神虎麺商店

Open Now

Now Closed

神虎拉麵大角咀分店，其實呢間分店都食過三次，以前係有日本廚師駐場，今次去日本廚師好似已經唔喺度，我就一定神虎呢個最大推介，超大豚角煮赤虎拉麵，之前每一次我去都係食普通神虎拉麵，今次一於試吓赤虎拉麵，開頭以為普通料辣姐，原來都越食越辣，我一路食一路流鼻水，今次終於飲唔晒啲湯，而男友依然鍾情沾麵，佢話水準同以前差唔多，依然飲晒沾麵嘅所有湯，之前我都有飲晒啲湯，但係今次個辣到真係飲唔到，佢又唔係真係超級辣，但一路飲一路流鼻水所以都係放棄。今次都keep到之前水準，有機會想食拉麵都會行過去🍜

今日男友想食拉麵，帶我去試吓佢以前喺灣仔食過覺得幾好食嘅拉麵店，不過今日嚟咗大角咀間分店試試～🔸黑虎拉麵 ʙʟᴀᴄᴋ ɢᴀʀʟɪᴄ ᴏɪʟ ʀᴀᴍᴇɴ $98黑虎拉麵即係黑蒜油豚骨湯拉麵，配料有一塊叉燒、兩粒豬肉丸、幾塊木耳～湯底豬骨味濃，但略嫌唔夠黑蒜油味麵質口感正常，不過唔算掛湯叉燒偏薄偏瘦，唔會太乾柴，但相對比較淡口一啲，唔算太吸引豬肉丸係店家自家製嘅，有手打肉丸嘅口感，調味方面黑胡椒味突出，整體唔錯有驚喜🔸黑虎精選拉麵 ʙʟᴀᴄᴋ ɢᴀʀʟɪᴄ ᴏɪʟ ʀᴀᴍᴇɴ sᴘᴇᴄɪᴀʟ $142黑虎精選拉麵同樣係黑蒜油豚骨湯拉麵，加了’精選‘嘅不同之處係多咗一舊豚腩肉、一隻溏心蛋、味付筍同紫菜～豚腩肉軟稔入味，入口即化，非常出色溏心蛋夠流心，蛋黃都有微微嘅醬油味，值得一試！🔸神虎餃子 ᴋᴀᴍɪᴛᴏʀᴀ ᴅᴜᴍᴘʟɪɴɢs $45餃子控嚟到拉麵店都必定會叫餃子嘅～餃子係落單後即煎，餃子皮金黄香脆，入口熱辣辣有肉汁～餃子餡係豬肉，帶微微薑味，調味恰度好處加埋附上嘅微酸帶胡椒香味嘅餃子汁，平衡返煎餃嘅油膩感，唔錯～整體嚟講食物質素中規中矩，店員親切，但舖面較細，坐得唔太舒服，加上食物都係即

星期日,12：30本身想去食大丸拉麵,但見排隊太多人,結果轉場.來到呢一間,剛好唔洗排,我就點咗一碗海老虎精選.相信應該一碗一碗煮,所以時間需時.第一啖,湯底十分濃郁,滿滿櫻花蝦乾.有香濃既蝦味,唔錯,湯油脂亦比較重,適合重口味嘅人.其中最有驚喜就係厚身豚腩肉,皮薄有燒焦,十分香口,油脂很重,肉身脂肪高（一半是脂肪）,我有入口溶化感覺,店家煮得十分之淋,非常入味.印象對相深刻.至於其他配料,豚肩肉,雞蛋,肉丸,木耳等等相對上正常.沒有什麼特別.湯底對我來講中規中矩,只有香蝦油味,但缺乏其他香料或調味特出蝦鮮味,或者因為miso base 蓋過太多味道；反而厚身豚腩肉相對出色.

