金雅餅店

Open Now

Now Closed

2021年4月19日 (星期一) 4:00pm 23°C 提供多元化麵包及西餅食品。 雖然店舖面積不大，但燈光明亮，環境算整潔乾淨，各款蛋糕賣相精緻，擺放齊整，一目了然。 店員提供膠刀子，可算貼心。 人數：2人 HK$80 不用排隊 重量是半磅，以咖啡和芝士為主。 意大利芝士蛋糕 - 屬於意大利名點提拉米蘇 Tiramisu，輕柔的蛋糕質感及濃醇的咖啡，撒上苦香可可粉，口感柔軟順滑。咖啡香氣撲鼻而來，且每啖都充滿奶油和慕斯，滑溜無比。整體來說，味道不錯，只是蛋糕水份多了些，質感被稀釋了。 梅花間竹，層次豐富。 朱古力甜甜圈 - 朱古力醬濃厚，味道香濃，可口滋味。【 溫 馨 提 示 】：❶ 提供膠切刀❷ 只收現金❸ 不收信用卡、八達通、支付寶、微信等

係金雅試咗個生日蛋糕又近又平唔使成日去連鎖店度買呢個係意大利芝士蛋糕 食落去係咖啡味嘅啲cream啱啱好唔會太膩中間嘅海綿蛋糕都好軟金雅平時啲包都幾好食呀同埋之前食過黑森林蛋糕都幾好食

2016年10月22日 (星期六) 3:45pm 提供多元化麵包及西餅食品。 雖然店舖面積不大，但燈光明亮，環境算整潔乾淨，各款蛋糕賣相精緻，擺放齊整，一目了然。 迷你黑森林蛋糕 - 重量是半磅，蛋糕顏色豐富，濃郁的朱古力碎片及朱古力口味的海綿蛋糕，奶油吃起來滑順卻不油膩，入口微甜香氣散發，鬆軟綿細的蛋糕體，入口化開，非常好吃的蛋糕本體也是成功的要素。朱古力的味道我覺得適中，奶油跟朱古力都不會互相搶味道，不會偏向只有朱古力或者奶油的味道，吃起來令人滿意。 士多啤梨、奇異果、菠蘿、蜜桃、火龍果、提子和藍莓等生果都非常新鮮，味道甜美多汁。切開之後，發現海綿蛋糕內層還夾雜著啫喱粒，軟軟綿綿，淡淡提子味，算有咬口。整體來說，蛋糕比較乾身一點，但從好的角度來看，便會覺得少油及不肥膩，健康一些。

相是很漂亮的，但是當我回到家打開食的時候，發現曲奇是完全林的，不知道為什麼每一塊的曲奇也是林的，又不是soft cookies，還要＄25一盒，令我十分之不爽😡😡😡😡

蛋撻從來就唔係一種難度技術含量極高嘅甜品小食，香港大把餅舖、茶餐廳整得好食。就好似呢間位於公共屋村嘅典型屋村麵包餅舖咁，在下間唔中都會幫襯吓。有酥皮、牛油皮（又名：曲奇皮），個人喜好酥皮。HKD3.50一個，好慶幸香港仲有用毫子定價嘅東西，一於買夠兩個！等我搵罐黑白奶對比下SIZE先。作為香港人我諗唔洗港蛋撻係咩口感乜嘢味喇掛？只要係出爐十分鐘之內嘅蛋撻，你想搵一間整得難食嘅真係談何容易呢？

今日去開藍田搵朋友,下午茶時間特別肚餓,但又唔想食得好飽,於是,我的朋友便去樓下買左半打蛋撻拎到返黎仲熱辣辣的~~~~一個字"正"這是牛油曲奇底,一食落去,好食,個底夠厚,唔會好似其實咁個底好鬼薄而且價錢都唔係好貴$2.8忍唔住食左2個,飽左,$5.6一個下午茶,底到呢~~~

平時想食下蛋糕都會黎呢到買!細細個都係$20 !自己食哂夠哂飽!咁生日都梗係返黎買生日蛋糕啦!1磅都係$60幾..幾抵!要左黑森林蛋糕好夠軟熟.而且仲有cream同jelly粒做夾心!加上生果又唔酸!係平價蛋糕選擇!

蛋撻超好味 ^~^ 熱騰騰!!!!~~~~ 成日都keep 住有新鮮出爐的蛋撻, 又平又好食

藍田平田村、廣田村及康雅苑三大屋苑，就只有兩間港式麵包店，呢間係位於平田商場的其中一間，另一間響廣田街市地下。兩間之中，就只有金雅的麵包有水準，因此我亦只會幫襯佢。每逢朝早返工返學時間，又或者下午茶時間，金雅門口經常見到幾位街坊排住隊俾錢，為的只係菠蘿包、雞尾包、甜餐包、鹹豬仔同埋蛋撻等港式早餐包點，以上所講的，都只係賣HK$2.50！而且仲幾好食。我個人就比較中意剛出爐的薄餅，雖然餡料只係廚師腸仔粒、蕃茄膏、粟米粒、紅蘿蔔粒同埋青豆，但係HK$5.00就食到一件像真度極高，仲要係熱辣辣又飽肚嘅PIZZA，試問夫復何求？