凱柏冰室 (Closed)

荃灣新蒲點—海之戀，內裡G層食肆林立，中西日韓都有，午飯事段難等位，發現一間完全同其他食肆分離的冰室，唔使等位，可即時入座，食評都有還可，連忙入座。雖然坐細廳，不過有窩心的按鈕，一按即有待應回應。點了喇沙—牛肉鮮嫩，魚片ok，湯底有濃郁椰香，值得一試常餐—份量多，不過有些偏貴，最值得加錢轉的是丹麥多士，吃起上來非常鬆化，吉列豬扒相對來說，非常遜色，豬肉味道一般，質感都唔得，另外，湯底方面，特濃沙嗲湯非常一般總結，如果唔係貪佢可以即時入座，唔會再食。順帶一提，日式吉列豬扒飯超大份，有兩大大塊吉列豬扒（吸睛）

要數近期我最愛的荃灣區飯堂非鄰近荃灣西鐵站的凱柏冰室莫屬。晚上在此區工作完畢後總會行行海旁，抖抖氣再走入凱柏窗口位欣賞著海景吃一頓晚餐。今晚窗口位已經坐滿， 只能坐進內邊， 而今晚有同事陪吃， 揀選了兩個中式菜一起分享。啫啫蟲草花雞煲有別於平常中式雞煲雞肉切件上。今次這個雞煲是全髀肉 ,大大件。蟲草花和雲耳都煮得很淋，口感爽爽的，不錯，散發陣陣家的味道。番茄牛肉炒蛋煲又是一道家常便飯必有的菜式，簡單的菜色更考功夫， 滑滑炒蛋佈滿在煲面上，蕃茄和牛肉的份量恰到好處，牛肉更是切得薄薄易咬口飲品也要加讚， 好立克非常濃郁， 絕不吝嗇， 小朋友一定大愛。

荃灣西鐵站 連接 海之戀 商場， 放咗工去 Donki 行街買嘢 行到咁上下就 食晚餐， 沿住海皮行行， 見到一間有扒鋸的地方， 就行入去試下餐廳環境闊落， 服務周到， 鐵板餐都有好 配搭， 經典扒餐~ 西冷牛扒配牛乳炒蛋 配黑椒汁， 牛扒大🐂， 多配菜， 牛乳一炒蛋，牛奶味濃，令到炒蛋滑，還有配菜， 粟米 🌽蘿蔔 ,椰菜🥦香烤'雞塊配香茅豬扒鐵板餐香烤雞塊配蕃量啱啱好配菜有 粟米粒🌽 香腸🍟 薯條 椰菜花🥦餐飲凍榜 蘿蔔 份量多餐飲 凍檸蜜少甜

今日約咗朋友去荃灣西嘅海之戀度行，嗰度商場好靚，行出去仲係海邊，行完之後我哋揀咗呢間冰室食晚飯。就咁睇個餐牌都覺得食物幾吸引，咁我哋就嗌左一個咖喱牛腩煲，佢送白飯一個，另外嗌左個鐵板燒，揀左西冷牛扒同香烤雞扒配薯菜同黑椒汁，本身會送埋腸仔火腿粟米薯條。先黎鐵板燒，薯條勁香脆，好似扭扭薯條咁，超好食。黑椒汁唔會好辣但都好重黑椒味，牛扒睇落整到好熟，但食落唔會”韌”，不過都有d筋。雞扒都幾嫩滑，好容易就撕開左佢哋。之後到咖喱牛腩，個咖喱汁帶點微辣， 牛腩勁大嚿，薯仔同牛腩都勁淋，真係好好食。飲品+3有凍飲，我哋嗌左凍朱古力同埋凍阿華田，兩杯都冇得頂，尤其凍朱古力，勁濃滑，鍾意飲嘅朋友都一定要飲佢。成間冰室裝修得好靚好大，卡位幾舒適，整體感覺都唔錯，可能因為嗌咗兩個都好滿意既食物，下次一定會再嚟。

