雷橋燒肉日本料理 (Closed)

買了團購,本身BOOK了8點..早到了,可以即時入座入座了發現飲品不是任叫的,每人限飲1杯,要任飲就要每人加$20我們都點了任飲,然後就開始叫食物~食物種類有牛,豬,羊,刺身,壽司,天婦羅,烏冬,小食等等一開始就來了大蝦,是送的啊~我們叫了日式燒番薯,可是送來不久後就吃,都是冷的,不是應該熱的嗎?刺身都只是一般,雞軟骨則是非常非常鹹上了牛和豬,燒了數件.發現盛載牛肉的碟上有小強,我嚇到說不出話.我伴侶看見後把整個碟交比WAITER..我地都驚到唔記得將佢影低....然後不久後WAITER就將新的一碟拿過來,並且道歉雖然已經拿走了那碟,但是我的食慾已經大減.不時還會想起那隻生物...所以吃得不太飽加上那些肉類煮熟了本來也是無味的,需要點醬汁才有醬汁的味道.五花肉燒完後則很乾牛肋骨就OK的.燒完後不會很"硬".除左第一輪叫的肉類是有調味料外,之後叫的肉類本來應該是加了七味粉或黑椒的(MENU聲稱是有的),可是上菜都沒有調味料,需要自己加上.之後叫韓式泡菜,但是WAITER說沒貨..吃到最後就吃MOVENPICK雪糕綠茶味很讚,朱古力味還OK的.埋單後送了張COUPON,可是我不會再光顧,原

見圑購有優惠，連服務費合共$174(每人)，便一行五人試了，但真是一分錢一分貨，真係極度失望，刺身質素差唔單止，仲要切到紙咁薄，又細舊，我地五人，毎次只給四塊，唔夠分，到喉唔到肺。肉類仲離譜，差不多每款都係靱到咬唔開，唯一炸物叫好食D，但原來留意到隔離枱嘅賣相比我地精緻D(可能不是圑購價錢),咁我寧願比多D錢去大X屋食啦!希望其他為食朋友唔好再中招喇!劣劣劣

在團購見到promotion, 心想燒烤都唔會難食得去邊，抱住一試心態。結果失望而回。叫了menu大部分食物，全部都十分難食。基本上所有食品都冇乜味。牛肉沒有味道，也咬唔開。豬肉都是一樣。雞肉都可接受，不過冇理由只食雞肉。刺身十分難吃，用料又差。帶子比五毫子重細。有圖為証！唯一可以係movenpick雪糕。差不多價錢有比這裡好的多的放題，不明白為什麼這麼多好的食評！千萬別中伏！

之前食過兩次都覺得幾好隔左一段時間無去 見近期comment幾好咁仲今次去完全中伏食物質素差 刺身無鮮味燒肉又硬又粗糙 完全無味又咬唔開燒既海鮮細細粒都唔緊要 唔新鮮賣相差照上枱炸物完全唔熱 如果要$228既價錢食係完全唔值得 寧願俾多少少錢去食大x屋/漢x質素肯定好佢好多睇相見人影得好靚啲肉排得好整齊 到上枱只係一堆肉堆埋一堆唔知自己食緊邊款最離譜既係 為左自己安全入座前請枱頭望下天花部冷氣有部一路開一路狂震同搖搖下隔離枱客都驚要搬過啲坐 好心提個經理部冷氣咁好危險驚成部跌落黎會壓到啲食客 點知個肥經理(似係老細)態度勁差:話震左兩年都未跌唔中意既下次唔好黎俾千幾蚊食飯仲要受氣如果真係跌落黎壓到人你道歉都太遲如果一唔like就咁惡趕客走 希望你啲客趕極都仲有

We went there for the lunch buffet, and it was a rather disappointing experience. To start with, they only offer one drink per person, if you want more, then add $20 per head just for the drinks.We ordered beef to try it out, they presented the dishes nicely, but the beef itself was really chewy, we couldn't actually eat it. We tried all kinds of beef, and none of them was acceptable. Some of them even came with the frozen ice on it. I was really disappointed to be honest, because I have tried t

