金輝海鮮菜館

Open Now

Now Closed

是日爸爸想吃海鮮，提議到西貢吃。一家四口約七時到達，沿著海邊一直走，原本爸爸有一家常去的，不過由於沒有訂位，決定隨便挑一家吃好了。一路上每家海鮮店都很多人，最後走到差不多盡頭的金輝便決定試試。這店也很滿座，不過他們說裡面有檯剛結帳，稍等一下便到我們，約等了五分鐘便有檯了。不過他們給了張大檯，起碼坐八至十人，大得我們都愣住了。剛坐下不久，有個阿叔走來要幫我們下單。我們不太餓，問可以點二人餐再另外加海鮮嗎？那人說可以叫餐，但以為我們要點四人餐。我們說怕叫四人餐份量太多了，想叫二人餐再另加海鮮⋯然後他說：唔得！老闆會鬧架！你地仲要坐張大檯！我們即回答說：檯係你俾唔係我地要求嘅，一係你俾番張細檯我地囉⋯然後他說了數句悔氣說話，才勉強答應點二人餐⋯原本想點$368/2人任選四款海鮮，但他說假日沒有這個餐⋯看過$198/人的餐不合心水後，決定分開點，於是兩位男士出了去點海鮮，回來時另一個女侍應來詢問海鮮的烹調方法。食物速度來得挺快，先來的是薑蔥炒膏蟹。原本家人想點避風塘炒蟹，不過我不吃辣的關係而改點了。家人挑的蟹很大隻，點了兩隻。肉質彈牙及鮮甜，可惜蟹蓋中的蟹蓋不算多，薑蔥炒得很夠火喉味很夠，我覺

所以話開每一次會都要做好準備功夫, 出外食每一餐都要做好功課, 搵下資料. 無做, 當然就有後果.直接講對呢間野的不滿, 服務差, 食物差, 烹調差. 服務差其實可以算, 十間舊式海鮮館八間都係服務劣.食物方面, 不外乎材料不夠鮮與質數差, 量少. 烹調方面, 求其與偷功, 隨便的亂做, 賣相也不好.蟶子味淡多砂未熟透. 芝士龍蝦個汁一舊舊龍蝦殼大肉少. 瀨尿蝦好唔新鮮, 而且頭身分離, 難食.油鹽焗奄仔蟹, 蟹不新鮮而且焗焦咗, 好像焗完才在蟹面灑上鹽. 鮑魚仔, 完全沒有清洗內臟也在, 難食.油鹽水蜆, 無鮮味無咸味, 這是白煮嗎? 蒜蓉粉絲扇貝, 一碟只有兩細隻, 兩粒肉仔就算是一道菜?炒通菜, 冇乜味道. 最後強行收了幾樣不知名的雜費.

2013年11月9日，週末，朋友忽然慶起，想去西貢食海鮮，兩人便抱著短遊的心態，由旺角出發，往西貢海傍吃個海鮮晚餐。我對西貢海鮮店的印象，其實並不太好的，價錢比市區貴，質素也不見得比離島好，但有時就是喜歡西貢的小鎮風情，所以每年都總會來一次。西貢海傍街有多間海鮮店，別以為行遠一點會便宜一點，價錢是一樣的，只是遠點的店比較少人，而且正值初秋，有點微風，坐得很舒適。今晚的客人確實不算多，店員都忙著拉客，可知生意難做。這裡的價錢真的每年遞增，明明記得去年的六道菜兩人餐大約$288，現在已是$388了，貴了30%以上，但我的薪金郤原地踏步… 唉!芝士龍蝦配伊麵底龍蝦並不大隻，但仍算多肉，味道也鮮美，芝士份量足，且也頗入味，整體水準可以。椒鹽瀨尿蝦炸得很香脆，連皮帶肉都可以咬下，而辣椒味和鹹味也恰到好處，令我吃得很滋味。豉椒炒蟶子始終認為蟶子用清蒸比較好，最能帶出鮮味，這次用豉椒來炒，是很惹味，肉質也爽滑且有彈牙感，但就豆豉味就蓋過了鮮味，或許真的沒有兩全其美吧。清蒸海上鮮(龍躉)魚用傳統的廣東方法去蒸，薑蔥是必然要的，蒸得也剛剛好，這條魚本身也算肥美，肉質也鮮嫩。海膽炒飯海膽在哪裡? 要找一會