無敵海景原來唔係千幾蚊起跳既餐廳先有係海之戀既呢間冰室都可以擁有行完ｄｏｎｋｉ行到攰，落黎呢到望住個海，嘆返杯水滾茶靚既凍檸茶同潤喉醒神既熱檸蜜，都咪話唔寫意冰室至尊常餐（丹麥多士Danish、丹麥午餐肉２塊、牛乳炒蛋、喇沙湯吉列豬扒米粉）估唔到係冰室都可以食到丹麥多士，呢個多士咬落去口感酥香誘人，而且奶香十足丹麥午餐肉切得算厚，而且有兩大塊，肉味香濃炒蛋超大份，保守估計呢到應該有兩至三隻蛋既份量而且炒得好滑溜，仲蛋香十足喇沙湯底好惹味，配上掛湯索水能力十足既米粉簡直冇得彈吉豬炸得金黃香脆，而且肉質唔會鞋冰室至尊常餐（奶醬厚多士、腸仔２條、牛乳炒蛋、特濃沙嗲湯雞扒出前一丁）雞扒夠厚身，食完一定飽配上濃濃既特濃沙嗲湯底，係完美既配搭呢個飛邊既奶醬厚多士夠晒之足料，煉奶同花生醬茶到厚厚既一層，啖啖都係滋味

海之戀開了不少新餐廳我們也試了幾間！這天就到了有靚海景的凱柏冰室試試，餐牌上的選擇挺多而且湯底頗有特色令我有點期待！可惜最後也只得到失望而走！！我們選了冰室至尊常餐＄55也是一般茶記的價位，餐內包括有有牛油厚多士、牛乳炒蛋拼一款配料、可在九款餸料四款湯底中各選一來配各式粉麵，另有熱飲送贈凍飲則另加＄3。我選了香茅豬扒配正宗新加坡椰香喇沙湯米粉，香茅豬扒是薄身那款淋身但沒咬口不過香茅挺夠入味，椰香喇沙湯就So Far So Good只是沒有驚喜也沒有太差吧！另外我選配牛油厚多士、牛乳炒蛋拼腸仔，牛油厚多士一點也不香脆可以不吃！另外餐廳寫明用美國優質雞蛋，可惜炒蛋吃下蛋味並不濃香而看似滑溜的賣相口感亦不算稱心！最後只吃了丁點便放棄了它們！！車爸爸則選了特濃沙嗲牛肉湯米粉，牛肉看見已知質素怎樣不消提也罷！我試了一口特濃沙嗲湯味道比色水差不多的喇沙湯好點點但也非好味道的那種！牛油厚多士當然是同一命運吧！他的牛乳炒蛋更不堪大家看到什麼是水乳不融嗎？全餐最正常相信是這兩片丹麥午餐肉和腸仔了！雖然是凍冰冰起碼味道不會過鹹質地亦屬正常呀！而飲品亦沒有什麼可取之處對我們來說這兒一次便夠了！

今日同女朋友行荃灣海濱，行到甘上下就遇到大雨🌧 🙄反正都成夜晚7點就試下呢間餐廳。環境黎講有設計係有氣氛啲，而且人5算多，可以約幾個三五知己食下野吹下水都幾好。食物方面女朋友就叫左個常餐，我就叫左碟滑雞小炒同5隻炸雞翼 😛結果飽到爆。常餐方面女朋友就加錢要個丹麥麵包 炒蛋同午餐肉，佢出餐都好快手，無3分鐘就有得食對於返工族趕時間絕對係一流👍🏻至於有無影響食物質素我可以話係無。滑蛋蛋汁份量足料 應該都落左有2隻蛋 🤭夠埋我呢個男朋友偷食幾啖 ，因為我少食丹麥麵包個人覺得似啲酥皮麵包加牛油口感幾特別，鍾意既可以加4蚊一試無妨。至於佢塊吉列炸豬扒同粉絲湯，湯底就叫左正宗新加坡椰香喇沙湯。有亮點 👍🏻首先講下佢塊炸豬扒誇張到成隻手掌甘大，而且外面薄薄地一層吉列粉 食落外脆內嫩啱啱好 同埋佢豬扒醃到好入味。女朋友話5需要再沾沙律醬就已經好好味😛不過炸野配啲醬絕對係肥仔致愛，呢個強烈推薦大家加6蚊一定要食！其次佢喇沙湯底係飲得出有3個層次首先係濃厚既沙茶醬味，接住係椰奶，最後以微辣微酸作結尾。以佢常餐既價錢有呢種層次，出符我預期之外☺野飲方面女朋友就要杯菜蜜🙈少女最愛 甜甜地又健康。我個 啫啫蟲

