金記冰室 (Closed)

四大兩小到荃灣金記冰室，先到楊屋道街市買料，貪其平，靚，近。三隻澳洲花龍，八隻扇貝，一條海班，買料不過500。未上海鮮前先來客楊州炒飯，飽滿小孩。55元的例牌楊州炒飯，晚市可算是超值，而且斤兩和份量十足。再來個重慶雞煲，雞肉嫰滑，應是新鮮雞，連生菜盛惠198。重頭戲是上湯焗龍蝦伊麵底，鑊氣十足，不遜海鮮食肆，龍蝦肉彈牙爽口，花龍果然是一分錢一分貨，波龍完全比不上。索足精華的伊麵轉眼一掃而空，足見大廚水準。蒜蓉蒜扇貝時間掌握得剛好，蒜香撲鼻而來，大大粒的扇貝，一口吃下大滿足。如果粉絲再加多些更好。美中不足的是海班第一次未蒸熟，可能當晚人多大廚略有失準。有圖有真相，兩斤半龍蝦，斤半扇貝，一斤海班，連雞煲，炒飯，飲品，埋單不用700。連買料，每個大人都只是300，就可食足龍蝦，扇貝，海班，相信三聖，流浮山，鯉魚門不能做到。荃灣金記冰室果然是間CP值甚高的海鮮聚腳點。

朋友來荃灣玩 就帶咗佢去金記食個早餐先我地都叫咗個沙爹牛麵早餐 配奄列同多士 食物方面係幾不錯 沙爹牛肉味道突出 麵嘅軟硬度適中份量方面 其實真係唔係好多 約$35一個早餐 再加$3凍飲 性價比幾低 作為街坊早餐 都過得去可以嚟食下 味道係幾好食的

今早經過楊屋道街市，見到隔離有間金記冰室樓下是賣麵包和燒味的，食店要上一層，環境企理乾淨。早餐有很多選擇。有傳統，也有西式魚柳，更有豬潤米粉呢"價錢適中沙爹牛肉麵麵的軟硬度煮得剛剛好，湯底暖暖的可以即入口奶茶茶味適中

今日Lunch我哋食鴨～哈哈金記冰室本身滷水嘢好出名！今日都專登食飯行遠少少嚟試，等位等左一陣。唔算好耐！平時其實我鍾意食燒鵝，但燒鵝太貴啦！今日減咗個滷水鴨飯嚟食40幾蚊，價錢唔算貴，同埋賣相都唔差！滷水汁分量剛剛好，因為如果太多會好濃味，其實我好想試埋佢個滷水拼盤，但係我同我同事兩個食驚太多食唔晒會好浪費！所以我決定下次會叫多幾個同事一齊食晏，咁我就可以乘機叫滷水拼盤一齊食。😂😂😂🤣🤣😂

今晚一家人食飯，諗住食好啲，屋企人決定買海鮮去餐廳加工，身為半個荃灣人，知道楊屋道街市隔離開左間餐廳，可以自備海鮮加工，所以就去左試試。是次晚餐的海鮮是在餐廳附近的楊屋道街市買海鮮，另外叫了幾碟小菜。１）啫啫通菜　通菜炒得幾惹味，味道鮮甜，但是食到最尾開始有點偏咸。２）話梅骨第一次食話梅骨，炸得十分脆口，酸酸甜甜，十分開胃，比生炒骨好吃。３）上湯煮白菜仔味道略為偏淡，味道一般，主要是給小朋友吃的。５）黑椒黑柳粒牛柳粒大件，火候剛剛好，味道夠濃６）星洲炒河餐廳其中一個牌菜式，食落好惹味，唔會太辣，但是配料不是很多。終於到主角海鮮，餐廳提供加工海鮮服務，每樣海鮮最少一斤起，不同海鮮加工費用不同。７）鹽水沙白沙白有一點沙，雖然買完後立即送到餐廳，但始終没有足夠時間吐沙。蜆肉味道鮮甜，粉絲吸哂上湯的精華。８）蒜蓉粉絲蒸聖子皇聖子皇好新鮮，用蒜蓉粉絲清蒸，簡簡單單的煮法更能夠帶到鮮味。９）豉椒炒聖子皇另外有一半聖子皇用豉椒炒，味道一般，清蒸似乎比較好吃。１０）避風塘炒口瀨尿蝦瀨尿蝦有成隻手掌咁大，平時食開細隻，今日試下大隻，果然不付所望，拆開啖啖肉，炸蒜辣椒好香口。１１）清蒸魚普通清蒸魚，不過好

