金利來

Open Now

Now Closed

13人食咗個三百蚊餐，行錯路，搵咗輪。最和味係魚湯。最快係煮花螺。最油係唐生菜。最差係龍蝦伊麵，有啲怪味無人食。最鹹係條魚,肉身都鹹鹹地。最特別係蛋蒸蟹。最淡係粉絲蒸扇貝。最正路係豉油王中蝦。最矜貴係豉汁蒸鮑魚。最生係豉汁蒸聖子。最抵食係尿蝦，一人一隻。最好食係糯米飯。最後係生果一碟。

今日同老婆去鯉魚門-金利來食海鮮, 加上見有人剛用$300元可吃10種海鮮, 好似好低所以决定生日來食. 但卻吃到一肚氣. 我們訂$300/人 但只有7種海鮮. 之前老板已說$300只可吃普通炒聖子. 我哋只好說那用魚來換聖子皇. 但食到一半發覺枱枱都有帶子和扇貝. 但我們等極都無, 一問之下侍應才說貴妃蚌貴D所以你哋無帶子和扇貝 (但本人從沒有要求食貴妃蚌) , 而且他們好像忘記, 我們是用魚來換的 !!!最后見枱枱都有東風螺, 我哋又問為什没有. 待應又話2人枱没有(但坐近樓梯的2人枱卻有!!!!) . 最嬲隔離枱食250/人, 但卻有10種海鮮 (如下), 連 隔離枱的太太都同我哋講 "有無絞錯啊,食$300什麼都話無,快D同老板講啦!!":食完后我哋好好聲氣跟樓面小姐反映,她竟說 "唔好同人比,你哋2人枱係少D嘢食的", 如果我比$200 or $250/人, 我無話可說. 但我比$300/人. 而且訂枱時已問2人枱做唔做 (老板話無問題!!!!!!) , 佢又話 "你哋3個人我都只收你2個錢啦 ( 真起有此理, 訂枱時已同老板講明因小女沒有人顧, 所以會一起來, 但她不吃東西

今日一班同事去鯉魚門食海鮮餐, 之前我無去金利來食過, 係有朋友去食過介紹俾我的, 仲有佢地星期一休息的, 除非星期一係公眾假期就會繼續營業兩個星期前已經訂左$300一位的海鮮餐, 真係想去食要先打電話訂位呢唔同價錢大至上都係食幾款餸, 分別應該係size有11個餸, 一個湯及生果盤1.魚湯---鮮味2.東風螺---雖然唔係好大隻, 但唔會太熟太韌3.聖子皇---夠大隻4.蒜蓉粉絲蒸元貝---好大隻, 厚肉5.油菜---都好大碟6.花雕蛋白蒸蟹---有四隻蟹, 而且蛋白夠味好滑唔老7.鮑魚---好大隻, 蒸得岩岩好, 唔韌8.豉油皇蝦---爽, size有中蝦咁大9清蒸東星斑---有兩斤以上, 蒸得唔太老, 剛剛好, d魚肉好滑, 應該係人多先有東星食, 我見人少的食普通石斑10.金蒜瀨尿蝦---好大隻, 足足有8吋長11.龍蝦伊麵底---夠大碟, 十五個人一人一碗後仲可以再添食12.生炒糯米飯---好好味, 係無落豉油炒13.生果盤---細個左d$300一位有咁多野食想點呀, 雖然環境普通, 但食物應該係中上的啤酒汽水另計如果人太多的話, 侍應人手有不足情況, 可是伯伯及小妹侍應仍

一班同事去食生日飯，有人提議去金利來食海鮮！我就第一次去，覺得個價錢幾ok你可以訂位時講要250蚊、300蚊不等今次我地就預250蚊一個人！ 9種海鮮+油菜+糯米飯+生果，真係估唔到有咁多野食！每樣野食都新鮮味道好唯一不足之處係個裝修一般，上菜時間等得比較耐！但係比250蚊，你仲想點！豉汁帶子白灼東風螺蒜茸蒸扇貝蒸蟹鮑魚蒸海上鮮美極蝦避風塘瀨尿蝦龍蝦伊麵