同老人慶生日諗住揀間本土d既，唔駛俾人湯。叫左個198 一人既餐。賣相差不特止，仲要唔夠熱，味道勁差。六個菜，只有條魚正常。個蟶子。。唔夠熱同無味有沙。個芝士龍蝦個汁一pat野。條菜白十，完全無調味。個海膽炒飯又唔熱，又無味，仲差過自己煮既蛋粉飯。服務差都算，最慘野食差到。。無人有

第一次寫食評, 因為這菜館實在太差, 希望大家小心.3個人叫咗5個菜.生炒骨: 排骨應該是預先炸好, 又硬又無汁, 差!豉椒炒蟶子: 無豉汁味, 水汪汪, 蟶子唔爽唔新鮮, 差!蒸石蚌魚: 內臟未清乾淨, 有腥味, 又有魚鱗, 肉又嚡, 很差!油鹽焗奄仔蟹: 一隻好好好普通, 一隻覺得係死蟹, 臭臭地, 又焗焦咗, 好像焗完才在蟹面灑上鹽, 投訴後取消碟菜, 非常差!海膽炒飯: 海膽未熟, 又無味, 差!一定唔會再去食用.

星期六又去西貢玩完一日, 出到西貢市中心一心一意就係想食海鮮, 2個人最終選擇金輝試下. 見到二人套餐,. 個餐都幾豐富有成6樣菜, 包括: 海膽炒飯, 芝士龍蝦e麵, 白菜仔, 蒸倉魚, 每人一隻賴尿蝦, 炒聖子...樣樣份量都係少少不過勝在夠多種類最岩我d貪心人士...不過老實講d味道都係好一般, 個芝士龍蝦基本上都無咩肉食, d芝士汁又無咩芝士味個汁又稀真係麻麻, 最差算係個海膽炒飯少少海膽加上d飯咁一d味都無...最好都算係個賴尿蝦, 聖子雖然細隻但好彩無炒都唔錯...整體來講都算唔錯, 埋單每人都係$200都食都咁多海鮮...最重要係夠乾淨,所以都值得再來.

bad service, bad food我： 食物太咸, 特別是龍蝦侍應:我的試過都沒問題我：!!??Fried rice : tastelessOyster: saltySteam fish: overdone & salty聖子: salty

呢日一心去郊遊係地質公園玩左一個下晏食方面就由朋友話事佢係西貢食海鮮既經驗比我多一路上不停話全記又貴又差加上佢屋企人介紹金輝,話又平又好食窮OL藍藍貪食但係又無銀一於試下啦第一次行過果陣我地先了解清楚門口有個肥哥哥好熱情有禮解釋得好清楚,免茶但收介,每位$10本來想叫每位$188二人餐,但係我地唔想食魚點知無得比我地轉做其他餸(朋友屋企人話可以轉）咁我地唯有叫自選四餸果個二人餐油鹽水花甲正常size,粒粒有肉同開曬口好鮮,分量都幾多薑蔥炒蟹個汁既味道咸左d應該係水蟹一隻 超細隻肉質係林既 不過我朋友話水蟹係咁講真 無咩肉食 得蟹腳同鉗有dd肉但果dd肉竟然離奇地鮮甜同有蟹味!薑蔥無蓋過蟹味係真所以呢碟最多可以話無咁好 未至於差豉椒炒聖子都好鮮甜wor分量都好多,豉椒味又唔會太濃而搶左聖子既味最後芝士焗龍蝦芝士汁唔膩 味道就有d似金寶雞湯 撈伊麵食一流伊麵兩個人分 每人有一碗半度啦龍蝦肉質彈牙 啖啖肉 龍蝦有龍蝦味 至少甜過富臨d $38龍蝦 真係唔錯wor份量都接受到既飯後有兩個橙送 唔酸唔甜無咩水份不過個人覺得算係咁啦埋單我提議比cash因為旅客咁多水魚咁多既地方比卡好似有d風險成餐

