金輝海鮮菜館

Open Now

Now Closed

母親節0個日我同埋屋企人去西貢，因為0個日實在太多人，咁啱見到呢度有位，就去咗呢間食la。我同妹妹出去揀海鮮，因為我同佢都係半桶水，所以都係普通揀咗幾樣嘢食。咁我地食咗瀨尿蝦、蟶子、龍蝦、不知名魚(係紅色的)、扇貝、海膽炒飯同埋西蘭花。可能出去揀既關係，所以始終都係新鮮。最主要係冇沙，食都會安全d。因為我同屋企人吃得好飽，價錢係$16xx，合理。

昨晚一家人8個去食飯. 點左8個餸, 真係由頭"小" 到尾, 昆水, 難食, 任何一間餐廳都好食過佢1. 椒鹽瀨x虾: 我都叫左4隻, 仲要係大隻果d, 但可以黎到每人得一舊, 2隻都唔知有冇,當然唔好食tim la2. 海胆炒飯: 每人半碗, 又濕, 又少海胆, 又冇味3. 粉絲元貝: 有一大半係死去多時既, 一咬落去直頭係臭既, lur 都lur 唔切食到呢道已經媽媽聲, 老細, waiter 一味係度講"係咩" "唔知wow" "唔好意思" ... 晒氣剩返果幾碟都係偷工減料, 無味, 難食之作!!!難得間野樣樣野都整得咁難食, 呢餐仲食左成2000 蚊!!!For those visitor, never come to this restaurant. It will definitely destory your image to seafood. Those are not seafood, or even food, those are rubbish !!! see when will it close down.

清明節去西貢食海鮮，原本諗住去鴻記，但係見呢間金輝唔洗等位又有套餐，就入左去。原本諗住食套餐唔會太好架啦，不過我估唔到根本係貨不對版。第一味海參上菜個時，我都知道今次中招啦，碟海參水汪汪，淋pat pat，見到都唔開胃。之後個龍蝦伊麵，d龍蝦好似d淡水龍蝦仔咁大，d肉又削，佢一上菜我就問佢呢d都叫龍蝦，佢話呢d龍蝦仔仲鮮甜好味，我真係比佢激到好似d龍蝦咁跳呀。再黎豉油王蝦碌，不過佢唔應該叫豉油王蝦碌，應該叫豉油王蝦毛，佢d蝦細到得手指尾咁。仲有一味酥炸珍珠蚌，我見到餐牌都覺得好特別，因為好少酒家會攞黎炸，點知道原來係炸濠，仲要係唔新鮮個隻。最後仲有個海膽炒飯，D海膽唔新鮮，D飯又濕淋淋。我唔食到肚瀉都算我身體健康。

因為老公生日，所以特地來西貢走走。因為很少到西貢吃飯，只是今次湊興，所以在西貢走了一輪後約六時到海傍的食肆看看哪間較適合。一邊行已經被多間食肆拉客，走到最後，經不起這間金輝海鮮酒家游說，吃了一個四人餐。餐牌共有八款海鮮，包括粉絲蒸帶子、椒鹽瀨尿蝦、原隻海膽蒸蛋、海參、鮑魚、檉子、蒸魚、龍蝦伊面底。可以說無樣掂。原本都想套餐都不會有什麼好貨色，但想不到會差成這個樣子，份量固然少，但也不打緊，但如蒸出來的帶子只是微暖，我想一定是預先蒸定，檉子又多沙，瀨尿蝦一點味道也沒有，龍蝦伊面底一pat pat，也是微暖，海膽蒸蛋不知所謂，其餘的也是沒鑊氣，難吃!付送的所謂海鮮湯，一點海鮮味也沒有，只能說味精開水。總之一包講o西，搵笨!

今晚同老公兩個走去西貢食海鮮, 6點9左右係碼頭海鮮街見入口間全記超多人等位. 就諗住睇其他地方有無位, 跟住見金輝唔駛等位之餘仲有套餐, 位位$168再加$10(花生及蕎頭), 又免加一免茶錢就即刻坐低. 7點鐘落單, 7點30分開始有第一碟, 1. 芝士龍蝦伊麵底:一隻同瀨尿蝦差不多size的龍蝦, 味道普通.2. 椒鹽瀨尿蝦:蝦肉很淋好似未熟, 怪怪地,套餐無奈接受.3. 蝦醬通菜:比之前兩碟好味, 不過份量很少.4. 活海膽炒飯:普通炒飯一個, 有d咸.食完以上4樣已經8點, 仍有兩碟清蒸海石斑及瑤柱粉絲蒸未到. 由8點吹人到8點45分共5次, 每次都話就得, 一係話人多無辦法. 跟住我同老公忍不住叫埋單, d伙計先即刻走入去吹. 但我同老公當時已經很不滿, 要佢減番個兩碟錢, 佢地居然即刻拎個兩碟送出來, 佢地基本上係等夠幾圍客d order先一起蒸, 所以到最後我7點落單同其他8點落單的人, 係會同一時間上菜, 死未! 之前諗住套餐, 難食就預左, 不過無估到成肚氣!以後, 我絕不會再去金輝, 唔怪得全記咁多人等位.

