K-POT 部隊鍋 (Closed)

Kawai 家住新界大西北，平時都喜歡出去揾食的，但總有一些朋友是如何請也請不動的，堅持原區食住玩買瞓，我好想講出面的世界係好大嘅！不過為左十幾年的友情，都係算吧啦，真係會反面㗎！哈哈哈！今次來到元朗的K Pot 打韓式邊爐，即是部隊鍋，在新界西這類店子真係比較少！！我地怕排隊，所以六點半就到門口，客人不多，但七點過後就見到永不完結的隊尾.....店內不停播放Kpop mtv, 就像在韓國旅行中一如普通的火鍋，步驟也是先選湯底，其中最特別可算是部隊鍋底，會跟芝士及茄汁豆，其他的湯底也不算太有韓國特色90分鐘放題，收費視乎選擇的牛肉套餐而有所分別，果汁，沙律，甜品早已放左自助吧上，自己招呼自己吧！自助吧有沙律，菜蔬，甜品，飲料（汽水，果汁，茶）細數下種類也不少的雪櫃放滿了韓式的食材如魚串，午餐肉，泡菜餃子，年糕等，另一個就放了甜品，也有六款選擇，以放題來說也算合格還有我最愛的紫菜包飯，只食打邊爐我會覺得好空虛，所以我都夾左唔少用嚟頂肚呢！店員送上三式前菜，當中最喜歡韓式泡菜，辣辣地幾惹味，其他的就略為失色了我們點的是美國尊上牛肉那款！牛肉好薄，一碟只有幾片，脂肪含量唔高，一滾就食得，再滾

日前約了舊時同學聚聚、按大隊相約到元朗開餐、這所韓國餐廳的確有年輕活力特色、啊！年少多好、配色令人想起後生年代！五人行黎到、時間尚早不用等就入座了門口有很冰爽的茶喝、如果要等都應該不會太熱、鐵筒坐位都好有特色！當然不會少得飲一翻啤酒啦！沒想過好傳統的酒瓶和碗杯！裡面環境有格調、很多不熟悉的泡菜 mv熱播住、但都好令人享受、韓風嘛……食韓國菜、當然是無辣不歡、、、湯底必然叫辣的……滾一滾、令人口水長流呀…三尺了！我枱點了178價位套餐、雖然不是最高級的餐、但是質素都很不錯！還可以任食、很值得再試！另一台舊同學叫了人參雞湯鍋、這雞不僅讓我按下快門、沒想過會全只雞上……整體味道很好、、湯最好、夠多選擇、下一次定試試其他湯底！如果要特別推介、自助沙律和午餐肉我都愛、款式真的很多選、餐廳有質素的、幸好這躺人不多、坐位都好舒服也！

早前與朋友聚會去吃叫了一個人參雞湯底和辣咪湯底人參雞湯底 味道鮮甜，有原隻雞仔在裡面但真的只是一隻小雞另外，辣味湯底 味道 清甜帶點微辣吃得辣的朋友不會覺得辣肉類 如 雞牛豬，會隨湯底上（有一定的份量）其他食品則由自己隨便拿如 韓式年糕 方便麵 餃子 午餐肉 等等特別一提，午餐肉口感軟滑，值得一試吃飽後一定要吃一杯乳酪，也是自己弄在門外也有冷的大麥茶供等位或吃完的朋友飲用。值得一試。

同幾個親友去叫左兩個湯底, 一個人參雞湯同辣湯.人參雞湯既湯底非常鮮甜, 值得一試.而辣湯底, 味道都尚算香口, 但唔夠辣, 稱不上做辣湯底.飲品方面有: 有果肉既蘋果汁, 橙汁; 茶包花茶, 同各種氣水.亦會有啤油提供, 好得意會用到茶壺去裝.至於內部環境, 都唔錯,寬敞 舒適同好整潔. 但音響太聲. 職員的服務態度同效率都好好.係食物方麵都有好多選擇, 例如 依家出左 韓式年糕同紫薯年糕. 不過就有點膠質黏感所有肉類,都尚算新鮮,但建議唔好煮咁耐, 唔係就有點靭同乾身.最後最後, 當然食番杯乳酪啦!!! 雖然得一種原味, 但好好食,柔滑又濕潤順口.不過可以自己整, 配料都任自己配搭.  配料方面都脆口, 卜卜聲架.

