聚友小廚

Open Now

Now Closed

上星期同屋企人去食咗呢間石門新開嘅舖頭試下，我地叫咗4樣嘢🥢🥢🥢🥢🥢🥢1)豉油王海中蝦$148睇相鋪排得非常靚但係上碟就亂晒😅同埋比相份量少咗d啲蝦都比較細隻但係味道唔錯蝦殼好脆，肉質鮮嫩亦都有好香嘅豉油味👍🏻🥢🥢🥢🥢🥢🥢2)脆皮豬手$148呢個係佢嘅招牌菜但係真係冇想像中咁好食都算大份，豬手皮係脆嘅但係真係整得好食嘅得幾舊其他都係比較硬身呢個唔太推介🥢🥢🥢🥢🥢🥢3)魚香茄子煲$78呢個真係超級好味整得好有鑊氣茄子炸過好香亦都食到d一小舊既鹹魚非常惹味，送飯一流如果分量多啲更加好🥢🥢🥢🥢🥢🥢4)乳鴿我哋去呢日特價乳鴿$32隻價錢都算平乳鴿唔算香味道不過不失🥢🥢🥢🥢🥢🥢另外叫咗白飯三碗，可樂兩罐埋單$462人均$150都ok地方都坐得舒服當然有少少嘈樓面叔叔嬸嬸都非常有禮貌可樂冰底唔使加錢總括啲嘢都有鑊氣，味道中上下次會再去試下其他菜式👍🏻

早前約咗朋友到石門食晚飯，所以早一天用openrice 訂了4位，但去到當晚，入到去都未講姓乜留枱，已經叫我哋坐6人坐位(由3張4方摺枱併埋)，話可以比多張枱我哋放嘢食，初初都滿心歡喜，可以坐得鬆動些，點知D食物上到一半，又突然攞走一張枱比隔離坐，隔離坐位兩個人就有兩張摺枱，而我哋就4個人同樣坐兩張摺枱，D餸上枱都差唔多唔夠位放服務態度差相中左邊所見的摺枱就是我們當晚坐的那款，兩張坐4個人仲要放餸根本唔夠位，除非每人只叫一碟碟頭飯我哋首先叫了一支啤酒，職員問要幾多隻杯，初初只叫了一隻，之後朋友又話想飲，所以再叫同一位職員攞多隻杯，此時那職員用不屑的眼神及眼啤啤我哋，十分無禮貌地放隻杯上枱。又一服務態度差的表現。之後，餐廳職員又落漏單，個單員落手寫單時都會覆我哋一次，其他餸都上晒，而遲遲未上碟豉油王炒麵，先再聽張機單落漏左想點攪呀1. 粟米魚肚羹($108)，正常算足料的一道菜。2. 椒鹽鮮魷($118)，外皮炸漿脆但無椒鹽味，而內裡魷魚同樣無味3. 酥炸鯪魚球($48)，全晚較為好味的菜式，外脆內熱，咬落有啖啖鯪魚肉味。4. 椒鹽單骨雞翼($48)同樣無椒鹽味，而雞翼切得好馬虎，有部

本來以為石門得一間比較出名又勁多人既小炒會好食，今日黎過呢間之後先知咩叫天外有天價錢唔算貴，同一般小炒店差唔多，但你可以見到呢到真係有養住好多游水海鮮，呢樣真係唔係間間都有豉椒炒蜆呢味豉椒炒蜆鑊氣十足醬汁亦非常惹味最緊要係隻隻都大大隻，又開晒口證明夠新鮮，蜆肉極鮮甜仲要食落去係冇沙，證明店家買返黎應該有養到一段時間先拎去炒，好有心豉油王海中蝦蝦殼炸到卜卜脆，直接食埋都得但係火候又控制得岩岩好，蝦肉唔會乾晒身每一隻蝦都又大又飽滿新鮮程度十度，令佢爽口彈牙又鮮味腰果炒牛柳粒呢一味非常有驚喜因為佢既牛柳粒真係正到冇得頂咬落去激JUICY，可以好明顯咁食到會有肉汁必出黎而且牛味好香好濃，同你去高級日本餐廳食和牛有得揮！

