金記冰室 (都會駅) (Closed)

我們一家三口在屋企附近下午茶，又快又方便當然就是冰室，食物選擇多。依間冰室係用QR code自助點餐，好方便，十分清晰。點左一個羅宋湯鮮牛肉烏冬比小朋友食，牛肉份量很多，羅宋湯底味道濃郁，小朋友連湯都飲，烏冬唔可以選擇林啲或者爽啲，我哋有冇特別要求，小朋友食得好開心。我自己就點左個無骨海南雞，海南雞雞肉很嫩，有雞味，油雞好像除咗雞汁之外還有一些香料，飯軟硬適中，好香，不過真係太大碗，我自己淨係食到半碗。佢呢個餐仲跟咗個例湯，唔同同埋我加$5點左一個冇冰凍奶茶，奶茶香濃幼滑，果然唔加冰好飲好多。老公我男士食量比較大，又想食炸雞髀又想食豬扒包，所以兩個下午茶餐都叫咗。炸雞髀係傳統嘅豉油醃製，外皮冇加炸粉，脆卜卜，仲有半份西多士。豬扒包我哋睇圖片嘅時候以為只有一個，點知拎到嚟嘅時候原來係兩個豬扒包。豬扒包入邊有番茄有生菜，豬扒仲係Juicy。 套餐老公點左紅豆冰，大量嘅紅豆，爽。

昨天晚上去了金記，叫咗义燒蛋飯，飯又硬，干炒牛河又唔熱😒，牛河應該即炒，到了暖暖哋，阿姐態度又差，好似唔想做噤，可以唔使再去😆初初開張的時間都幾好，唔唔怪得越來越少人幫襯。

屋企附近這間「金記冰室」 好多時都係OT 救星， 食物種類多， 一個人食也有大把選擇 。各款精美小炒，中式套餐，鐵板餐，湯飯和各種茶記美食～手機掃描QR code下單， 簡單方便～揀了三款小菜，試試佢嘅鑊氣。涼瓜炆黃花魚晚餐$92黃花魚炸過， 豉汁涼瓜都幾惹味。 例湯好足料， 熱辣辣。椒鹽豬扒推介嘅小食款式， 大量辣椒和蒜爆炒相當惹味，切成條狀方便入口。 半煎炸豬扒夠香口亦醃得入味， 如果份量多返啲就好。韭黃蝦球炒滑蛋炒蛋果然嫩滑， 和早餐嘅滑蛋一樣 好有蛋香好滑， 加入韭黃味道超正 ！大蝦肉質夠爽， 啱啱熟， 亦鮮味十足。每款中式餸菜加$15配白飯，例湯和熱飲， 非常滿足！再加$16 有白灼菜心， 賣相一般般，不過菜心也不算老～凍檸樂有冰底👍， 手機下單亦可選擇多檸或少檸～紅豆冰（ 套餐升級 ＋$10 可選特飲）隻杯又長又窄， 唔特別靚而且好驚會撞跌。味道唔錯嘅～椰汁，花奶同紅豆嘅比例都啱啱好， 紅豆粒粒香甜軟熟， 也是近期覺得比較好飲嘅紅豆冰。

同屋企人去食飯 叫左3個扒餐7點32分落完 黎左2個餐 等到20點12分第3個仲未黎 野都食完 係咁追冇人理 之後追到同我講等15分鐘 加加埋埋等成1個鐘冇得食 唔單止我好個枱 係枱枱佢地都做唔切

叫左個沙嗲牛肉通常餐外賣。湯底同通粉分開裝。見到個湯底顏色怪怪地就試一啖睇下咩料子，跟住嚇到我立刻吐返出黎。個所謂湯底就係鼓油溝水嘅味道，得個咸字，仲要係咸到pk個隻🤢。個通粉上面嘅牛肉少得可憐，咁都算啦，連沙嗲牛最靈魂嘅汁都慳，唔肯加落個通粉度，究竟係咩玩法？？我夠膽話呢個係我食過最地獄嘅沙牛通。另外跟餐個炒蛋一d都唔fluffy，唔知係咪加左太多淡奶定其他野，搞到陣味怪怪地。塊多士看似烘到燶燶地幾香脆，但一食原來係隔夜麵包咁嘅質地…呢間野食嘅質素真係差到一個點，真心唔明點解仲可以開咁多分店，絕絕絕對無下次

呢間野裝修完 質素同份量都下跌！上次食過呢間嘅焗豬扒飯個size 係正常嘅一半都收我50幾蚊但味道ok 所以我算數收貨但今次個西炒飯(包熱飲 $48)碟飯真係細碟得過份(只大過一個成人手掌少少 幅相已經影大左你！)我同個經理講: “呢度一碗飯都無wo!”經理: “無呃你㗎 下午茶包埋野飲係咁細碟”我心諗 我唔係話你呃我 但你真係細碟得過份個樣又核突d飯又未炒混我知下午茶係會比正常份量細但都唔係細咁多嘛？如果本身食飽左但又想坐下就去幫襯啦☺️

