金西南米線

Open Now

Now Closed

登龍街一向多嘢食，又多小店，食物平靚正。米線嘅話，一向食開金西南，簡簡單單一個餸嘅米線大概四十零蚊。今日行開嗰頭，見到餐廳全新裝修，感覺更加摩登，嗌嘢食用QR code落單，更加方便。更加推出咗一人餐，價錢$68 ，包一碗米線兩個餸，一款小食，同埋一杯嘢飲，價錢好實惠。特別推介招牌腩肉同豬大腸，好惹味。亦都是咗藤椒魚皮，魚皮爽脆，越食越滋味碗麵嘅份量真係好大，配菜好多，仲可以叫佢加大韭菜芽菜花生等配料仲要薯粉唔使價錢，抵讚反而佢杯奶茶麻麻哋😵‍💫同埋座位比以前逼夾😥

經過發現依間裝修靚靚仔仔既食店，以為係 cafe / 食東南亞菜，睇返 ᴏᴘᴇɴʀɪᴄᴇ 原來已經開業多年，最近重新裝修，變埋掃 ǫʀ ᴄᴏᴅᴇ 落單，簡單快捷又清晰。○ 熱 撈 薯 粉 // $38可以揀熱撈或者涼拌，係超級大碗夠肚。薯粉係幼身嗰種，食落非常Q彈又索汁，口感爽滑，唔中意食薯粉都可以揀米線。本身配料已包括辣肉碎、酸菜、莞茜、蔥、花生，再加兩個餸可以自由配搭。今次試左金獎腩肉 (+$9)、牛肝菌 (+$9)、滷水雞翼 (+$9)微辣腩肉大大片，肉質爽嫩，好惹味！牛肝菌既質感幾特別，香濃之餘又唔會太辣。另一碗就揀左鹽香手撕雞 (+$9) 同埋通菜。雞件以鹽水醃製，慢火烹調後再手撕成一條條絲，雞肉唔會太柴，而且鹹味恰到好處。飲品方面跟凍豆漿係免費，另外都可以揀其他茶記飲品 咖啡 / 茶 / 檸蜜 / 汽水。忌廉竟然有得加檸檬，味道又幾特別似波子汽水。最近天氣又突然變凍，一碗熱辣辣嘅薯粉真係無得輸！唔中意食撈麵都可以揀有湯既小窩米線，另外仲有幾款小食例如藤椒魚皮。晚市超旺場，7 點已經坐滿人門口仲有 1x 人等位，想試都有心理准備可能要等一陣。ꕀ

未裝修之前成日食，雖然個地方舊，但總括反而重好食，而家員工態度又差，啲眼神非常唔友善，價錢感覺都比以前貴左，諗住好耐無食，過下癮，覺得無呢個需要了。唔好再信啲留言啦，大家肯定無食過啲好食的米線，中意味精既就去食啦

依間米線轉薯粉，居然唔使加錢，真係好感動🥹🥹平時去其他米線店都要加錢，所以真係覺得依間米線店好抵食又有良心🥰🥰而且佢啲小食都好抵食😋我叫一份燒賣或者魚蛋，都只係$12就有而店員嘅服務都好好當我唔小心撞跌咗嘢食嘅時候，佢哋都會俾返一盤新嘅我🥹真係好有心🥹🥹嘢食方面都OK，有湯嘅米線，亦都有熱拌或者冷拌米線，選擇都好足夠而且佢哋嘅湯米線，米線真係會入味，可以選擇嘅餸菜都好足夠✨✨唔怪得知 每次午市或者晚市去食嘅時候，都好容易見到佢大排長龍

