雷橋燒肉日本料理 (Closed)

在和朋友想著晚餐吃什麽好時，無意閒看見雷橋燒烤放題的招牌，又剛好很久沒吃放題了，便來試試看。一來到看著門口已經感覺這餐廳高大上了，雷橋還真有條橋，另外還有些日本特色工藝品不倒翁。服務員帶我們入座后，我們開始了2小時的飢餓時間。這家放題餐廳又很多不同種類的菜式，除了烤肉還有刺身，認真划算。我們都很喜歡吃海鮮，當然拼命點刺身和海鮮啦^^三文魚感覺一般般，雖然色澤鮮紅剔透，但口感很一般，不夠新鮮。青口，我個人很喜歡吃。這裡的青口挺不錯。頂級的和牛象徵著最奢華的味蕾享受。細密分佈與牛肉間的脂肪給予和牛肉優越的口感和味道。雷橋的和牛自稱是黑毛和牛，而黑毛和牛是牛肉中高級的等級。我們看到是黑毛和肉，立刻點了各種不同味道和部位的牛肉。特別推薦：黑椒上腿内肩肉與脂肪的分佈很均勻，但不能烤太久，不然肉質會變硬。潔白的脂肪和鮮紅色的瘦肉間隔，就像大理石一樣的花紋，聼朋友說和牛的脂肪越多，肉就會越嫩。吃下去口感果真就像在你的舌尖融化，並留下如同醇厚威士忌的絲調光滑感。原本想說吃完刺身和烤肉后，還要再吃點其它小吃，但最後因爲我們都太飽，吃不下了。不過這次晚餐讓我和朋友對這間餐廳留下不錯的印象。

好想回味大阪燒肉的美味 Search左好多食評 揀左呢間其實入前有猶豫 279 一個唔算抵 但一場黎到即管試下一入 有刺身 同燒既大蝦送 份量計人頭 普通無乜大問題 放題燒肉來了 之前看到好評很多 結果 ....款式都多既 叫ok 正常接受啦 燒落就知 食評是看完要再三思的 或許期望高了 冰櫃取出的肉 要燒熟才敢吃 卻燒熟又好乾 乾得黎無乜味 完全要靠沾燒肉汁 然後又要不停換鍋 都黑了 食物數量係多不過飲品一人又只有一瓶 雪糕一球咁多 仲要未食完未埋單就上 公眾假期 夜晚明明都無乜人 都趕你走咁 所以呢 可一 都真係不可再 食評係要三思的 

個Account開左咁多年都好似係第一次寫食評。團購野食一向普通，唔會預高質，但係去到神級既地步都應該係第一次刺生，炸物佢都唔係重點，差都係理解既，雖則我未試過食刺生番點既係甜蛋，蟹柳同鮑片，炸蠔夠膽咬落去仲有D生粉水咁野出黎既總之好多都係食用不能燒肉 - 先講最好果2樣係墨魚咀同豬頸肉~~~~好!入正題，牛，肥得只有油，食落口得陣蘇味，唔怪得佢D牛肉上檯全部都係黑椒同辣椒粉，最慘係咁多粉都係得蘇味，即係你去佳寶買Pack肥牛番屋企煎都好食過佢，又或者連漢陽丸食韓燒都仲有牛味過佢總結 - 成晚得罐道地烏龍唔係伏，其他野根本係挑戰劣食之首 - 明將，巴C打們用劣食心態去食應該OK架

 今日就同一眾食得同事嚟到呢間日式烤肉，其實食左幾次韓式之後，都係時候食返次日式了！一去到裝修唔錯幾有氣氛，檯同檯之間算多空間，即使多人但都唔會太嘈。因為訂左檯，我哋好快已經有位啦！所以唔想等嘅朋友記得要訂檯。我地好快就落左單，野食亦都好快到，呢到嘅落單速度唔錯，唔錯等好耐。呢個肉類拼盤有齊五花肉，牛舌同牛小排等等，五花肉雖然貌似好多脂肪，但燒落又唔會太油，個人認為好出色，入口唔會太膩，可以繼續食多幾塊，而牛小排肉味濃，並冇因為佢係放題而用一啲次級嘅牛肉，符合我牛之達人嘅要求！牛舌同牛肋肉都係上佳之選，牛舌比想像中冧，亦都幾重口味，烤到個邊小小燶，口感更佳，不過個人覺得薄左少少。芝士竹輪反而係驚喜，佢入面啲芝士鎖實哂，燒到半焦，好正！總體嚟講呢間放題形式嘅肉，我會比五隻牛滿分！

