別。如果炸雞快餐黎講，我都係會去返m記/KFC😂😂😂😂

因為突然口痕想食炸野，一見到jollibee就試下。我點左T1，三塊炸雞柳、薯條同汽水，驚唔夠飽就加多個薯蓉。先評雞柳，炸完應該都放左一陣，凍左唔夠脆，有d硬又唔夠熱，失望。不過咬開睇，個炸粉唔算好厚，雖然我覺得肉都係唔夠嫩，但如果熱辣辣食應該好好多。而點雞柳既醬重蒜香，質感厚身傑身，味道偏重口，非我杯茶。薯條係脆硬，岩岩炸好，算夠脆口，但都唔算特別好味。薯蓉味偏鹹，唔夠滑。總結而言，我對呢個餐評價不高，可能點其他會較好。不過都有野值得我欣賞，就係店內有洗手盤，食前可以好好洗手！不過電話訊號非常弱，咩都load唔到，我勁快食完就走🤣

「快樂蜂」果然名不虛傳！來自菲律賓的炸雞，雞件不論是上脾、下脾，還是雞胸，也炸得很香脆！即使是外賣，回家後炸衣仍然香脆可口！雞肉表現亦絕不欺場，炸過後的雞肉仍保持鮮嫩、多汁！相比另一家連鎖炸雞品牌，這家美味多了！由於雞件的調味已很足夠，因此無需沾用隨炸雞附送的醬汁。這個醬汁反而可用作拌飯，比他們的蘑菇汁更美味！回頭率一百！

成日見到都想試，前兩日終於有機會喇！話說情人節，我同男朋友想行吓海旁，所以就要喺尖沙咀解決晚餐，但係又唔想排隊食飯，更加唔想俾荷包大出血靈機一觸，揀咗我哋兩個一直都好想試嘅快樂蜂以為情人節冇乜人會食快餐啦，點知原來好多人同我地都有一樣嘅諗法，哈哈我哋叫咗個二人餐，再加一份薯條🍟個餐好抵食，只係99蚊，每人有兩件炸雞、一份肉醬意粉、一個蜜桃芒果批、一杯汽水因為炸雞需要時間，所以我哋食咗肉醬意粉先～意粉加咗芝士，整體味道都唔錯，不過入邊啲香腸粒，肉質就有啲‘梅’⋯⋯同平時嘅雞肉腸或者豬肉腸唔同意粉食到一半，炸雞終於嚟到～剛剛炸起，熱辣辣好脆口出邊層炸粉唔會太厚，入邊嘅肉仲保持到鮮嫩多汁，好味好味最後嘅甜品：蜜桃芒果批都係超正！唔會太甜，啲味又唔假

小時候喺中環見到小蜜蜂標記，又一大堆人喺裡裡外外，但唔知係賣乜，家人又冇帶我入去。到近年經常聽朋友&同事講，當中都有同另一連鎖店比較。由於對炸物興趣不大，所以從未有品嘗。終於尋日去飲，同朋友都打算打底先，朋友提議去食，我又想試吓，就和議了。一落樓梯，左邊係洗手位，直入係有枱椅比人用餐，右邊係點餐出餐處。我哋叫了2個餐，有2隻雞鎚，1件雞胸，1包薯條，1杯栗米及2杯飲品，仲有2杯醬汁。食物:炸雞皮夠脆，又夠熱，點醬食，味道更好!薯條相對唔夠熱同硬身啲!粟米粒又係硬身咗啲!環境:夠光猛，乾淨!洗手盤位置一流，洗乾淨雙手才離開!

