街坊Cafe (Closed)

見呢間野幾特別，舊肉放左係熱石上面可以選擇自己燒到幾成熟就幾成熟，咁得意就想去試下。佢地有個日式石燒自助放題，一份扒(扒唔係任食)加出面嘅自助bar。自助bar有串燒，甜品，飲品，沙律，意大利飯，意大利麵，餐湯。見到佢地任食一啲都唔吸引所以我地就無要到放題，只係叫扒。我地叫左個美國牛肩扒同黑安格斯肉眼。其實個肉無咩特別，只係份量少得可憐。我地食完都未飽，後尾仲要再去另一度食😓😓其實如果真係要食飽咁就真係要叫埋個放題，不過我未必會比咁嘅$去食。同埋店內環境唔大。枱與枱之間無乜空間，坐裡面果個出入可能有少少難度。