成班fd有男有女都係食任食放題抵啲，費事班食肉獸食完又話唔飽！銅鑼灣雷橋整體都幾對板，一開始肉類未到就食住啲刺身同熟食先，種類都幾多，沙律醬多到嚇親，蟹子脆卜卜，都幾大碟。刺身沙律又不錯喎。天婦羅等等炸物都幾OK，炸到甘脆，都幾夠熱。牛盛來了！雜錦牛肉有齊牛柳粒、牛舌、肥牛、牛肋肉，落鐵板燒一燒就食得，點埋燒烤汁都幾鮮！雜錦豬尤其係五花腩真係不得了，又肥又多肉，脂肪分佈平均，好邪惡！仲計人頭送隻大虎蝦，燒到變色食得～唔似一般任食燒肉總係會食到又梅又痴殼嘅蝦，雷橋今次又幾新鮮喎！埋單仲有雪糕食，士多啤梨同雲呢拿就係movenpick，另外曲奇同綠茶都係日本直送。

韓燒食得多, 今日又來吃日燒, 無他的, 始終日燒的食材質素高, 醃的功夫也巧妙點雷橋跟不倒翁有什麼關係? 不清楚了, 但大大小小的不倒翁倒是很有趣的, 我想應該像是招財貓之類的功用吧?凹下去的座位什麼也有的店, 生的熟的也有先來熟的就是炸物, 他們的蠔跟年糕也特別不錯, 味道新鮮而且口感軟燸其他天婦羅也不會太厚粉, 功夫不差值得一讚是他們的牛肉雪花漂亮, 脂肪分佈平均, 但醃料也實在太多了吧? 看看前面的那幾塊, 就見到黑椒粒既大且多...飲品比較一般, 建議飲用汽水他們用的鐵板不太會燒焦食物, 很不錯看蝦燒得黃金的樣子~實在不錯啊!這個沙律就略略乾身了點, 水份不足cookies and cream, 看上去比較冰, 有一層薄薄的冰在上面呢...

中意食熱氣野嘅我，今次黎到銅鑼灣區嘅雷橋日式燒烤。本身我地只係expect有燒烤，並無諗過連呢啲前菜，沙津，刺身都有供應，真係一次過滿足我地好多個願望！！大家無諗過係一間專食燒烤嘅餐廳，都會有蟹籽雜菜沙津，帶子蕃茄沙津，而且味道仲要唔錯，蟹籽，帶子份量俾到足，絕對唔會偷工減料，抵讚！！前菜亦都比一般嘅日式餐廳出色，醬汁無咁濃烈，較易入口！！刺身方面亦同樣出色，大大盤鮮味十足嘅海鮮刺身，無論係甜蝦定係吞拿魚，都同頂級嘅放題無咩分別 ;)全晚嘅主角，就係各款肉類嘅登場。肥牛片，牛肋骨，牛仔粒，五花腩等等全部都係我嘅至愛，而呢度嘅肉件，完全都好新鮮，而且紋理分明，脂肪比例恰到好處，基本上只要輕輕一燒，香氣撲鼻，都足夠令人滿足！！

同好耐冇見嘅朋友出嚟gathering，因為本人超愛吃肉，就揀咗呢間嚟食，位置亦都唔難搵，入去大厦一上就是了入面嘅環境都幾雅致， 有部分嘅位係榻榻米。一坐底我哋就先點咗刺身嚟頂頂肚先之後就進入戲肉喇!!!!我愛嘅肉!!!係肉呀!!!!!望望個點餐紙，嘩!!勁多肉有得揀呀!!!其中一口牛肋肉我哋不斷叫不斷上，因為佢實在係太好食喇!!!完全滿足到我食肉獸嘅食慾!!牛舌都當然係 must item啦!爽嫩嘅口感實在太完美了吧！

