金記冰室 (Closed)

說到早餐，荃灣金記冰室會是其中之一，定價稍高，但一般不會失望。常點的是沙嗲牛肉麵，火腿奄列，茶走。奄列一般茶記水準，扒爐蛋皮包餡，熟度還好，有蛋汁，蛋味一般貨色。發豬瘟期間沒有豬潤麵供應，我只知深水埗某一賣豬潤麵的老店，還有貨賣，大家想一想吧。茶走，相當不錯。一般做法是煉奶底，落茶膽就出客，所以常有煉奶沉底，開頭苦澀後尾太甜的問題。更建議是先下煉奶，然後下茶膽一半，攪勻推開煉奶，再下其餘茶膽，沖出來成杯奶茶均勻夠味。有見師傅撞茶手工，奶茶有泡，細滑又綿密，茶膽香濃滑，師傅有手勢，值得一試。沙嗲牛肉麵，蒜味重，膽夠濃，顏色對辦足以令成碗湯有味。牛肉一般冧片，常算滑溜，入味，有份量。重點麵是即煮，爽身不糊口。現在一般茶記即使加錢轉丁麵，都是預先過滾水的，此店就沒有如此問題。整體而言，荃灣區早餐來說，定價中上水評，然而值回票價，沒有欺場。此店用心不用心我不知道，至少比不少店做得好。

早上約了朋友到楊屋道運動場打波，本想著到荃新天地吃早餐，經過百悅坊時竟然見到金記一九六七，甚麼時候開的啊。這店門面很小，主要是在樓上，怪不得不太看到。樓上挺大的，如果按地舖作比，好像有3至4個舖位。樓上裝修比較傳統，很有心思，服務員挺年輕有禮的。早餐選擇頗多，我們點了沙嗲牛肉面配火腿奄列牛油多士，彷鮑魚絲火腿通粉配煎雙蛋牛油多士。牛油多士比較，如果是烘的硬硬的更好吃。通粉挺爽口的，湯底味道不錯。沙嗲味不是很重，牛肉軟硬適中，面叫了生d，效果不錯。奶茶很滑，就是傳統的感覺。

今日慶祝家人生日，因為我地成家人都好鍾意食海鮮，之前有朋友介紹話金記冰室既加工唔錯，咁就去試一試啦！首先要去楊屋道街市買海鮮，好多人呀！但楊屋道既海鮮都唔算貴，買左瀨尿蝦，聖子，大蝦，扇貝，蜆同埋蟹，埋單千四蚊有找。。去到餐廳，職員用兩張方枱合埋加一張圓枱板比我地一行六人，之後屋企人仲買左白酒同蛋糕，職員仲好好即刻幫我地雪住蛋糕同整個冰桶比我地鎮住d酒！人齊起菜，椒鹽瀨尿蝦，豉椒炒蜆，豉油王大蝦，蒜蓉粉絲蒸帶子同聖子，清蒸蟹。。最後再加左個白灼菜心，加工既味道樣樣都真係幾好，反而個菜令人失望，菜心好老不特止，講左白灼但出黎成碟都係油🙄🙄但好在職員既服務搭救加分，幫我地執哂枱就上蛋糕，值得一提餐廳不收開瓶切餅費，加分！可以 encore！

今天去了荃灣的金記冰室午餐，坐低對正個大牌匾，好有氣勢。老牌冰室來了新搞作，跟老夫子來個cross-over，經其語句 “名副其實” 和 “耐人尋味” 竟然變了套餐名字。另外，個個員工都穿上印有 “傳統風味、新派演繹”，是齊心合力的表現。點了一個 “名副其實”，即係金牌乾炒牛河套餐，配凍忌廉朱古力。另一個餐係E餐，福建炒飯，配中湯粟米甘筍汁和熱奶茶。中湯味道還可以，勝在沒有加味精。凍忌廉朱古力: 隻杯印有老夫子同埋大番薯，好cute，我鍾意呀! 杯朱古力初飲第一啖，覺得太濃，後來將啲cream搞勻，同埋等啲冰溶少啲之後，杯朱古力就啱味了。熱奶茶: 味道香滑。福建炒飯: 賣相唔差，用料就無了豬肉了，相信是來貨貴得滯。換來的是火腿片。其他的材料還有雞肉、雜菌、蜆仔肉，蛋碎等等。味道都唔錯的。金牌乾炒牛河: 大碟，鑊氣夠，色水靚，上檯時已聞到香氣撲來。河粉食落唔會散，牛肉大片又腍。再加埋李錦記嘅是拉差辣椒醬一齊食，真係無得輸。

