金家樂茶餐廳

Open Now

Now Closed

星期五朋友上黎屋企飲嘢 雖然無飲到癲左 但係朝早起身 個人極其肚餓 希望放30碗麵入個肚入面 被公司訓練出來的生理鬧鐘 促使我同朋友都睜開帶住酒精既眼睛 落街搵嘢食 呢個朋友唔知做咩成日做埋食埋啲呀婆嘢 話想食茶記 於是我就理所當然地帶左老人家去大角咀茶記龍頭大佬—金家樂 紅日既早上 好幸運地11點尾都仲有早餐食 即刻坐低嗌兩個早餐 我地嗌左兩個麵餐 一個招牌沙爹牛 朋友好似食得好滋味 身經百茶記既朋友話 呢個價咁大兜麵 真係都叫唔錯啦 我就嗌左最喜歡既雪菜肉絲米 一樣都係好大兜 食完個人真係好滿足呀 雪菜肉絲都好足 唔會太多米食到最後無味 腸仔啊炒蛋十分正路 嗌左豬仔包脆脆的唔錯食 芝麻好多令個包香左 總括而言 四十幾蚊呢個份量同味道 絕對可以補充你 飲完酒起身對力量同溫暖既需求👍🏿

真係冇乜特色，食物質素一般，仲話係區內領導地位的茶餐廳，真係畀錢收買咗條友寫好自己，人哋美心快餐都轉出龍蝦濃湯螺螄粉, 淨係呢個粉已經可以殺暈全港九的大大小小茶餐廳快餐店, 你可能係大角咀區內井底之蛙的茶餐廳就會貼切啲！

話說我係大角咀番工附近真係有好多大大少少餐廳形形色色 大集團 小cafe 齋做外賣ge都有價錢完全係普通打工你Handle 到ge今次要向大家推薦呢間茶餐廳係我地最喜愛飯堂之一一黎真係多位 午餐又多野揀可惜太趕時間 相都冇影到今日叫左雪菜肉絲炆米 飲例湯個例湯係眉豆煲豬骨 飲得出冇味精清清地好下火所以每次我都會叫一碗黎飲平時番工少飲湯ma個雪菜肉絲炆米好大份 一個男人都未必食得晒😨😨各位女士如果有興趣試 我建議可以叫餐廳少米✌🏻✌🏻✌🏻我就唔記得左😛😛😛個米粉炆到好入味一d都唔油唔會太咸 調味剛好雪菜肉絲又夠多正正

這一家茶餐廳，如果我說是大角咀區最具領導地位的茶餐廳，應該絕不為過。這家店，每天營業時間都人頭湧湧的，無論早，午餐，下午茶，甚至晚餐，都一律在區內頗具人氣。今天和朋友來嚐嚐早餐，就算過了最多人的返工時段（早上八時至九時），也一樣多人，有時甚至要稍為等位，此無仔，為地是一份令人精神為之一振的 Good Morning 早餐。今早叫了，雞翼米線 / 仿鮑魚火腿通粉兩個餐，餐包還可以選“豬仔包”或烘多士。另外我最欣賞他們的奶茶，會令人上癮的，也比外面很多“茶記”做得出色，茶味夠濃夠滑，奶的比較恰當，一早嚐到如此一個早餐，的確是賞心樂事。

已經好一段時間無黎呢度食早餐了。雖然唔係住喺呢區，但以往我同Mr A 時不時會去呢度食佢個早餐，特別係因為佢個沙嗲牛！事隔差不多大半年，今次專登揸車過黎食早餐，好彩水準還是keep 到雖然呢度環境唔好坐，不過鐘意來呢度食早餐係因為佢地嘅餐包可轉做蘿蔔糕！（唔係間間茶記有架嘛）。更重要嘅係，食過N間茶記，只有呢度嘅沙嗲牛係有埋洋蔥呢！仲有蔥花而沙嗲都算入味，唔係稀到死嗰種。今次唔想食得太evil 所以食米粉。下次evil 啲轉返公仔麵先！

住左呢區4年，次次行過都無試今晚第一次試呢間餐廳我地兩個叫左個2人餐-$162有：1盅老火湯、2款小菜、2碗飯、2碗糖水⭐️椰子竹絲雞老火湯好清甜又多渣，豬骨好淋，咬骨爽歪歪⭐️鎮江骨個味幾香濃惹味，配料有洋蔥同菠蘿，略嫌太大舊。⭐️枝竹牛腩煲嘩！呢個送飯一流！成煲野有好淋好入味既牛腩、少量牛筋、豆腐、枝竹、椰菜墊底⭐️蕃薯糖水我地食到差唔多尾聲，有位侍應著一盤糖水問我地要唔要，好驚喜！食過飯後湯水好滿足呢！雖然糖水甜左d， 但蕃薯好淋好好食，岩曬愛蕃薯糖水既我啊！😆食到好飽啊🤗