雷橋這一回算是我遇過頗奇怪的用餐經歷。買了團購, book了8點-10點那round, 心想假期前夕, 早點上去看看什麼情況, 越走越不對勁, 樓梯好, 好都沒人的, 7:45pm便上到去了, 門口水靜河飛, 裏面的食客也寥寥可數, 此乃一奇矣。第二奇, “攞枱”時, 突然有個惡形惡相的食客衝著雷橋的staff大吵大鬧說裏面沒有staff serve他的那桌子, 說說了很多次都沒人理他, 說什麼再沒有人serve他便要坐出來。正常的話, 有個食客在門面大吵大鬧, 餐廳大概有個“人”會控制一下場面吧…可是, 我不見有“人”做什麼, 當那個食客透明似的, 帶位的繼續帶位, 那個食客衝著那帶位的繼續問這算是怎樣, 最後, 那帶位的大聲的說你唔滿意你可以依家就走。 說畢, 直行直過,眼尾也沒再望過那食客了。 我和友人看傻了眼。 我和友人安座後迅速點菜, 也點了每人加$40任飲(包括紅酒, 清酒, ashaxxx啤酒及無酒精飲料)。 那些點菜紙, 菜名好架勢, 什麼黑毛和牛, 七味美國極上肩胛肉, 黑椒極上肩胛肉, 黑毛豚肉, 上桌是失望的, 所謂七味或黑椒, 只是一“渣”七味粉/黑椒撒在第一

之前在很多團購網見過此店，今天，朋友說想吃放題，我便想起它，於是walk-in來了。到達時約19:30，店裡坐位仍有3分之2空著，不需要等便進來用餐。食物質素一般，不過不失，上菜速度可接受，環境尚算寬敞，侍應們（除了其中一個）的服務態度也不錯，回應快，感覺友善。朋友聚餐若重點在於「聚」，這店本來算是一個不錯的選擇，但由於其中一個侍應的態度惡劣，令今晚的歡聚蒙上污點，我決定以後不會再來。事緣我們歡聚閒聊而忘卻其用餐限時已過（其實已沒有再點食物），那位惡劣的侍應便走過來，很大聲呼渴我們說用餐時間已過，他們要時間清潔桌面。其實當時仍有4分之1的客人在用餐，同時外面並沒有等位的人，難道只需要清潔我們這一枱嗎？其餘的就不需要嗎？當然，我們明白他的意思是要我們離開，我們也準備走，並作走的準備---去廁所。因為公司需要報銷，便向一位友善的侍應要回收據。約5-10分鐘那收據仍沒有送過來，突然，那個惡劣的侍應走過來很大聲地罵我們，說你們已經超時，還不走。大爺，我們在乖乖地等你的收據呀！旁邊的那幾枱客人和我們進來的時間也差不多，不是也是超時嗎？是否因為我們只有幾個女生容易被欺負？  今時今日這種服務態度

韓燒或放題大多是在晚上進行, 但在午餐就放縱地品嚐我是第 1 次的,襯著假期可以與朋友吃飽後來過瘋狂 shopping 嘛,所以地點選了在銅鑼灣啦~雷橋在大街的大廈內所以很易找到, 也蠻多人會在假日品嚐,烤肉放題嘛, 坐位設計是半榻榻米方式, 即是腳可放下,不用屈曲又能坐在榻上囉~刺身我是個比較心急的人, 尤其是食那方面, 所以一到達就先點上可即食,不用自已慢慢烤燒的囉, 有壽司、小食等, 而刺身也尚算新鮮呀~吞拿魚手卷紫菜還很脆口, 如果吞拿魚可以再大片點就更好了~蕃茄沙律可能始終是剛起床不久, 需要新鮮又酸甜的食物來刺激一下食慾呢~燒烤類我們幾個也較喜愛牛肉, 所以大部份也是它囉, 肉汗豐富,肥瘦適中, 還有不同調味可選, 以放題來說, 質素已很不錯喇~