之前去維園行完花市，順便喺銅鑼灣搵下有咩好食🤣天氣凍就想搵啲熱辣辣嘅嘢食，見到金西南米線有酸辣米線食，就入咗去試試😄我嗌咗個$68 一人餐🔸酸辣小鍋薯粉，配金牌腩肉+墨魚頭 (好驚喜，好少米線舖有👏🏻)🔸包一個小食，我揀咗麻辣手撕雞，雞肉唔嚡都幾嫩，仲有隻雞翼尖㗎🔸仲有杯嘢飲港島嚟講，價錢算正常男朋友就叫咗$38自選涼拌🔸熱撈涼拌薯粉配手撕雞(+$9)+鯊魚丸(+$6)🔸再加咗藤椒魚皮(+$25)，呢個係重點，魚皮好爽口，酸酸辣辣幾開胃✅環境唔大，雖然位置唔多，但伙記都無趕住收嘢趕你走咁

外賣話等20分鐘，結果由1點16分等到1點50分都冇，問門口個店員，提出如果唔可以做到就唔好話20分鐘，門口那位話大概，雖知大概，但都等了接近35分鐘，再追問那店員，竟然大大聲話唔關佢事，係廚房，叫客人入廚房講，最後選擇退錢，乜嘢金牌，乜嘢排隊都係假，咁樣同客人嘈

中午見到一間鋪仔細細但超多人排嘅米線鋪頭好爆滿 感覺一定好唔錯啦而且係Scan QR code落單都好智能化令到上菜都快左好多🍜【一人套餐酸辣小鍋米線】 HKD 73তততততততততততততততততততততত面盤一樣大嘅一碗米線非常抵食米線順滑Q彈再加上酸辣湯 恰到好處+ 金獎腩肉（微辣） 金獎腩肉果然名不虛傳肥瘦比例絕佳👍🏻肥而不膩+ 魚肉春卷魚肉鮮美飽滿無腥味🐟【藤椒魚皮】 跟餐 + HKD 5 তততততততততততততততততততততত有驚喜呀🤩切到薄身嘅魚皮一啲都唔腥之餘仲好爽脆後勁啲藤椒辣味慢慢滲出嚟辣得好過癮🐔【麻辣手撕雞 】 HKD 38 তততততততততততততততততততততত真係好麻好辣🔥雞肉嫩滑好惹味但如果唔係好食得辣嘅朋友就叫酸辣手拍青瓜啦

周圍都食米線｜要搵間出色嘅真係有難度！最近經過銅鑼灣又真係比我搵到一間平靚正米線！套餐抵到不得了！大家都鍾意食嘅腩肉，依間仲要係獲獎㗎！1人餐(酸辣小鍋米線) $68起1人套餐包2餸＋1款小食＋1杯飲品，依個價真係唔係度度有！小鍋米線配料有：秘製辣肉碎、韭菜、酸菜、芽菜、花生、芫荽、蔥都幾多元化。除咗腩肉，平時食米線好少見有嘅松茸、牛肝菌依到居然有！仲要係微辣，即刻加餸！太多餸想試最後試咗以下幾樣：金獎腩肉(微辣)：非常入味！越食越惹味，腩肉唔會太肥脂肪分布適中，難怪攞到金獎！必試！松茸(微辣)：松茸好少米線店有得食，見到有即刻要試，本身松茸無咩味，依到加咗微辣就突出埋松茸味，健康又好味牛肝菌(微辣)：又係少見嘅餸，一樣用微辣帶出牛肝菌味，原件上無切碎，份量都多好抵食！竹笙：爽滿湯底味，一咬爆湯勁正，竹笙都幾長，無剪到好短，又係抵食！蘿蔔：清甜+入味，米線至fresh首選套餐小食：椒鹽炸魚蛋：魚蛋炸到好香口，加上椒鹽帶出咸香味，仲有辣醬做醬料，鍾意食辣就要試杯品：豆漿：香濃豆味，味道唔太甜炸海鮮卷(配沙律醬) $25網卷炸到卜卜脆勁有口感，咬開有海鮮、紅蘿蔔，點沙律醬食勁滋味酸辣手拍青

