Video
8-min walk from Exit D, Fo Tan MTR Station
continue reading
Telephone
27042966
64699799
Opening Hours
Today
11:00 - 15:00
17:00 - 22:00
Mon - Sun
11:00 - 15:00
17:00 - 22:00
Above information is for reference only. Please check details with the restaurant.
今日同老公去咗火炭迷你倉執嘢，執完之後就諗住返企。途中就見到呢間新開嘅韓國餐廳，咁肚餓，不如食埋晚飯先返屋企。餐廳由韓國人主理，連廚師都係，非常正宗。餐廳幾大，環境乾淨整齊。餐牌有好多嘢食，呢度單係自己寫order紙，Oppa先比張紙你，然後寫上菜式編號再交比佢。今晚天氣轉冷，然後又有個big holiday sale menu，最高可減$20，咁我哋就叫左兩個on sale湯鍋，另外再加半份炸雞。前菜四小碟：有酸蘿蔔、泡菜、芽菜同蓮藕，四款前菜都幾好食，其中芽菜同蓮藕都好爽口，調味幾好，仲可以無限refill添。甜辣炸雞：剛炸起，夠熱。雞肉咬落juicy，炸雞醬味道甜甜辣辣帶酸，辣度亦唔算太辣，剛剛好。石鍋牛肉湯 (跟飯)：牛肉比較瘦，配料有粉絲同年糕等。用年糕做配料都係第一次見，覺得好特別，一般外面用豆腐多。牛肉湯底味道濃，仲有大蔥同洋蔥做調味，甜甜地。年糕份量多，煙煙韌韌，用牛肉湯煮到好入味，唔錯。參雞湯 (跟飯)：oppa話雞湯本身好清，佢話按個人喜好加入胡椒鹽調味。半隻雞份量，雞肉煮到軟嫩，輕輕一撥骨肉分離。雞湯雞味濃，比較清澈唔多油。配料當然有參同埋紅棗，滋補暖身，老公覺得幾好。
continue reading
估唔到火炭入面會有間正宗嘅韓國菜！以前一直都對韓菜印象唔深，食完今餐令我改觀！首先上菜前會有小菜開吓胃。泡菜係呢幾年我突然間鍾意食嘅食物，伴飯定就咁食都好清新。不過估唔到芽菜帶住麻油香，一樣好食。二人餐有飯卷Kimbap 同麵食，仲有炸雞同野飲，我地就揀原味Kimbap。非常大份同蔬菜份量好足料。入面仲有醃蘿蔔豐富口感。芝士蛋卷一啲都唔會overcook，每件都會拉絲，熱辣辣香噴噴。揀左芝士味炸雞，本來以為會好膩，但係比起咸，佢更多嘅係甜味，令到炸雞更冇咁易膩，而且炸雞好脆。炸醬麵嘅炸醬唔係太濃，而且唔會有超多汁，個人覺得麵同醬汁比例幾好。上面仲有鵪鶉蛋。海鮮蔥餅同想像中一樣外面脆脆地，入面係滿滿嘅海鮮，如果覺得味道唔夠，仲可以點辣醬油。但筆者冇咩點，因為覺得蔥餅本身已經夠晒海鮮嘅味道。不過真係好大份，所以打包左一部分。牛骨湯算係超classic嘅韓國菜，牛肉幾冧，有落好多蔥同黑椒，加上蘿蔔嘅湯好香，好適合湯飯。食到最尾仲有粉絲。除左食物質素唔錯，老闆仲係個超nice嘅韓國人，員工服務好細心，好值得讚賞。環境都乾淨闊落，幾適合一班朋友一齊係度食飯。
continue reading
在香港一直想吃韩料，无意中发现这家就进来试试，结果遇到了正宗的韩国料理🤣老板是韩国小哥哥，正不正宗可想而知！小哥哥会说英文，不用担心交流会有障碍哈，而且老板特别热情，笑起来很帅😂点了一份五花肉石锅拌饭，确实和之前吃的不大一样！首先饭菜绝对是现做的，不是预制菜，可以放心吃！五花肉很多很大一片，吃起来很过瘾，再配上辣酱拌饭，特别下饭！！但辣酱不会特别辣，是那种香辣，不能吃辣的也可以放心点！！每桌都会送四样小菜，每种都很好吃，而且非常解腻，恰到好处
continue reading
位於火炭既 K-Pop Cuisine，主打韓式美食。餐廳環境充滿特色，裝潢以韓國流行文化為主題，牆壁掛滿咗 K-Pop 明星海報，播放熱門 K-Pop 音樂，氛圍輕鬆愉快，好適合一班朋友聚餐或者慶祝小型派對！🥢招牌韓式吞拿魚紫菜卷紫菜卷包住新鮮吞拿魚，味道清新。搭配多款配菜，色香味俱全，真係令人食指大動！🥢芝士炸雞必試之選！炸雞外層金黃酥脆，咬落肉質鮮嫩多汁，完全唔會乾柴。而且上面鋪滿咗濃郁芝士粉，每一口都充滿咗濃濃芝士香，真係好出色！🥢韓式炸醬麵麵條煮得剛好，唔會過腍，搭配濃郁嘅炸醬，夠哂入味。炸醬有豐富肉粒、蔬菜，口感層次分明，甜中帶鹹，相當開胃～🥢韓式芝士雞蛋卷蛋卷外層金黃，柔軟滑順，裡面包住香濃芝士同雞蛋，切開即刻流出濃香芝士，每一啖都有蛋香同芝士既雙重享受，食得好滿足！K-Pop Cuisine地址: 火炭坳背灣街14號金豪工業大廈1期地下B6號舖
continue reading
煲韓劇，聽K-pop唔單止係潮流，仲已經成為習慣喇！有時睇韓劇想有浸沉式嘅體驗，飛去韓國又有啲困難，留港食一餐韓國菜都係唔錯嘅選擇！香港嘅韓國餐廳選擇唔少，但今次嚟到火炭嘅K-pop Cuisine都有驚喜！前菜食韓國菜又點會無前菜呢？五小碟嘅韓式泡菜都非常好味！烤五花肉烤過嘅五花肉微微焦香，油花豐盈而唔膩。食嘅時候可以加上煎香過嘅蒜片，令味道更豐富、更香濃、更惹味！辣海鮮湯麵辣海鮮湯麵一啲都唔馬虎，配料有海蝦、魷魚同青口，份量十足！海蝦新鮮彈牙、魷魚Q彈、而青口清甜嫩滑。令湯麵除咗辣味之外，仲加多份海鮮鮮甜嘅層次。
continue reading