君庭

Open Now

Now Closed

食物，環境都唔錯既一間餐廳。 第一次黎哩間餐廳，菜單幾特別，特別叫左乳鴿，同平時出面食既味道好唔同， 好食。 仲叫左一個兩人set lunch. 感覺到廚師用心既制作。 食材都新鮮。尖椒皮旦， 口感好特別。食唔到辣既我都可以接受。 本來以為蒸豬肉係平時食既蒸肉餅， 但係原來係好似東坡肉咁， 入口即溶， 又唔會感覺好肥膩，讚。 周圍環境都好舒服， 唔會好吵。仲望到維港既海景。餐廳店員也很友善。 服務很好。 已經預約左下一次再過黎。 餐廳開了不久， 相信保持住咁樣既水準，服務， 會越黎越多人過黎食的。

之前出差到湖南一個月公司安排係君庭餐廳隔離的酒店入住，啱好有生意要傾就係君庭預訂了包廂，體驗感很好，現在都開到香港尖沙咀了，當然第一時間帶上好朋友幾個去試試，香港店就較細但裝修真係靚加上又係27f高層海景，冇得頂，食物都一樣保持水準，炒翅，花膠，臭豆腐，紅燒洞庭湖甲魚，剁椒蒸大魚頭，最中意呢間餐廳有不同季節的隱藏時令菜式由當季廚師發板，很難得～服務都很細心熱情比較有質數嗰只，無論商務宴請還是朋友簡單聚餐都值得一試

在iSquare 樓下看到黑珍珠推介，所以同幾個朋友膽粗粗上咗去，環境同裝修都唔錯，望住成個維港。同Captain傾咗幾句，原來間舖新開咗冇耐，Captain 俾咗個Menu我哋，除咗湖南菜仲有好多粵菜，價格都係一般尖沙咀價。最後我哋叫了個四人套餐同乳鴿，上菜都係一道道慢慢上，睇到我哋食到差唔多先上下一個。食物環境服務都十分之唔錯！最緊要環境安靜可以幾個朋友一邊食飯一邊傾吓偈。全程冇俾人追交枱。值得再去！

最近發現尖沙咀有間新餐廳湖南菜與粵菜crossover，食物質素唔錯估唔到粵菜亦都唔差，試過件花膠夠厚身同埋嗰個酸汁都幾特別。因為本身比較小食辣，咁湖南菜嚟講佢啲菜式都幾精緻，飯後送咗個小米糕畀我哋食，唔不太甜。服務員質素亦都好有禮貌，基本上食得都幾開心。可以一試。