去開銅鑼灣就發現呢一間金西南米線一直都大排長龍。所以依幾日，我終於都一齊排吓隊，估唔到又幾出色佢哋嘅米線30幾蚊起，性價比ok而我就叫咗一人套餐，酸辣小鍋米線米線Q彈爽滑，湯頭酸辣開胃我叫咗佢嘅金獎腩肉，都幾肥美入味再加份炸醬同鯊魚丸就更加正另外套餐可以用優惠價加配小食我叫咗一份麻辣手撕雞，辣味十足，雞肉嫩滑。另外叫咗一份藤椒魚皮小食，爽脆又麻辣，非常開胃。酸辣手拍青瓜和椒鹽炸燒賣也值得一試，口感十足。

又嚟到銅鑼灣食lunch啦！今日試咗金西南米線，呢間店主打酸辣米線，加埋惹味小食，真係好啱鍾意重口味嘅朋友～😋🔥🍜 1人餐酸辣小鍋米線 BB辣配料揀咗牛肝菌（呢個真係咁特別，好少有得揀做米線配料）、燕餃同滷水雞翼。湯底酸辣夠勁，但BB辣啱啱好，唔會太刺激，仲有啲回甘味！牛肝菌吸滿湯汁，口感鮮嫩，燕餃內餡豐富，滑滑嘅外皮好正！滷水雞翼入味又軟腍，係米線嘅完美配搭～✨🍜 1人餐酸辣小鍋米線 小辣走花生配料揀咗墨魚頭、竹笙、豬潤、冬菇同燕餃。小辣湯底酸味突出，加咗竹笙同冬菇，令湯底帶有少少清甜味。墨魚頭仲保持彈牙，豬潤就鮮嫩夠味🍢 燒賣（6粒）辣燒賣配埋辣椒醬真係一流！有少少麻辣感，食完仲意猶未盡～🤤🐟 藤椒魚皮魚皮配埋藤椒嘅麻香，食到停唔到手，係可口嘅開胃小食！🥬 腐乳通菜通菜清炒得好嫩綠，仲保持爽口，食得健康又清新～🐔 麻辣手撕雞雞肉滑嫩，麻辣味道滲入每一絲雞肉，特別係辣得過癮但唔會太重，超正！☕ 熱奶茶 & 熱檸水奶茶茶味濃郁又香滑，熱檸水就清新解膩

🔹️與朋友仔到銅鑼灣Shopping完, 便到附近登龍街“金西南米線” 晚餐🍜 店舖裝修簡潔衛生, 食物除了有招牌米線外, 更有多款小食和餸菜配搭, 美味多選擇👍店員有禮、效率高👨‍💼👩🏻‍💼 價錢親民💰🔸️酸辣小鍋米線🥘餸菜以自選配搭 ~ 點了肥瘦適中的金獎腩肉、可口入味滷水雞翼、滑嘟嘟豬紅、爽脆豬皮、甘香松茸、軟嫩日本鱈魚豆腐、清甜蘿蔔、掛湯豆卜配自選了BB辣湯底,幼滑米線, 食材豐富、口感充實😋🔸️涼拌米線 🍜以自選爽口入味滷水豬大腸、軟綿綿魚腐、甜蜜蟹子丸、鹹香鯊魚丸、爽嫩生菜、鹽香手撕雞配BB辣熱撈米線,啖啖滋味😋小食點了：🔸️日式捧餃🫔餃子皮薄香脆、滿滿豬肉餡料, 外脆內軟🤤🔸️炸海鮮卷🌯外皮炸至絲絲酥脆, 內裡以鮮嫩彈牙蝦肉Yummy😋🔸️酸辣手拍青瓜🧆手拍青瓜味道酸酸辣辣, 十分惹味開胃👍🔸️通菜🥬以翠綠幼嫩通菜加上微辣椒絲腐乳, 消滯解膩🥢🔸️飲品🥛點了甜度適中豆漿和橙汁🍹