朋友住元朗， 今晚約左搵反開， 見到有部隊鍋， 大家都未試過所以決定嚟開餐。。。, 餐廳環境開揚唔會迫， 仲有360度大電視不停熱播人氣韓歌mv, 韓風fans至開心😍😍呢到係90分鐘放題仲包飲品甜品， 我地揀左298， 澳洲和牛放題， 有4種牛， 兩種豚肉， 雞同魚各一款， 其他火鍋配料同醬料就自己去水吧攞， 種類都好多。。。我地揀左牛骨鍋湯底， 都幾香同有牛味第一round和牛就每款一碟， 之後就逐次oder， 一口牛同雪花牛有濃濃牛味， 勁正， order左3次， 另外兩種就無咩牛味， 但口感軟化， 都唔錯配料大致上都正路野， 但特別一讚既係皇帝菜， 因為唔係到到都食到， 另外就係魚旦片， 我唔係太鐘意都覺得好食。。。👍👍另外服務都ok, 店員會密密收碟同加湯今次試唔晒所以野食， 有機會會再嚟既💪💪

之前同朋友傾開話想食下韓式放題..今晚終於有機會, 仲要响元朗..K-POT部隊鍋..就晒我..haha, 第一次嚟食..覺得真係幾好. 同朋友試咗$290/ 90分鐘任飲食果款. 可以試晒咁多款牛..啱晒我. 個人覺得選擇算多, 食物質數中上, 環境唔錯, 算闊落, 唔會太迫. 服務員有禮貎. 有幾部大電視成日播住韓國MV, 更有氣氛. 特別一提, 雪花牛及一口牛粒真係好好味...雪花牛入口即溶, 牛粒軟淋有濃厚牛味, 食多幾轉都抵返晒, 最尾仲要飲埋啖湯...勁濃厚的牛牛味..在口中翻滾. 仲有軟雪糕可以自已裝, 可惜我已食到太飽...食唔落了, 下次一定要留返個胃再試軟雪糕. 總括嚟講. 呢簡元朗的韓國鍋放題真係可以返兜..因為近我, 價錢又好. 仲要有我最愛的雪花牛啊~

沒想到這股韓流可以維持多年，還記得小時候瘋日台才是主流嘛。由一開始的K-pop，愈漸深入，不單止是衝著明星臉。韓國文化也開始風行，去韓國旅遊，去留學，學韓文，跳韓團舞……也不能漏掉韓食這一環，炸雞熱碎冰熱，愛吃的話大概無人不曉。　　韓食之中有一款食物我是怎樣都沒有碰的，就算身在韓國其時亦然。就是那技巧乏乏的部隊鍋，老實說不就是軍人將一大堆食材物資煮熟充飢。去吃韓國菜的時候一定會略過這款，要吃的話在家自製就可以啦。看到K-pot，原本還在想怎麼會有人想任食部隊鍋，還限時90分鐘可以吃到什麼？但友人嚐過，說跟一般火鍋沒兩樣，只是食材是韓式選擇，嗯……那倒是有興趣一試。　　用電磁爐，吃的時候就不用忍受那火氣熱感，尤其是天氣熱的時候，就算開冷氣都抵消不了。重點是場子夠大，不用迫住食，充足空間之下也不怕批人踭。　　除了一開始端上的三款韓式前菜，大豆芽、泡菜及酸蘿蔔之外。也有西式一點的選擇，可以自行去製作沙律，材料及醬汁都在了。打邊爐一定要加小碗醬料蘸點，這邊醬料款式琳瑯滿目，滿足各人口味。　　湯底部分選了牛骨濃湯鍋，濃味之選，也可以添加泡菜。本想來個昆布底，味清去膩，只是友人似乎想要重口味一點。

