金記冰室 (Closed)

平時都會嚟金記食飯 再一次覺得佢只係普通既茶記炒粉麵飯都唔及其他茶記 只係夠大碟 同多油！所以有好多地盤老嚟食 午餐最多係扒飯今日食個牛扒 塊扒係俾其他茶餐廳厚不過係一d 牛/肉味都無 只係一舊有咬口既野只係靠個蒜容汁去撈飯汁一樣 除左見到杰撻撻既蒜汁 仲見到分離哂既油 為左填飽個肚 其實無咩特別 因為個白飯好大個

星期六，唔洗返工，訓醒已是11點，起身去食過brunch。今次去金記冰室，金記冰室1967年開業，至今超過50年，非常老字號。由於時間尚早，不用等位，今次叫了我非常喜歡的豬潤麵餐，餐有多士、火腿奄列及餐茶，$45蚊。豬潤麵好好食，因為豬潤非常新鮮爽口，奄列一般茶餐廳水準，多士牛油味好香，夠脆，唯獨是今次奶茶不夠熱，但都細嫩幼滑。順帶一提，金記冰室的麵包蛋撻都不錯，我最喜愛食酥皮蛋撻、麥西哥包同菠蘿包。

中午來到楊屋道吃午飯，來到這區人氣極高的茶餐廳。果然，座無虛席，侍應好艱辛才幫我找到座位。餐檯上面放咗塊兵乓波板。原來是餐牌，都幾得意。仲介紹埋間茶餐廳嘅歷史，數下數下原來是有50年的老字號。仲有，載糖的是以前啲人用的嗽口盅，都幾搞嘢。諗來諗去，都係揀咗個經典嘅 “焗鮮茄吉烈豬扒飯”，跟羅宋湯和檀島咖啡，總值 $50。羅宋湯都幾夠味，少少酸、少少辣，都幾開胃。檀島咖啡就略嫌奶多，咖啡味頗淡。豬扒飯都幾大份，茄汁多，沒有被焗乾。吉烈豬扒夠厚夠大塊，炸得香口又鬆化。 匆匆食完個飯，飽晒，感到好滿足!

今晚屋企打邊爐，阿媽一早就叫我去街市買肥牛肉和脆鯇，仲指定要去楊屋道街市買，原因係，佢偶像鼎爺之前個節目介紹過。匆匆買完要買的食材，諗住趕返屋企交俾母親大人，路經金記，吃埋個早餐先返去都唔遲。其實，這間金記分店在這區開張了成年，都未有機會試過，今次適逢其會，豈可錯過!門面很懷舊，原來金記都有五十年歷史。沿著樓梯上，還見到些舊報紙報道和舊式擺設。估唔到，一早就坐滿人。好特別，餐牌是用乒乓波板來整的。當今在茶記已難得一見的 “招牌豬潤餐”，竟然俾我遇到，都唔理得佢膽固醇有幾高都要試一試。豬潤通粉: 豬潤都有好多塊，鮮嫩、大片、爽口，及最緊要無膻味。 火腿奄列就凍咗少少，不過都幾嫩滑。牛油多士就夠晒燶，落重牛油，啱晒我口胃。 奶茶唔使多講，香夾滑。好盞鬼，飲完杯奶茶，仲會見到 “多謝你飲我” 的趣怪句子。三十八蚊食到個咁正豬潤餐，邊度搵呀!