早上飽嚐源興排骨飯, 但行山過後所有點心能量已經用完來個簡單點的海鮮餐, 不選擇全記通記等貴價餐廳記得幾年前海鮮街盡處有家平價海鮮店不錯, 應該是隔輪的富雅, 這天時間尚早, 每一間都沒什麼客人, 但富雅對我們的態度冷淡, 感覺不太好反而路過金輝熱情有禮, 還送每人兩只鮑魚仔, 反正價錢相約, 一試無妨還沒有坐下來, 伙計已經很詳細的講解收費, 每位$188+$10酸菜芥醬, 餐牌上的各樣海鮮都可以按同級的種類更改童叟無欺, 明碼實價到魚缸打量了一番選了蒜蓉粉絲蒸瑤柱, 清蒸海上鮮改為薑蔥炒肉蟹, 炒蟶子變作白灼大眼螺店主被稱為"第一攞膽人", 但這個時候達人還在午睡雖說平價套餐, 沒預期能吃到有手臂般長的斑馬瀨尿蝦, 但這個也有七八寸, 十分新鮮, 肉質鮮甜彈牙炸殼炸得也很通透, 有部份脆得可以吃下肚一碟三隻, 只是八九兩的中肉蟹, 但也肉厚味甜, 薑蔥沒有蓋過蟹味第一次食到將普通龍蝦跟波士頓龍蝦同一碟的焗, 方知在場不是每個人都知道龍蝦跟波士頓龍蝦是有所分別的"雖然從外形上龍蝦與海螯蝦非常類似，兩者均有堅硬的盔甲和外骨骼，但實際上這兩個科的動物沒有親緣關係。兩者的最大的區別在於，龍

瀨尿蝦好唔新鮮唔夠食加個正路既椒鹽鮮魷都唔脆仲唔咸添條魚都係馬馬虎虎係個龍蝦伊麵同個油菜好似正路蟶子唔知咩味 太多唔得懶得寫以為無加一，點知都係有計花生錢位位十元最好唔好試套餐

在馬頭附近既船仔買咗d海鮮黎呢度俾廚師加工,分別有 呢個只需要d蝦夠新鮮,好難唔好食 好美味ar!! 肉質好甜,而且d蒜蓉粉絲又足料,yummy~~ 呢個就差d,原全冇花雕味 夠晒彈牙,個汁又正,唔會太咸 / 濃,yummy~~ d肉質又滑又彈牙,火喉剛剛好,d肉剛離骨,yummy~~ 攞d斑馬瀨尿蝦去椒鹽,真係有d浪費其實仲有其他海鮮,但食下食下忘記影相

星期六又去西貢玩完一日, 出到西貢市中心一心一意就係想食海鮮, 2個人最終選擇金輝試下. 2個人懶得想叫左個二人套餐, 每人$188. 個餐都幾豐富有成6樣菜, 包括: 海膽炒飯, 芝士龍蝦e麵, 白菜仔, 蒸倉魚, 每人一隻賴尿蝦, 炒聖子...樣樣份量都係少少不過勝在夠多種類最岩我d貪心人士...不過老實講d味道都係好一般, 個芝士龍蝦基本上都無咩肉食, d芝士汁又唔香真係麻麻, 最差算係個海膽炒飯少少海膽加上d飯咁一d味都無...最好都算係個賴尿蝦, 聖子雖然細隻但好彩無炒都唔錯...整體來講都算唔錯, 埋單每人都係$200都食都咁多海鮮...最重要係夠乾淨唔會好似之前係洪記食果餐咁嚇人...所以都值得再來.