同朋友去食打邊爐，以為冇乜特別，點知有驚喜！雖然係放題，但價錢有不同選擇，我就揀咗美國尊上牛肉放題，讓有較多選擇，如美國特選牛肉，一口牛，雞腿肉，海魚柳，豬腩卷...等選擇八款湯底自選，今次試了部隊鍋底。點完後，店員隨即送上部隊鍋底，會跟茄汁豆和芝士。除此之外，出邊有食物自助櫃檯，食物類型韓式為主，如韓式豬皮、午餐肉、韓式煎餃、韓式香腸等蔬菜種類不少，喜歡打邊爐的你一定喜歡！還有自助乳酪機可以吃新鮮乳酪！甜品亦有不同的蛋糕仔、果撻而打邊爐我最喜歡的丸丸及午餐肉，讓我吃個痛快！午餐肉厚切！吃了幾轉肥牛！最後食埋甜品！90分鐘飲食，吃到飽了才走！地方寬敞舒適，清潔衛生

星期日晚睇完小儀金剛講韓國野就去左元朗食K-pot... 位置係潮豐隔離...我地係9:30後入座, 可以揀要78折(唔駛operrice coupon都用得)/ $98 70 分鐘牛肉放題, 我地揀左70 分鐘牛肉放題...而湯或就選擇左部隊鍋, 之前係Norayo食過一次, 覺得都OK...所以staff就俾左一碟芝士同茄汁豆...先黎3小碟前菜: 大豆芽, 黃蘿蔔同 辣白菜... 大豆芽: 無麻油味味, 無咩味... 黃蘿蔔: 無食... 辣白菜: 好味 , 主要係辣味, 酸就無咁出...再黎一碟嚴選美國牛肉同梅豚肉, 牛肉大約有9片, 好薄...豬就正常樣, 份量就多d...湯滾之前就出去拎定野食...都有幾多野食...而我係雪櫃夾左既有: 豬皮, 豬大腸, 黑色墨魚丸, 墨魚丸, 蟹子丸, 芝士丸, 午餐肉, 泡菜餃, 粉絲餃...菜就要左 生菜, 蘿蔔, 粟米, 金菇, 仲拎左d 韓式粉絲...男友就拎左 蘋果汁...醬汁就咩都有d咁啦...湯滾左一開, 好大浸燶味 ...叫個watress過黎聞佢就話部隊鍋係酸酸地味

去元朗搵食見到韓式火鍋日式，中式都試過 就係未試過韓式所以就入左去坐低了一入到去 見到裝修好有韓式風味牆上掛滿韓文字同電視不停播放韓文歌而舖頭既檯都係鐵造 筷子同湯匙都係鐵既 十分"韓"而椅子係可以打開把隨身物品放入去如果店員唔講 我都唔知呢！晚餐既九十分鐘放題分四種主要都係愈貴肉類款式最多今日我地揀左美國尊上牛肉放題$248湯底有八款 今次就試試部隊鍋啦！其他都好吸引 例如人蔘雞湯牛骨湯下次黎一定要試前菜方面有沙律吧 飯團 韓式壽司而每張枱都有泡菜 黃蘿蔔 芽菜泡菜酸酸辣辣真係非常開胃  飲品就有超過9款揀甜品就有蛋糕 果撻 仲有乳酪雪糕！調味料都有好多款 較特別就有柚子醋，紅蘿蔔蓉柚子醋酸酸地再加上啖啖柚子清香真係幾正  其他火鍋配料都有數十款必試既有韓式腸仔 泡菜餃 魚翅餃 年糕泡菜餃既微辣非常好味  而有隻好特別係類似豆卜咁不過佢係一整串煮完之後吸晒d湯真係好入味好正  肉類睇落好新鮮 d牛肉好紅d雪花又好靚枱上會有一兜芝士同茄汁豆係用黎撈面 d芝士融左之後好香 岩晒我呢d芝士控  不過只有一兜 再要就要收費我見仲有海鮮可以追加 不過要收費喔今日就無加 不過下次黎一定要試試乳酪

