金潮小廚

Open Now

Now Closed

呢間店都聽咗好耐但位置唔方便未去過，最近有位名㕑話去過放係網上社交平台又有記者試過好好味，有鑊氣。按國內朋友提意去試試，本來book 6點，打去book電話都不用留，多口問句幾點開，佢話中午無休。當日朋友提早完成工作，知食店中午冇休咪早小小打算附近走走，但附近只有街市乜都冇，唯有先去食店坐低，當時大約4:45，冇乜人，我地坐低叫咗啤酒，魚皮，豉油調得幾好魚片又爽，之後再叫一個黃金蝦，幾香脆但冇乜咸蛋黃味及好油，麻麻地。食店沒提供冰筒，啤酒每次逐支叫，然後再order個椒鹽鮮魷，當時大約5:30也無乜人，但有位女服務員問我地食到幾多店，我話我有book,但佢話book咗又點？我話我唔明白？ 係咪需要mark鐘再起？佢立即露出不悅嘅眼神，呢到唔可能比你坐咁耐，我又唔係齋坐，之後有個阿伯走過嚟眼啤啤，每5分鐘走過嚟一次，最終叫多個小炒皇，大約6:30走人，總結食物一般服務態度極差，不會再幫襯。

好好味哦，兩個人食三樣嘢胡椒蜆湯：鮮甜微辣，食完好暖胃沙拉骨：炸完酥脆嘅排骨，另上嘅菠蘿可以平衡排骨嘅膩感啫啫芥蘭煲：好香，好惹味，鹹香食唔停口無叫到飯，因為食餸已經好飽

雖然只是午市特價套餐，但$50價錢個炒河只有4小片牛肉，豆豉也可以數到只係有4，5粒，同埋午河係分開炒再加汁上碟，比預期差，我寫這個食評的目的係想店鋪有所改善🙏🏻

呢間金潮小廚喺葵芳出名有人氣，晚飯時間通常都座無虛席。之前已經幫襯過幾次，佢嘅小菜好多都好出色。今晚又黎呢度飯聚。我哋點咗九個小菜一個飯，全部都好好食。個人最鍾意嘅幾款小菜係金沙南瓜、沙拉醬大蝦球、冰梅骨、椒鹽鮮魷同埋XO醬墨魚咀。佢嘅炸物小菜特別出色，炸物嘅脆漿又薄又鬆化。～金沙南瓜外脆內軟，南瓜香甜軟硬適中。～沙拉大蝦球隻蝦球真係超級大同埋好彈牙。～冰梅骨酸酸甜甜好開胃，外面仲有微微脆嘅口感。～椒鹽鮮魷大大隻又係啖啖肉。～XO醬墨魚咀彈牙又惹味。佢哋嘅小菜仲有好多其他嘅選擇，下次嚟又可以再試吓其他唔同款式。

早一星期訂位 話訂位時準時到便可最後 沒有派飛 憑那位高高的阿姐 喜歡叫誰便誰大家耐性好 可以試下這間 不要相信訂位 不要相信服務入了餐廳後 落單又一大挑戰 坐了半小時才有碗碟和下單 但是 90分鐘便要 bye bye想測試自己忍耐力 便來

呢間人氣室內大排檔已經食過幾次到今次終於打番個食評🤣呢間野就算打電話book咗枱都好嚟到都需要等一等位可想而知佢係幾咁受歡迎我哋一坐低立即叫番幾樣野醫一醫肚潮式胡椒大蜆呢個湯胡椒味濃絕對唔係是是但但隨隨便便而家啲蜆都好多食極都仲有咁荷葉飯份量大大份我哋叫得太多野食搞到呢個荷葉飯食唔晒要打包到第二日再翻叮已經冇咁好食下次都係趁佢熱辣辣食番碗冰梅骨作為招牌菜冇得輸見到四周圍啲枱都有叫呢個我哋都跟機試下果然超正啲排骨嘅味道好開胃而家又脆脆地口感都唔錯酸菜魚就我哋每次嚟都會叫因為呢度啲酸菜魚都係大件夾抵食味道仲好正添蝦醬通菜炒牛肉啲蝦醬絕不手軟鍾意蝦醬嘅你必食