上星期同朋友gathering，book左呢間放題，因為之前有朋友介紹話刺身幾正，同埋可以食2個鐘，岩晒我地成班女仔一路食一路傾。門口裝飾得幾令，幾有特色，坐位係有少少凹入去個隻，夠大，舒服。前菜先黎左個沙津，沙津比想像中大盤，真係估佢唔到，有好多蟹子，沙津醬唔會好酸，平時我食沙津只會食少少，因為唔鐘意啲好酸既沙津醬，但今次接受到，食左大半碟，好岩我口味。加左30蚊刺身任食，有十款大路款，雖然唔算話好多，但就夠大件夠新鮮，淨係食魚生都已經飽左七成。雖然飽飽地，但面對甘正嘅燒肉，又點可以唔食呢，話哂呢度燒肉先係大佬! 由於唔係款款肉都識，最後決定咩肉都嗌D，一於食盡佢! 呢度燒肉果然名不虛傳，肉質夠鮮嫩，唔會覺得好dry，食落啖啖滋味，啖啖肉! 其實total加埋刺身任食都只係$168，係CWB黎講唔算貴，我諗我都會同屋企人再黎食多轉。

前幾日媽咪生日，佢最鐘意食日本野，所以book左燒肉放題同媽味食餐好既!一開lift門就見到decorate得好靚，係影相位黎，坐位好闊落，好舒服，唔會big big gip gip，因為媽味最唔鐘意啲餐廳坐得唔舒適，值得一讚！燒肉大大話話都有廿幾款，有和牛 豚肉 雞，叫左幾款店員推介，最鍾意係醬油豬頸肉同一口牛，平時少食牛既我，今日破介了!以為燒完D肉會好乾，No!點埋醬食一流!每件肉嘅肉味都好重，口感好煙韌，食左一件就開始忍唔住係甘食係甘燒! 的確有D實力!呢到啲刺身款式都唔少，每樣要左少少試一試，大大盤放得好靚，所以當然係相機食先，三文魚都夠大塊，蟹棒好食，八爪魚唔會好un，好新鮮，螺肉超級正，比起其他放題好好多，唔會覺得好霉，又新鮮又大粒，希靈魚就差少少，有一兩舊苦苦地，不過整體都算唔錯。

本宮出巡，同朋友行街行到咁上下，係時候醫下個肚仔，朋友話想試下雷橋，朋友推介就試一試，本身諗住冇book位應該要等，好好彩上到去唔洗等位，直入！叫左幾種肉，本宮至愛既三種係：醬油豬頸肉 一口牛肋肉 黑椒肩五花肉豬頸肉好正，好juicy，唔會好油，燒完唔會變到好乾身，個醬好好味，同豬頸肉好match，味道岩岩好，大讚！一口牛細細粒，好"的色"，好易燒，但如果再濃味啲會好啲（本宮比較重口味），但so far都ok 好食黑椒五花肉肥瘦適中，口感唔錯，唔會好油，五花肉配黑椒，燒完之後啲黑椒入晒啲肉到，好濃郁，味覺好豐富！本宮最愛既粟米，係必食item，日本粟米一向都以甜聞名，呢到都唔例外，超級甜，燒完唔會覺得乾身，感覺好fresh，正好中和一下食左咁多肉既罪惡感。

和男友剛剛在銅鑼灣看完戲，肚子餓得打鼓，在Openrice搜索了一陣子，看雷橋的評價好像不錯，就來試試看吧!! 我們七點半左右到達，$228一位，可以任吃兩小時。枱面上放有多款的點餐紙，除了主打的燒肉，還有多款海鮮,刺身,壽司,沙律,天婦羅和小吃等等，選擇非常多，令人眼花繚亂。刺身拼盤入面應有盡有，包括三文魚、吞拿魚,希靈魚、鮑片和帶子等等。我最喜歡的是三文魚和帶子。帶子雖然面積不算大，但勝在夠鮮味；三文魚不但切得夠厚身，而且油香味頗濃。極上肩胛肉賣相相當不錯, 眼看牛肉的脂肪比例平均,已經吞了吞口水。這個只要烤大約二十秒左右就完全熟透，我自己偏愛完全熟的牛肉。肉質十分嫩滑，而且肉汁豐富，非常juicy。燒肉拼盤裏面分別有黑椒牛舌根肉、黑椒上腿內肩 、一口牛肋肉、七味肩肉五花肉、胡椒肩五花肉等。每一款肉類都以不同的調味料帶出其鮮味，當中牛舌軟靭適中，其他則油脂較豐膄，入口幼滑而不膩。我最喜歡這裡的一口牛肋肉，將牛肋肉每邊都燒一燒，可以鎖住肉汁。一咬下去，肉質完全不會韌，非常鬆軟，而且牛味頗重。豚肉也相當不錯，油花豐富，燒的時候肉汁不斷從豚肉滲出。一入口的時候油香滿溢，而且不會太過油膩。