港式火鍋吃得太多，想轉一下口味，今次試試在元朗的K-POT 部隊鍋，90分鐘韓式火鍋放題。先送來三款前菜，有泡菜及大豆芽，黃瓜。餐廳都採用韓式餐具很有韓國特色。自取火鍋配料琳瑯滿目，有最常見的丸類，也有韓式魚片及韓式豬腸等韓式食材。有蔬菜、菇類及麵食等等。 醬料區也是應有盡有的。竟然有我最愛的紫菜包飯，味道也很不錯!甜品蛋糕也有數款選擇。自助乳酪雪糕，更可加上不同配料，酸酸甜甜女生最愛!飲品方面有果汁、汽水及茶。8款特色湯底，因為男朋友不想吃辣，所以我選了較少有的牛骨濃湯鍋，意想不到超香濃牛骨味道讓食材不用再沾醬都非常美味。我選了 $235的美國專上牛肉放題，可以任食美國特選牛肉、美國嚴選牛肉、牛腱肉、梅豚肉、豬腩卷雞腿肉及深海魚。最好吃的一定是美國特選牛肉，雪花均勻的肉質，只要刷幾下就可以食用，口感非常軟滑，入口即溶。配上牛骨濃湯鍋，牛味濃上加濃，每一口都是大享受。無牛不歡的我們共吃了兩大碟，感覺值回票價! 梅豚肉肥瘦比例適中，肉質鮮甜口感好軟滑不會油膩，很不錯。牛腱肉、雞腿肉及深海魚。三款也是非常新鮮，特別是牛腱肉，肉質有彈性好有咬口，牛味也濃。而雞腿肉也很香滑好吃。自取火鍋配料我

好友搬入元朗後, 都未入過去, 上星期便入去元朗, 原來元朗真係好多嘢食, 今次去了KPOT部隊鍋食晚飯.這裡食韓食涮涮鍋放題, 晚市是90分鐘任食, 一共有以下四款選擇. 我地選了美國尊上牛肉放題. 而湯底也有8款, 我地點了牛骨濃湯底.仲有各款的火鍋配料, 飲品, 甜品任食.我第一時間睇下有咩食物, 款式也有不少.各款火鍋配料.各款蔬菜和菇類.甜品.我鍾意這裡飲品選擇較多, 除了汽水外,仲有果汁, 花茶, 綠茶.醬料也是重要一環. 有多款醬料, 各人可以因應自己喜愛而選擇.以下是我的混醬.侍應先奉上前菜, 有泡菜, 芽菜和蘿蔔.接着, 食物上枱. 牛肉色澤不錯, 而且脂肪分怖尚算均勻.不太愛食牛的朋友也不用擔心, 因為有豚肉可以選擇.除此之外, 仲用魚柳, 雞肉和牛展.牛骨濃湯底的牛味真係幾濃郁, 啱晒愛食牛的我.牛肉夠薄, 所以好快便熟, 肉質夠嫩滑.食咗一輪牛肉後,也食了魚柳和雞肉, 肉質也腍身, 仲啖啖肉.食了多款肉類,也要食一些蔬菜. 這個一串串的豆腐卜也好味, 因為吸收晒湯的精華.而有一些配料我覺得特別好味, 來這裡要試下.其中一款是紫薯年糕, 內裡有饀, 甜甜地又夠煙靭

今日係元朗提早收工去慶工！同同事去左呢間食好早嘅晚飯，因為冇乜點食lunch嘅關係，忍唔住要打邊爐食返餐勁嘅！見呢間部隊鍋開左都一段時間又未食過⋯⋯一坐低就叫人參雞湯部隊鍋！意外地驁喜，個湯係真心正好正！真係一條條人參仔！仲要係成隻雞咁食，啲湯有好參味，唔係講笑 😂😂😂 大家可以試下… 叫 Kpot部隊鍋要推介嘅係佢地d韓國啤酒係用雪凍左嘅黃銅碗飲架！好有傳統風味！而我係6:30入坐價錢都好平，仲有78折，唔洗$158 就有得任食任飲😇😇

呢間香港有得食，之前睇到好多Post都壇一棟都冇，但始終都係心思思好想試一試，我自己覺得真心唔錯一定有下次，覺得唔好食嘅原因可能有好多人冇乜食部隊鍋嘅概念呢個部隊鍋同平時嘅分別係平時嘅部隊鍋係成鍋上枱，而呢一度就係自助形式先上湯底，配料醬料都係自己係出面選，我見隔離枱食到好似打邊爐咁所以咪覺得唔好食囉，牛肉同牛肉粒都好正，超LIKE佢個紫薯年糕不過唔記得影下次再食影噃，重點推介有自助乳嗠雪糕機😁😁～正!!!!!!K-POT 部隊鍋 (元朗)