以往每次黎都必定大排長龍既葵芳小店金潮小廚, 平時番工就會黎食 lunch, 今次就同朋友食晚飯, 叫左鎮店荷葉飯、金潮小炒皇同啫啫雞煲。🍚 鎮店荷葉飯新鮮荷葉包裹住香噴噴的米飯，散發出淡淡的草香。打開荷葉，米飯粒粒分明，色澤誘人，搭配咗雞肉和瑤柱等多種配料，每一口都充滿咗豐富嘅層次感，荷葉的清香更讓整道菜增添咗不少風味。🥘 金潮小炒皇這道菜色彩繽紛，包含咗新鮮嘅海鮮如蝦、魷魚，加上時令蔬菜，炒得火候恰到好處，讓人食到停唔到口。🍲 啫啫雞煲雞肉經過特製醃料，煮至軟嫩，湯底香濃，配上各種香料，味道層次分明。

香港人個個都話要離港消費，可是有一家在經濟衰退下仍然門庭若市的平民小館，每次經過想去試試門口總看見人山人诲，今晚2024年6月5日一個清涼舒服的6月天約朋友一行4人就去試試。訂了枱原來要人齊才可入座，終於等到了，心裡很好奇和興奮想這家館有什麼魅力？坐下來店子就似普通的小館，一貫的坐得很擠迫，沒有舒適可言。目測每枱都吃的那就點了一味豉汁蒸大鱔，試了，味道很普通。又點了出名的咕嚕肉，試了，炸物的功夫確有一手，可惜咕嚕肉酸汁不夠酸，美中不足唉。又點了西芹菇菇炒墨魚咀，這味菜有些特別，味道不錯，最後點了青椒炒牛肉，普通得很但也很不錯，相信他們先把青椒燒烤了再炒，有炭烤香味。整體來說是遍向味濃，炸物愛好者的首選，最最重要糸吃完不口渴，可以再去試其他菜式。

住葵芳都一定要會去嘅金朝小廚今次六個人食咗好多餸，飽到癲。唔講廢話即刻講菜式會由最好味講到麻麻哋好味嘅餸。蔥薑魚腩煲呢個超級好味，啲汁好惹味，瓦煲熱上，火候又夠，啲魚朔晒啲汁，撈白飯食，簡直一流！！如果第一次嚟食嘅話，呢個一定係必點！！ 招牌黃金蝦黃金蝦都係一個必點嘅餸，我哋就鍾意連蝦殼一齊食，貪佢係一個天然嘅鈣質，照落去有質感又好香口，蝦仲要非常之新鮮同埋大隻！住葵芳都一定要會去嘅金朝小廚豉油王墨魚咀成碟都係惹味嘅墨魚咀，好有豉油王嘅味配啲洋蔥食又真係幾爽！好好味鎮店鯇魚皮金銀蛋白菜仔由於成餐飯都好多肉啦同海鮮，加碟菜仲要係有湯嘅菜真係不得了，我連佢啲湯都可以飲埋，正！XO醬爆墨魚咀呢一點XO醬爆墨魚，就比較多其他配菜，有菇啦，有西芹啦，青椒紅椒等，變相就好似冇豉油王墨魚咀咁抵食，不過都係好味嘅！鎭店鯇魚皮前菜嚟講幾開胃，夾埋啲芫荽再點豉油,妥當 豉汁蒸鱔魚豉汁蒸鱔魚正常發揮，但係新鮮嘅！沙拉骨沙拉骨嘅汁唔錯，加埋啲醬汁其實都真係好味㗎！鎮店荷葉飯超級大份，一揭開就有好香嘅荷葉味，非常足料，而且入口有一陣荷葉帶嚟嘅香氣。 胡椒大蜆湯呢煲湯超級多蜆肉，但係我就略嫌蜆肉淡味咗少少，因為精

📆17.2.2024-📍金潮小廚-只能說：餸菜蠻多都很好吃除了糯米雞是澱粉沒有碰還有魚皮忘了吃茶餐廳的地方小而且裝修偏舊下單很快，員工服務不能要求很好就是了，但不過不失-❀ 菜花蝦乾小炒王🤩🤩❀ 黃金蝦球🤩🤩 -沒有很濃的黃金味，但勝在蝦很大❀ 金潮一口牛🤩❀ 紅燒乳鴿🤩❀ 瑤柱鮮竹豆苗🤩🤩❀ 豉油皇墨魚咀🤩🤩🤩 -味很足夠而且很彈牙❀ 粟米脆魚柳🤩❀ 豉汁蒸大鱔🤩🤩🤩 -很推薦，汁很濃，肉很嫩❀ 椒鹽鮮魷🤩🤩🤩 -炸得鬆化脆口，魷魚片易咬且很夠椒鹽味❀ 酸菜魚片🤩🤩🤩 -魚片燙得剛剛好，超嫩❀ 鎮店荷葉飯（不推薦） -沒特別，裡面是炒飯加餡料❀ 胡椒蜆煲（不推薦） -比較辣，湯沒有很濃，只是蜆蠻大隻❀ 鎮店鯇魚皮 -爽口小吃