早前已經想試，今次咁岩經過海之戀商場見到呢個招牌，就決定去食，星期六2點幾鐘到，唔洗排隊。由於愛食沙爹牛，所以叫左至尊常餐-奶醬厚多士，正，滿滿花生醬，又係熱-丹麥午餐肉ok，又唔會好咸-炒蛋正常-沙嗲牛，醬汁味都濃，味道正常-奶茶，正常味道朋友叫左喇沙湯底都ok

終於到過傳說中坐落於荃灣西站上蓋海邊的《凱栢冰室》了話說當日落大雨，在餐廳內看著雨水無情地拍打窗邊，海浪又拍打岸邊，行人爭相拿着雨傘熙來攘往，別有一番風味通常星期六的午餐想吃得輕盈一點，但最終都是失敗的我倆一人一個冰室至尊常餐，配凍檸茶與凍好立克。先有牛乳炒蛋配腸仔和牛油厚多士，炒蛋奶味不足夠，但條腸仔都煎得幾香口牛油多士哄得香脆，總算無令人失望。再來香濃沙嗲湯吉列豬扒通粉，沙嗲湯頭確實香濃豬扒也炸得金黃香脆，但肥肉略多。另一個餐是牛乳炒蛋配火腿和丹麥多士，我最欣賞的是那份丹麥多士，全因它厚度夠，且脆邊 正宗新加坡椰香喇沙湯午餐肉公仔麵湯頭確實很有感，大大的椰子味，又散發出淡淡然喇沙的辣感，過癮過癮一次半次的油膩應該無問題吧！

行左荃灣海之戀廣場幾次先發現原來海旁有間咁寫意既冰室！-咖喱牛腩飯$65咖喱味香濃惹味，而且牛腩份量十足，口感軟嫩，送飯食一流喇沙雞扒拼魚片頭沙銀絲米粉$62好少餐茶廳會出喇沙！而呢個喇沙味道又唔錯喎。香香辣辣咁，帶點鮮甜香味，令米粉索哂d湯汁好惹味。雞扒就燒過黎，幾口番。炸雞翼$32 炸薯條$32另外仲嗌多左兩份小食，好有以前食小食部既懷舊咁，但略厭雞翼雖然外層香酥，但入面仲未夠熟。最後仲有兩杯茶飲，奶茶味濃，檸樂解渴

呢間冰室係冰室潮下嘅作品，可惜開張冇幾耐就遇上百年一遇嘅病疫大流行, 真係唔好彩.但早餐都有人幫襯, 行過咁多次, 終於忍唔住要入去試下.試個早餐, 其實早餐好似冇乜嘢, 但要好食就唔係間間都做得到. 揀個最簡單嘅腸仔煎牛乳蛋配多士, 應該都冇事喇啩. 我頂, 碟牛乳炒蛋乜咁嘅? 炒到碎碎濕濕咁, 完全比唔上大XX, 更唔可以同敏X比啦, 食落仲有一種怪怪地嘅味, 我都唔知點形容。 炒蛋就係炒蛋only, 點解會仲有異味嘅呢, 難道係牛奶出事? 腸仔咪又係雪藏嘢, 唔駛多講. 最後講埋杯熱奶茶, 嘩媽呀? 我叫奶茶呀, 你真係奶多過茶好多好多呢, 茶味欠奉(但有lemon核送), 完全冇水準之作, 連奶茶都沖唔掂,失望, 失敗. 