想不到小食咁出色，煎得金黃香脆可口，講緊係神虎的餃子。中午係大角嘴醫肚，找來這家「神虎拉麵」，店面企理好有拉麵感覺，就坐低叫碗叉燒拉麵試吓先！🥢黑虎叉燒拉麵 $98初頭以為佢細細碗，食落都幾大碗嘅，叉燒不過不失都醃得入味，拉麵爽彈掛汁，湯底也不錯有豬肉味。🥢叉燒蛋飯 $63份量有點細適合女士們嘅小鳥胃。🥢神虎餃子 $45出奇好食的竟是餃子，煎得金黃色外脆香口，內餡是有豬肉香的肉肉，仲好香軟多汁，味道簡直叫好。👍😋神虎餐牌

店員連廚師都全無笑容，門口有人等就急急趕客，男店員喺客人後面大聲話門口排長龍，係咁喺客人食緊嘢嘅時候都趕住收嘢，要客人一邊個口咬住嘢嚟就佢收嘢。單身客人原本喺旁邊張櫈放咗2大袋嘢，被店員要求攞起，話要攞張櫈，客人回應話要走了，然後已立刻執嘢起身，男店員都好不滿，埋單時連多謝都冇講一句。晚上8點左右，好多食品都話賣晒，很受歡迎的辣芽菜更係一定唔會有，叉燒飯、沙律都話賣晒，有客人叫冷面，都話可能無，要問吓，聽到好多枱客人都係叫乜冇乜，個個都好無癮，如果想食到想食嘅嘢，就勸大家請早或去食午餐，否則只會一肚氣，好失望佢哋完全做唔到日本拉麵店的服務質素同待客之道！

吃一碗拉麵🍜幾時都係咁滿足，走到大角咀居然遇到由灣仔開到過嚟呢度，bookmark咗好一段時間都未有機會試到嘅日本🇯🇵過江龍 #神虎麺商店 🍜.見到餐牌上有好多種唔同嘅湯底可以揀，仲有幾款小食同飲品供應。環境算係幾闊落，坐喺吧枱對住師傅其實都幾開心，有得睇又有得食🍜———————————————————————————🥢海老虎🐯🦐🍜💬海老即是蝦🦐，蝦湯底幾時都係考慮之列，端上枱見到大量櫻花蝦已經非常心動💓，幼切紫洋蔥🧅、木耳、香蔥夠足料；叉燒薄片唔係賣點，反而有驚喜嘅係豚肉丸🍡，味道真心唔錯，見到無寫可以追加😅。麪質係幼麵麪都幾彈牙，略感覺湯越食越稠杰，下次可以試吓其他湯底😅.🥢神虎餃子🥟💬猶豫咗一陣叫唔叫好，$45 有5隻又好似幾吸引，好大隻勁多肉汁💦流出嚟，仲有蘸埋胡椒醋確係非常重要，絕對無有錯😅

Ok好食。會再幫襯。我中午12點去到唔多人。個湯好夠熱，質感好滑好creamy。豚肉薄簿地但滑。醬油蛋味度ok（但流心多啲更好）個肉丸係特別但味道普普通通。個蝦湯好濃，鐘意蝦湯的必定要試。麵份量剛剛好啦。個餃子都不錯，外脆有肉汁（有點似鍋貼)。

第一次惠顧神虎拉麵當然要點Signature 的神虎拉麵， 先呷一口湯底，係非常濃郁的豬骨湯， 湯麵有一浸薄薄的油脂， 味道非常貼近日本的拉麵店， 喜歡豬骨湯的朋友應該會十分欣賞。 個人喜歡加上少許七味粉提升味道。配料有肉丸， 流心蛋和兩片薄豬肉片，(不太確定是否叉燒)。 肉丸不過不失，流心蛋非常入味，但個人卻不太欣賞叉燒 覺得太薄， 若果可以配上厚切叉燒就好。埋單盛惠103沒有加一。 在大角咀區這不算便宜 但質素非常好尤其湯底，值得再三回味。