真是好笑，整枱的朋友，又一邊排隊一邊謾罵。大家都發現，其實我們只是吃一些簡單的便飯，甚至乎是常餐，但是通通都要近＄50 ，或是更多。先在外邊扮作舊式的綠、白色階磚樓梯，等了大約10分鐘，結果就有大枱。幸好，那些常餐亦都非常之靈活，將米粉轉做麵又得，將在轉做煎蛋亦得。豬潤麵的份量非常少，豬潤只有小小的四片，先夾起來，就不會顯得那麼老，以及死實，味道還可以，至少不算又乾又鞋。麵條份量亦都只係一個，份量絕對不算多。多士那些牛油，應該是比較低價的，因為牛油呈少許甜味，味道相當普通。煎雙蛋，上面一片下面一片，明顯不是兩隻一齊煎，可能有位師傅煎完之後放在一旁，因此他們是打叠的呈上。凍檸茶，淡味，不算濃郁，戳戳，檸檬味道還算新鮮，已經算是中規中矩。普通的一個常餐，其實，在深水埗，可以找到幾間比他便宜$10多＄20的餐廳，但是你位於荃灣這個遊客越來越多的地方，也局住要捱貴價，付出半百元去吃個常餐。

星期六下午，啱啱喺楊屋道街市買完餸， 就嚟到呢一間金記冰室食個下午茶 。呢間冰室雖然喺街市附近， 但係餐廳嘅格局好用心、 好有懷舊嘅味道。沿著樓梯， 會見到一啲好特色嘅懷舊擺設， 所以呢間冰室，絕非一般嘅茶餐廳 。上到一樓， 見到餐廳都幾大， 仲保留咗茶餐廳嘅卡位。 星期六下午茶時段，入面幾乎坐滿人。 我哋兩個人分別點左招牌嘅焗豬扒飯 和 乾炒牛河。 焗豬扒飯塊豬扒 都好大 ，豬扒軟淋淋， 啲飯係炒飯底，而我最欣賞係佢唔會太濃味，食完唔會好口渴，都唔錯 ﹗而乾炒牛河就真係值得一讚 好夠鑊氣﹗ 食咗十分鐘 ，仍然係好熱 。同樣我都好欣賞佢唔會偏鹹， 但又夠味。 最後，我同朋友每人叫咗一個 酥皮蛋撻，蛋撻暖笠笠，外貌好靚，食落都好新鮮， 好似啱啱出爐咁，好重牛油味， 脆脆的，好味 。兩個下午茶餐仲跟一杯飲品， 每人啱啱好50蚊，都算抵食﹗

員工係自己餐廳除鞋撟腳坐係度食完嘢先開工，咁唔衛生都有，員工大部份都黑面😓收銀又無禮貌，但有一兩個員工都有禮貌嘅，之前嚟兩次都無咁差🙄唔會再嚟喇，唔想聞臭腳！

我屋企人好鍾意食海鮮，平時會去鯉魚門、流浮山、三聖村食，今次聽朋友介紹，book左金記試吓。我地响對面楊屋道街市買料，楊屋道街市海鮮出名平，選擇多。我地買左蠔 (椒鹽)、龍躉 (炒球)、貴妃蚌 (蒜蒸)、鮑魚 (蒜蒸)，另外再叫生炒骨、菜、炒飯。龍躉炒球好食，魚肉滑、有蒜香、不肥膩。蒜蒸貴妃蚌、鮑魚沒有問題，亦沒驚喜。椒鹽炸蠔出事了，蠔沒有任何味道，炸得比較乾，沒有蠔的juicy口感。我地一眾 '蠔怪' 每人食兩隻都唔想再食...生炒骨還可，我覺得juicy差d, 有d乾...炒飯好食。

平時去金記多數食早餐或午餐，加番個菠蘿包或雞尾包就good fit啦！今日同朋友上去食晚飯，叫小菜之餘再在街市買蝦和蟹上去加工，味道也真的不錯👍 粉絲蒜容開邊蝦， 薑蔥抄蟹粉