幾年之前，就已經知道韓式炸雞入侵尖沙咀，在金馬倫道那一邊的情況最為嚴重🤔，這些韓國炸雞，外皮又厚，濃油赤醬，雞肉沒有汁，卻竟然瘋魔萬千少女，情況令人擔憂。幾個月前，在尖沙咀的鬧市，這兒的地庫竟然又開設了祖樂比的分店😍，位置就是這兒的地庫。有天，時間未夠，有點兒肚餓，就來了這邊打底，一個餐兩份兒，有兩件炸雞，有些薯條，以及汽水。炸雞又是一件上脾，一件下脾，本人其實一向比較喜歡上脾，體積比較大，惟友人想吃那就讓了😯，但是下脾，汁醬都多，即使不點那個蘑菇飯的汁，內裏的雞肉肉質亦都非常豐富，而且又是極之熱燙。炸雞皮裏面蘊含豐富肉汁，而且熱燙燙的，熱到直噴出煙，吃來非常感動。薯條份量也不少，外皮不算太厚，但是比起麥當勞薯條更為香脆，但又不覺得太鹹，味道相當可口。現場的人流不算太多，可能還是下午茶時段，而且這間祖樂比有幾個座位好像卡位一般，非常舒適，悠然自得。因此我們就說，尖沙咀雖然長久以來都有很多韓式炸雞店，但是祖樂比在尖沙咀一開，立即就攀登上榜首，成為看尖沙咀炸雞的冠軍吧🤷🏿‍♂️。

突然間好想食炸雞，經過Jollibee見到爆曬人，應該好味先至會有咁多人食緊！所以把心一橫試下先！叫左幾個餐，啲餐基本上都係有樂脆雞，再配薯條或者磨菇飯，仲有杯汽水！所謂嘅樂脆雞就係炸雞，外脆內滑，咬落去仲出緊煙架，熱辣辣，超正呀！最緊要係完全唔鞋口！啲雞仲配有一兜磨菇汁，減低油膩感！磨菇飯好香，啲磨菇好大粒好多，食埋個飯都夠飽！不過啲薯條就普通左啲，而且淋得比較快，相比起啲樂脆雞有啲顯得遜息！另外仲叫左一個芝士漢堡套餐，個芝士漢堡細細個，冇乜特別，但都好味過其他連鎖店！食完後，我對Jollibee完全改觀，由以前從未試過，到依家覺得好好食，上網睇睇仲見到Yahoo有團購，由12/11日起，2份套餐就有半價，超平，$40有成2份餐喎 又抵又好味，即刻買定幾張可以下次再去食！

相信唔少人都知道呢間成日爆棚嘅、專賣炸雞嘅菲律賓連鎖快餐店Jollibee（快樂蜂）！ 除咗炸雞🍗， 仲有漢堡、飯、義大利麵等，富有菲律賓特色嘅美式速食， 最鐘意食雞嘅小編點可以錯過呢！😎 我地三個人，最啱就係食佢個套餐， 包樂脆雞（4件）、肉醬意粉（2客）、香芒蜜桃批（2個）、中汽水（2杯）， 都係$99，好平呀！😳 仲額外加多一桶雞（$90/6件）！😂 佢哋嘅炸雞🍗新鮮炸好，熱辣辣， 用手撕開時會冒出熱騰騰嘅煙， 熱到差d拎唔到！😂 炸皮香脆，炸漿薄， 而且「皮肉相連」， 裏面嘅肉則滑如嫩肌， 肉汁多，仲食得出雞嘅肉香， 真係好食過KFC！ 再配上快樂蜂獨有嘅Gravy Sauce， 醬汁味道與薯蓉的醬汁相似， 用來蘸雞特別滋味！😋 肉醬意粉味道真係好有菲律賓， 肉醬味比蕃茄味更突出， 仲有香腸配搭，不錯吃！ 香芒蜜桃批 小編平時最唔鐘意食呢d批， 因為覺得某快餐店嘅呢d批成日凍晒腍晒又好厚皮， 不過「快樂蜂」嘅香芒蜜桃批卻令我另眼相看， 個頭雖少，但真係食到啖啖香芒蜜桃🍑肉， 值得一試！ 嘩！最抵食係而家有Yahoo!團購， 購買Jollibee可享有5折優惠，

尖沙咀呢頭大部份餐廳都唔平，想搵間平民餐都唔易，第一次試食呢間進駐左香港幾年既菲律賓炸雞。今次試磨菇炸雞套餐，唔貴只係$47。磨菇飯味道唔錯，比K記好味喎。套餐包左兩件炸雞，雞脾同雞胸，唸住會好乾既炸雞一入口竟然好juicy, 配埋磨菇醬點黎食，整體黎講好正。下次有機會會再試