金記冰室個名喺電視廣告聽得多。今日特意來試下個早餐荃灣店位於荃灣楊屋道街市旁分兩層。地面係外賣麵包，樓梯上一層係堂食， 上到去， 店員隨即安排窗口位。兩個人， 叫左兩set唔同既早餐。奶茶滑滑，有茶味。沙嗲牛公仔麵餐，牛肉滑，淋，入味。豬膶米粉餐 ,豬膶厚度適中，份量也不多不少每個餐有多士和炒蛋咖啡係即磨食到尾聲， 食物個樣都ok但同時間開始嗅到一陣陣既臭味，相信是從街市傳來的，確實極之影響到食慾提議下次可以坐裡面，盡量不要選擇窗口位

以前讀過室內設計，最好玩係設計茶餐廳，金記又係一個好例子。用現代物料復刻懷舊設計風味，照雞蛋既紅色罩燈，舊式既花紋屏風，用色配搭一流，有味道!Menu係乒乓波拍形狀，有趣!叫左個雪菜肉絲米，竟然有蝦米，蝦米，肉絲和雪菜都先炒過，所以香氣撲鼻無冰奶茶味道濃郁，夠滑!豬潤面d豬潤夠嫩，剛剛熟面無煮過龍，唔會太林!!唯一美中不足既係杯熱奶茶，唔知係咪隻杯既問題，杯奶茶好快就凍晒多士無影相，水準唔夠一致穩定，時脆時林，好多時烘焙時間唔夠，似白面包多d。但出爐波蘿包係必食，包軟而有口，熱噴噴，面層脆皮堅脆最可惜係經常漏單，去過多次，超過50%係會漏單，要你再次追單，先記得落! 其中有次晚飯等左45分鐘都未到，結果埋單都食唔到

今天，打算去楊屋道街市買餸，路過見到金記冰室，被其優雅的裝修吸引，於是和老公二人去食下午茶。我們點了一份雞翼沙律和一碗雞脾公仔麵。食物很快便來到，但被首先到來的雞翼沙律嚇到了，份量真是少得驚人，只有一隻營養不良的雞翼及一份少得可憐的沙律加飲品，味道差，但竟然要$38,真的一點也不值。老公要的雞脾麵也好不了多少，碗都未洗乾淨，公仔麵碗邊沾有未洗淨的咖哩汁，真的頓時胃口全失！我想第一次也是我的最後一次，已被列入不再回頭的食肆！！！

說話之前陪媽咪去楊屋道街市買餸時無意間經過呢間裝修得充滿懷舊感既金記冰室，心諗佢個look咁得，d野食一定都唔會差啦，所以決定一定要搵日專程來試試菜！今日早上11:30來到，打算食返個brunch。無可厚非，金記的確用咗好多心機係裝修上，令食客一步入鋪頭時，恍如坐左時光機，返到六七十年代格調既舊冰室感覺。如果你想來影下懷舊相呃Like,呢度既background 絕對推介！！但之於講要食物啦⋯⋯哎！就真係同我心目中有好多落差啦。我分別叫左份豬膶米粉配奄列多士，飲熱檸茶、一份炒貴刁。首先講下個粉，豬膶唔夠新鮮，味道好鯹，就算加左薑絲都辟唔到味，湯味似落公仔麵調味粉，毫無特色。奄列煎時落得太多油，味道欠奉，多士就查得太多牛油，放到凍哂先囉俾客人，咁呀⋯⋯d牛油已經深深地滲入麵包裏，當我一食，覺得食緊磚肥淋淋既油麵，非常 unpleasant!份炒貴刁都做得無功夫，食啖覺得好辣但唔香、無鑊氣，河粉顏色雖然係咖喱黃，但食唔出黃姜粉，只有辣油味。最後，只有杯熱檸茶值得一讚，選用新鮮檸檬，飲落充滿果氣味，令我回味。總括而言，我覺得金記既lunch食物非常一般，應好好改善，用心製作美食來配合返個靚靚