一班同事興起想食海鮮，想起早前有朋友介紹這間類似私房菜的海鮮餐館。我們以每人$200價錢交給阿姐發辦。我們7時多到達，幸好可以安被安排坐在上層，因為下層環境認真麻麻。好了，陸陸續續上菜，除了第一味的帶子，其它的也不錯，而以$200來說可以吃帶子、扇貝、蝦、東風螺、鮑魚、魚、蟹、瀨尿蝦、龍蝦9種海鮮真的非常抵食。不過味道只可以說不過不失，很大路的味道，海鮮吃得到是新鮮的。另外除海鮮之外，更有生菜一碟、魚湯一窩及糯米飯一碟。這3樣味道出奇的美味！其實以這個價錢真的是超值，雖然每樣海鮮，每人只有一小份。不過要提一提的是如果打算光顧便要預上一整晚的時間，我們7時多到達，11時多才可離開，可能要配合數張檯的餸菜要同一時間出菜，餸與餸之間真是漫長的等待...

7個人食12道菜，豐富得有點過份，雖然食得好飽，但好回味，值得再食！可預每人的budget叫老闆娘plan菜式，又可提議有乜海鮮想食，其實每人$300 budget已經好豐富，下次想試下$500可以再有幾好添！

所以關於菜式味道我不多說，想指出這裏是大廚一人包辦烹調，水準或有漂忽，但總體來說菜式還是可口，尤以單尾糯米飯，以上湯炒，看上去缺乏一般老抽深沉顏色，但粒粒分明，入口鮮味，甚有風味．一般一大棚人食，都能嘗遍各種海鮮，十分抵食．

拜完山, 家人話訂左枱, 有平靚正海鮮餐食, 梗係去啦! 一行19人行衛亦信徑到鯉魚門食海鮮午餐.菜式跟相片的大同少異, 好似前面的食評話齋, $200+有得食海鮮餐, 正! 可惜......下午1時左右抵達. 上左閣樓, 海景位, 涼浸浸, 正! 可惜......前段: 等了約20分鐘上菜灼花螺: 雖然唔係好大隻, 味道都ok蒸帶子: 可能係打左"HIN"汁, 滑"散散", 好怪, 帶子肉好靭 蒜蓉粉絲蒸扇貝: 可能都係打左"HIN"汁, 滑"散散", 肉都係好靭,蒸鮑魚: 冇鮮味, 好難離殼, 好靭 蒸老虎班&花鸚斑: 豉油無加工, 應該只係落左生抽, 唔係蒸魚豉油, 肉好靭, 應該係蒸老左 白灼海蝦: OK, 新鮮 避風塘瀨尿蝦: 呢個係唯一正, 蝦肉好甜 豆腐魚湯: 一般中段: 請伙計幫忙, 砌左D拜山既燒肉雞加"送", 佢話要收$$, 無癮, 最後無食到後段: 等了約30分鐘 薑葱炒蟹: 我炒都好味過佢, 唔夠味, 蟹大大隻, 好抵食咁, 但唔夠新鮮上湯龍蝦伊麵: 大大碟, 可惜龍蝦肉靭, 仲有梳打水味油菜: 正生炒糯米飯: 白色無豉油, 上枱時已涼晒, 酒水: 汽水,