西貢海鮮 食老本 , 大把客 ...間間都唔驚你唱衰佢 , 1-5-2011 星期日 (前日) 同家人小朋友去左西貢燒野食 , 對上一次 ...都2年前 食過飯 , 今晚就搵間食晚飯 , 周街都派單張 ....sell 套餐 , 8 人套餐 ...間間都咁上下 價錢 & 菜式 , 有個金輝 ge 阿叔 .. 係街口sell 我地 , 話唔使加一茶介, 送支啤酒 , 炎水雞腳 .....10幾款餸 揀7個 , ok 啦 ...見佢地咁 sell 1300元 都唔使 , 入到去坐低晒 ...洗晒茶杯 , 有個阿姐 ..比個套餐牌 冇係街口呀叔 ...介紹 個餐 , 我問點解冇 ? 門口個肥佬 ...大大聲 話 今晚冇左 果個套餐 喇 , 食呢個啦 , 我話街口阿叔 ...叫我入黎食呢個喎 , 個肥佬 ...話 我係老細 ...出面 唔記得左姐, 食 呢 d 啦 , 下 ? ...昆我地入黎 , 如果同朋友實起身走 , 不過同小朋友就冇計....費是走黎走去 . 佢介紹個 套餐 $168+$10花生費/人頭計= $178 X 9個 , 貴左小小 ...算數...有芝士龍蝦 ( 有些少臭

好後悔唔睇清楚食評就去左食飯...尋日飽受風雨洗禮,本想食個早晚飯快快趣返屋企沖涼.食完金輝,我絕對不會再到西貢食海鮮!三百多大元的晚餐（同前面既人兄一樣,一堆野揀4碟）：鮑魚仔４隻（一隻只有兩隻拇指咁大，內臟深綠色的但竟然沒除去就咁上桌，髒到不行）蒜蓉粉絲柱貝：柱貝五元的大少，只有兩隻...無言...油鹽水蜆：試過頭兩道菜已經不抱期望,數量係唔少,不過完全唔係正宗既油鹽水蜆,而且咸味都無,完全唔知鹽要幾錢搞到佢地要咁慳...白菜仔：海鮮貴，你給少d我我還可以接受（其實已經很過份）o個十零廿蚊菜錢都要慳,上桌的是豬糧嗎?我睇半斤都沒有!海膽炒飯：唯一我地覺得ok既一樣,原因是吃完前面既野我地都好似沒有食過咁,唯有餓得接受這碟劣質炒飯... (塔門既比佢地好食幾倍)應該送的糖水和生果亦未有出現,當然我地都懶得問.雖然免茶芥，但要收小食錢２０大元!仲要食飯全程睇住個帳篷漏水...不知所謂!個人絕不再光顧!

傍晚去西貢逛街，在海旁行了幾轉，收到N張海鮮酒家的傳單，千挑萬選之下，來到這間店，食到一肚氣！入座後，首先送來一碗仔爆谷，爆谷是淋的，不知放了多久？（埋單時才知道這碗爆谷收廿蚊！）點了一個二人餐（$318，聲稱是回饋顧客大優惠），在單上任選四道菜，另送油菜和生果。落單後，等了好久才上菜，等得久都沒所謂，問題是沒有一道菜是美味的，份量還少得可憐。龍蝦伊麵：在稀疏的伊麵上，有一隻一開為二的龍蝦仔。伊麵還可以，汁量充足，但龍蝦沒味，size比瀨尿蝦還細，每人兩啖就食完。食完=無食。椒鹽瀨尿蝦：一隻大瀨尿蝦切成五件，好鹹，還有燶味，肉質是淋的，爛溶溶的（死蝦？），如果不說是瀨尿蝦，都不知自己吃的是甚麼！蒜蓉粉絲扇貝：一碟只有兩隻，一小粒扇貝肉，比超市買的急凍帶子肉還細粒，兩粒肉仔就算是一道菜了？粉絲和蒜蓉味道還可。辣酒煮花螺：一上檯我們都目瞪口呆！一隻碟上疏疏落落地放了廿幾粒小螺，味道是勁辣！我自問都食得辣，這個花螺辣到不是普通人能入口，叫人如何食？結果食了兩隻就放棄了。炒通菜：是這一餐最正常的，尚爽脆，但明顯上碟求其，上檯時，有一條菜掉出碟外。最後連生果都沒送上，不過我們都不想多留在這裡了，