絕味

Open Now

Now Closed

OT 收夜咗，已經差唔多 10 點，只想盡快回家沖涼抖抖!偏偏個肚系咁瘋狂打鼓😥，加上自己又有少少口痕，想隨手搵d嘢食下𡁻下 relax 下。好彩落到港鐵站🚇，見到絕味仲營業緊🤩，我當然二話不說，即刻衝去買返幾盒做宵夜先😋。絕味🌶分店遍布全港📍，近近哋行落港鐵站🚇好容易就搵到一間，部分更營業至晚上十一時⌚，簡直系打工仔嘅恩物，我平時最愛就系麻辣鴨頸同麻辣蓮藕，配上啤酒一流方便到咁，真系沒有不吃的理由啊🤪！

原本就好鍾意食呢間野，之前一路都係食開招牌風味，但係自從出左藤椒之後就再冇食過其他口味嘅但係唯一嘅缺點就係藤椒係冇鴨脖！只有鴨翅同那個蓮藕而且鴨翅真係好少，得7,8隻！但係味道真係一流，鍾意麻嘅朋友仔我真係非常推介試下！

有一間，家姐喺沙田剪完頭髮，話想買鴨舌反泥比我食，我叫佢唔使啦，香港邊有好味嘅鴨舌架？佢無理到我講既野，照樣買左一盒反泥一齊分享見佢咁硬頸，就試一條，結果係..........一食無停口！不太嗎，不太辣，啱晒我嘅口味！我仲問佢點解唔買多幾盒返嚟，一盒大概15條，一家人分一盒，完全唔夠喉，估計我自己一個都食到幾盒！上網睇吓呢間店舖嘅資料，原來香港都好多間分店，喺大陸有成5000間添！原來除咗鴨舌之外仲有好多其他嘅嘢食，下次經過啲車站真係要買多啲唔同嘅返嚟試吓啦，加多罐啤酒，冇得彈！

今日去沙田逛街，回家的時候經過了沙田火車站，抬頭一看⋯絕味？絕味！真的是絕味鴨脖！自從朋友去完內地帶回來給我食後我就念念不忘，每次北上都會在羅湖買一些拿回家裡啃食。我立即買左一堆走，店員看到我不斷的遞小筐比我裝，我大多數口味都買了，就是沒有買鴨腎同鴨舌，鴨腎感覺好大顆，而且價錢稍貴了些，下次在試吧。回家後一遍看電影一邊食，食品分了不同的顏色，紅色代表原味麻辣，黑色係甜辣，還有金色是標準口味。比內地的口味多了些，可能要平衡一下香港人口味。初初我還以為麻辣口味的會沒那麼辣了，怎知道還是很辣⋯很過癮，不過我建議最後從雪櫃拿出來放一陣再食，因為太凍的話，味道不夠突出，而且肉不夠鬆，放一下再食就完美了哦，店員還溫馨提示說全部都是新鮮的！新鮮的！新鮮的！只可以在常溫雪櫃放三日，所以盡快食用吧，我買了差不多十幾盒，1日就全部食完了，好好味，越食越上癮！