金田家 (Closed)

今更和朋友在荃灣逛街買notebook，順道在荃灣找東西吃。最後我們在荃新天地的金田家吃拉麵。一坐低侍應已很熱情招呼，立即奉上前菜和menu，並推介我們吃拉麵，咁梗係揀拉麵試下啦。辛子黑蒜拉麵侍應自遠處捧過來時我已經知道這碗拉麵是我的，因為佢黑蒜味勁重，遠遠都聞到它的味道。第一下當然是先試湯底，重黑蒜加豬骨味，岩晒我呢D重口味。而麵是我喜愛的幼拉麵，類似九洲拉麵，很有咬口。豚肉軟滑，吃下去有入口差不多溶的感覺。黑豚拉麵我朋友選了黑豚拉麵，一上來就見到黑豚鋪滿碗邊，很震撼！朋友選擇了麵的硬度為硬，佢話覺得口感剛好，有𡁻口！拉麵的重點係湯，湯濃而不膩，飲多咗都唔覺滯。拉麵可以追加其他配料，有溏心蛋、豚肉、木耳等，所以我地食肉獸都各自追加左一份豚肉及溏心蛋。溏心蛋煮到岩岩好，整個蛋黃都介乎於流心再熟一點，很有蛋香。我地都覺得黑豚同叉燒最大分別係黑豚腍好多，叉燒都好夠肉味，但黑豚的口感同味道係更高一個層次！鹽燒鯖魚鯖魚燒得剛剛好，不用怎樣調味，稍稍加點鹽花已將鯖魚的味道提升。再曬上檸檬汁，更把口腔內的魚油清除，給人清新的感覺。另外我們也點了蘋果汁和橙汁。整體而言，這間食店的拉麵真的不錯，很有到

同姊妹去荃新天地行街，行到攰攰地就隨意走左入呢間金田家度食拉麵。餐廳裝修別緻用心帶有日本風味，特別喜歡天花板上掛滿嘅波波燈，又靚又實用。餐牌厚厚一本圖文並茂，十分清晰。辛子黑蒜拉麵 ($88) - 湯底黑蒜油味十分香濃，除咗腩肉叉燒之外仲有木耳同紫菜，腩肉叉燒腍滑，食到豚肉嘅鮮味，麵身幼滑彈牙，配上爽口嘅木耳及香口嘅紫菜，豐富又好食！柚子辛口拉麵 ($98) - 豬骨湯底十分濃郁，紅蔥粒帶有清新嘅柚子味，配上幾片叉燒，香口辣椒醬及爽甜芽菜，別有一番風味！我哋追加咗幾樣配菜同拉麵一齊食:溏心蛋 ($14) - 蛋黄流心，蛋白柔軟彈牙， 蛋味香濃。黑豚叉燒 ($33) - 有4片薄身大大片，夠腍滑，味道唔錯。木耳 ($7) - 份量足，十分爽口，加入拉麵份外滋味。另外仲點咗個小食，鹽燒鯖魚 ($46) - 肉質實淨juicy，帶有魚油香味，燒得香口好食。蘋果汁 / 橙汁 ($18/杯) - 天氣乾燥，飲返杯果汁補充下維他命就最適合。餐廳環境闊落，坐得好舒服，我哋就係咁食下嘢，休息下再重新出發！

咁啱嚟到荃灣，見到金田家就突然好想食拉麵，因為之前食過其他分店，覺得唔錯，所以決定再嚟食一次。對比其他分店來講，荃灣係比較多類型，有提供飯同蕃茄沾面。一坐落鋪位好闊落，位置亦都好多，仲有卡位。一坐低就見到有三個前菜，之前去過分店其他都冇，值得一讚！今次食咗主菜鰻魚飯同豚骨拉麵，先講鰻魚飯，一嚟嘅時候有嚇親，因為價錢唔算貴，但係鰻魚嚟嘅時候好大條。另外啲汁亦都好夠，因為之前試過食出邊嘅鰻魚飯，唔夠汁撈飯完全乏味。基本上可以每啖都有鰻魚。另外值得一讚嘅係鰻魚燒得好香，再加上冇乜骨！另外講下豚骨拉麵，今次加咗底同黑豚，因為上次啲面唔夠食，一如以往面既粗硬度可以簡，好貼心。湯底好濃，而叉燒嘅邊係脆，而入邊嘅肉肥瘦分明！最後都加咗拉麵必備嘅溏心蛋，正！最後都加左小食，食咗炸蠔，值得一讚嘅係啲粉唔會太厚，而蠔都冇腥，呢個小食我下次會再食！今次係第一次去荃灣分店，下次都會再去因為真係多嘢揀啲！