今次同朋友試咗佢嘅神虎同海老虎，另外加左$12嘅味付荀。嗰時原本想嗌神虎精選（有齊曬所有配料），但係又唔係話好肚餓，見到幅圖好似好多配料咁樣，驚自己食唔曬，所以就冇嗌到精選。基本上神虎同海老虎都ok，海老虎嘅湯底會濃啲，肉丸、溏心蛋同埋叉燒都正正常常。唯一令我想打呢篇食評嘅係佢嘅荀，一擺上枱嘅時候我心諗，嘩份量咁多嘅，於是急不及待咁試咗一嚿.......好多渣，口感一般，但係最大問題係有一種奇怪嘅味，好似好多水再溝啲豉油咁嘅味，又未至於話臭，但係我食個時差啲吞唔落。最後，成碟荀有一大半都冇食，其實我都唔想浪費食物，但真係食唔落。

最近試咗哩間喺大角咀開咗分店嘅大阪過江龍-神虎麺商店（另一間分店係灣仔～）同其他拉麵店一樣設有吧枱同少量2人檯 環境夠光猛 員工都好友善💚·海老虎精選 $140啱晒有選擇困難症嘅大家 呢款拉麵乜配料都齊晒 可以話係拉麵界嘅過橋米線啊！豚腩肉用左西班牙豬 厚身而不油膩 亦唔會過韌～湯底有大量櫻花蝦同下蝦油 好足料！其他配料包括有：叉燒、豬肉丸、糖心蛋、味付筍、紫菜、木耳、青蔥同紫洋蔥👏🏻·神虎沾麵 $116有啲失策 叫左熱麵底 平時我都記得叫凍…不過好彩麵都夠煙韌👍🏻叫咗200g已經好飽 大胃王可以挑戰下300g～沾麵汁份量剛剛好 唔需要加湯 食完一碗麵啱啱好用晒啲汁 但略嫌唔夠濃味 所以我加左啲魚醋去調味🙌🏻·炸雞塊 $48好大舊 炸得夠酥脆 唔會好油膩～#𝙛𝙚𝙞𝙜𝙡𝙤𝙧_𝙚𝙖𝙩📍 神虎麺商店 (大角咀)大角咀埃華街74號大同新邨大成樓地舖@kamitora_tonkotsu

🇭🇰神虎麺商店·我哋嗰日其實本身係想去食大丸拉麵嘅 但係佢嘅人龍係由街頭排到街尾 超誇張🙊所以我哋最後就決定嚟呢間我地之前喺灣仔食過覺得好食嘅拉麵啦🍜🍜·神虎$103 l 黑虎$98今次兩碗拉麵我哋都好鍾意 神虎其實就係豬骨湯底 佢個豬骨味濃得黎 完全唔會油膩 而且超掛湯 之後佢個麵質都煮得好好 超彈牙🤤🤤佢入面除咗有叉燒之外仲有啲豬肉丸 食落唔錯 配埋佢啲木耳絲同埋芽菜口感超豐富😎之後黑虎其實就係黑蒜油湯 佢呢個食落就濃味啲 層次感豐富啲 不過佢呢度嘅拉麵唔知點解要等比較耐 我哋坐低之後都等左差唔多30分鐘個拉麵先黎🙊🙊·神虎餃子$45之後佢個餃子都唔錯 佢係超級juicy 入面勁多肉汁 而且神奇地佢呢個係快過個拉麵黎既🥟😂😂·#rbyeat#rby日本菜 #rby拉麵#rby大角咀 #rby灣仔·📍大角咀埃華街74號大同新邨大成樓地舖📍灣仔大王東街6-16號安東大廈地舖