夜晚訂左位，黎到石門試試新餐廳。冬天專屬餐牌，員工好熱情咁問要唔要煲，作為減肥動物當然唔要啦。水煮都幾抵食。👍超正喎一定要叫！出到嚟都係好大兜，唔會因為唔係四川菜就整到food court嘢食咁😂夠晒麻，入面有扁薯粉，魚片唔會好多骨。星期一特價海鮮係豉油王煎中蝦，呢個蝦就算唔係半價都好值得食，煎到啲皮都好薄，好似可以就咁咬嚟食！Addressss:聚友小廚 (沙田)沙田石門安群街1號京瑞廣場2期地下G9號舖

今日黎石門整回鄉證，整完食個晚餐😋 因為唔想食陳xx(藍店) 所以搵左呢間都係小炒既「聚友小廚」，門口睇睇餐牌 平均菜式都係$100內 。▪️椒鹽焗肉排$88好椒鹽既炸一字排 脆皮面不再話下 仲要份量勁多 有成8舊大骨 炸蒜炸得好入味 加埋排骨好食。▪️紅燒斑頭腩煲$108除左魚之外 仲有豆腐火腩同白菜仔墊底，上碟時啫啫聲 煲仔菜最緊要既火喉夠晒班 ▪️臘味崧扒豆苗$108呢個係冬日限定既菜式 臘味同豆苗都係冬天當造😆 最欣賞個臘味崧超多料 食到個豆苗食完都仲有料剩返 臘腸同潤腸個香味炒豆苗好夾又油脂足 ▪️麻辣雞煲$138(半隻) 真係要食到麻既先好叫 😛 食完都辣左陣 半隻雞都有雞髀雞翼雞胸 無偷工減料 佢個雞煲真係幾掂 主要係配菜夠料好惹味 洋蔥味好出 😋叫支「Asahi 啤酒 $32 」配小菜 一個字：爽👍🏻 石門呢間小菜黎講幾夠獲氣又大碟 過左限聚令約埋成班人黎刷餐勁😉

餐廳光線充足，地下乾淨，二話不說入去聚腳例湯老黃瓜甘筍煲唐排，絕不馬虎香濃咖喱牛筋腩飯薯仔、牛腩、牛筋、洋蔥，全部都好入味；牛筋、牛腩都炆得好滑，除了咖喱味之外，還有好香嘅香茅味，用來撈飯一流，食到最尾好想帶埋個汁返屋企。椒鹽深海泥鯭好多肉，又滑又鮮味外皮香脆唔油膩，椒鹽辣椒好惹味，惹味得來又唔會搶咗魚嘅鮮味，椒鹽同魚嘅鮮味配合得剛剛好！冇得彈！蠔仔肉碎粥呢碗蠔仔粥都不能稱為「蠔仔」，好大隻、好乾淨、好新鮮、好鮮甜，冇腥味，攤凍咗食都唔腥。一試難忘，下次嚟一定要 encore！芝士西蘭花芝士湯汁好香，濃度剛剛好，唔會搶咗西蘭花嘅鮮甜味。小菜一流有鑊氣 ! 環境又乾淨 ! 是聚腳好地方!  