不嬲都有留意金田家嘅拉麵，見到佢不停開分店今次喺荃灣開新分店仲要係商場入面，位置勁方便所以嗰日行完街就坐低喺金田家到食晚飯。餐廳其實都幾多人下，夜晚有時都仲要等位，不過好在餐廳嘅位置較多同埋夠闊坐得好舒服。餐廳嘅拉麵仲有好多款式，而我就叫咗最傳統嘅黑豚骨拉麵仲可以揀面嘅硬度，我自己就覺得硬件比較有口感食落去比較好食，而且黑豚拉麵團肉嘅份量亦都非常之多直頭係差唔多食唔晒，肉嘅份量認真夠多。而朋友就叫咗柚子辛口拉麵，平時都好少食辣味嘅拉麵而且仲要陪埋有子嘅味道，食起上嚟好特別但係就冇咗拉麵嗰種豚骨味道，而且柚子嘅味道冇咁出反而辣嘅味道就會比較出啲但係如果想食特別味道嘅拉麵的話應該都可以一試。我哋仲每人加咗一隻溫泉蛋溫泉蛋嘅味道亦都好好唔會太過熟透食落去甜甜地調味唔錯。小食方面我哋就叫咗個南瓜炸薯餅,出奇地個薯餅係超級好食,而且好酥脆嘅口感真係勁正。另外我哋叫咗兩款飲品，我就飲咗波子汽水而朋友就叫咗可以必思，因為依間拉麵店嘅定價唔貴所以我覺得性價比都幾高下。

同老公行過幾次都見排哂隊咁所以有日襯得4個人排隊, 就埋去排下~~可以裝下廚房搞緊咩, 有呢D配料(另有紅薑)我地都叫左豚骨拉面湯底飲落好舒服, 都算濃味, 我最開心係見到佢比左好多蔥不過如果多2片肉就好了, 是關..片得好薄XD面係呢雒幼面另外叫埋唐揚雞塊,, 睇落好似炸過龍(同餐牌個樣完全唔同樣HAHA), 但係咬落都仲JUICY, 調味都不錯~

今日同朋友去左荃灣，揀左呢間餐廳試下。一試又真係ok餐廳既裝修都好日式配合番佢既主題，我覺得門口d燈籠幾靚！拉麵、小食都有得叫。拉麵黎之前仲有小菜，有中華沙律、仲有甜甜地紫薯，同埋雜菜。我叫左個柚子辛口拉麵，酸酸辣辣咁都幾特別個拉麵一上黎，當然係要試左個湯底先啦！有別於其他濃郁既醬油湯底，柚子既酸味幾開胃、酸加辣既味好夾。個拉麵入面仲有柚子味既洋蔥，好爽、酸酸地、好正！另外，仲叫左碗豚骨拉麵，個湯底好濃郁。雖然兩碗拉麵都好足料，但係鐘意食肉同糖心蛋既我地都係加左料雖然腩肉叉燒同埋黑豚叉燒都好好食，不過個人推介黑豚叉燒多d除此之外，我地仲有叫到吉列豪食吉列豪個皮好趣、加埋d檸檬汁係上面帶出左佢既鮮味，旁邊仲有沙律醬可以蘸

路過商場先發現原來新開左一間日本餐廳，本身已經非常喜愛日式拉麵，加上見門面裝修幾有特色，所以決定一試。每台本身有檸檬水，唔係水喉水，依個已經值得加分。餐牌選擇都算多，麵又可以選擇硬度，再加分。我地一共點左一碗拉麵，一個叉燒飯，加一個關東煮，再加一個甜品。上菜時間好快，拉麵中上水準，合乎預期。不過叉燒比較硬，飯亦太淋。。。關東煮同甜品蛋糕都幾好，一個非常入味，一個甜度適中。兩個人晚飯結帳大約200多左右，價錢合理，值得推介~