第一次食, 套餐都預左唔會有靚野食自己點個海膽刺身, 算係咁之後大讚好吃好吃第二次食, 人多, 來野遲, 坐入面冇人serve開始覺得差左第三次食, 來野遲, 蟶子有沙, 海膽炒飯唔好食之後冇第四次

是日天氣好各酒樓都大排長龍，我地行左陣見倒d酒樓既菜色同價錢都差唔多，加我冇去Openrice預習(OH SORRY~!)~!就是但執左間唔駛排咁耐隊(其實唔駛排隊)既金輝食，餐單如下:i) 清蒸海石斑: OKii) 芝士焗龍蝦伊麵底: 一碟伊面上有隻本地好細隻o個d龍蝦，隻龍蝦細到只可以切開做四舊仔(左邊頭，右邊頭，左邊身，右邊身)，d伊面冇咩芝士同龍蝦味啦~iii) 椒鹽瀨尿蝦: 兩隻唔細又唔大隻既瀨尿蝦iv) 豉椒炒蜆: OKv) 瑤柱粉絲蒸: 每人一隻個殼好樣衰既貝類物體，OK啦vi) 活海膽炒飯: d海膽冇味o架，落唔落根本冇分別埋單356(每人178)總結一句: 普通既價錢，普通既味道，你唔需要特別入黎西貢度食

完全唔掂!!昨晚跟同事們遊玩後到了這間黑店,絕對是完美一天的敗筆!我們點了套餐如下:1)清蒸海石斑: 肉唔實不新鮮,個對魚眼好明顯條魚唔新鮮得去邊.2)芝士龍蝦伊麵底: 得蝦頭蝦尾無肉食,完全係餸頭餸尾的代表作.部分蝦肉顏色微黑,芝士有酸味(旁邊兩桌客人也有同樣指控).3)椒鹽瀨尿蝦:一牒只得比海蝦大不了多少的瀨尿蝦--- 5隻,真的剛好一人一隻. 這是第一牒來的餸, 興奮的氣氛馬上下降.4)豉椒炒聖子:應該有死聖子,聖子肉有臭味5)豉油皇海蝦:無意見(整體上稍好的餸)6)紅燒活海參:無咸味但有石灰味7)活海膽炒飯:失望.這店最出名應該是海膽,但亳無特別之處,整牒餸的海膽加起來都未必夠一隻海膽,劣.8)秘製海龍皇湯:無意見9)瑤柱粉絲蒸???:唔好問我,我都唔知蒸咩鬼野,但好明顯有兩種類別的帶子,亦好明顯o個個殼循環再用,將帶子放上去蒸,帶子是否新鮮自行定奪.最勞氣的是由我們下單到第一牒餸上場足有15分配,但呢個係套餐,應該是不用匣麼多時間.最最最勞氣的是最後一道餸(瑤柱粉絲蒸???)距上一道餸有30分鐘才來, 足足吹了5,6次才有人做野.最後, 花生蕎頭超貴, 得7,8粒蕎頭, 最後

我從來唔post嘢, 但係今次真係谷氣!!自携海鮮有膏瀨尿蝦, 佢哋煮完出來中間唔熟. 環境又太迫.有一碟跳螺好耐都未上, 同個伙記追, 佢完全沒有幫我地問廚房,重企係我地面前，到我哋第二次發哂脾氣追, 佢先至去問.豉油王中蝦又係唔熟...唉！上湯龍蝦，玻璃獻，浪費左隻龍蝦整體食物味道- 唔掂！！總結係工廠式海鮮快餐店

星期五晚同同事去咗西貢食海鮮，唔知點解同事會揀呢間，環境已經唔好，首先座定咗後，因為有室內同室外座位，我哋揀咗個室外位置，而我座嘅位置係見到廚房傳菜出嚟嘅房，間房有個位置係可能員工放置個人物件或作休息地方，但因為係玻璃窗關係，大家可以好清晰望見里面啲人做咩，而我就見到一個阿姐喺到洗頭，我真係呆一呆，令到我有點倒胃口，真係搞錯！講開食物，我哋叫咗椒鹽瀨尿蝦、油鹽水蜆、辣酒煮花螺、豉椒聖子、蒸鮑魚仔、粉絲蒸扇貝，講真除咗油鹽水蜆之外，全部都好難食，全部都好咸，真係浪費晒啲海鮮！全部都唔係用心之作，我諗唯一可取就係服務態度係可以嘅，啲阿哥阿姐都服務唔錯！