Jollibee 近年一開就幾家分店，終於唔洗淨係去中環或者菲律賓先有得食喇！公司附近都有間yeah落樓梯後右邊落單左邊取餐，非常方便。等餐期間望到員工執餐，透明度高而且環境光猛，衛生指數爆燈！同三位同事一齊食就唔洗諗啦緊係，family meal B餐三件上脾三件下脾，我地嘅三件下脾揀左辣，上脾唔辣，店員好好咁用紙係中間隔住 ，好窩心💙除左炸雞仲有兩盒肉醬意粉、四款小食、忌廉湯及甜品，仲有飲品 (慢慢我地發現點嘅咁多野食嘅)炸雞配蘑菇汁，首先雞脾表面炸得乾身，而且炸皮好薄，唔會成塊分開 ; 肉質滑嫩，充滿肉汁同脂香，好食過米國出品肉醬意粉雖然賣外一般，但攪拌之後味道真係估你唔到咁有驚喜，茄香蒜香芝士香都好平均，唔係一般肉醬意粉嘅味道咁簡單 (最後..我地再飽都掃晒)食食下諗住飲啖忌廉湯，原來裏面有通粉，以為自己食緊早餐湯身小小杰，略有質感，火腿粟米忌廉香味都好出...好飲👍🏼👍🏼小食就叫左兩個薯條同芝士薯蓉，而甜品都好特別，細細件嘅蜜桃芒果批，入口開頭有啲似蘋果批，但慢慢果酸味漸出，係件解膩嘅甜品好耐都無食過咁有heart嘅快餐

個個都話呢間炸雞係必食，見有團購優惠，梗係買黎食啦！原價要80蚊，依家40蚊就享受到😍😍黎到餐廳就知道炸雞係呢度既招牌🐥🐥炸雞🍗夠大件！炸雞皮又脆又薄，無論係雞胸雞肶，都保持到雞肉嫩滑，食落juicy😋😋😋另外點了芝士薯條，芝士粉十足，芝味濃郁😍😍🍝🍝意粉也是推介之一！👍🏻👍🏻 意粉的重點在於醬汁，醬汁入口不只是茄汁，味道特別兼惹味，加上豐富芝士，熱溶更加令人回味😋😋

Compared to Korean fried chicken, I loved the American/Filipino ones more as they focus on the chicken itself more instead of the seasonings like kimchi, spices etc. The 3 of us a massive combo and went home with a super full stomach!!The fried chicken were SUPER CRISPY on the outside and extremely tender and juicy on the inside. Like, for real, the chicken meat is soooo tender and smooth that I thought I wasn’t at a fast food restaurant anymore. I’m SHOOK😱The combo also consisted of a hotdog, 2

有時放縱下食下快餐今次試下菲律賓既快餐JollibeeJollibee係香港既分店吾多但幾間店既位置都好方便 好近地鐵站我地2個人食叫左一桶雞六件 一個熱狗🌭️餐同埋一個芒果蜜桃批d雞全部都係岩岩整好 熱辣辣食 再加上jollibee既汁醬 🤤🤤另外薯條🍟 似西餐廳個d粗小小 就算放一陣先食都吾會淋晒

我以前在中環返工既時候，經常去Jollibee買外賣返公司食，因為佢d炸雞味好香，每次經過鋪頭附近，都被這香味吸引。自從我轉咗工之後就好少機會食到了。上星期在尖沙咀Shopping, 在北京道竟然見到間Jollibee行行吓街反正有點餓，就入去食個餐啦！要行幾級樓梯落地庫（Jollibee)餐廳環境都唔錯喎，有幾卡「梳化坐椅」既卡位，坐位算闊和清潔。我們點了兩個餐，份量剛好。1. 肉醬意粉配1件樂脆雞餐$422. 2件樂脆雞配薯條餐$43肉醬意粉上面有些芝士碎茄汁味濃，意粉質地是軟身的。這件炸雞，是配意粉餐的。雞皮炸得甚脆，沒有一絲「油膩」感，肉質仲要滑和多汁。炸雞附上磨菇黑椒醬汁，不過我自己還是比較喜歡點茄汁。餐飲叫咗杯百士可樂🥤不得不讚Jollibee 既貼心服務，若果食客用手食完炸雞後，離開前還有洗手處讓客人洗乾淨雙手。