餐廳都算乾淨企理，用自助落單方式，叫咗下午茶嘅鮮茄滑雞片米粉，32蚊連嘢飲，價錢都算實惠。米粉份量比想像中多，而且湯底都濃味雖然係茄膏，滑雞片數量都有唔少，米粉揀咗硬身啲口感好好。

好開心調景嶺都有間金記，環境好開揚，透過玻璃窗可以望到遠處還有啲地方正在打裝緊，望遠景好大啊！將軍澳未來發展更大呢！這兒冷氣又夠，夏日炎炎坐下真是好舒服又涼爽。其實好鍾意行將軍澳調景嶺同將軍澳中心，因為周圍係可以左穿右插不用在地面行，特別在炎炎夏日的天氣，在商場內左穿又插都可以在商場行，真係好大呀，同老公行完最緊要係醫肚仔喇。韭黃蝦球炒滑蛋~好驚喜茶餐廳竟然都可以有咁大隻蝦👍配以韭黃滑蛋入口食不停，蝦又爽口蛋又嫩滑，送飯一流。鐵板西冷牛扒配薯菜黑椒汁~西冷牛扒賣相一般，如果大塊少少就好喇， 配黑椒汁辣辣地真係好惹味㗎！杏仁霜和抹茶紅豆特飲~ 杏仁霜清清哋，唔落奶唔落糖，一陣陣好香嘅杏仁味，抹茶紅豆特飲，抹茶好香濃紅豆都好多呢！冬瓜陳皮鴨腿湯飯~湯好清甜，陳皮鴨腿好淋又大隻，肉質嫩滑，有兩嚿大冬瓜和一隻冬菇，夏日真係好消暑㗎！金粒西多配雪糕~呢個一定要是食，因為係佢哋嘅金牌，金粒 細細粒容易入口，甜甜地配埋雪糕，good呀～真係好夾呢！食飽肚又可以繼續行大型商場。😁😁

餐廳明明很多位 卻怎麼招手也沒有服務人員來跟你下單。好 過了十分鐘終於搵倒個人理你 如是者落單 等野食。二人晚餐 叫左個菜膽雞 一個鐡板牛扒餐。菜膽雞 內質鞋 非常乾，有雪藏味 亦都唔夠熱 感覺已經放咗好耐。個鐡板牛扒係我地差不多食完個雞 幾經催促後才到。塊扒硬到切唔到 同石頭無礙 價格雖然不算貴，但係$102 不至於要等成半個鐘 先比舊石頭你食掛。十分失望。雖然佢只不過係一間普通嘅茶餐廳 正常來講唔會對佢好有期待 不過真係太差喇 你唔可以話佢服務差， 因為佢完全冇人過嚟服務你。員工人數係足夠嘅 不過佢會扮睇你唔到...😑 唔好咁啦 食個飯姐...

一直有食過金記的其他分店，一向水準都唔差，炸雞脾都好味，諗住今日過到黎調景嶺，咁啱見到，咁就一於係到食早餐叫左個簡單的沙爹牛麵，配熟蛋+多士早餐好快就上齊，但一試個沙爹牛麵就出事，個麵太淋，又唔夠熱，沙爹味又唔出。明明叫熟蛋，但個蛋就好似發水蛋，完全做唔到燶邊的效果...最後個多士都唔多掂，牛油唔均匀，多士都唔夠熱...其實之前都有黎過呢間食菠蘿包，但個包硬到一個點...本身諗住今次比多次機會佢...但...總括黎講，呢間分店係令人失望，下次都係去其他分店好啲...

在商場逛了一圈，看到有不少人在這食店門前等候外賣，猜想食物質素應該不俗，堂食又立即有座位，就在這兒吃午餐。這店是自助點餐的，用手機掃描二維碼，就自行點餐。我們點了一個午餐A，菠蘿京都肉排配白飯，可選餐湯，我們就選了羅宋湯，想點飲品時，發覺點飲品要加$20 ，覺得太貴，就沒點了，我們還點了一客咖喱牛舌配白飯。羅宋湯火速送上，味道香濃，不錯，這湯微酸微辣，把我們的食慾都喚起來了。飢腸轆轆，可是，等了又等， 點餐後十多分鐘過去了，其他食物還沒送上。請侍應跟進，她到裏面一問，回頭說外賣太多，因而耽擱了，說5分鐘內食物會送上。又等了7、8分鐘，咖喱牛舌飯終於送到。這飯賣相很不錯，味道方面，咖喱汁辣度適中，牛舌雖然沒什麼味道，不過因為煮得夠軟，沾上咖喱汁還是可以的。因為肚餓，咖喱牛舌飯秒被吃光，離點餐時間足足30分鐘了，菠蘿京都肉排還沒送來，唯有又請侍應跟進。再等了5、6分鐘，午餐A終於送到，味道中規中矩，因為肚餓，也迅速被吃光了。本來想結帳，卻聽到鄰桌的顧客問侍應，午餐不是跟飲品嗎？為何要加$20 ？侍應說其實是不用加$20的。聽到後，我們問侍應可否補上飲品，她說替我們補，我們就點了凍咖啡，只需