金記一向是老字號，它的蛋撻出晒名，晚飯小菜亦不錯。今晚在它的荃灣分店吃了晚餐，這裡裝修有點懷舊，地方大坐得舒服唔在講，而且感覺人情味滿瀉，因為啲伙記好nice。其中，認識到副經理德哥，他好健談，又會介紹有咩好食，更會幫我哋那些至為抵食，例如晚市精選小菜套餐。我們本想叫乾炒牛河，可惜，德哥好唔好意思，竟然還向我們鞠躬說: “河粉一早賣晒”。(我們真的受唔起)OK 嘅，唔食牛河，呢度仲有好多嘢食。之後，我哋就點了一個套餐 【小菜2 – 咕嚕魚柳】和一個小菜【滑蛋韭黃炒蝦仁】。德哥實在太好人，本來我們只是點了一個套餐，理應只包一個例湯和一個白飯，德哥卻送多一個例湯和一個白飯給我們。中、西式例湯各要了一個。中湯的是蘿蔔南北杏豬骨湯，西湯是羅宋湯。兩個湯的味道都屬於正常，沒有加味精的。兩個小菜的份量都好足。滑蛋蝦仁的滑蛋炒得老了少少，味道鹹了少少，但都OK嘅。而蝦仁就好大隻，食落都好爽口。咕嚕魚柳個汁好惹味好開胃，魚柳軟腍腍的，味道較滑蛋蝦仁好。最後是飲金記熱幼茶，茶味香濃，好飲!埋單時，德哥又走來，連聲多謝，慢走，真令人感動!

懶洋洋嘅weekend，梗係瞓到自然醒😝😝出得門口都過咗十一點， 突然醒起金記冰室早餐至到11點半， 即刻狗衝過去🤣🤣今次叫了早餐《甲》 ……即係沙爹牛肉麵，火腿奄列配牛油多士，和熱嘅香滑奶茶! 侍應哥哥仔介紹我飲奶茶我又冇所謂，咪試下囉。。。噫……真係有驚艷茶味恰當，奶度又搶唔到茶味，份量適中，好滑口( 我係冇落糖，所以如果落咗糖的話，杯奶茶變成咩味，我就評價唔到嘞!)雖然依個早餐都要38蚊， 但係我覺得值得!! 因為佢個奄列炒得好滑 多士就一般啦!當然主角沙嗲牛肉麵攞咗唔少分啦😜淨係睇到個汁已經知道佢嘅沙爹醬 係唔會令人失望 😻就算你食曬啲牛肉，淨返啲面，只要索返啲汁嚟食， 都會覺得好滿足🤣🤣 肥死了哈哈哈🤦🏻‍♀️😂😂😂😂

之前去親楊屋道街市都會去金記hea 下飲杯茶/啡食個包太約半年冇去發現佢地加左價仲加唔小tim 出名菠蘿包由$5 加到$8 熱/凍飲都由$1幾加到$2x (冇映到menu ) 個包仲比以前細左

今日約了好朋友食飯, 約了成半年終於成事。 老友知道我鍾意食海鮮， 專誠去荃灣楊屋道街市買新鮮海鮮，然後一齊上去隔離金記冰室加工。椒鹽瀨尿蝦 ，油鹽水花甲，避風塘炒蟹，薑蔥炒龍蝦，豉椒炒蟶子， 好味到不得了，除了因為海鮮好新鮮之外， 師傅炒得真的好好食，勁惹味， 每一味都好正， 連炒個通菜都一樣好食。 服務員又非常友善， 常常來幫忙換碟， 好愉快的一餐。