友人同我都係美食沙漠居民，想係馬鞍山食餐好確實有點難道，今日又遇到同樣問題，所以友人就提議不如到石門搵食。馬鞍山過去都好方便，車程都只係10分鐘左右，而且石門食肆林立又較少連鎖集團食肆，食物質素更加講究。我地兩個行到聚友小廚後友人就話想小菜想試下，就直接入去幫襯下😋簡單講下餐廳內部，座位相隔距離寬敞，有卡位同圓桌，而且裝修簡潔乾淨企理，燈光充裕，整體黎講環境舒適👍大澳香蝦骨以蝦醬醃新鮮肉排，香蝦骨即炸出黎香味濃郁，未放落口已經聞到蝦醬既味道。香蝦骨咬落外層香脆內層鬆軟，蝦醬味道剛剛好唔會過咸，而且香蝦骨份量十足有成8,9件，抵食又好味👍香煎蠔餅平時要去大排檔先食到，呢道一樣有。同樣地蠔餅即叫即整，出到黎又熱又香脆，蛋同粉漿比例好好，唔會食到成口都係粉，而且蠔仔份量都算多同大隻，真係每一啖都食到蠔仔，爽👍北菇花膠扒豆苗此乃秋冬餐牌上既菜式，秋冬正值食豆苗既時候，豆苖配上花菇花膠就正正成為一道佳餚。花膠又軟又滑，花菇又大又淋，豆苗又嫩又甜，三種食材吸收哂個芡汁，無得彈👍 食物質素好，價錢又平民，聚友小廚將會成為我既飯堂😋補上餐牌供大家參考

朋友住沙田，推介我哋一齊去石門食間中菜，所以就去咗食晚飯喇～豉油王海中蝦 — 當日係星期一，佢哋每日都會做唔同嘅餸菜優惠，由原本嘅$148減價到$68😱啲蝦好新鮮，而且炸得夠脆，連啲殼都可以食埋落肚。豉油調較得啱啱好，唔會太鹹，$68呢個價錢真係好抵食！胡椒豬肚湯 — 好大盅，每人可以飲到兩碗～而且好足料，入面有好多酸菜 枝竹😍如果可以再辣啲就更正，冬天飲個身暖哂大澳香蝦骨 — 老闆話係用大澳嘅蝦醬去整，所以食落真係有淡淡嘅蝦醬香味～外面望落吸引，夠哂香脆，而且啲肉好容易咬開，呢碟下次嚟一定要encore!臘味炒豆苗 — 呢個配搭喺出面好少見，通常臘味都係配飯🤣 入面有臘腸 冬菇，全部切到細細粒，可以撈埋啲菜食👍🏼羊腩煲 — 最後重頭戲🤩冬天當然要食羊腩煲，啲羊唔算太羶，炆到好淋好似牛腩咁；入面仲有啲冬菇片，好入味！呢個羊腩煲冬天一定係必點🤪份量夠多，可以同朋友慢慢share～最後附上佢地每日特價海鮮嘅menu，見到佢門口嘅海鮮都好生猛，遲啲有機會一定會嚟食埋其他款式嘅海鮮🤭

今日特登同兩位沙田朋友，入黎石門食野～ 好耐無入黎呢頭，好似開咗好多唔同嘅小店。朋友介紹呢間新開嘅中式小菜，佢話每晚都有唔少人排隊，我哋好彩早咗入黎，六點鐘暫時唔洗排🤣一入到去，環境闊落，燈光明亮，俾人好舒服嘅感覺🙂 坐低咗之後，店員非常有善，即刻為我地打點一切，總廚有哥亦好熱情❤️ 主動介紹小店既撚手小菜😍天氣開始轉涼，總廚為我地推薦「雙東黑草羊腩煲」🐑 個煲賣相好吸引又好足料，有大量羊腩同枝竹。等左大約十分鐘，個煲滾起就食得啦😋 羊腩煲香氣撲鼻，未食已經流哂口水～ 先食舊羊腩，肉質嫩滑，入口軟腍，帶有微微既羊膻味，咬落去充滿濃郁肉汁，好有水準🤩 點埋腐乳醬，更有風味～ 枝竹亦都完全吸收到醬汁，好鮮味。另外，有盤生菜🥬比我地放落煲煮埋黎食，能夠吸收晒羊腩煲既精華🤣 食完成個人都變得好和暖😄「大澳香蝦骨」🦴 招牌菜，用左來自大澳既蝦醬十分特別～ 熱辣辣新鮮炸起，咬落去外層帶點脆，入面既金莎骨煮得好入味，肉質結實，肥瘦分明，吸哂蝦醬既精華，令我地讚不絕口😜👏🏻「豉油王海中蝦」🦐 鋪頭除左小菜出色，海鮮同樣值得一試✌🏻見到店內內設有魚缸，即叫即煮，好新鮮！海中蝦夠大隻，咬落去爽口又彈牙，亦煮