本人2007年3月31日一行12人(其中3位日本朋友),光顧西貢金輝海鮮菜館,在菜館外附屬海鮮店選購海鮮後到菜館加工,頭數款海鮮沒有問題,其後到清蒸瀨尿蝦,起初不為意先將瀨尿蝦款待日本客人,兩位日本客人把蝦殼拆開,發現蝦肉狀似生肉,同時有水流出,即時停止食用,通知食店店員,店員解釋瀨尿蝦還未熟透,可以幫我們翻蒸,還說可賠償兩隻瀨尿蝦補償,初時我們反對,因為海鮮翻蒸會失去其鮮味,但基於有日本朋友在場,唯有給他們再蒸,我們繼續品嘗其他海鮮,約30分鐘後店員將巳翻蒸好瀨尿蝦上檯給我們食用,還保證再蒸後瀨尿蝦會沒事,我們把瀨尿蝦殼拆開,發現問題同之前一樣,即時與店員理論,及後店員解釋跟之前一樣(未熟),本人覺得有問題,拿出瀨尿蝦跟自稱老闆肥哥哥問個明白,肥哥哥稱瀨尿蝦肉質似水狀是新鮮的,沒問題. 人誰無過,原本只要他承認瀨尿蝦不新鮮及有問題, 我們也能與日本遊客交代,并不打算追究, 但他們實在過份, 不單堅持瀨尿蝦沒問題, 并開始對我們呼喝, 及後我影下店鋪相片留下証據,肥哥哥即時出來跟我說(係米玩野.....), 這還不止, 他還對我們說粗言, 各位朋友, 小妹平日不打中文字, 今次用了個多

3月3日晚上同幾個朋友食海鮮，俾o的侍應誘騙o左試呢間！4人餐- 每位$168 + 每位$10 茶錢聖子~ 有沙又有泥味，又細粒，落唔夠豆豉蒸扇背~ 好細粒，又過火，面頭o的粉絲都未浸透瑤柱粉絲蒸~ 又係過火，同樣面頭o的粉絲都未浸透，硬到死，仲要有沙蒸鮑魚仔~ 硬到咬唔開芝士焗龍蝦(伊麵底) ~ 又過火，o的龍蝦o鞋哂蒸魚~ 都唔知咩魚，腥到食唔到海膽炒飯~ 叫做最好，不過都係炒得唔靚上菜上到好似快餐咁，叫你入去o個陣就好service，入到去就睬你都傻.....不知所謂真係請都唔好去......

If you don't want to have your weekend ruined, PLEASE don't go! The problems of dishonest service and poor food quality still exist and are getting even worst. Try imagine eating cold and oily dead seafood... you can get these from here!!!

昨晚六時,我和老公及bb在西貢海鮮街外長廊影相(老公試佢問人借回來的"大舊相机"),有個呀叔不停地叫我地試佢間海鮮酒樓,跟足十五分鐘!我地上次看過佢地周圍貼的"海膽"剪報介紹,其實也有點興趣,阿叔在我們影相時不停說:你叫480餐全免,免茶芥、免加一、免油料費,再送海鮮湯,炒菜,生果拼盤,你小費也不用付,480好抵好抵...我說單張上說每人送兩隻海膽還有沒有的,他說送埋給你。我們入到去坐下,阿叔同伙記說了數句就走了去長廊拉客,那時我正開奶比bb,除了有人放下兩壼茶,完全沒有理我們(那時只有幾客)!我說:老公,我地算叫了食物嗎?他說:可能算!我說:個餐唔係要選魚的嗎?都冇人問過我地食乜!menu都未見過,我老公找了一個待應,問佢我地寫未,佢話寫啦,480餐嘛!咁我地問佢是否有海膽、海鮮湯、菜等送,待應話只送一款,待應說:你地要邊款?我說:剛才外面阿叔說全部送我們才進來。佢話:公司規定只送一款。我說:佢話送幾款,你話送一款,咁你問清楚阿叔!待應說:好的,你找阿叔入來我問佢!老公說:,你叫個客自己走出去問?咁我地全家一齊走去問囉!個待應不滿地說:咁我打電話幫你問下佢啦!打完後,待應話:阿叔有話

入到西貢諗住食海鮮，唔知邊間好，最後屋企人被茶單同一個女士"tum" o左入去間金輝，又「螺」到個老細送o左碟菜，但呢間o野都係唔多掂，個蟶子好多沙；瀨尿蝦都唔算十分大隻，仲要竟然o黎得四隻，最離譜係同個伙記話o黎得四隻，個伙記竟然話拎把校剪o黎剪開佢，無病o下話?!你估你五餅二魚前開會多一隻出o黎咩!!唯有同個老細講，佢拎多隻o黎，但size 之原本o個幾隻細o既，都無佢符啦。碟蟹又好細隻，真係用o黎煲粥就差唔多；o黎碟魚呢，羹都無個，問另一個伙記話要羹，個伙記都唔抵得話「呢度乜都無o既」。間o野話唔收加一，但又收每人十蚊茶芥，俾信用咭又話要加10% charge，嘩食餐海鮮隨時千幾蚊啦，個個帶咁多cash 出街咩，呢間o野真係好唔掂呀。