近來人氣飲食博客HP突然又講番起香港仔漁市場，然後是一班人又討論那些街市漁市場之餐廳。 荃灣的楊屋道街市，出名到爆，但這裡卻沒有相應的餐廳，不像鴨脷洲，不像大埔，不像大角咀，更不是柴灣。 不過，金記從來好吃都來有風格又有生意頭腦，在荃灣完全冇對手的情況下，佢開左新分店，主力不再是西多士，也不是牛肉麵，反而是海鮮小炒，晚飯格局。 當然，你知道薄扶林分店早已經做緊呢件事，但夾著一個出哂名買平靚正海鮮嘅地方，又係另一回事。 一個海港，只有一個海港城，一個街市，也只有一間餐廳，是專屬處理海鮮，即叫即食，就如痴男怨女在廁所就地正法一樣。 新店裝修依舊是走懷舊風，你喜歡舊香港，一定會鐘意。 我們今日來的目的是海鮮，當然要看看自來海鮮加工收費表，白灼、清蒸鹽、鹽水浸、豉汁蒸都是$32斤，果皮蒸、蒜蓉蒸、豉油王、薑蔥、上湯、醬爆、豉椒炒、椒鹽就$50，比起外間平得多，我們都是向這幾方面選擇。 先叫了馬拉盞炒通菜，為今晚海鮮餐打定個底，通菜當然有火有鑊氣，馬拉盞味道又濃，絕對是重口味佳音。 我太喜歡金記的炒野，於是手多叫了個馬來炒貴刁，吃得津津有味，炒貴刁當然是辣辣的，如你尋找與別不同的味道，請不要

縱使現今有很多不同口味和款式的月餅, 但家人仍然鐘愛傳統的月餅, 所以我今年就帶了一盒金記出品的, 低糖雙黃白蓮蓉月餅回家, 與家人享用. 已經是第三年吃金記月餅, 一如以往, 金記月餅盒都是以硬皮紙盒盛載月餅, 盒上印有仙女圖樣.一盒有四件獨立包裝的月餅, 更附送小型膠叉子.蓋在月餅上的「金記冰室」字樣十分清晰. 從包裝袋拿出月餅來, 已經聞到濃濃的月餅香氣了, 教人更是期待. 月餅的白蓮蓉甚是綿綿香滑, 軟糯可口, 甜度亦不算太高. 中間的鹹蛋黃雖然有少許硬身, 幸好仍然滲出一些蛋黃油出來哩. 

今日呀媽唔煮飯，我地一家四口唸住求其去茶餐廳醫下肚，點知呢度晚餐唔係一般茶餐廳咁簡單，直程好似大時大節成班親戚一齊去酒樓食個啲套餐，但價錢卻好親民，佢地做緊個海鮮三寶優惠，一條海斑都係$88，仲好高水準。我地四個每人叫左一個晚市套餐，可以用優惠價試兩寶。魚蒸得啱啱好，骨位冇唔熟，但好滑。而另一寶我地叫左炒蜆，睇相應該都睇到好大粒，好厚身，冇沙，而豉椒都冇搶左蜆嘅鮮味。可惜如果我有多兩個弟妹，就可以叫埋最後一寶嘅避風塘炒蟹。唔緊要啦，會再黎食再試！講下晚市套餐啦，相比起兩寶就冇乜特別，不過我本身唔係好中意食太鹹太濃味嘅中菜，因為食慣媽咪健康住家飯，而呢度每碟味道恰到好處，又夠鍋氣。唯一美中不足就係碟椒鹽豬扒拼鮮魷，鮮魷炸粉太多。呢度海鮮咁好食，廚師師傅下次唔好咁重手呀。整體黎講，我好欣賞呢度嘅海鮮，其他都超越普通茶餐廳嘅水準。下次可以提議親戚過節黎食，代替平時去個啲酒樓。