成日出街食飯睇戲，好耐冇去荃灣接男朋友收工喇～今晚打算一齊簡簡單單食個拉麵，點知都幾有驚喜～超豐富的前菜每人一碟，三款都不錯。柚子辛口拉麵$98如果覺得拉麵很膩的朋友可以選這個～因為有柚子的關係，微酸的味道中和了油膩感，加埋辛辣的調味，辣得來帶點清新雞白湯豚骨拉麵$85如果唔食辣，雞白湯都係一個好選擇。湯底比較甜身，質感都比較濃郁，好似雞湯煲左好耐的感覺。追加溏心蛋 $14每人各自要一隻先夠黑豚叉燒$33黑豚叉燒比普通叉燒再肥美Ｄ，而且肉質比較滑溜。粟米$7鹽燒鯖魚 $46呢個燒鯖魚真的不錯，難得冇用好重調味料，仍然完全唔腥，燒得香口，就算唔點汁都好好味。可爾必思 $20波子汽水 $25價錢唔貴，湯底同埋餸都好味，上菜又快，真係幾滿意。下次要來試期間限定的蕃茄沾麵先得！

早排同朋友去咗荃灣金田家, 因為俾門口大牌燈籠吸引咗注意力, 又見到做緊10月期間限定嘅沾麵, 就一於試下佢。叫完食物一陣就有前菜上, 真係唔對拉麵店會送前菜, 而且味道都唔錯, 唔另外收錢但一啲都唔求其。呢個蕃茄沾麵睇到個湯底好濃, 食落都好夠蕃茄味, 但由於個器皿隻係平時裝沾麵嘅碗, 所以食到後面個湯會凍左。 佢啲薄切豚肉幾有豬肉味, 仲配有溏心蛋。 個麵都幾彈牙嘅又掛到湯, 所以我覺得都ok 。 朋友就叫咗個平日都有供應嘅柚子辛口拉麵, 佢評價都話好食。 我地額外加咗份叉燒, 肉質夠嫩, 配埋湯底一齊食都幾好食。 不過佢個鹽燒鯖魚最好食, 個皮脆脆地熱辣辣, 個魚完全唔腥。

係荃新天地一期新開左金田家呀，又可以朝聖了。呢度中午太多人食，所以我地好醒目，6點過黎，趁人地未放工，舒服地食左先。睇下有咩好食先，金田家有新產品，除左拉麵，有飯類可以選。落左單，有前菜送，食住等先！激辛拉麵，有三片腩肉叉燒，半肥瘦，正！個湯底辣味夠之餘，又啱香港人口味，加埋軟硬適中既麵條，食完成個人爽晒。柚子辛口拉麵，有3片超大黑豚叉燒，啱晒大食既叉燒控。呢個湯底真係食到柚子味架，係微辣既湯底中滲出清新既柚子味，好特別！仲可以加錢追加食物，點少得糖心蛋呢，追加黑豚叉燒大大塊，好鍾意。男爵薯餅，炸得又脆又香口，都係大大件，好抵食！仲有牛肉餡同紫薯甘栗餡兩個口味添。飲品叫左蘋果汁同玄米茶。

今日行過citywalk見到金田家無咩人，就走入去試下有別於其他拉麵店好窄既座位，金田家座位好寬躺，而且有卡位，坐得好舒服😌⭐濃湯豚骨拉麵 （$58送可樂及加一）係香港食開拉麵都知，無$100一定落唔到樓，但係金田家午市只係$58，仲要有野飲真係幾抵😆🤘✨拉麵黎到，第一時間當然要飲啖湯🌸💕雖然話濃湯，但係同其他拉麵店相比就唔太濃，食得多都唔會口渴叉燒有三塊，都幾多肥豬肉😗麵質有得揀硬，普通同軟。我地揀左普通，但係食落都係偏硬食完之後侍應妹妹走黎問需唔需要加添原來可以無料加添麵底一次😍😍😍但可能個湯凍左，食落比較遜色🙃總括黎講環境，食物質素同價錢都令人非常滿意💖

今日同朋友行開荃灣見到荃新天地開咗間金田家新分店，之前我係銅鑼灣已經食過，覺得好正，一直想返兜，好惜地點比較遠，返工又忙，所以一直冇機會，而家係屋企附近開咗間分店，梗係要試下啦！一去到發覺地方比銅鑼灣更寬敞，而且坐位間隔都勁寬落！坐得好舒服，而且卡位有落地大玻璃望住街景，景觀一流，坐低之後我地急不及待叫嘢食！首先嚟到係小食”吉列蠔”佢外層炸得非常鬆脆可口，入面既蠔肉又大又多汁，咬落肉汁四濺，令人齒頰留香！我仲叫咗一杯叫可爾必思既嘢飲，因為之前飲過，覺得超特別又好飲，所以決定要encore，佢好似香焦奶昔溝益力多，配埋冰粒，非常消暑，好適合天氣熱喝！所以大家有機會一定要試試！之後上既係”柚子辛口拉麵”!佢既拉麵可以自由選擇軟硬度，我比較喜歡食口感度高既拉麵，師傅果然煮得剛剛好，食落好有靭度，佢地既日本叉燒又大塊，而且肉質鮮嫩多汁，配埋佢地秘製既辣醬，簡直係一絕，值得推薦俾大家！