之前都講過，天氣熱都無阻我哋行山嘅熱情，但當然，揀嘅路線就唔可以太進取，所以，今次嘅路線較輕鬆，平路多，而最後會落到荃灣海濱一帶。行得山，就乘機嘆個下午茶先走，就沿海濱行到西鐵嘅新場「海之戀商場」時，見到呢一家「凱柏冰室」，對住海濱，感覺唔錯，就「以貌取人」走咗入去幫襯吓。餐廳應該新開無耐，感覺環境新簇，裝修四正光猛，地磚有懷舊風，加上一邊對海濱嘅大窗，讓陽光完全透入嚟，份外醒神。由於疫情仲未完全消退，又有限聚令，所以，睇見幫襯嘅客人都好少。而且，店家、客人都好守規矩，量體溫、搓手消毒，且二人一枱。餐具、調味包，都好似時下新派茶記咁，放晒晌枱面下嘅櫃桶，一拉就見到晒，自由取用。雖然影低咗餐牌，但既然有外賣單張攞，就貼出嚟等大家睇得一目了然。由於限聚令關係，無既晚市，所以，都會主動提醒嚟食下午茶嘅人，5:45pm就需要還枱，避免任何尷尬。丹麥午餐肉牛乳炒蛋三文治 $32見個名寫住「丹麥」午餐肉，好想知吓有幾勁。先唔講啲午餐肉，啲炒蛋絕對好得，塞滿晒成份三文治，而且，啲蛋好嫩滑，炒功一流；餐肉亦唔喺啲劣貨，比較有肉香，感覺唔會好肥，而且，煎得有焦脆感。即磨咖啡今次幫襯嘅雖然喺茶記，但就唔飲

行街前想吃點東西，看到突然想吃冰室，就試試它了來到例牌吃常餐，看到居然有喇沙湯底，更加想試！講到明「正宗新加坡椰香喇沙湯」非常吸引但實質食落不太似樣的喇沙，更無椰香，完全failed😑香煎雞扒就不錯，煎得挺香而且不肥豆豆爸爸想點豬骨湯配特濃沙嗲牛肉，誰知侍應話沒沙嗲牛肉但有沙嗲湯底配手切牛肉😅但來到完全沒沙嗲味😶牛肉不算差然後牛乳炒蛋各自配了丹麥午餐肉及腸仔所謂丹麥午餐肉即是三花牌😂被騙了而且腸仔有點像大陸腸但炒蛋不錯而多士也烘得脆，塗上牛油有鹹香奶茶普普通通整體拉上補下😂中中等等

今日終於可以同Miss K食飯，由原本係同事大家被遣散後又再做到同事，實在非常高興！🥰🥰記得我地好似冇咩試過兩個人去食飯！反而係新公司就到時間！yeah🎉🎉Miss K介紹公司樓下間冰室，食佢嘅‘冰室至尊常餐‘貪佢夠大份又多選擇一定夠飽，好吧！就試下啦！😋😋至尊常餐$55，咁我就選左奶醬厚多士$4+牛乳炒蛋拼火腿+正宗新加坡椰香喇沙公仔麵+日式吉列豬扒$6+凍檸茶$3，合共$68🤣🤣奶醬多塗左花生醬幾香，塊多士又真係厚切😁😁蛋🥚就冇乜食到有牛乳味但幾滑有蛋味☺️☺️火腿就咸左d!‘椰香喇沙公仔麵’喇沙味好香好重味但蓋過椰香味，扣分😔😔配公仔麵食落怪怪地，如果配米粉應該更能提升雙方嘅味道😌😌重頭戲‘日式吉列豬扒’炸到金黃色，食個時脆卜卜咁好有聲效，炸皮略嫌厚左d,肉就薄左少少勝在肉質細嫩，多汁💦食曬成個餐真係好飽好飽，希望好快可以再同Miss K食飯行街🎉🎉P.S事後先知原來同場係有9折嫁🥺🥺

Since everyone could not go to Japan currently, one of the alternatives is to go to Donki Donki to shop for Japanese stuffs. After finishing our grocery shopping, we decided to have dinner nearby before going home. K&P Cafe is located at OP mall, just outside Tsuen Wan West MTR.Being a cha chan teng cafe, they served dinner set, rice, western meal hot plate and Cantonese cuisine. Besides that, they served light snacks and drinks etc. Iced honey lemon - It was sweet and cooling, good to drink dur