金和茶餐廳 (Closed)

吃到金和早餐，是件多麼難得的事。田灣有一間茶餐廳，從來都不憂做。我放假的時候佢放假，我放工的時候佢已經收工。唯一可以光顧的是早上上班前的時間，但我很多時都趕頭趕命，哪來的美國時間，可以吃一個豐富早餐。所以一直一直跟「金和」錯過。直至最近，請了一天假才可吃到「金和」的早餐，差點感動到要流眼淚！我點了沙嗲牛肉煎蛋麵 $26沙嗲味道濃但不香，而牛肉夠軟稔。不過分量就少了點。配上的煎蛋很好吃，半生熟的煎蛋，蛋黃口感香滑，再加上煎得脆脆的蛋白邊，簡單味美。麵質是普通茶餐廳大路麵，比較一般。如要吃出前一丁或公仔牌的麵就要加 $3.00 。另跟餐有一杯熱飲，我揀了熱咖啡。咖啡落奶有點重手，但仍是不錯的比例。入口順滑，帶有少少咖啡的苦澀味，好一杯茶餐廳咖啡。肥膏的紅腸煎蛋出前一丁麵 $29紅腸有3片，都算幾厚切。加錢轉了出前一丁麵，果然有分別。出前一丁麵是比較彈牙，麻油味更香。跟餐的熱好立克。肥膏說不夠奶，不太好飲。雖然並不是很好味的早餐，雖然只是一般的茶餐廳，但因為不是平時可以食到，所以變得很珍惜而又更覺美味。哈哈，雖然真的很普通。

要到田灣工作, 先上來尋尋看,有沒有好吃的.找到這間有二個笑臉,就決定來這裡.店舖是街坊生意, 有禮親切, 感覺不錯.本想叫咖喱,不過身體不好,還是吃得清一點吧.就叫了咸蛋蒸肉餅, 怎料, 確確實實地中招了.的時候是十一時多, 我妄想症發作, 以為會既蒸, 這是我不對.我叫完後一分鐘, 飯餸湯都已齊備, 蒸餸都是放在蒸櫃裡的。一吃下口更不得了, 從來未吃過爛得如此的肉餅,爛不是罵人, 而是這肉是攪得沒有任何纖維的, 真的從來未吃過,就算出面用機攪的,也不至於如此吧?這碟可稱得上是肉糊了!豉油本身不是太鹹, 但因為肉糊太爛, 所以豉油充地滲入肉間,形成十分之咸的境況.唉~是我叫錯食物嗎??例湯反而幾好, 大大碗無味精.因為自己妄想症的關係, 又叫錯了食物,所以街坊小店,給個ok吧.

呢輪係開呢邊開工,一放下午茶即係去搵下食,見到裡面得番一台客,大大間又幾企理,走左入去,d餐牌痴晒係牆樹,可能客少,招呼都特別好,叫左個沙爹牛肉煎蛋粗麵,呢度可以改生麵唔洗加錢,整多杯熱奶茶,個湯夠晒濃味,加重料咁,咸左少少,奶茶又沖得幾滑下,個杯係黑白奶,真係夠經典,又會拎埋辣油同埋糖比你,真係週到,價錢都係19皮,又估唔到佢收寫字樓時間,我諗係自己舖卦,總之食得過,仲諗緊佢隻太陽蛋,好味。

有個friend 住在香港仔田灣，帶我去了這餐廳。初頭以為冇乜特別，但個friend同我講，原來呢間茶餐廳平日收5:30pm，星期日及公共假期休息。唔係嘛，真係做茶餐廳都發達，打佢工就真好！講番食物方面，去茶餐廳當然要試奶茶，我叫了杯茶走，好掂，唔太甜。D茶好滑，剛剛好。抵佢發。由於時間關係，我冇食其他野，但相信都唔錯吧！