日本燒肉放題倒是第一次去吃, 原來不會似韓燒放題般要自己走出冷凍櫃處取生料, 哈 ... 又一大體驗!為甚麼要選雷橋, 我相信是被雜誌廣告洗腦, 那正如在街上逛街時忽然遇著口乾, 腦袋不期然會告訴你去找間7-11吧!從升降機裏走出來 ... 午市喔, 怎麼這般昏暗!  等了不久便有侍應生引領我們, 橫過這條 ... 奈 (咳咳), 唔好意思 ... 橫過這條 雷橋 ~估計食店是想日間多採用天然光, 加上適量的電燈膽幫助, 為環保盡一分力。午市放題包一杯非酒精類飲品, 不如立刻從剔剔紙處剔食物吧 ...廚師會把我剔的食物, 分門別類地拼在碟上而填多少塊便給多少塊。今次是黑毛和牛與黑豚配, 如此漂亮的肉紋與肉質, 根本不用任何調味才算是給它們的尊重。只要輕輕的把肉兩邊燒熟, 入口無渣、油腴的肉質, 肉味濃而無被鬆肉粉殺害, 大讚!除了黑毛和牛及黑豚, 還有海鮮、蔬菜、風草雞是可以燒, 當中的太平洋海螺是我認為較特別的燒烤生料, 味道就哈哈哈哈~怎樣也好, 雖然是兩小時任食但是也要懂得惜飲惜食, 咪做大嘥鬼!

一個食評既可信性同客觀值就非常重要坊間亦有吾小餐廳會請人寫鱔稿我自己就親身食過 發現冇呢度寫得咁好咁正虎蝦兩隻有送 野飲包一杯都係堅 而刺身一坐底送果盤就靚 追加果d就差到喊帶子仲細過福建炒飯入面果d 甜蝦仲細過蝦米三文魚又懶得飛埋面頭果d灰黑色既野牛肉果d其實冇呢度影得咁靚仔 普普通通豬肉雞肉都吾錯  羊架就薄身 吾係厚肉不過海鮮呢度真係完全吾得 青口用藍殻 但太細 冇乜肉食 我情願你用翻紐西蘭半殻青口好過 起碼大隻d 蝦就俾冇頭既 細細隻咁 有原隻就very good 所海鮮叫左一次已經冇叫其他蟹子沙律吾夠沙律醬 撈吾曬所有青瓜絲天婦羅先omg 食得出係新鮮炸 但個炸漿吾得 炸完出黎吾脆 林pepe咁 成口油食雪糕又係搞笑 好啦 last order既時候問我食乜味 咁我聽到有綠茶咪叫 然後食食下無神神有人放低2碟雪到好硬既綠茶雪糕(唔係散裝,用碟上) 我心諗唔係M字頭散裝咩好彩我心情靚 女朋友都話算 就唔搞事照食 因為果陣我都仲燒緊 爐上面又有野食你又黎雪糕仲要係就咁畢出黎果d 唔溶就奇啦 姐係你想我即刻食定溶左比我同你換先 搞到我食完雪糕已經食唔落爐上面既野lol整體黎講 肉類

日式放題店大多數都以壽司、刺身、火鍋為主打, 以日式燒烤做放題的, 不是沒有只是比較少 .... 三月中的某日, 我們三人眾到 銅鑼灣 逛街跟著便一直沿路行兼覓食~眼利的太座見到大廈的牆身有廣告牌, 於是我們便上樓光顧~一出升降機門, 即時 "嘩" 了一聲! 因為這個裝修實出太出人意表, 太過獨特了~座位也有分為 日式貼地的坐位和矮桌、正常檯檯凳凳、日式卡座~跟一般的放題店一樣, 要㸃菜就寫點單紙~看似強壯穩重的燒烤板! 還油光滿臉呢!剌身拼盤算是厚切吧, 剌身夠鮮味也沒雪氣, 個人覺得三文魚腩是比較好吃, 因為油脂味夠濃~極上肩胛肉賣相美觀, 肉排得整齊, 脂肪比例平均, 色澤紅潤, 我喜歡吃偏生的牛肉, 烤數秒便入口吃, 肉質十分嫩滑富彈性, 肉味滿溢, 也帶有嚼勁, 很夠活力~ 雜錦燒肉拼盤賣相美觀, 肉排得整齊, 個人覺得牛舌比較好吃, 舌味豐郁之餘也十分滑嫩~ 牛肋肉也是好貨, 當然燒得香口與否, 滑嫩與否, 就得看烤肉者的手勢 .... 一場造化了~雜錦牛肉主打之外, 我們什麼也點了一些, 雞肉、腸仔、粟米 .... 一切都不過不失, OK啦~總括而言, 侍應生的服務態度良