久違了的外地朋友-大俠, 約在這裡食飯, 我第一個反應就係"唔係呀嘩?"鯉魚門食海鮮? 250蚊一位? 好似係遊客放血區喎! 心諗算啦, 難得見面, 俾人鋸一次吧啦....去到坐低, 分上下兩層, 因我們遲訂枱, 只好坐下層. 這樣反而更好, 原來上層雖然風氣好, 但太多人, 好嘈; 現在我們可無人騷擾地暢談. 一圍七個人, 其中大俠更首次和女友出席. 大家開懷地回憶以往讀書時的趣事, 互相踢爆 其間問為何揀這裡, 原來係其中一位朋友-小生提議的, 佢經常幫襯, 同周老闆熟左, 所以唔怕"俾佢鋸", 大派定心丸! 人齊便上菜, 碟碟海鮮份量足, 爽滑彈牙無欺場! 各道菜式的味道與之前兩位師兄所描述的一樣, 好好味. 尤其當你睇相時, 請留意食物和筷子湯匙的對比, 可以睇到青邊鮑真係好大隻!!! 印象最深的是瀨尿蝦, 幾乎長過我前臂, 好強! 食至中途, 小生突然宣佈: 其實大俠剛與女友上了律師樓簽紙結婚, 正式做老襯!! 我們隨即向兩位新人敬酒恭賀!! 在全無準備下, 唯有以"請佢兩位"作為賀禮, 請大俠見諒!!

因為朋友公司成日黎食覺得唔錯所以成班朋友黎試吓. 我地七個人原本$200/位, 但加咗龍蝦同改咗花雕蛋白蒸蟹所以每位要$250.呢度好似私房菜咁食乜由佢地話事, 總之一定食得飽咁話喎! o個日都有成十樣海鮮:灼東風螺: 雖然唔係好大隻, 味道都ok蒸帶子: 呢個我覺得麻麻, 唔係好甜, 有部份仲好難整甩個殼蒜蓉粉絲蒸扇貝: 呢個我就覺得好甜, 不過都係有部份好難甩殼蒸鮑魚: 都係冇乜鮮味, 亦好難離殼蒸海班: 肉好靭, 可能蒸老咗豉油王煎蝦: 同樣啲蝦唔太新鮮, 但都ok避風塘瀨尿蝦: 呢個就幾正花雕蛋白蒸蟹: 我諗清蒸會正啲豉椒炒蟶子: 有沙同鹹咗啲上湯龍蝦伊麵: 味道唔錯, 但伊麵滲咗啲龍蝦殼要扣分魚片芫茜湯: 好味精, 其實魚湯應該都好甜唔需要味精啦油菜: 好正, 我地仲加碼要多碟, 老闆亦好識做冇托手踭生炒糯米飯: 呢度啲糯米飯係白色冇豉油架, 但唔知點解都係好咪精feel最後連啤酒每人$260, 可以食到咁多海鮮又真係好抵, 而且就算人少少得兩, 三個都可以黎呢度食到海鮮, 佢地會按人數定分量, 所以種頪會多啲, 真係唔錯架...差唔走個時, 隔離枱啱啱走咗, 侍應伯伯收拾碗

呢度其實嚟食過好多次,呢次係同最多人嚟食嘅一次,＋八個人坐埋一抬!每人有一隻唔駛爭!蒜蓉粉絲蒸扇貝,蒸鮑魚仔,豉汁蒸帶子----都幾大隻同好新鮮.酥炸生蠔----炸得啱啱熟,蠔本身都唔錯咬落有鮮味.其它份量都好大碟!灼東風螺----螺唔算大隻,幾鮮甜.避風塘瀨尿蝦----大量炸蒜粒辣椒,有五隻大蝦每隻開四件,好入味!豉油王煎蝦----咸咗少少,蝦頭無膏,蝦身尚算扎實.上湯焗龍蝦伊麵底----唔知有幾大隻,總之好大碟!蝦肉略乾,伊麵底好正!大星班兩味炒球、炆頭腩----炒球喪多肉!都仲幾滑吓,炆頭腩仲有好多肉,魚皮好厚重膠質.薑葱炒花蟹----蟹肉幾結實,頗入味.豉椒炒蟶子----有半隻筷子長度,不過唔太入味.豆腐魚湯----非常濃香魚味!完全無腥味.白灼生菜----普通生菜.生炒糯米飯----呢個真係生炒!好食到停唔到口！幾飽都食多碗.生菓拼盤----大大盆仲多過酒樓.#記住!人數越多就越多款式!人少就會無咁多嘢食喇！唔好期望會有咩服務,亦都無咩裝修,但食完會覺得Ｄ錢真係用咗落食物度!