逢星期五沙田覓食記🌞由7點左右就開始要等位大約15分鐘可以入座啦我地3人叫左4個菜+2飯+1可樂 共$556每日會有唔同特價菜今日係避風塘炒蟹 $148真係新鮮肉蟹避風塘炒蟹 會有少少辣，不過啖啖肉油浸荀殻魚 我第一次食，炸得好好連魚鰭都好好食😋不過唔記得咗幾錢hahah木桶水晶雞 呢個普通少少，同埋咸左dd但都ok嘅最後仲有一個下蝦乾肚浸白菜仔$78都幾好食都大份，不過無影相整體我覺得係好味，會想再試，下次想食椒鹽鮑魚🥰

沙田友搵嘢食嚟石門就最好又開咗間新餐廳，主打海鮮小菜餐廳自備魚缸有好多生猛海鮮！大蜆，海中蝦，膏蟹肉蟹奄仔蟹，連龍蝦都有！價錢仲好相宜唔使入西貢都可以食返轉海鮮今晚就嚟個海鮮大餐！侍應仲好nice，會介紹今日有咩新鮮，根據口味推介食法！先黎一個豉椒炒大蜆事關我就係喺餐廳門口見到佢啲蜆勁大隻，吸引到入黎蜆肉大大粒，相當之肥美再叫一個酥炸桶蠔呢個抵食！必試呀！脆皮唔會太厚，啱啱炸起，非常脆口蠔肉肥美，隔住張相都見到幾咁juicy!真正做到外脆內軟每人3隻都意猶未盡😋因為鍾意食辣，又見佢d蟹咁新鮮推介左我食避風塘炒大肉蟹秋風起，原來唔單止大閘蟹當造連肉蟹都好好食反轉個蓋，見到超多蟹膏，好驚喜！你望下d蟹膏😍😍再撈埋佢d避風塘脆脆，一絕！佢個蒜都值得一讚，完全冇炒過頭，唔會有苦澀味連個蟹身都充滿膏！配埋啤酒簡直係冇得輸🍻好味到食到清晒隻碟先走☺️估唔到茶餐廳環境食到大酒樓質素服務仲好好！推介！

京瑞廣場一個較為新嘅石門地標，慢慢發展到有林林總總不同嘅新式餐廳進駐，《聚友小廚》正正係其中一間唔好睇佢裝修平凡，實情係禾稈冚珍珠<蒜蓉蒸大扇貝/$20>粉絲墊底，鋪上蒜粒，同扇貝一齊蒸，煙韌彈牙，細嚼中仲品嚐到廚師嘅秘制醬汁，好好味<杏汁燉白肺/$138>一個好用心做嘅靚湯，白菜同豬肺燉得好夠火候，師傅仲介紹到杏汁係每日人手用20分鐘時間生磨而成，用紗布過濾，再將杏汁撞入燉湯中，帶出啖啖杏仁清香<冰鎮咕嚕肉/$98>炸出脆脆甘香，即刻放上冰涼冰粒冰鎮，有另一番風味，好玩，好味餐廳仲有一系列嘅特色小菜同埋每日特備海鮮比大家選擇