金潮小廚是葵芳有些歷史的餐廳，以角色小炒菜式俘虜街坊的心。今次平日來到，大概7:30到現場拎位，店員告知要等大概25分鐘，都叫有個預算。餐廳範圍內清楚貼上告示，冬至及聖誕期間會有額外收費，也可能是排隊人龍較少的原因。其他地方都不會叫的鯪魚皮都係上一次來食先成家人一齊食，先發現如此美味的冷盤前菜，記得點汁。第一次食墨魚咀，感覺彈牙爽口，是很新鮮的體驗，讓人忍不住一粒接一粒地放入口。另外叫了黃金蝦，新鮮炸起就上菜，蝦身非常大隻，食落新鮮，炸皮亦都算薄。之後還有金銀蛋浸時菜，配料相當多，同樣非常大份。

金潮小廚，係一間位於葵芳嘅中式餐廳，好受歡迎㗎！晚上長期都有人排隊，好明顯係一個熱門嘅食肆。咁嘅人氣，當然係因為佢哋嘅出色餸菜啦！特別推薦大家一定要試下佢哋嘅招牌菜沙拉蝦球，絕對係一道不能錯過嘅美味。蝦球外脆內嫩，每一口都散發出鮮美嘅味道，我每次嚟都一定會叫佢。另外仲有一道非常推薦嘅菜式係啫啫通菜煲，煲仔飯嘅特色豐富得嚟，入面有豐富嘅蔬菜同埋肉，煮得熱騰騰，一上桌就散發出誘人嘅香氣，真係令人垂涎欲滴。

其實年年阿媽生日都黎食佢個龍躉兩味年年都keep到水準平時食想慳d叫白鱔 有時會有少少失準所以之後都係叫龍躉加左飯408 2食第1道蒸頭腩 大大碟 蒸得岩岩好第2味有得揀酸菜魚/水煮魚/炒球炒球係大大塊魚排 好正 岩岩好唔會鞋墨魚咀都出色 入味彈牙 但西芹仲精彩 條條都嫰

中秋節前一日，就同男友屋企食飯呢間近男友家，所以朝早就叫男友打去留位📞唔留位，要等好耐...呢間佢地都成日食，我第一次😂去到一睇，果然如此，超多人，滿晒座...門口中有人等緊...心諗好彩留左位🤣4個人，叫左個餐牌無，痴係牆的套餐：深海大班兩味～蒸頭腩+酸菜魚🐟另外叫左餐牌的：招牌黃金蝦🍤、冰梅骨、魚湯竹笙靈菇浸時蔬🥬中叫左兩碗白飯蒸魚蒸得好滑，魚好鮮甜酸菜魚好開味，魚肉都好多，好肥味招牌黃金蝦🍤係成隻大蝦，炸得好酥脆，如果有醬汁就更好啦😂冰梅骨，其實有d 似咕嚕肉，但好好食，酸酸甜甜而魚湯竹笙靈菇浸時蔬就...係5樣中味道...完全無味🙈

這間餐廳應該在區內開了一段時間, 裝修也有點舊了, 店內空間感不大, 枱與枱之間有點狹窄。價錢沒有反應在食物份量上, 每碟的量都是比較細小。♡ 招牌黃金蝦 $140蝦可以選擇帶殼或去殼, 炸得金黃, 吃下有很濃的鹹蛋黃味, 蝦肉肉質亦彈牙。♡ 黃金鮮魷 $140鮮魷魚炸得漲卜卜, 外酥內嫩, 灑上少許椒鹽更惹味。♡ 豉油皇墨魚咀 $115幾特別的一道菜式, 豉油皇的味道很濃, 但墨魚咀很有咬勁, 需要牙力好的才吃比較建議。♡ 滋味冰梅骨 $120排骨的皮面有糖包住, 脆脆甜甜的, 還有梅汁的一點酸味。排骨暫得小小的, 肉質也鬆軟。♡ 豉汁蒸大鱔 $170蒸大鱔的份量有點少, 蒸的時間剛好, 鱔肉肉質嫩滑, 與豉汁配搭鮮味香濃。 ♡ 金潮一口牛 $205唯一一碟有擺盤的菜式, 醬汁有點甜甜的很開胃, 牛肉是一片片的, 肉質嫩滑不柴不乾。