食慣韓燒緊係點d其他地方無既特色野試下啦! 吹水墨魚嘴 聽個名好似有d中伏feel,炸既就食得多自己燒都系第一次!燒既時候發覺d汁已經好香, 味道醃得不錯,食落口好入味同埋一d都唔韌.朋友最愛既黑椒五花肉,一燒d油脂即刻溶曬出離,入口即化,無油膩感,不過都系唔洗燒太耐~唔系就會窿架啦 肉類做得好入味,最下面既醬油豬頸肉我一個人K.O.左起碼5塊!!燒到兩面都微微起焦,脆脆地相當誘人!!!諗起又想食啦!!茄子同南瓜唔係好識燒,燒完好似未熟咁..,睇真d原來係朋友熄左火 自己又整極都開唔到!拿拿林叫店員幫手開翻!好彩店員都無黑面仲好樂意幫我地手,自己都有d唔好意思..哩度仲有好多和食,好似沙律同魚生飯,我就無叫到但見到隔離台叫左客三文魚生飯d三文魚超厚!!下次一定要留肚試先得~!!!

同細妹都中意食韓式燒肉，今次就黎食下雷橋的烤肉如何話説燒紫薯和南瓜都非常考功夫,我同細妹都唔係好識點控制好在有服務員幫我地燒埋，仲教我地要點樣燒先正確紫薯很甜,不用蘸醬料也有清新的甜味,口感有點煙韌,薄薄一片,只要不斷兩面反轉燒就不會燒焦了.魷魚須燒的時候還會動,可見真的挺新鮮的!入口爽口煙靱,秘製醬汁很惹味,剛放下去燒就香味四溢.很快就被我們清光光!還有去殼的帆立貝,味道較淡,要蘸醬料伴著吃.

好姐妹就黎生日，想請她在銅鑼灣吃飯，選個可以多人坐的餐廳，於是乎黎雷橋烤肉黎到見門口已經有幾檯等緊位，好彩我地前兩日打電話book左位食物種類都算多,第一次幫襯無咩心水,叫左個雷橋盛合諗住樣樣試下拎上台店員仲問我地要唔要講解邊d打邊d  不得不讚好細心!!!芝士里肌肉我同朋友都覺得好香芝士味~但一d都唔漏喔!即刻order多幾客燒菠蘿食過,但自己燒真係第一次啦!!如果厚翻dd會更多水,建議大家唔洗燒咁耐,唔係舊菠蘿就會無曬水無咁好味呢環境方面：大台雖然不多，但如果提早book台都係有大台坐，整體都算乾淨，食物幾新鮮

又食放題喇!! 幾位老友拉我黎食之前應承自己，唔食太多肉類費事又增肥，但係一黎到開餐已經將所有野拋諸腦後…放題真係我既死穴，仲要加埋日式燒肉！未開始燒之前先叫左啲前菜、熟食，炸野有天婦羅、蕃薯仔、餃子等等，質素正常。雖然主打燒肉，刺身壽司質素都唔錯，尤其刺身種類好多添，見啲刺身咁靚仔，倒不如放到鐵板燒一燒，遙身一變即成為一款自製火灸三文魚壽司，嘩真係似模似樣唔錯唔錯！燒肉到，正式開餐！有齊牛柳粒、牛舌、肥牛、牛肋肉等部位嘅牛五式盛盒，望落就知新鮮，而且肥瘦度岩岩好。啲肉仲有埋調味，燒落好香！最好食係牛柳粒肉味濃好軟諗，反而牛舌燒起黎會韌難咬。什錦豬肉盛盒同樣好出色，五花八門，尤其是五花腩油香四溢，食到忘我唔記得咗自己要減走啲豬腩肉添…人頭送嘅虎蝦大大隻，仲新鮮離殼，燒到變色就食得，蝦肉爽口！唔好以為淨係得肉食，蔬菜種類都唔少，有菇、南瓜、車厘茄、菠蘿等等，都要扮下健康，有得食有得玩整埋個笑面出黎！埋單仲有Movenpick食！！減肥，咩黎架？