金粒西多配雪糕粒粒西多士，一啖一件，啱晒我呢啲懶人西多炸得外脆內軟，加埋煉奶、花生醬、雪糕，好味南乳炸雞飯炸雞酥脆唔鞋口，南乳味非常濃郁，而且份量十足，勁飽肚！

放假落荃灣食早餐，因為以前係灣仔成日食金記lunch。諗住荃灣應該老正 點知極失望。知道呢間嘢早幾年消費懷舊風，表面光鮮但同冰室根本風馬牛不相及。一入到，門口阿姐亂派位，已經問佢入面有無位，西口西面話無，要我地坐門口位，但後面就係咁放人入入面坐，揀埋卡口都仲得。早餐選擇極少，基本上多士同雙蛋係膽，無變化，麵又有一款話無，其他又無乜特別收42$。鮮牛米得三塊薄牛，但個湯係完全無味，唔知食緊咩。荃灣分店，不錄用。

Walked in Kam Kee for an afternoon snack and ordered a Bo Lo Yau pairing with Hong Kong style milk tea. For those who aren’t sure what a Bo Lo Yau is, it’s a pineapple bun with butter in between. If you haven’t tried it before, you are missing out! Kam Kee does a pretty good job with their Bo Lo Yaus. It was served warm so the butter was slowly melting inside which was delicious. The pineapple paste on top of the bun was thick and had strong flavours of a pineapple bun. (Note: it is called a pin

收到宣傳單張，知道荃灣開咗金記冰室（食過西營盤嗰間嘅早餐，感覺不錯），於是去試晚市，叫小菜食飯，兩個人點了3個餸，點知⋯⋯1.蒸魚～條魚啲肉「梅」嘅！2.西蘭花炒腰果蝦仁～蝦冇蝦味、西蘭花都冇味，最好食係腰果囉！3.雞煲～原來係雞骨煲，一煲入面竟然有4件雞腳骨咁多，又有雞奕尖，勁似食淨炒埋一碟咁，總知骨多過肉，問題係唔值$83蚊囉！另外，舖面列出幾排黑白淡奶陣容，但杯奶茶貨不對版，發現水吧入面排出不知明罐頭奶😤

早上去行山前吃個豐富早餐，見到此家茶歺廳門口新鮮麵包，一見到巳經肚餓。此家餐廳有兩層，第二層才是坐客人。今日是假期，全場爆滿要排隊。等了20分鐘到了，我們叫了幾個早餐及一份三文治。🥰排隊的時間，剛見到面新鮮出爐，好香啊～～～(看相）🤔飲品先到，冇特別，奶茶一般👌🏻餐肉雞三文治即叫即整, 夠熱好味 $25👍🏻仿鮑魚火腿通粉，跟煎蛋牛油方包，小朋友喜歡吃$36👍🏻沙嗲牛肉公仔面跟火腿奄列牛油方包，方包還是熱的，好吃。其他店的很多是凍凍硬硬的！$38🥰🥰🥰招牌鮮豬潤通心粉來了$42，外表一段，但吃了好濃豬潤湯令通心粉很入味。而且其他店外是沙嗲牛肉湯麵，火煺通，雪菜肉絲米粉⋯⋯⋯所以我愛上了，湯也飲光了！🥰環境是仿舊茶餐廳，用具有些也懷舊！他們的杯是特別設計，你留意下杯還寫了‘ 多謝你飲我 ’ 哈哈～～不用客氣下次會再來吃招牌鮮豬潤通心粉👍🏻👍🏻👍🏻

幾鍾意去金記冰室 ，除咗餐廳有打卡點， 嘢食好味 ，市場價， 唔會話特別貴。 呢一間喺附近街市入面，我係食晚飯先， 食過一次唔使老遠去西貢加工。今次食下午茶， 喺呢個世代大件夾抵食仲要好味，簡直係無敵!首先讚一讚，友善走飲筒，目前為止每一次都能走筒。食物方面，睇睇炸物嘅威力，肉厚 炸皮簿得嚟卜卜脆 唔油膩，大塊到到跌出隻碟，問你服未!!花紋薯條係我最愛炒粉 夠鑊氣唔會一舊舊， 條條分明， 即使分量唔少都好似唔夠食👍🏻不能食落肚嘅裝修， 影相打卡都係唔錯嘅。講到咁好，其實有唔好嘅(教硬嚟話唔好)!!要行層樓梯囉！

做完運動，往荃灣川龍街嘅金記冰室歎個早餐，選擇了招牌早餐鲜牛肉湯米。西煎雙蛋有水準，蛋白微焦香，蛋黃流心，多士一般，稍嫌硬一點。牛肉新鮮軟滑，米粉腍度適中，份量也不少，奶茶保持水準，香滑有茶香，平平實實，唔錯。