今日清大假去沙田石門整身份證，以為好快搞掂 但原來仲要等一個鐘左右要認證。於是係附近搵間下午茶tea一tea , 行左一圈商場 經過見到呢間新裝潢既茶記 門面幾光鮮又大間 ，下午茶大大個牌係門口(價錢公道) 一人叫左一份茶餐😋 下午茶選擇都幾多 由炒粉麵飯至潮州粥及炸脾沙律薯條等都有... 價錢平均係30幾40幾左右 跟餐凍飲+2 / 紅豆冰+8。▪️脆炸雞脾沙律$38極力推薦個大炸脾 😍😍😍係生炸雞脾 外脆內超滑 炸脾個精華係要咬落去爆汁 外皮唔會太濃 😋😋 $38好抵食 .▪️蠔仔肉碎湯飯$38媽媽要食飯 佢就擇左蠔仔肉碎湯飯，30幾蚊碗大大碗 蠔仔份量都唔少野 有超過10幾粒 仲要無沙同粒粒幾大 另外方魚同肉碎都多料 一啲都唔吝嗇😝.▪️福建炒飯$44老豆又係要食飯😅見到隔離枱好多人叫炒野 之後個staff都推介我地食炒粉麵好食 福建炒飯比較清淡 唔會勁咸同勁大豉油味 ，同埋無諗過咁足料 ，如果我減肥的話，我諗剩係食料（蝦 草菇 芥蘭 紅蘿蔔 雞粒 ）都夠晒飽 😝.▪️好少食個下午茶都會食Review 不過呢間真係幾抵食又正 ，特別個炸脾☺️☺️ 飲品（紅豆冰+8 ）（凍奶茶+2）奶茶好滑😍

石門站真係有好多隱世食肆，出色好味道，所以間中都會去呢區食飯，好似呢間中式小菜館，食物同服務都相當不錯👍價錢亦相當大衆化👍———————-🟤木桶水晶🐔雞：雞🐔肉又滑又香，完全無脂肪的🐔，吃下有木桶香的另一番風味，味道已經調較好，而且不用點薑蓉都一樣咁好食，反而還吃出原汁原味的木桶香滑👍👍————————🟢蝦🦐乾魚肚浸時蔬：足料又多又大的蝦🦐乾，又甜又好味的魚肚，甜甜的菜🥬，清甜的上湯配著美味的食物，一個又健康又好吃的一道菜😋👍————————-🟠冰鎮咕嚕肉：簡直讚不絕口，好一個冰鎮咕嚕肉，咬落脆皮的外層，咕嚕肉內層更有肉汁的鮮嫩肉滑，外脆內軟，吃落又有口感，冰鎮的吃法比熟吃的特別，而且做得出色，看得出廚師👩‍🍳的用心烹調😋👍————————-開心🥳⋯⋯就是咁簡單

今日黎到石門搵野食, 見到呢間中餐廳門口好多人排~一於揍熱鬧試一試先好在好快有位就入去食喇~~~~晚市好旺喔~~~呢道有好多小炒~~感覺係舒適四正版既大排檔想坐得舒服又有冷氣, 呢道的確舒服過大排檔好多呢~~餐牌有多款菜式選擇.......沙薑豬手 $78首先點個冷盤~平時買豬手都幾買, 呢道$78就可以食到咁多件好抵食喔!!豬手配秘製醬汁味道非常清新~~醬汁充滿蔥蒜而且帶點麻辣, 成功刺激味覺, 令人食指大動豬手新鮮, 爽口Q彈, 啖啖肉豉油皇中蝦同平時自己屋企整真係好唔同, 別有一番獨特既滋味!!中蝦非常新鮮, 隻隻都鮮味彈牙!!豉油皇汁同鮮蝦完美結合, 啖啖JUICY口感又惹味好味到停唔到口, 成碟好快就清晒~~~香煎蠔餅 $88賣相非常吸引~~好大碟, 份量超多呢, 可謂大碟夾抵食蠔餅煎得非常香脆鬆化~食落唔會話好油膩.....最驚喜係超多蠔!!!好少食到蠔餅入面見到有咁多蠔~~~仲要係大大隻蠔喎!!!足料到一個點!!!最後要讚一讚呢道既服務~~~店員好勤力, 會經常換碟, 而且即叫即到, 做野爽夾快!!服務一流呀!!