金田家呢個名一早就聽過難得荃灣Citywalk開左梗係要一試---幾豐富!呢到有提供前菜特別要一讚佢個豆好好味,好清甜配料都好足仲有個好有趣既磨芝麻器黎到試下你就知幾有趣和風番茄沾麵依家做緊呢個promote仲要係citywalk期間限定冇理由唔試啦沾麵湯蕃茄味好濃好足料入面既肉亦都索晒香濃既蕃茄味而沾麵既掛湯能力都唔錯不過略硬左少少總體黎講係好值得推介濃豚骨拉麵湯底係好濃厚細滑既豚骨湯亦都食到好香既油脂味叉燒肉味香濃,而且脂肪入口即溶,肥而不膩腩肉叉燒(追加)其實即係豚骨拉麵既叉燒但因為分開放左,所以相對乾d但只要浸返落個湯到就一樣咁好味黑豚叉燒(追加)比普通既叉燒又更上一層樓因為佢有更香既豚肉濃香而且唔會騷仲口感鬆軟,值得一試溏心蛋口感creamy,蛋味香濃既一個溏心蛋男爵薯餅(牛肉薯餅和紫薯甘栗薯餅)一道好好既小食外層炸得金黃香脆食落去食到好香既薯味特別係紫薯甘栗薯餅加上肉同薯既比例調配得好好口感唔會鬆散好值得一試飲品叫左波子汽水同蘋果汁重拾兒時回憶波子汽水仲好貼心地幫我開埋唔洗怕搞到成手都係

見到今天金田家荃灣新開張，所以經過荃灣都決定黎試一試！荃灣分店比其他分店多左類型，多左鰻魚飯沾面，決定點都要試下！呢間位置好闊落坐得好舒服，亦都有卡位選擇。一黎有三個前菜試下，仲有中華沙律！今次叫左一個豚骨拉麵同鰻魚飯，首先講下豚骨拉面先，第一可以自己揀面既粗硬度非常貼心，另外湯底係濃味，亦都唔多油，個人認為值得一讚係叉燒，出邊個邊脆脆地，肥瘦肉分布均勻。追加就叫左溏心蛋同黑豚！個人應為黑豚真係值得佢嘅價錢，薄切但好有肉味！另外仲叫左鰻魚飯，真心覺得鰻魚飯幾抵食，鰻魚好大塊又厚肉，基本上可以每啖飲都有鰻魚，個人好鍾意食鰻魚，呢個鰻魚飯要等因為佢要燒過，熱辣辣，正！最後食晒成個飯！另外小食叫左軟殼蟹，真係原隻咁上，脆脆地，送拉麵一流！覺得荃灣分店真係值得一黎，因為多類型過其他分店好多。下次會再去食！

金田家就食過好多次，但荃灣店真係第一次食。一坐低就已經feel到同其他分店有唔同，因為佢係無落單紙填的，睇menu後更發現食物種類都唔同啲😍，事關荃灣店有飯類同沾麵等，都係其他店無出現過的！仲有前菜送和風蕃茄沾麵（$88）沾麵係採用全麥麵，較粗身，仲會配埋荀、木魚同蛋🥰；湯底係偏傑身，蕃茄味十分濃郁，仲帶有鰹魚風味，飲落好有層次。而將麵條逐部份咁浸落湯底，好輕易就可以掛到湯底嘅味道，最最最估唔到係裡面有咁多塊叉燒，好足料，落埋芝麻就更香口更完美。由於太欣賞個湯底而且唔想浪費，所以就叫多個替玉（$12）黎沾一啲都唔輸泄當然身為蛋怪嘅foodpigss🐷🐷係要加返隻溏心蛋（$14）啦咁就變成左完美嘅兩碗沾麵，仲更實惠😎Btw. 雖然menu話係October Limited，但🐷🐷係十一月去都仲食到，所以確實幾時完真係唔知。另外仲食左啲小食炸軟殻蟹（$46）好惹味，個人較愛點咖哩粉🥳吉列蠔（$58）炸得金黃色，咬落好脆，裡面嘅蠔都肥美且鮮甜最後就用一杯🐷🐷覺得有點兒少嘅蘋果汁（$18）作為今餐嘅句號。