“1人餐 酸辣小鍋米線”($68)“自選 涼伴米線”($38)“椒鹽炸燒賣”($12)呢間金西南米線喺銅鑼灣開業多年最近重新裝修過,變到成間cafe咁落單都變咗網上落單,簡單又清晰首先點咗個酸辣小鍋米線1人餐呢個餐包咗2個餸,1款小食,1杯飲品餸就點咗肥牛(+$6),腸仔酸辣湯底超級開胃😚入面加咗啲辣肉碎,韭菜,酸菜,花生,芫荽等加上煮到岩岩好嘅米線,正呀😋小食就揀咗藤椒魚皮(+$5)魚皮爽口,椒麻香十足,食得好過癮😛另一碗就試試熱撈薯粉配料點咗金獎腩肉(+$9),滷水豬大腸(+$9)🐷腩肉大大片,肉質嫩滑☺️加上微辣好惹味🌶滷水豬大腸就夠哂入味😙薯粉係幼身嗰種,食落好q彈又索汁2碗粉都超級大碗,食完真係好夠飽🤣貪得意仲叫咗份椒鹽炸燒賣食落酥酥脆脆又炸得幾唔錯😝

好多年前已經鍾意食呢間米線，裝修完之後仲未嚟過，今日咁啱經過咁就黎試下啦。首先，我哋點咗一人餐，包括酸辣小鍋米線。米線質感滑嫩，搭配酸辣嘅湯底，口感豐富。腩肉（微辣）、滷水豬大腸作為配料，每一樣都經過精心調味，味道鮮美，特別係腩肉嘅微辣口感，真係好出色。另外，我仲叫咗個酸辣小鍋米線。呢中自選米線可以根據自己喜好添加配料，我揀左勁辣，而且仲可以多芽菜、多芫茜，每一啖都充滿驚喜，勁辣嘅湯底真係好濃味但又唔會太辣，非常開胃。除咗主打米線，餐廳嘅小食選擇亦都非常豐富。我哋點咗藤椒魚皮（$25）、麻辣手撕雞（$38），特別推薦麻辣手撕雞，雞肉嫩滑，麻辣味濃，食過難忘。為咗平衡整體味道，我哋仲點咗一碟生菜。清新爽口嘅生菜，搭配以上嘅豐富口味，係一個非常貼心嘅選擇。呢間米線又平又好食，下次都一定會再黎呀。

係銅鑼灣做運動之前去咗金西南米線食野呢間剛剛係銅鑼灣翻新好！ 裝修好靚呀！好過以前舊鋪成間都係電線超多🤣 點咗兩個一人酸辣小鍋套餐 好抵食又好味！另外點咗兩個小食：藤椒魚皮同蠔油生菜藤椒魚皮好有特色 唔係間間米線舖都有！如果大家未食過嘅話，都可以試吓魚皮食落好脆身 食後辣味會更出！ 一人套餐本身分別送酸辣手拍青瓜 跟麻辣手撕雞 （+$8） 麻辣手撕雞雞肉好嫩滑 夠曬辣🥵 鍾意食辣嘅朋友可以點！手拍青瓜食落好爽脆又夠凍 涼拌來講好食！有一碗酸辣小窩米線BB辣配料：蟹籽丸、金獎腩肉（微辣）、鹽香手撕雞（+$15）！另一碗都係BB辣配料：金獎腩肉（微辣）、紅腸、豬紅（+$7）、貢丸（+$9）我和朋友都超級推薦金獎腩肉🌟🌟🌟🌟🌟！一定要吃！而且酸辣湯底味道唔錯好濃郁！蟹籽丸係我每次必點之物👍🏻 鹽香手撕雞都唔錯 同小食麻辣手撕雞好唔同前者就唔辣 不過鹽醃得好入味！😋 豬紅則好彈牙唔會散開曬！絕對新鮮！貢丸好似食緊豬肉丸咁！其實呢兩碗都少米線咗，但都係大碗到食唔曬而且餸嘅份量算多！大胃王一定要來！如果大家平時路過登龍街 或者想醫肚可以揀佢！ 坐得舒服服務又好👍🏻👍🏻👍🏻 啲野食好食！

今天到訪金西南，食物質素未有網上所述那般高分，整體表現中規中矩。雖然菜式選擇不少，但味道偏普通，沒有特別驚喜。環境方面還算整潔，服務態度尚可，無功無過。價格方面感覺與質素不太相符，性價比一般。總體而言，期待較高但稍有落差，適合簡單用餐，但未至於會特意回訪。