特早工作先食個早餐，呢間餐廳門口可泊車，店面又大，人多都即刻有位！茶餐廳格局，座位唔迫，早餐嘅選擇幾多，有啲特色！叉燒湯通粉（$32）估唔到個叉燒好味，份量多又半肥瘦，淋身唔嚡，有肉汁唔乾，通粉彈牙，啲湯肉金寶雞湯，好香濃！好味！火腿煎蛋餐包：餐包軟熟，蛋煎得脆邊好味，火腿無煎過，味道正常！熱檸茶：茶底濃唔澀，茶餐廳水準，不過玻璃杯唔及瓷杯方便！同事食：雞翼米線：熱檸水：北菇肉碎銀針粉：賣相幾靚！中式湯粉同事話好味！沙嗲牛肉麵：雪菜肉絲米粉：熱咖啡：食物幾好味，店員哥哥好豪爽，中間有漏食物同佢講，好快補上！唔廢話好爽手！早餐有啲特色！

呢間茶餐廳已開業多年，吃過一次就總想再吃，每次過來也滿座，眼見大多都是做熟客和街坊生意，很有親切感。今晚點了一碟咸魚雞粒炒飯，咸魚粒很多，一點也不吝嗇，很大的一碟，炒得非常入味，難怪客人駱驛不絕。

來到金家樂食下午茶，真心覺得好扺食，去其他餐廳食都要三至四十蚊，但金家樂食兩個下午茶都只係四十幾，仲要又有雞翼薯條，兩杯涷檸茶，仲有個碗仔翅，試問邊度可以有咁平嘅下午茶？雞翼真係唔差，仲要d薯條係熱，吅埋係大條版。碗仔翅足料。真係大角咀下午茶首選

金家樂真系一個for食團年飯的好地方, 地方嘈系嘈d, 但反而有熱鬧,大家慶祝既感覺!  而且食物味道一流, 同自己煮既一定完全唔同, 所以一個菜七十幾蚊, 都系有佢既原因, 而且佢好在咩稔得出既住家菜都有,你想咩炒咩 都可以, 任你配搭。今次叫左 沙拉骨,西芹炒蝦仁,貴妃雞,咕嚕肉, 4碗白飯, 十分滿意。 沙拉骨, 其實系啖啖肉, 沙拉醬份量加得唔會太膩, 又沾到每一塊肉。 西芹炒蝦仁,  蝦仁夠大隻, 唔會搵人笨, 又炒得好乾身, 好爽口, 真系比自己屋企 炒既好好多。 貴妃雞, 可能系我唔識野, 不過我會話好似一般豉油雞, 講真, 真系細碟左d, 4個人好快ko 左, 不過明既, 現家世道系咁架啦, 而味道 醬油都剛好, 幾滑。 咕嚕肉 既肉大細有d唔系咁均稱, 不過甜酸度適中! (試過系其他鋪 試過好酸既咕嚕肉(( )  最後仲有紅豆沙做糖水, 免費架   系一個幾好既ENDING!   最後埋單好似4百幾蚊,還可接受!

自從第一次跟同事們來這到間{金家樂}, 便愛上這裡又抵又好吃的午餐! 最初, 每次來都是選它的「是日午餐」。這裡的「是日午餐」每天都會不同, 但必定維持最少五款供客人選擇。 套餐的平均質素都蠻高的, 尤其喜歡它的京都骨、燒味和扒餐, 因為都很惹味!而通常主菜是經炸、燒或炒的套餐, 都不會讓客人失望! 今天, 考慮後決定選擇這裡全日供應的招牌「家樂餐」($42)! 「家樂餐」包括了叉燒湯通粉、炸雞翼(可+$3轉雞脾)、牛油多士或炸薯餅及熱飲一杯(可+$2轉凍飲)。平常的我是會選擇+$3轉雞脾的, 不過因為昨晚跟朋友吃飯吃得太飽, 所以今天選擇雞翼就好。首先出場的是叉燒湯通粉: 真的很大一碗, 這個碗口比我的臉還大, 滿滿的一碗呀! 其實對於女孩子, 吃完這一碗已經夠飽了。剛才提及過這裡的燒味好吃, 所以這叉燒不錯, 稍稍的軟稔又不失咬口, 不過如果想吃最好吃的, 當然還是選以燒味為主的燒味飯最惹味! 通粉煙煙韌韌不會過硬或過稔。不喜歡通粉的朋友可免費轉米粉或意粉等其他麵類。接著是主菜: 平常會選擇雞脾的我, 今次是第一次轉吃雞翼。雞脾的大小是雞翼的三倍吧, 雞脾的體積