#黑虎精選 🍜有豚腩肉+叉燒+豚肉丸+溏心蛋 & 其他配料豚腩肉超級大嚿，雖然有啲肥但啲油香好正，肉質夠腍唔鞋口豚肉丸都幾好食，其他配料正常水平拉麵就軟硬適中，不過個湯我覺得黑蒜味唔太出#神虎餃子 🥟皮唔算厚，餡料都多肉汁唔會乾爭爭#炸雞塊 🐓熱辣辣炸起，皮脆內嫩，會#辛辣大豆芽菜 🌶(無影到相) 非常惹味開胃，作為前菜一流P.S. 我將啲味付筍俾哂同事食，結果佢自己追加嘅食唔哂成碟剩響枱，正一大嘥鬼😮‍💨

天氣又涼又落雨濕濕，忽然想食碗熱辣辣既麵。大角咀既拉麵都試過其他，呢間就未試過，今次就試一試佢會唔會有返左日本既感覺。兩個人食左兩碗拉麵，一份炸雞（勁大份）同一份前菜，整體黎講份量有啲多，但味道方面都唔錯，就算食雞食到有啲膩都唔後悔🤣神虎湯頭係豬骨熬煮顏色偏奶白，入口有油脂既香甜，亦有綿綿既質感。一向鐘意原味系列既我會俾8/10分。麵條既軟硬度一開始係適中，如果食得比較悠閑好似我咁啲麵都幾快變軟，如果填order既時候可以揀軟硬度就好喇😚另一個加分位一定係佢既洋蔥topping，始終豬骨湯食到最後會比較易膩，洋蔥完全係除左蔥以外最好既選擇，清爽香甜又唔會辛辣，唔鍾意食洋蔥就記得預先同佢地講聲唔好加喇！如果有埋味荀就更滿足，不過味荀係可以加錢要既。呢碗麵其中一個配菜係兩粒肉丸，其他拉麵鋪都未試過碗麵有肉丸，味道不過不失啦，唔會有咩驚喜。而一碗拉麵既靈魂人物「叉燒」，都幾滑幾大塊，絕對唔係食緊豬肉渣。佢另外有精選系列，貴啲但係叉燒會用伊比利豬，朋友試過就覺得幾好食，適合肥肉愛好者。赤虎辣味會搶咗豬骨湯原本嘅香味，但因為加咗辣亦都令個湯底更加惹味，而且赤虎既辣味好立體。拉麵嘅質感好好同呢個湯

聽人講大角咀美食多籮籮平日好少踏足大角咀既我都忍唔住同友人一齊朝聖第一站就黎到依間拉麵店一坐低就聽到隔離個小朋友係咁話好好味好好味心諗 有冇咁誇張呀等我試真佢！！一坐低就叫咗兩個拉麵，一個神虎一個黑虎兩款麵都幾大碗吓黑虎味道偏鹹，個麵我覺得有少少淋不過食神虎既朋友就話神虎堅好食仲話咩佢個蒜味同佢個湯簡直係精髓仲食到lamlam脷呀睇佢食到咁招積，我都忍唔住不佢啖湯黎試下一試不得了..重口味人士必推呀！！

聽講呢間係日本過江龍開嚟香港嘅拉麵店😁 終於有時間去試下啦~今次試咗佢嘅神虎精選同埋黑虎， 加多份日式餃子🤣神虎精選就會多一嚿豬肉咁嘅嘢， 比較大舊，幾肥美，都幾好食❤️ 其他配菜同另外幾款拉麵差唔多，都係有雞蛋， 肉丸，叉燒， 筍等等... 神充嘅湯底好似豬骨湯底， 味道的還可以~即刻落嚟講下黑虎， 黑虎其實就係黑蒜拉麵，不過就冇雞蛋， 得肉丸叉燒木耳等等🤣 黑蒜嘅味道比其他地方淡啲， 食落唔會太鹹， 所以都ok😁最後就講下日式餃子， 餃子皮有少少厚，感覺有啲似日本餃子嘅味道crossover中國餃子， 所以我自己唔太鍾意😂 唔夠似日本餃子feel~不過整體嚟講都滿意嘅，當然有更加多拉麵店比佢好食， 但係佢又唔算太差， 日本拉麵店嚟講都算係不過不失啦🤭