常到附近買餸，經過來試試，雖然要行樓梯，但沿樓梯都很多用心的裝飾，尤如藝術品，並非普通茶餐廳格局，又有報章新聞記錄金記餐廳歷史，儼如小型博物館，不知其他分店是否都有一樣內容？ 藝術品請看其他文章，真的很有復古味，讓行樓梯上時也可以體會餐廳誠意，香港人點都要食少少裝修，提升品味及享受。店內裝修都很用心，最喜歡當然是保留茶餐廳的卡位，又有樽裝汽水，又有已經少有的麵包閣，回想以前的人，一個包一杯飲品就是下午茶，不似現在要有A到H餐。餐牌很特色，乒乓波板的設計，可否拿個乒乓球給的，*的*留兩下，可惜早午晚茶餐都在食譜，難免會殘舊一點，餐牌內有金記餐廳的歷史，又可認識一下，說餐廳支持本地漫畫，如加兩版漫畫在餐牌，餐牌會㩒用些，也更增加玩味。鮮茄炒蛋牛肉飯，大大碗，多牛肉不靭，仲有湯送，現在很多茶餐廳都沒有午湯了，但凍飲這裡不傳統，是加$3。肉醬飯已經好正，加埋雞扒係無得輸，很大的份量，炒飯底，肉醬再加雞扒，不計較，當然加分!復古設計及用心經營可以見在細節裡，自家店的餐具紙巾，裝糖鐵罐，自家店熱飲杯(見到很精緻，但叫咗冷飲冇相), 還有別家特飲無冰奶茶，復古黑牛飲品，新派忌廉飲品，影相位真係好多!

朋友介紹來吃下午茶，由於之前食左野，所以我只叫了一個牛油皮蛋撻。蛋撻外貌好靚，食落仲好新鮮，剛出爐甘，好好食。撻皮有牛油味，又脆，正！不過，我朋友叫了杯檸樂㷛薑就好耐都未黎，最後催左幾次，仲上錯杯檸茶，激死！呢度真係多人，不過又幾特別嘅，得閒懷舊一下，幾好！

平日去金記 因為夠大碟 夠食 今日叫左個黑椒汁 雞扒蝦飯 一上台 覺得失望 個雞扒得隻手掌咁細 唔夠送飯 唔知係咪因為換左隻蝦 隻蝦就幾大 但蝦送唔到飯 茶記嚟講 隻蝦算唔錯 有dd 甜味 不過就好鞋

年初三下午見到懷舊金記冰室，之前廣告,書籍推介都話佢有啲名氣嘅炸雞翼等等...想點三樣東西。第一樣豬膶通粉，點知奇怪到下午三點已經冇招牌菜？？？第二樣選擇有圖片嘅馬來炒米粉，吵得硬硬，浸或煑得唔透芯，最攞命嘅係喊得很😬，又硬又喊唯有用旁邊兩杯清水去加埋一齊食，第三樣食物就OK，但係價錢都離晒譜，一隻雞翼加鋪平一碟薯條收你＄50。我太太話好彩佢有一個菜點唔到否則怨氣更深。加埋啲招呼好似成村人欠佢錢咁樣. 大家想試一下乜嘢叫做食完想講粗口，咁可以去試吓囉🤬

團年飯去茶記，仲要自己去買嘢去畀佢加工，真係一萬個為甚麼？！自己食飯自己揀，唯有負責到底。怕人多就早咗喺隔離楊屋道街市買海鮮，東星+南非飽+花螺+肉蟹+大蜆，9個人份量千三蚊唔算貴。上到去，老細話無魚缸，d 海鮮只可以擺喺無水嘅水桶度等，大佬，仲有成粒鐘，條魚應該好快氣絕......終於等齊人，上菜速度奇快，加工嘅海鮮：先上辣酒煮花螺，OK 喇！然後炒蜆、薑蔥肉蟹、一碟比一碟見功夫，蒸鮑魚，擺上檯就聞到陳皮香，軟身腍滑；不得了嘅係條東星，好耐無食過蒸到咁perfect 嘅，唔駛5分鐘，個碟得番豉油，加埋嗰度嘅小菜套餐，真材實料，食到魚有魚味，雞有雞味。平民茶記，海鮮做到大酒家水準，值呀！