從前對於日式燒烤，不甚去過，可是最近也多了去過。平常吃日式燒烤，多會在晚上吃的，可是氣氛較好吧。不過在平日的午餐，吃個日式燒烤，感覺不知會是怎樣呢？於是乎趁午飯有多一點時間，就去位於銅鑼灣的雷橋燒肉日本料理，作為今天的午餐。不過如果不為意的話，那麼很容易行過咗龍。餐廳環璄不俗，很有和風的味道，單是入問兩邊的仿櫻花，加上前面的日式木公仔，已感受到日本文化的氣息，而用餐區方面，則有日本非常傳統的榻榻米，以及以四至六人的梳化座，感覺到已經非常舒適，又不會迫狹。在下連餐牌都沒拍照，就點了東西吧。既然是燒肉，當然有黑椒牛舌根肉、岩鹽美国極上肩胛肉、黑椒上腿內肩 、一口牛肋肉、葱醬油帶骨牛肋肉、七味肩肉五花肉、胡椒肩五花肉等。每一款肉類都以不同的調味料帶出其鮮味，當中牛舌軟靭適中，其他則油脂較豐膄，入口幼滑而不膩。刺身併盤則有三文魚，三文魚腩，帶子，玉子，八爪魚，甜蝦，希靈魚及海螺。當中當然最愛的三文魚及吞拿魚吧。每一款刺身都是鮮甜新鮮，當中三文魚腩更是油脂豐富，吃起來也感幼滑。海螺則煙靭有咬口。另外又點來雞翼，腸仔，菠蘿及青瓜，來一個更全面的燒烤。當然雞翼味道不錯，青口也很爽甜。粟米不用說，是清

呢一次已經係我第三次來雷橋,以往比我既經驗係,味道不算出色,但以抵食為主,因為日式燒烤放題出面唔算多選擇.而且呢間野開係銅鑼灣方便我呢.跟據上次經驗,呢度既肉類係會遠比海鮮出色.但有樣野好奇怪,唔知點解每一台都有大蝦送,係我無....唔緊要,佢地指定一開波送上剌身拼盤和雜錦肉類.樣子都幾討好,剌身都係大路野,不過不失,不算新鮮也不是中伏.肉類既肉味不會好濃,始終不是冰鮮肉,但係係醬汁既扶持下,還是一個好享受.首選是雞翼,醃得入味又香口,辛味那種更有層次.其次係七味肩五花肉,即是7味粉五花腩,半肥瘦燒起來就是油份重,入口滿是豬味.呢度既沙律都幾大份,O岩哂我,食咁多燒肉就係要食多點菜平衡下.以不大期望下,暴飲暴食,還是滿足的缺點是飲品包一杯,任飲要加錢.

近來為了一個project 晚晚OT到好夜，好彩身邊有一班好同事，唔係嘅話真係好難捱。當然除左有班好同事，要夜晚食返餐好嘅點都唔少得，有個同事以鍾意食燒肉見稱，所以我地就約埋其餘2個朋友，一齊傾下我地個曼谷之旅嘅詳情。最近都食左好多韓燒，今次決定試下日燒，所以揀左係銅記嘅呢間日燒店，老實講日燒店點同韓燒店鬥，我近日嘅觀察係日燒店以放題應戰，所以我地呢班漁人就用二百幾嘅抵食價，就可以任燒勒~ 抵過韓燒多多聲~ 呢間雷橋地點係好方便，基本上銅記B或者C出口過條馬路已經到，雖然架升降機窄左少少，基本上一架只能載到4個人...... 入到去又覺得其實幾得意，又有得扮日式咁坐，又有得正正常常有張長枱坐，而且枱嘅組合都好多，基本上多人又得，少人又得，而我地就坐在係好有情調的日式卡座。睇返啲MENU，個人認為外型嚟講, 有啲似我地會考嘅MC 表格...... 以二百幾蚊嚟講選擇都多，又有刺身又有小食，不過只包一罐飲品，個人嚟講有少少焗你要俾錢飲多罐，又或者可以飲佢地提供嘅茶，都唔係硬性要你再叫嘅~首先我地叫左個沙律，我無諗過呢度啲沙律份量咁大，啲蟹籽好似落左成碗咁，啲沙律醬要落得好平均，每一條青瓜絲