去過位於九龍塘既「金記冰室」，印象中是材新鮮，味道可口，就是地方細一點。今次去了荃灣川龍街的分店，佔地面積大很多，不怕沒有位，亦不怕坐得太迫了。荃灣金記冰室就在楊屋道街市對面、百悅坊地下及一樓。遠處已看到大大的招牌，很有懷舊感。一樓是堂食，地方寬敞，乾淨企理。這是？？？這是menu，很特別今晚食中餐小菜，唔知係咪都咁有水準呢？🤔「豉汁炒蜆」：惹味，而且蜆肉夠肥大，絕對唔會輸比大排檔👍🏻「椒鹽鮮魷拼豬扒」：我鍾意食比較濃味嘅餸菜，所以覺得呢個椒鹽味可以再重一點，另外，鮮魷太細片，而且不夠味。「蒜蓉炒西蘭花」：有鑊氣，香口。「水煮牛肉煲」：全晚最精彩既一道小菜👍🏻👍🏻👍🏻 不太辣，牛肉嫩，讚！「清蒸海斑」：驚喜！比起好多酒樓蒸得嫩滑，而且一啲都唔腥👍🏻👍🏻👍🏻「黑椒牛柳粒」：都是那一句⋯香口，牛肉嫩，最緊要係唔羶。其實，香港不只有「翠X餐廳」，我覺得「金記冰室」以食物水準、環境同埋價錢來講，性價比高。如果唔想跟遊客爭位，可以來呢到！

食得多肥野，係時候食返健康D阿叔年紀大，更加要注重多D健康否則唔擺得幾耐尤其係鬼佬野，多肉又多油，所以決定食下港式茶餐廳當然港式茶餐廳一樣有肥同油嘅野，所以專登擇間有比較清D的菜色嘅，又好味嘅唔想咁多, 有菜有魚一餐先，先黎個蒜茸炒西蘭花 $55真係正，油唔多，但蒜茸已經夠香，可見真材實料清蒸海斑 $88咁好鮮美，魚肉嫩滑，魚香撲鼻歌有得唱，鹹魚白菜也好好味我呢餐，清蒸海斑加蒜茸炒西蘭花，更加無得頂!

楊屋道街市有靚海鮮是人所共知，只是若然不是家住葵涌的過路人，也就注定跟靚海鮮有緣無份。也許金記就是看到這地利優勢，分明是家港式茶記，卻兼營了加工海鮮餐廳來。金記離楊屋道街市才不過幾步之隔，正對着海鮮檔口佔盡了地利的優勢，食客可先在街市挑選心水海鮮，再拿到金記加工也很方便。其實荃灣海鮮餐廳比比皆是，但能夠親自挑選生猛海鮮，確是能吃到最新鮮揀手的靚貨，價錢亦相對實惠一點。沒有任何的宣傳攻勢，靠的就是街坊口耳相傳，知道金記也是靠家住荃灣的友人告知。聽說剛開業時加工費是劃一價，引來精打細算的街坊們......你懂的。如今自來海鮮加工，最簡單的白灼、清蒸鹽、鹽水浸、豉汁蒸每斤$32，較費工的果皮蒸、蒜蓉蒸、豉椒炒、椒鹽、辣酒煮、芝士煮、炒球等就由$50-$56不等，龍蝦、避風塘每斤$70，相對其他加工小廚價錢實惠一點，兼營冰室的金記未必能給食客百分百信心，但既然是正對着楊屋道街市，新鮮抵食已是可以肯定的了，加上才$32－斤起的油料費用，就是以小博大賠率不低的小本投資了。蒜蓉粉絲蒸扇貝 (一斤60，加工費$56)飽吸鮮汁的粉絲，再加上薄薄豉汁提味，扇貝新鮮鮮甜。酥炸細生蠔($55，加工費$56)連

對外國朋友黎講，中國嘅傳統節日係十分之咁interesting。亦都係一個非常之咁好嘅話題工具。所以對住外國客，佢哋收到你盒月餅，珍惜程度係比香港人超出十倍以上。而家我經驗入邊呢，金記個包裝，已經贏咗九條街。低糖雙黃白蓮蓉。蓮蓉夠滑唔算好甜，蛋黃夠油。入面有埋刀同叉仔。一盒月餅已經係一整個下午既談資。有盒面嘅嫦娥，講到一黃、兩黃、四黃。到冰皮、奶黃、雪糕。係外國人嘅眼中都竟然係鍾意傳統嘅月餅（同埋個鹹蛋黃）真有趣。！