今日來調景嶺的金記冰室食晚飯，可能疫情有好轉所以多咗人出街食飯，我哋6:30來到已經高朋滿座👍係自己用二維碼掃描落單的，好方便👍👍鐡板西冷牛扒薯菜蒜蓉汁（跟羅宋湯）～羅宋湯好開胃，濃濃的蕃茄酸酸甜甜👍西冷勁有份量，又厚又大塊😋薯菜應該係即炸的脆卜卜✌️鐵板蘋果豬扒意粉黑椒汁～好新奇，又好食😋切一角蘋果夾住豬扒食🥰+$16白灼菜心～真係白灼，沒有油👍抹茶紅豆特飲～抺茶夠香又滑，紅豆大豆又多😋😋

同兩老到調景嶺睇中醫, 睇完就要醫肚啦~行完成個商場, 覺得最有睇頭就係金記, 地方大又光猛, 容客量大填完紙仔之後就隨便揀位坐我地3人揀了卡座, 衛生同私隱度高D我地3個人點了"二人晚餐"再加個菜同炒米二人晚餐係超抵, $148有2個自選小菜, 例湯, 白飯和飲品小菜揀咗招牌的"椒鹽豬扒"和"霸王雞"仲有仲有呢度最方便係自助落單, scan個QR code就可以了疫情下市民都怕咗同陌生人接觸, 咁樣做又可減低風險同埋減低落錯單機會例湯很足料, 平日無飯的我, 唔返娘家的日子好少有湯水, 所以例湯我通常都不會放過足料都唔太覺落咗味精, 有咁多料都好夠味霸王雞肉嫩又唔肥, 而面頭淋上豉油熟油及椒絲蔥花, 賣相同味道都唔錯,呢個真係推介!另外再點多一個菜: 金銀蛋肉碎浸時蔬上檯時都嘩了一聲, 估唔到係咁大份量時令菜是白菜仔, 但條條都好大條,而肉碎和金銀蛋都唔少, 又係很足料椒鹽豬扒, 有色有樣, 不過係咸咗少少, 有骨有肉, 肥瘦適中, 用嚟送白飯一流星洲炒米呢度最正是落單時可自選口感, 少油少鹽, 唔要芽菜等都做到同老人家食飯, 清淡d好, 所以我都揀了少油少鹽, 但也不失星洲的咖哩香

又到三點三⌚️，肚仔餓落去買個下午茶食，點知又排長龍😅😅😅，惟有買個酥皮蛋撻🥧同埋雞批🐥就走人😑😑😑，不過我估唔到買2個撻竟然要等20mins😣，諗住提下個服務員，結果比人黑面😨🥧酥皮蛋撻$7，整體不過不失啦，個蛋漿好彩唔係太甜😄，但係個酥皮就焗淋左😝😝😝雞批🐔$14，入面餡料都幾多，有雞肉🐥、蘑菇🍄、薯仔🥔，個批唔算太硬，味道都ok，唔會太咸，性價比ok😉雖然個撻係ok，但啲服務真係嚇死人😰，有得揀下次都唔會再買呢間嘅下午茶☕️

望見餐廳都乾淨企理, 座位闊落坐得舒適, 就跟友人入內進食金記冰室先，晚市小菜套餐有多款選擇, 又可以用QR code自己落單, 十分之方便~ 今晚叫了2人套餐,包2個小菜、例湯、白飯同餐飲，只需$148，超值抵食。 #菠蘿咕嚕肉新鮮菠蘿咕嚕肉，外層脆肉質新鮮有咬口, 調味方面酸甜適中, 配上青椒和洋葱🧅等, 是夏日炎炎最佳食品。 #韭黃叉燒炒滑蛋叉燒唔會過咸，而且咬落軟淋，炒滑蛋呈少少半生狀態，配個爽口韭黃，用嚟送飯啱晒。因友人太肚餓故額外點多2個餸🤭。#蜜桃中式牛柳醃製得入味，有甜蜜的桃味，牛肉都滑溜的，友人食左一大半😋。 #金銀蛋肉碎浸時蔬三色蛋肉碎夠晒味，白菜🥬清甜湯汁好味，夠哂健康之選。食物有質素, 食小菜比上酒樓抵食。