新界遊左幾個鐘，食左個麵就和朋友分道揚鑣。回程已是下午二時多。自從工作地點由九龍轉到港島後，很少到九龍，趁今日經過九龍，就順便在回家前造訪一下這家我喜愛的茶餐廳吃個下午茶。金家樂外表同裏面的陳設歷多年沒有大改變。入到去揾左個卡位坐低，望一望餐牌，真是百物驣貴，這裏食品價格都漲了不少，用自己店鋪命名的家樂餐幾年前還只是三十多元，而家竟然要成四十二元。不過難得來到，點都要餐這個招牌餐回味一下。主意已決，立刻揚手落order : 家樂餐食油多炸肶加一杯茶走。家樂餐基本是1) 炸鷄翼 2)叉燒通 3)餐包 4)熱飲雖然炸雞翼都不錯，但有得揀我會食這裏的炸鷄肶。對我來說，炸肶最緊要皮金黃香脆肉嫩有汁唔乾，這家餐廳是做到的。雖然偶有失手炸得老火過頭(師傅輸左馬燥火?!!!?)，皮仍脆但肉已乾硬化，但始終是滿意的次數比較多，這亦是我選擇食這個餐的原因之一。叉燒通粉足料大大碗，湯底清湯味不是太濃，比較適合我這類不愛濃湯的人。其實湯底來說我比較喜歡附近的七記(已結業)用的傳統冰室用的罐頭雞湯底，但市面已買少見少了。市面有部分店鋪或連鎖店為求方便一早煮好通粉備用，放得太久發漲太腍。這裏的通粉處理得宜，沒有

今日同朋友食團年飯，大家喺大角咀做完運動就去金家樂叫小菜食。金家樂係一間非常街坊嘅茶餐廳，基本上你諗倒嘅小菜都有得食，收銀處不是伯伯就是嬸嬸，侍應通常都串串貢咁，十分地道。因為係團年，今日都叫左幾多餸，有霸王雞，蒸倉魚，咕嚕肉，黑椒牛仔骨，沙嗲肥牛粉絲煲，炒雜錦，炒芥蘭，粉絲雜菜煲，真係幾豐富。霸王雞有雞味，雞肉嫩滑，火候剛剛好。咕嚕肉甜酸適中唔油膩，係件大件細唔多均勻。沙嗲肥牛煲夠入味，不過感覺上肥牛比較少，粉絲份量太多了。炒芥蘭夠鮮夠嫩，雜菜煲亦算入味。以茶餐廳來說，佢絕對合晒格有餘。最正係食到中途，侍應提醒我地因為要收爐，所以先把糖水裝好，放住喺隔離枱先，我地食完飯可以自己拎黎飲。呢 D 人情味，先至係街坊茶餐廳最令人喜愛嘅地方。糖水係芋頭西米露，濃濃的，材料很足，味道唔算好好，但郤令人暖在心頭。

在大角咀，又係一個很多又平又好食的重鎮，這裡有個好處，和我住的主場相近。很多的名店也有去過，只不過沒有寫過罷了，剛剛星期日的早餐正好在大角咀，本想去神廚館，可惜下午一點未開，車品品這些個性小店又未開門，於此選擇了另一有名的金家樂茶餐廳。這店可算是區内數一數二的茶餐廳斑霸，地方大，選擇多，而且還是舊式的茶餐廳，滿有懷舊的氣氛。星期一至五來，你會被這裡的人迫得水洩不通，周圍都是人，而且仲係全間餐廳充滿著工人，伯伯，叔叔等的色彩與氣味的一間茶餐廳。當然星期日就清靜下來，地方也較為舒適，所以也是明智的時間選這個地方吃下午飯。坐下來選擇很多，職員有老有後生，雖然是舊茶餐廳，但員工還是彬彬有禮的那種。坐下不久就有員工和你落單。同行的讚不絕口，不用想便從午餐中選擇了餐肉滑蛋蝦仁飯，我就選了類似常餐的營養餐，有豬扒麵和奄烈多士加飲品。午餐不錯，很大碟，是上佳的茶餐廳質素。滑蛋很滑而且滑蛋汁又濃又有很多的蛋，餐肉方面，餐肉的邊是脆的，可以證實其廚師的用心，不是太多人注意到的細節，廚師也兼顧，實在是很有心思。至於營養餐，就有豬扒一丁加奄烈多士。豬扒很大塊，是加了很多粉才炸的貨色。不過，雖然粉多，但也幾好食

早上十一時半，去到這家茶餐廳，還有早餐供應，即時入了去，雖然要搭枱，不過尚算舒適。早餐種類算多，叫了傳統的火腿鮑魚絲通粉配牛油麵包、煎蛋、腸仔，以及北菇肉碎銀針粉配牛油麵包、煎蛋、火腿，每份$25.5。牛油麵包想轉多士，怎料侍應說不行，加$也不可以呢!火腿鮑魚絲通粉的通粉不會過淋，不錯！牛油麵包幸好十分軟熟，沒有烘多士吃也OK！北菇肉碎銀針粉很少吃得到，肉碎很少（幾乎沒有吃到），但加了火腿絲，不如直接叫北菇火腿絲銀針粉更好！味道也是可以的！餐飲要奶茶。上次來的是午餐時間，記得奶茶不錯的，今次差了一點點，是人太多的關係嗎？走時差不多12 時還有人在點早餐，餐牌寫至11時半的，有彈性，值得加許呢！